ອົບພະຍົບ 6:4 - ພຣະຄຳພີສັກສິ

⁴ ເຮົາ​ຍັງ​ໄດ້​ຕັ້ງ​ພັນທະສັນຍາ​ໄວ້​ກັບ​ພວກເຂົາ​ໂດຍ​ສັນຍາ​ວ່າ ຈະ​ຍົກ​ດິນແດນ​ການາອານ​ໃຫ້​ແກ່​ພວກເຂົາ ຄື​ດິນແດນ​ທີ່​ພວກເຂົາ​ອາໄສ​ຢູ່​ໃນ​ຖານະ​ເປັນ​ຊາວ​ຕ່າງດ້າວ​ນັ້ນ.

ອົບພະຍົບ 6:4 Jak'a apnaqawi uñst'ayäwi

ປະຖົມມະການ 12:7

ພຣະເຈົ້າຢາເວ​ໄດ້​ປາກົດ​ແກ່​ອັບຣາມ ແລະ​ບອກ​ເພິ່ນ​ວ່າ, “ນີ້​ແມ່ນ​ດິນແດນ ທີ່​ເຮົາ​ຈະ​ມອບ​ໃຫ້​ແກ່​ເຊື້ອສາຍ​ຂອງ​ເຈົ້າ.” ແລ້ວ​ຢູ່​ໃນ​ບ່ອນ​ນີ້ ອັບຣາມ​ໄດ້​ກໍ່ສ້າງ​ແທ່ນບູຊາ​ແທ່ນ​ໜຶ່ງ ຖວາຍ​ແກ່​ພຣະເຈົ້າຢາເວ​ອົງ​ທີ່​ໄດ້​ປາກົດ​ແກ່​ຕົນ.

ປະຖົມມະການ 15:13

ພຣະອົງ​ຈຶ່ງ​ກ່າວ​ແກ່​ເພິ່ນ​ວ່າ, “ເຊື້ອສາຍ​ຂອງ​ເຈົ້າ​ຈະ​ເປັນ​ຄົນ​ຕ່າງດ້າວ​ຢູ່​ໃນ​ຕ່າງ​ດິນແດນ​ໜຶ່ງ ພວກເຂົາ​ຈະ​ຕົກ​ເປັນ​ທາດຮັບໃຊ້​ຢູ່​ໃນ​ທີ່ນັ້ນ ແລະ​ຈະ​ຖືກ​ກົດຂີ່​ຢ່າງ​ທາລຸນ​ເປັນ​ເວລາ​ສີ່ຮ້ອຍ​ປີ.

ປະຖົມມະການ 15:18

ແລ້ວ​ພຣະເຈົ້າຢາເວ​ກໍໄດ້​ຕັ້ງ​ພັນທະສັນຍາ​ກັບ​ອັບຣາມ ໂດຍ​ກ່າວ​ວ່າ, “ເຮົາ​ສັນຍາ​ວ່າ ຈະ​ມອບ​ດິນແດນ​ທັງໝົດ​ນີ້​ໃຫ້​ແກ່​ເຊື້ອສາຍ​ຂອງ​ເຈົ້າ ຄື​ດິນແດນ​ຕັ້ງແຕ່​ເຂດແດນ​ຂອງ​ເອຢິບ ຈົນ​ໄປ​ເຖິງ​ແມ່ນໍ້າ​ໃຫຍ່​ເອີຟຣັດ

ປະຖົມມະການ 17:13

ແຕ່ລະຄົນ​ຕ້ອງ​ເຮັດ​ພິທີຕັດ ແລະ​ຈະ​ຕ້ອງ​ໝາຍ​ໄວ້​ໃນ​ຮ່າງກາຍ ເພື່ອ​ສະແດງ​ວ່າ​ພັນທະສັນຍາ​ຂອງເຮົາ​ນັ້ນ​ດຳລົງ​ຢູ່​ສືບໄປ.

