ອົບພະຍົບ 7:9 - ພຣະຄຳພີສັກສິ

⁹ “ຖ້າ​ກະສັດ​ຟາໂຣ​ບອກ​ພວກເຈົ້າ​ໃຫ້​ເຮັດ​ການ​ອັດສະຈັນ ຈົ່ງ​ບອກ​ອາໂຣນ​ຈັບ​ເອົາ​ໄມ້ຄ້ອນເທົ້າ​ຂອງຕົນ​ຖິ້ມ​ລົງ​ຕໍ່ໜ້າ​ກະສັດ​ຟາໂຣ ແລ້ວ​ໄມ້ຄ້ອນເທົ້າ​ນັ້ນ​ກໍ​ຈະ​ກາຍເປັນ​ງູ.”

ອົບພະຍົບ 7:9 Jak'a apnaqawi uñst'ayäwi

ອົບພະຍົບ 10:13

ດັ່ງນັ້ນ ໂມເຊ​ຈຶ່ງ​ຍົກ​ໄມ້ຄ້ອນເທົ້າ​ຂຶ້ນ ແລະ​ພຣະເຈົ້າຢາເວ​ກໍ​ເຮັດ​ໃຫ້​ລົມ​ຈາກ​ທິດ​ຕາເວັນອອກ ພັດ​ມາ​ສູ່​ປະເທດ​ເອຢິບ​ຕະຫລອດ​ເວັນ​ຕະຫລອດ​ຄືນ. ພໍ​ຮອດ​ຮຸ່ງ​ເຊົ້າ ລົມ​ກໍໄດ້​ພັດ​ເອົາ​ຝູງ​ຕັກແຕນ​ມາ​ຢ່າງ​ຫລວງຫລາຍ.

ອົບພະຍົບ 4:17

ຈົ່ງ​ຖື​ໄມ້ຄ້ອນເທົ້າ​ນີ້​ໄປ​ພ້ອມ ເພື່ອ​ເຈົ້າ​ຈະ​ໃຊ້​ເຮັດ​ໝາຍສຳຄັນ​ການ​ອັດສະຈັນ​ຕ່າງໆ.”

ອົບພະຍົບ 4:2

ດັ່ງນັ້ນ ພຣະເຈົ້າຢາເວ​ຈຶ່ງ​ຖາມ​ໂມເຊ​ວ່າ, “ແມ່ນ​ຫຍັງ​ທີ່​ເຈົ້າ​ກຳລັງ​ຖື​ຢູ່​ນັ້ນ?” ໂມເຊ​ຕອບ​ວ່າ, “ແມ່ນ​ໄມ້ຄ້ອນເທົ້າ.”

ອົບພະຍົບ 4:20

ສະນັ້ນ ໂມເຊ​ຈຶ່ງ​ຈັດແຈ່ງ​ໃຫ້​ລູກ​ເມຍ​ຂຶ້ນ​ຂີ່​ລໍ ແລະ​ກັບຄືນ​ສູ່​ປະເທດ​ເອຢິບ. ສ່ວນ​ເພິ່ນ​ເອງ​ໄດ້​ຖື​ໄມ້ຄ້ອນເທົ້າ​ຂອງ​ພຣະເຈົ້າ​ໄປ​ນຳ.

ອົບພະຍົບ 4:3

ພຣະອົງ​ຈຶ່ງ​ສັ່ງ​ໂມເຊ​ວ່າ, “ຖິ້ມ​ມັນ​ລົງ​ພື້ນດິນ​ເບິ່ງດູ.” ເມື່ອ​ໂມເຊ​ຖິ້ມ​ໄມ້ຄ້ອນເທົ້າ​ນັ້ນ​ລົງ​ພື້ນດິນ ມັນ​ກໍ​ກາຍເປັນ​ງູ ແລະ​ໂມເຊ​ຈຶ່ງ​ແລ່ນ​ໜີໄປ.

ອົບພະຍົບ 7:8

ພຣະເຈົ້າຢາເວ​ໄດ້​ບອກ​ໂມເຊ​ແລະ​ອາໂຣນ​ວ່າ,

ອົບພະຍົບ 9:23

ດັ່ງນັ້ນ ໂມເຊ​ຈຶ່ງ​ຍົກ​ໄມ້ຄ້ອນເທົ້າ​ຂອງຕົນ​ຂຶ້ນ​ສູ່​ສະຫວັນ ແລະ​ພຣະເຈົ້າຢາເວ​ໄດ້​ບັນດານ​ໃຫ້​ຟ້າຮ້ອງ, ໝາກເຫັບ​ແລະ​ໄຟ​ໄດ້​ຕົກລົງ​ມາ​ເທິງ​ໜ້າດິນ. ແລະ​ພຣະເຈົ້າຢາເວ​ໄດ້​ບັນດານ​ໃຫ້​ໝາກເຫັບ​ດັ່ງ​ຫ່າຝົນ​ຕົກລົງ​ເທິງ​ປະເທດ​ເອຢິບ.

