ອົບພະຍົບ 7:23 - ພຣະຄຳພີສັກສິ

²³ ເພິ່ນ​ບໍ່​ສົນໃຈ​ໃນ​ເຫດການ​ນັ້ນ​ເລີຍ ແຕ່​ກັບຄືນ​ເມືອ​ວັງ​ຂອງ​ເພິ່ນ​ດ້ວຍ​ທ່າທີ່​ອັນ​ເບີດເສີຍ.

ອົບພະຍົບ 7:23 Jak'a apnaqawi uñst'ayäwi

ພຣະທຳ​ໂຢບ 7:17

ເປັນຫຍັງ​ມະນຸດ​ຈຶ່ງ​ສຳຄັນ​ຕໍ່​ພຣະອົງ​ແທ້ນໍ? ເປັນຫຍັງ​ຈຶ່ງ​ເອົາໃຈໃສ່​ຕໍ່​ສິ່ງ​ທີ່​ພວກເຂົາ​ເຮັດ​ນັ້ນ?

ເພງ^ສັນລະເສີນ 62:10

ຢ່າ​ສູ່​ວາງໃຈ​ໃນ​ກຳລັງ​ຂອງເຈົ້າ​ເດີ ຢ່າ​ຫວັງ​ຢາກ​ໄດ້​ມາ​ຈາກ​ການ​ລັກໂລບ ຖ້າ​ພວກເຈົ້າ​ເກີດຮັ່ງ​ຄູນມີ ເປັນດີ​ຂຶ້ນ​ກໍຕາມ ກໍ​ຢ່າ​ເພິ່ງ​ໃນ​ຄວາມຮັ່ງມີ​ນັ້ນ.

ອົບພະຍົບ 7:22

ແລ້ວ​ບັນດາ​ໝໍມົນ​ຂອງ​ກະສັດ​ຟາໂຣ​ກໍ​ໃຊ້​ຄາຖາ​ອາຄົມ​ຂອງ​ພວກເຂົາ ກະທຳ​ໄດ້​ຄືກັນ ແລະ​ກະສັດ​ຟາໂຣ​ແຮ່ງ​ໃຈ​ແຂງ​ກະດ້າງ​ດື້ດຶງ​ຫລາຍ​ຍິ່ງ​ຂຶ້ນ. ເຫດການ​ເປັນ​ໄປ​ຕາມ​ທີ່​ພຣະເຈົ້າຢາເວ​ໄດ້​ກ່າວ​ໄວ້​ທຸກປະການ; ສະນັ້ນ ກະສັດ​ຟາໂຣ​ຈຶ່ງ​ບໍ່​ເຊື່ອຟັງ​ໂມເຊ​ແລະ​ອາໂຣນ.

ອົບພະຍົບ 7:24

ຊາວ​ເອຢິບ​ທົ່ວ​ປະເທດ​ຕ່າງ​ກໍ​ຂຸດ​ນໍ້າສ້າງ​ຕາມ​ແຄມ​ແມ່ນໍ້ານິນ ຍ້ອນ​ວ່າ​ພວກເຂົາ​ດື່ມ​ນໍ້າ​ຢູ່​ໃນ​ແມ່ນໍ້ານິນ​ບໍ່ໄດ້.

ອົບພະຍົບ 9:20

ເມື່ອ​ໄດ້ຍິນ​ດັ່ງນີ້ ບັນດາ​ຂ້າຣາຊການ​ຂອງ​ກະສັດ​ຟາໂຣ​ບາງຄົນ​ກໍ​ເກີດ​ມີ​ຄວາມ​ຢ້ານ ໃນ​ຖ້ອຍຄຳ​ທີ່​ພຣະເຈົ້າຢາເວ​ໄດ້​ກ່າວ; ພວກເຂົາ​ຈຶ່ງ​ນຳ​ທາດຮັບໃຊ້ ແລະ​ຝູງສັດ​ຂອງ​ພວກເຂົາ​ເຂົ້າ​ສູ່​ບ່ອນ​ກຳບັງ.

ອົບພະຍົບ 9:21

ແຕ່​ຄົນອື່ນ​ທີ່​ບໍ່​ສົນໃຈ​ຕໍ່​ຖ້ອຍຄຳ​ຂອງ​ພຣະເຈົ້າຢາເວ ກໍ​ປ່ອຍ​ໃຫ້​ພວກ​ທາດຮັບໃຊ້ ແລະ​ຝູງສັດ​ຂອງ​ພວກເຂົາ​ຢູ່​ທົ່ງນາ​ກາງ​ແຈ້ງ.

ສຸພາສິດ 22:17

ຈົ່ງ​ຟັງ​ເທີ້ນ ຂ້ອຍ​ຈະ​ສັ່ງສອນ​ເຈົ້າ​ໃຫ້​ຮູ້​ເຖິງ​ຄຳ​ເວົ້າ​ຂອງ​ຄົນ​ມີ​ປັນຍາ ຈົ່ງ​ສຶກສາ​ຮຽນຮູ້​ເອົາ​ຄຳສັ່ງສອນ​ຂອງ​ພວກເພິ່ນ.