ປະຖົມມະການ 17:4

“ນີ້​ແມ່ນ​ພັນທະສັນຍາ​ທີ່​ເຮົາ​ເຮັດ​ກັບ​ເຈົ້າ​ຄື: ເຮົາ​ສັນຍາ​ວ່າ ເຈົ້າ​ຈະ​ເປັນ​ບັນພະບຸລຸດ​ຂອງ​ຊົນຊາດ​ທັງຫລາຍ.

ປະຖົມມະການ 23:4

“ຂ້ານ້ອຍ​ເປັນ​ຄົນ​ຕ່າງດ້າວ​ທີ່​ອາໄສ​ຢູ່​ທ່າມກາງ​ພວກທ່ານ; ສະນັ້ນ ຂໍ​ຂາຍ​ທີ່ດິນ​ບາງ​ຕອນ​ໃຫ້​ຂ້ານ້ອຍ ເພື່ອ​ຈະ​ໄດ້​ຝັງສົບ​ເມຍ​ຂອງ​ຂ້ານ້ອຍ​ແດ່ທ້ອນ.”

ປະຖົມມະການ 26:3

ໃນ​ທີ່​ນີ້ ເຮົາ​ຈະ​ຢູ່​ນຳ​ເຈົ້າ​ແລະ​ອວຍພອນ​ເຈົ້າ. ເຮົາ​ຈະ​ມອບ​ດິນແດນ​ທັງໝົດ​ນີ້​ໃຫ້​ແກ່​ເຈົ້າ​ກັບ​ເຊື້ອສາຍ​ຂອງ​ເຈົ້າ. ເຮົາ​ຈະ​ເຮັດ​ໃຫ້​ຄຳ​ສາບານ ຊຶ່ງ​ເຮົາ​ໄດ້​ປະຕິຍານ​ໄວ້​ກັບ​ອັບຣາຮາມ ພໍ່​ຂອງ​ເຈົ້າ​ສຳເລັດ.

ປະຖົມມະການ 26:4

ເຮົາ​ຈະ​ໃຫ້​ເຈົ້າ​ມີ​ເຊື້ອສາຍ​ຫລວງຫລາຍ ດັ່ງ​ດວງດາວ​ໃນ​ທ້ອງຟ້າ ແລະ​ເຮົາ​ຈະ​ມອບ​ດິນແດນ​ທັງໝົດ​ນີ້​ໃຫ້​ເຊື້ອສາຍ​ຂອງ​ເຈົ້າ. ຊົນຊາດ​ທັງປວງ​ຈະ​ໄດ້​ຮັບ​ພຣະພອນ​ຜ່ານ​ທາງ​ເຊື້ອສາຍ​ຂອງ​ເຈົ້າ.

ປະຖົມມະການ 28:13

ແລະ​ຢູ່​ທີ່​ນັ້ນ ພຣະເຈົ້າຢາເວ​ກຳລັງ​ຢືນ​ຢູ່​ຂ້າງ​ລາວ. ພຣະອົງ​ກ່າວ​ວ່າ, “ເຮົາ​ແມ່ນ​ພຣະເຈົ້າຢາເວ ພຣະເຈົ້າ​ຂອງ​ອັບຣາຮາມ​ປູ່​ຂອງ​ເຈົ້າ​ແລະ​ພຣະເຈົ້າ​ຂອງ​ອີຊາກ; ເຮົາ​ຈະ​ມອບ​ດິນແດນ​ທີ່​ເຈົ້າ​ກຳລັງ​ນອນ​ຢູ່​ນີ້​ໃຫ້​ເຈົ້າ​ແລະ​ເຊື້ອສາຍ​ຂອງ​ເຈົ້າ.

ປະຖົມມະການ 28:4

ຂໍ​ພຣະອົງ​ໂຜດ​ອວຍພອນ​ເຈົ້າ​ແລະ​ເຊື້ອສາຍ​ຂອງ​ເຈົ້າ ເໝືອນ​ດັ່ງ​ພຣະອົງ​ໄດ້​ອວຍພອນ​ອັບຣາຮາມ ຂໍ​ໃຫ້​ເຈົ້າ​ໄດ້​ເປັນ​ກຳມະສິດ​ດິນແດນ​ທີ່​ເຈົ້າ​ກຳລັງ​ຢູ່​ນີ້ ຊຶ່ງ​ພຣະເຈົ້າ​ໄດ້​ມອບ​ໃຫ້​ອັບຣາຮາມ.”

