ອົບພະຍົບ 5:16 - ພຣະຄຳພີສັກສິ

¹⁶ ພວກ​ຂ້ານ້ອຍ​ບໍ່ໄດ້​ຮັບ​ເຟືອງ, ແຕ່​ຍັງ​ສັ່ງ​ໃຫ້​ເຮັດ​ດິນຈີ່​ຈຳນວນ​ເທົ່າ​ເດີມ ບໍ່​ພຽງແຕ່​ເທົ່ານັ້ນ ພວກ​ຂ້ານ້ອຍ​ຍັງ​ຖືກ​ຂ້ຽນຕີ​ຕື່ມ. ຄົນ​ຂອງ​ກະສັດ​ຟາໂຣ​ເປັນ​ຜູ້​ເຮັດ​ຜິດ.”

ອົບພະຍົບ 5:16 Jak'a apnaqawi uñst'ayäwi

ປະຖົມມະການ 11:3

ພວກເຂົາ​ເວົ້າ​ກັນ​ວ່າ, “ມາ​ເທາະ ຈົ່ງ​ພາກັນ​ປັ້ນ​ດິນຈີ່ ແລະ​ເຜົາ​ມັນ​ໃຫ້​ແຂງ.” ດັ່ງນັ້ນ ພວກເຂົາ​ຈຶ່ງ​ມີ​ດິນຈີ່​ເພື່ອ​ກໍ່ສ້າງ ແລະ​ມີ​ຢາງ​ໃຊ້​ຕາງ​ປະທາຍ​ເພື່ອ​ຕິດ​ດິນຈີ່​ເຂົ້າ​ກັນ.

1 ກະສັດ 12:14

ຕາມ​ທີ່​ພວກ​ຄົນໜຸ່ມ​ໄດ້​ແນະນຳ​ເພິ່ນ​ນັ້ນ. ເພິ່ນ​ເວົ້າ​ວ່າ, “ພໍ່​ຂອງເຮົາ​ໄດ້​ວາງ​ພາລະໜັກ​ໃຫ້​ພວກທ່ານ; ເຮົາ​ແຮ່ງ​ຈະ​ວາງ​ພາລະໜັກ​ຫລາຍກວ່າ​ນັ້ນ​ອີກ. ເພິ່ນ​ໄດ້​ຕີ​ພວກທ່ານ​ດ້ວຍ​ໄມ້ແສ້, ແຕ່​ເຮົາ​ຈະ​ຂ້ຽນ​ພວກທ່ານ​ດ້ວຍ​ໄມ້ແສ້​ທີ່​ມີ​ໄລ​ເຫຼັກ.”

ອົບພະຍົບ 5:15

ຕໍ່ມາ ພວກ​ຫົວໜ້າ​ຄົນງານ​ຊາວ​ອິດສະຣາເອນ ກໍໄດ້​ເຂົ້າ​ໄປ​ຮ້ອງທຸກ​ຕໍ່​ກະສັດ​ຟາໂຣ​ວ່າ, “ດ້ວຍເຫດໃດ​ທ່ານ​ຈຶ່ງ​ເຮັດ​ກັບ​ພວກ​ຄົນ​ຮັບໃຊ້​ຂອງທ່ານ​ຢ່າງ​ນີ້?

ອົບພະຍົບ 5:17

ກະສັດ​ຟາໂຣ​ຈຶ່ງ​ຕອບ​ວ່າ, “ພວກເຈົ້າ​ຂີ້ຄ້ານ​ແລະ​ບໍ່​ຢາກ​ເຮັດ​ວຽກ ດັ່ງນັ້ນ ພວກເຈົ້າ​ຈຶ່ງ​ຂໍ​ອະນຸຍາດ​ໄປ​ຖວາຍ​ສັດ​ບູຊາ​ແກ່​ພຣະເຈົ້າຢາເວ.

ປັນຍາຈານ 4:1

ແລ້ວ​ຂ້າພະເຈົ້າ​ກໍໄດ້​ພິຈາລະນາ​ເບິ່ງ​ອີກ ເຖິງ​ຄວາມ​ບໍ່​ຍຸດຕິທຳ​ທັງໝົດ​ທີ່​ເປັນ​ຢູ່ໃຕ້​ດວງຕາເວັນ. ຄົນ​ຖືກ​ຂົ່ມເຫັງ​ກຳລັງ​ເປັນທຸກ​ຮ້ອງໄຫ້ ແລະ​ບໍ່ມີ​ຜູ້ໃດ​ຊ່ວຍເຫລືອ​ລາວ​ເລີຍ. ບໍ່ມີ​ຜູ້ໃດ​ຊ່ວຍເຫລືອ​ລາວ​ໄດ້ ເພາະ​ອຳນາດ​ນັ້ນ​ຢູ່​ນຳ​ຝ່າຍ​ທີ່​ຂົ່ມເຫັງ​ລາວ.

ເອເຊກຽນ 16:4

ເມື່ອ​ເຈົ້າ​ໄດ້​ເກີດ​ມາ ບໍ່ມີ​ຜູ້ໃດ​ຕັດ​ສາຍແຮ່​ຂອງເຈົ້າ ຫລື​ລ້າງ​ເຈົ້າ ຫລື​ຖູ​ເຈົ້າ​ດ້ວຍ​ເກືອ ຫລື​ຫໍ່​ເຈົ້າ​ໄວ້​ໃນ​ຜ້າ​ອ້ອມ.