ສຸພາສິດ 24:32

ຂ້ອຍ​ຄິດ​ພິຈາລະນາ​ເບິ່ງ​ສິ່ງ​ທີ່​ໄດ້​ເຫັນ​ນັ້ນ ແລະ​ໄດ້​ຖອດຖອນ​ເອົາ​ບົດຮຽນ​ດັ່ງນີ້:

ສຸພາສິດ 28:14

ຜູ້​ທີ່​ຢຳເກງ​ຢູ່ສະເໝີ​ຈະ​ມີ​ຄວາມສຸກ ຄົນ​ດື້ດ້ານ​ໃຈແຂງ​ກໍ​ຈະ​ພິນາດ.

ສຸພາສິດ 29:1

ຄົນ​ທີ່​ສືບຕໍ່​ດື້ດ້ານ​ຕໍ່​ຄຳ​ບອກສອນ ກໍ​ຈະ​ຫຼົ້ມຈົມ​ຈົນ​ເຫລືອແກ້​ໃນ​ມື້​ໜຶ່ງ.

ເອຊາຢາ 26:11

ຂ້າແດ່​ພຣະເຈົ້າຢາເວ ເຫຼົ່າ​ສັດຕູ​ບໍ່​ຮູ້​ວ່າ​ພຣະອົງ​ຈະ​ລົງໂທດ​ພວກເຂົາ ໃຫ້​ຖືກ​ອັບອາຍ​ແລະ​ຮັບ​ທຸກ ຈົ່ງ​ໃຫ້​ພວກເຂົາ​ໄດ້​ຮັບ​ໂທດ​ທີ່​ພຣະອົງ​ຕຽມໄວ້​ນັ້ນ​ສາ ໃຫ້​ເຫັນ​ວ່າ​ພຣະອົງ​ຮັກ​ປະຊາຊົນ​ຂອງ​ພຣະອົງ.

ເອຊາຢາ 47:7

ເຈົ້າ​ຄິດວ່າ​ເຈົ້າ​ຈະ​ໄດ້​ເປັນ​ຣາຊີນີ​ສືບໄປ​ບໍ? ຈຶ່ງ​ບໍ່​ຄິດວ່າ​ເລື່ອງ​ຈະ​ຈົບລົງ​ຢ່າງໃດ​ແທ້? ແມ່ນແຕ່​ຄົນ​ເຖົ້າແກ່​ຊະຣາ​ກໍຕາມ ກໍໄດ້​ເຮັດ​ກັບ​ພວກເຂົາ​ຢ່າງ​ໂຫດຮ້າຍ​ທາລຸນ.

ເຢເຣມີຢາ 36:24

ແຕ່​ບໍ່​ເຫັນ​ກະສັດ​ຫລື​ຂ້າຣາຊການ​ຂອງ​ເພິ່ນ​ຜູ້ໜຶ່ງ​ຜູ້ໃດ ທີ່​ໄດ້ຍິນ​ຖ້ອຍຄຳ​ທັງໝົດ​ນັ້ນ​ແລ້ວ​ເກີດ​ຢ້ານກົວ ຫລື​ສະແດງ​ຄວາມ​ເສຍໃຈ​ແຕ່​ຢ່າງໃດ.

ເຢເຣມີຢາ 5:3

ແມ່ນແທ້ ພຣະເຈົ້າຢາເວ​ຊອກຫາ​ຄວາມສັດຊື່ ພຣະອົງ​ຂ້ຽນຕີ​ພວກເຈົ້າ ແຕ່​ກໍ​ບໍ່​ສົນໃຈ​ຮໍ່າຮຽນ; ພຣະອົງ​ໄດ້​ຢຽບຢໍ່າ​ພວກເຈົ້າ ແຕ່​ກໍ​ບໍ່​ຍອມ​ຮໍ່າຮຽນ ພວກເຈົ້າ​ດື້ດ້ານ​ທັງ​ບໍ່​ຍອມ​ຫັນໜີ​ຈາກ​ການບາບ.

ເອເຊກຽນ 40:4

ຊາຍ​ຜູ້ນັ້ນ​ໄດ້​ກ່າວ​ແກ່​ຂ້າພະເຈົ້າ​ວ່າ, “ມະນຸດ​ເອີຍ ຈົ່ງ​ເຝົ້າເບິ່ງ​ເຖີດ. ຈົ່ງ​ຕັ້ງໃຈ​ຟັງ​ແລະ​ເອົາໃຈໃສ່​ຕໍ່​ທຸກໆສິ່ງ​ທີ່​ເຮົາ​ສຳແດງ​ໃຫ້​ເຈົ້າ​ເຫັນ; ດ້ວຍເຫດນີ້​ແຫຼະ ເຈົ້າ​ຈຶ່ງ​ຖືກ​ນຳ​ມາ​ທີ່​ນີ້. ເຈົ້າ​ຈະ​ຕ້ອງ​ໄປ​ບອກ​ປະຊາຊົນ​ອິດສະຣາເອນ​ໃຫ້​ຮູ້​ທຸກໆ​ສິ່ງ​ທີ່​ເຈົ້າ​ເຫັນ​ນີ້.”