ປະຖົມມະການ 6:18

ແຕ່​ເຮົາ​ຈະ​ຕັ້ງ​ພັນທະສັນຍາ​ໄວ້​ກັບ​ເຈົ້າ. ຈົ່ງ​ເອົາ​ເມຍ, ລູກຊາຍ ແລະ​ພວກ​ລູກໃພ້​ຂອງ​ເຈົ້າ​ເຂົ້າ​ໄປ​ໃນ​ເຮືອ.

2 ຊາມູເອນ 23:5

ພຣະເຈົ້າ​ອວຍພອນ​ໃຫ້​ເຊື້ອສາຍ​ຂອງ​ຂ້ານ້ອຍ​ດັ່ງນີ້ ເພາະ​ຊົງ​ຕັ້ງ​ພັນທະສັນຍາ​ກັບ​ຂ້ານ້ອຍ​ສືບໄປ, ເປັນ​ຄຳ​ຕົກລົງ​ທີ່​ຈະ​ບໍ່​ຖືກ​ຍົກເລີກ ເປັນ​ຄຳສັນຍາ​ທີ່​ຈະ​ປ່ຽນແປງ​ບໍ່ໄດ້. ທັງໝົດ​ນີ້ ຄື​ສິ່ງ​ທີ່​ຂ້ານ້ອຍ​ຕ້ອງການ ຄື​ຊົງ​ມອບ​ໄຊຊະນະ​ໃຫ້​ໃນ​ທຸກໆ​ສະພາບ​ການ.

ເພງ^ສັນລະເສີນ 105:11

ພຣະອົງ​ໄດ້​ກ່າວ​ວ່າ, “ເຮົາ​ຈະ​ມອບ​ການາອານ​ໃຫ້ ເປັນ​ກຳມະສິດ​ຂອງ​ພວກເຈົ້າ​ແຕ່​ເທົ່ານັ້ນ.”

ເພງ^ສັນລະເສີນ 105:12

ປະຊາຊົນ​ຂອງ​ພຣະເຈົ້າ​ມີ​ຈຳນວນ​ໜ້ອຍ ເປັນ​ຄົນຕ່າງດ້າວ​ທີ່​ອາໄສ​ຢູ່​ໃນ​ດິນແດນ​ການາອານ​ນັ້ນ.

ອົບພະຍົບ 13:4

ພວກເຈົ້າ​ກຳລັງ​ອອກ​ໄປ​ຈາກ​ປະເທດ​ເອຢິບ​ໃນ​ເດືອນ​ທີ​ໜຶ່ງ​ວັນ​ນີ້ ຄື​ເດືອນ​ອາບີບ.

ອົບພະຍົບ 13:5

ພຣະເຈົ້າຢາເວ​ໄດ້​ສັນຍາ​ຢ່າງ​ໜັກແໜ້ນ​ກັບ​ບັນພະບຸລຸດ​ຂອງ​ພວກເຈົ້າ​ວ່າ ພຣະອົງ​ຈະ​ຍົກ​ດິນແດນ​ຂອງ​ຊາວ​ການາອານ, ຊາວ​ຮິດຕີ, ຊາວ​ອາໂມ, ຊາວ​ຮີວີ ແລະ​ຊາວ​ເຢບຸດ​ໃຫ້​ພວກເຈົ້າ. ເມື່ອ​ພຣະອົງ​ໄດ້​ນຳ​ພວກເຈົ້າ ເຂົ້າ​ໄປ​ໃນ​ດິນແດນ​ອັນ​ອຸດົມສົມບູນ​ແລະ​ຮັ່ງມີ​ນັ້ນ​ແລ້ວ ພວກເຈົ້າ​ຕ້ອງ​ສະຫລອງ​ເທດສະການ​ນີ້​ທຸກໆ​ປີ​ໃນ​ເດືອນ​ທີ​ໜຶ່ງ.

