ອົບພະຍົບ 5:12 - ພຣະຄຳພີສັກສິ

¹² ດັ່ງນັ້ນ ຊາວ​ອິດສະຣາເອນ​ຈຶ່ງ​ແຍກຍ້າຍ​ກັນ​ໄປ​ຊອກຫາ​ເຟືອງ​ຢູ່​ທົ່ວ​ປະເທດ​ເອຢິບ.

ອົບພະຍົບ 5:12 Jak'a apnaqawi uñst'ayäwi

ອົບພະຍົບ 15:7

ພຣະອົງ​ໂຄ່ນລົ້ມ​ສັດຕູ​ໄດ້​ດ້ວຍ​ໄຊຊະນະ​ອັນ​ສະຫງ່າງາມ; ພຣະອົງ​ເຜົາຜານ​ພວກເຂົາ​ດັ່ງ​ເຟືອງ​ດ້ວຍ​ຄວາມຮ້າຍ​ທີ່​ລຸກ​ໄໝ້.

ອົບພະຍົບ 5:11

ເພິ່ນ​ບອກ​ວ່າ​ໃຫ້​ພວກເຈົ້າ​ໄປ​ຊອກຫາ​ເອົາ​ເອງ, ແຕ່​ຈຳນວນ​ດິນຈີ່​ນັ້ນ​ຕ້ອງ​ໃຫ້​ໄດ້​ເທົ່າ​ເດີມ.”

ອົບພະຍົບ 5:13

ຝ່າຍ​ພວກ​ຜູ້​ຄຸມງານ​ກໍ​ພະຍາຍາມ​ບັງຄັບ​ພວກເຂົາ​ເຮັດ​ດິນຈີ່ ໃຫ້​ໄດ້​ຈຳນວນ​ເທົ່າ​ເດີມ​ທຸກໆ​ວັນ ດັ່ງ​ທີ່​ພວກເຂົາ​ໄດ້​ເຮັດ​ມາ ເມື່ອ​ຄາວ​ທີ່​ພວກເຂົາ​ໄດ້​ຮັບ​ເຟືອງ.

ເອຊາຢາ 47:14

ພວກເຂົາ​ຈະ​ເປັນ​ດັ່ງ​ເຟືອງ​ທ່ອນ​ນ້ອຍໆ​ທັງຫລາຍ ແລະ​ໄຟ​ກໍ​ຈະ​ໄໝ້​ໃຫ້​ວອດວາຍ​ໄປ​ໝົດສິ້ນ ພວກເຂົາ​ຈະ​ຊ່ວຍ​ແມ່ນແຕ່​ພວກເຂົາ​ເອງ​ບໍ່ໄດ້​ເລີຍ ໄຟ​ຈະ​ລຸກ​ແຮງ​ສຳລັບ​ພວກເຂົາ ບໍ່ແມ່ນ​ໄຟ​ໃຫ້​ອົບອຸ່ນ.

ເອຊາຢາ 5:24

ສະນັ້ນ ບັດນີ້ ເຟືອງ ແລະ​ຫຍ້າແຫ້ງ​ຖືກ​ເຜົາ​ໄໝ້​ໃນ​ໄຟ​ສັນໃດ ຮາກເຫງົ້າ​ຂອງ​ພວກເຈົ້າ​ຈະ​ຂຸ​ແລະ​ດອກ​ຂອງ​ພວກເຈົ້າ​ຈະ​ຫ່ຽວແຫ້ງ ທັງ​ຖືກ​ລົມ​ພັດ​ໜີໄປ​ສັນນັ້ນ; ເພາະ​ພວກເຈົ້າ​ໄດ້​ປະຖິ້ມ​ຄຳສັ່ງສອນ​ຂອງ​ພຣະເຈົ້າຢາເວ​ອົງ​ຊົງຣິດ​ອຳນາດ​ຍິ່ງໃຫຍ່ ຄື​ດູຖູກ​ຢຽບຫຍາມ​ຖ້ອຍຄຳ​ຂອງ​ພຣະເຈົ້າ​ອົງ​ບໍຣິສຸດ​ຂອງ​ຊາດ​ອິດສະຣາເອນ ໄດ້​ສັ່ງສອນ​ພວກເຮົາ.

ໂຢເອນ 2:5

ເມື່ອ​ມັນ​ກະໂດດ​ເຕັ້ນ​ຢູ່​ເທິງ​ຈອມ​ພູເຂົາ​ທັງຫລາຍ ກໍ​ມີ​ສຽງດັງ​ເໝືອນ​ສຽງ​ລົດຮົບ; ດັງ​ປັອກແປັກ​ຄື​ສຽງ​ໄຟ​ໄໝ້​ຫຍ້າແຫ້ງ​ຕາມ​ທົ່ງນາ ມາ​ເປັນ​ຖັນແຖວ​ຄື​ກອງທັບ​ໃຫຍ່​ເຂົ້າ​ສູ່​ສະໜາມຮົບ.

ໂອບາດີຢາ 1:18

ຄົນ​ຂອງ​ຢາໂຄບ​ແລະ​ໂຢເຊັບ​ຈະ​ເປັນ​ດັ່ງ​ໄຟ ຈະ​ທຳລາຍ​ຄົນ​ຂອງ​ເອຊາວ​ດັ່ງ​ໄຟ​ໄໝ້​ເຟືອງ​ແຫ້ງ. ເຊື້ອສາຍ​ເອຊາວ​ຈະ​ບໍ່ມີ​ຜູ້ໃດ​ໄດ້​ລອດຊີວິດ​ຢູ່.” ພຣະເຈົ້າຢາເວ​ໄດ້ກ່າວ​ດັ່ງນີ້ແຫຼະ.

ນາຮູມ 1:10

ພວກເຈົ້າ ນັກ​ດື່ມ​ເຫຼົ້າ​ຈະ​ຖືກ​ເຜົາຜານ​ໝົດ ເໝືອນ​ໄຟ​ໄໝ້​ກໍ​ໜາມ ແລະ​ຫຍ້າແຫ້ງ.

1 ໂກຣິນໂທ 3:12

ຖ້າ​ຜູ້ໃດ​ຈະ​ເອົາ​ຄຳ ຫລື​ເງິນ ຫລື​ເພັດພອຍ ຫລື​ໄມ້ ຫລື​ຫຍ້າແຫ້ງ ຫລື​ເຟືອງ​ກໍດີ ມາ​ກໍ່​ຂຶ້ນ​ເທິງ​ຮາກຖານ​ນັ້ນ.