ຮາບາກຸກ 1:5

ແລ້ວ​ອົງພຣະ​ຜູ້​ເປັນເຈົ້າ​ກໍ​ກ່າວ​ແກ່​ປະຊາຊົນ​ຂອງ​ພຣະອົງ​ວ່າ, “ຈົ່ງ​ຄອຍ​ເຝົ້າເບິ່ງ​ຊົນຊາດ​ທັງຫລາຍ​ທີ່​ຢູ່​ອ້ອມຮອບ​ພວກເຈົ້າ ແລະ​ພວກເຈົ້າ​ກໍ​ຈະ​ປະຫລາດ​ໃຈ​ໃນ​ສິ່ງ​ທີ່​ພວກເຈົ້າ​ເຫັນ. ເຮົາ​ກຳລັງ​ຈະ​ເຮັດ​ໃນ​ສິ່ງ​ທີ່​ພວກເຈົ້າ​ຈະ​ບໍ່​ເຊື່ອ ເມື່ອ​ພວກເຈົ້າ​ໄດ້ຍິນ​ກ່ຽວກັບ​ເລື່ອງ​ນັ້ນ.

ມາລາກີ 2:2

ພວກເຈົ້າ​ຕ້ອງ​ຍ້ອງຍໍ​ໃຫ້ກຽດ​ເຮົາ​ໃນ​ສິ່ງ​ທີ່​ພວກເຈົ້າ​ກະທຳ. ຖ້າ​ພວກເຈົ້າ​ບໍ່​ຍອມ​ຟັງ​ໃນ​ສິ່ງ​ທີ່​ເຮົາ​ກ່າວ ເຮົາ​ຈະ​ນຳ​ຄຳສາບແຊ່ງ​ມາ​ສູ່​ພວກເຈົ້າ. ເຮົາ​ຈະ​ນຳ​ຄຳສາບແຊ່ງ​ມາ​ສູ່​ສິ່ງ​ຕ່າງໆ​ທີ່​ພວກເຈົ້າ​ໄດ້​ຮັບ​ໃນ​ຖານະ​ເປັນ​ປະໂຣຫິດ. ຕາມ​ຄວາມ​ເປັນຈິງ ເຮົາ​ໄດ້​ນຳ​ຄຳສາບແຊ່ງ​ນັ້ນ​ມາ​ແລ້ວ ເພາະວ່າ​ພວກເຈົ້າ​ບໍ່ໄດ້​ຢຶດຖື​ຂໍ້ຄຳສັ່ງ​ຂອງເຮົາ​ຢ່າງ​ແທ້ຈິງ.

ພຣະບັນຍັດສອງ 32:46

ເພິ່ນ​ຈຶ່ງ​ກ່າວ​ວ່າ, “ຈົ່ງ​ເຮັດ​ຕາມ​ຂໍ້ຄຳສັ່ງ​ເຫຼົ່ານີ້​ທັງໝົດ ຊຶ່ງ​ຂ້າພະເຈົ້າ​ໄດ້​ມອບ​ໃຫ້​ພວກເຈົ້າ​ໃນວັນນີ້. ຈົ່ງ​ສັ່ງສອນ​ລູກຫລານ​ຂອງ​ພວກເຈົ້າ ເພື່ອ​ວ່າ​ພວກເຂົາ​ຈະ​ໄດ້​ເຮັດ​ຕາມ​ຄຳສັ່ງສອນ​ທັງໝົດ​ຂອງ​ພຣະເຈົ້າ​ຢ່າງ​ຕັ້ງໜ້າ.

1 ຊາມູເອນ 4:20

ເມື່ອ​ນາງ​ກຳລັງ​ຈະ​ສິ້ນໃຈ​ນັ້ນ ພວກຜູ້ຍິງ​ທີ່​ມາ​ຊ່ວຍ​ນາງ​ຄອດ​ລູກ​ກໍ​ເວົ້າ​ວ່າ, “ຈົ່ງ​ເຮັດ​ໃຈ​ໃຫ້​ເຂັ້ມແຂງ​ເອົາ​ໄວ້ ເຈົ້າ​ໄດ້​ລູກ​ຜູ້ຊາຍ” ແຕ່​ນາງ​ບໍ່​ສົນໃຈ​ແລະ​ບໍ່​ຕອບ.