ອົບພະຍົບ 7:21 - ພຣະຄຳພີສັກສິ

²¹ ຝູງ​ປາ​ໃນ​ແມ່ນໍ້າ​ຕາຍ​ໝົດ ແລະ​ນໍ້າ​ກໍ​ເນົ່າເໝັນ ຈົນ​ຊາວ​ເອຢິບ​ດື່ມ​ນໍ້າ​ໃນ​ແມ່ນໍ້າ​ບໍ່ໄດ້ ເພາະວ່າ​ມີ​ເລືອດ​ທົ່ວ​ໄປ​ໃນ​ປະເທດ​ເອຢິບ.

ອົບພະຍົບ 7:21 Jak'a apnaqawi uñst'ayäwi

ເພງ^ສັນລະເສີນ 105:29

ພຣະອົງ​ໄດ້​ປ່ຽນ​ນໍ້າ​ໃຫ້​ກາຍເປັນ​ເລືອດ​ໄຫລ​ນອງ ແລະ​ໄດ້​ເຮັດ​ໃຫ້​ປາ​ຂອງ​ພວກເຂົາ​ຕາຍ​ໝົດກ້ຽງ.

ອົບພະຍົບ 7:18

ປາ​ຈະ​ຕາຍ​ໝົດ, ນໍ້າ​ຈະ​ເນົ່າເໝັນ ແລະ​ຊາວ​ເອຢິບ​ກໍ​ຈະ​ດື່ມ​ນໍ້າ​ບໍ່ໄດ້.”’

ອົບພະຍົບ 7:20

ແລ້ວ​ໂມເຊ ແລະ​ອາໂຣນ​ກໍ​ເຮັດ​ຕາມ​ສິ່ງ​ທີ່​ພຣະເຈົ້າຢາເວ​ໄດ້​ບອກ​ນັ້ນ​ທຸກປະການ ຕໍ່ໜ້າ​ກະສັດ​ຟາໂຣ​ແລະ​ບັນດາ​ຂ້າຣາຊການ​ຂອງ​ເພິ່ນ ອາໂຣນ​ໄດ້​ຍົກ​ໄມ້ຄ້ອນເທົ້າ​ຂຶ້ນ​ຕີ​ໜ້າ​ນໍ້າ ແລະ​ນໍ້າ​ກໍ​ກາຍເປັນ​ເລືອດ​ຢູ່​ໃນ​ທຸກໆ​ບ່ອນ​ທີ່​ມີ​ນໍ້າ.

ອົບພະຍົບ 7:22

ແລ້ວ​ບັນດາ​ໝໍມົນ​ຂອງ​ກະສັດ​ຟາໂຣ​ກໍ​ໃຊ້​ຄາຖາ​ອາຄົມ​ຂອງ​ພວກເຂົາ ກະທຳ​ໄດ້​ຄືກັນ ແລະ​ກະສັດ​ຟາໂຣ​ແຮ່ງ​ໃຈ​ແຂງ​ກະດ້າງ​ດື້ດຶງ​ຫລາຍ​ຍິ່ງ​ຂຶ້ນ. ເຫດການ​ເປັນ​ໄປ​ຕາມ​ທີ່​ພຣະເຈົ້າຢາເວ​ໄດ້​ກ່າວ​ໄວ້​ທຸກປະການ; ສະນັ້ນ ກະສັດ​ຟາໂຣ​ຈຶ່ງ​ບໍ່​ເຊື່ອຟັງ​ໂມເຊ​ແລະ​ອາໂຣນ.

ອົບພະຍົບ 8:14

ຊາວ​ເອຢິບ​ເອົາ​ກົບ​ຕາຍ​ມາ​ໂຮມ​ໄວ້​ເປັນ​ກອງ​ໃຫຍ່ ອັນ​ເປັນ​ເຫດ​ໃຫ້​ປະເທດ​ເອຢິບ​ເນົ່າເໝັນ​ທົ່ວໄປ.

ເອຊາຢາ 19:8

ທຸກໆ​ຄົນ​ທີ່​ຫາ​ປາ​ເປັນ​ອາຊີບ​ໃນ​ແມ່ນໍ້ານິນ​ຕ່າງ​ກໍ​ຈະ​ຄວນຄາງ​ແລະ​ຮ້ອງໄຫ້ ເພາະ​ເບັດ ແລະ​ແຫ​ຂອງ​ພວກເຂົາ​ຈະ​ໃຊ້​ການ​ບໍ່ໄດ້.

ພຣະນິມິດ 8:9

ໜຶ່ງ​ສ່ວນ​ສາມ​ຂອງ​ສິ່ງທີ່ມີ​ຊີວິດ​ຢູ່​ໃນ​ທະເລ​ກໍໄດ້​ຕາຍໄປ ແລະ​ໜຶ່ງ​ສ່ວນ​ສາມ​ຂອງ​ເຮືອ​ທັງຫລາຍ​ໄດ້​ຖືກ​ທຳລາຍ.