ເອຊາຢາ 7:11

“ຈົ່ງ​ຂໍ​ພຣະເຈົ້າຢາເວ ພຣະເຈົ້າ​ຂອງ​ເຈົ້າ ສຳແດງ​ໝາຍສຳຄັນ​ຢ່າງ​ໜຶ່ງ​ໃຫ້​ເຈົ້າ​ເຫັນ. ສິ່ງ​ນັ້ນ​ອາດ​ຈະ​ມາ​ຈາກ​ແດນ​ຄົນຕາຍ ຫລື​ມາ​ຈາກ​ເທິງ​ສະຫວັນ​ກໍໄດ້.”

ເອເຊກຽນ 29:3

ຈົ່ງ​ບອກ​ວ່າ ຕໍ່ໄປນີ້​ແມ່ນ​ສິ່ງ​ທີ່​ອົງພຣະ​ຜູ້​ເປັນເຈົ້າ ພຣະເຈົ້າ​ກ່າວ​ແກ່​ກະສັດ​ແຫ່ງ​ເອຢິບ​ວ່າ, ‘ເຮົາ​ເປັນ​ສັດຕູ​ຂອງ​ເຈົ້າ, ເຈົ້າ​ເປັນ​ແຂ້​ຕົວ​ຮ້າຍກາດ​ທີ່​ກຳລັງ​ນອນ​ຢູ່​ໃນ​ນໍ້າ. ເຈົ້າ​ກ່າວ​ວ່າ​ນໍ້ານິນ​ເປັນ​ຂອງເຈົ້າ​ແລະ​ເຈົ້າ​ສ້າງ​ມັນ​ຂຶ້ນ​ມາ.

ມັດທາຍ 12:39

ພຣະອົງ​ຕອບ​ພວກເຂົາ​ວ່າ, “ຄົນ​ສະໄໝ​ຊົ່ວ ແລະ​ຄິດ​ທໍລະຍົດ​ຕໍ່​ພຣະເຈົ້າ​ສະແຫວງ​ຫາ​ໝາຍສຳຄັນ​ການ​ອັດສະຈັນ ແລະ​ຈະ​ບໍ່​ຊົງ​ໂຜດ​ໃຫ້​ແກ່​ພວກເຂົາ ເວັ້ນ​ໄວ້​ແຕ່​ໝາຍສຳຄັນ​ຂອງ​ຜູ້ທຳນວາຍ​ໂຢນາ.

ໂຢຮັນ 10:38

ແຕ່​ຖ້າ​ເຮົາ​ເຮັດ​ພາລະກິດ​ນັ້ນ ເຖິງ​ພວກເຈົ້າ​ບໍ່​ເຊື່ອ​ເຮົາ​ກໍຕາມ ກໍ​ຈົ່ງ​ເຊື່ອ​ໃນ​ພາລະກິດ​ນັ້ນ ເພື່ອ​ພວກເຈົ້າ​ຈະ​ໄດ້​ຮູ້ຈັກ ແລະ​ເຊື່ອໝັ້ນ​ວ່າ, ພຣະບິດາເຈົ້າ​ຢູ່​ໃນ​ເຮົາ ແລະ​ເຮົາ​ຢູ່​ໃນ​ພຣະບິດາເຈົ້າ.”

ໂຢຮັນ 2:18

ພວກ​ຜູ້ນຳ​ຢິວ​ໄດ້​ຖາມ​ພຣະອົງ​ວ່າ, “ເຈົ້າ​ຈະ​ສະແດງ​ໝາຍສຳຄັນ​ການ​ອັດສະຈັນ​ອັນໃດ​ໃຫ້​ພວກເຮົາ​ເຫັນ​ວ່າ ເຈົ້າ​ມີ​ສິດ​ເຮັດ​ການ​ນີ້?”

ໂຢຮັນ 6:30

ພວກເຂົາ​ຈຶ່ງ​ຖາມ​ພຣະອົງ​ວ່າ, “ຖ້າດັ່ງນັ້ນ ມີ​ໝາຍສຳຄັນ​ການ​ອັດສະຈັນ​ອັນ​ໃດ​ທີ່​ທ່ານ​ຈະ​ເຮັດ ເພື່ອ​ພວກ​ຂ້ານ້ອຍ​ຈະ​ໄດ້​ເຫັນ ແລະ​ຈະ​ໄດ້​ເຊື່ອ​ໃນ​ທ່ານ? ທ່ານ​ຈະ​ເຮັດ​ຫຍັງ​ແດ່?