ອົບພະຍົບ 6:8

ເຮົາ​ຈະ​ນຳ​ພວກເຈົ້າ​ເຂົ້າ​ໄປ​ສູ່​ດິນແດນ ທີ່​ເຮົາ​ໄດ້​ສັນຍາ​ໄວ້​ຢ່າງ​ໜັກແໜ້ນ​ນັ້ນ​ວ່າ ຈະ​ມອບ​ໃຫ້​ແກ່​ອັບຣາຮາມ, ອີຊາກ ແລະ​ຢາໂຄບ; ແລະ​ເຮົາ​ຈະ​ມອບ​ດິນແດນ​ໃຫ້​ເປັນ​ກຳມະສິດ​ຂອງ​ພວກເຈົ້າ. ເຮົາ​ແມ່ນ​ພຣະເຈົ້າຢາເວ.”’

ເອຊາຢາ 55:3

ບັດນີ້ ຈົ່ງ​ມາ​ຟັງ​ເຮົາ​ເທີ້ນ ໄພ່ພົນ​ຂອງເຮົາ​ເອີຍ ເຊີນ​ມາ​ຫາ​ເຮົາ​ແລະ​ພວກເຈົ້າ​ຈະ​ໄດ້​ຊີວິດ ເຮົາ​ຈະ​ເຮັດ​ພັນທະສັນຍາ​ກັບ​ພວກເຈົ້າ​ສືບໆໄປ ເຮົາ​ຈະ​ໃຫ້​ພອນ​ດັ່ງ​ທີ່​ເຮົາ​ໄດ້​ສັນຍາ​ກັບ​ດາວິດ.

ຈົດບັນຊີ 10:29

ແລ້ວ​ໂມເຊ​ກໍໄດ້​ເຊີນ​ໂຮບັບ ລູກຊາຍ​ຂອງ​ເຢທະໂຣ​ຊາວ​ມີດີອານ ຜູ້​ເປັນ​ລູງ​ຂອງຕົນ​ວ່າ, “ພວກເຮົາ​ກຳລັງ​ຈະ​ອອກ​ເດີນທາງ​ໄປ​ສູ່​ດິນແດນ​ທີ່​ພຣະເຈົ້າຢາເວ​ໄດ້​ບອກ​ໄວ້​ວ່າ​ຈະ​ມອບ​ໃຫ້. ພຣະເຈົ້າຢາເວ​ໄດ້​ສັນຍາ​ວ່າ ຈະ​ບັນດານ​ໃຫ້​ຊາວ​ອິດສະຣາເອນ​ຈະເລີນ​ຮຸ່ງເຮືອງ​ຂຶ້ນ; ສະນັ້ນ ຈົ່ງ​ໄປ​ກັບ​ພວກເຮົາ​ເທາະ ແລະ​ພວກເຮົາ​ຈະ​ແບ່ງປັນ​ຄວາມ​ຈະເລີນ​ຮຸ່ງເຮືອງ​ນັ້ນ​ໃຫ້​ແກ່​ເຈົ້າ​ດ້ວຍ.”

ກິດຈະການ 7:5

ພຣະເຈົ້າ​ບໍ່ໄດ້​ໃຫ້​ອັບຣາຮາມ​ຮັບ​ສ່ວນ​ໃດໆ​ຂອງ​ດິນແດນ​ນີ້ ເປັນ​ກຳມະສິດ​ຂອງຕົນ ແມ່ນແຕ່​ທໍ່​ຮອຍຕີນ ແຕ່​ໃນ​ຂະນະທີ່​ເພິ່ນ​ຍັງ​ບໍ່ມີ​ລູກ ພຣະເຈົ້າ​ໄດ້​ສັນຍາ​ວ່າ ພຣະອົງ​ຈະ​ມອບ​ດິນແດນ​ໃຫ້​ເພິ່ນ​ເປັນ​ກຳມະສິດ ແລະ​ໃຫ້​ແກ່​ເຊື້ອສາຍ​ພາຍ​ຫລັງ​ເພິ່ນ​ດ້ວຍ.