ອົບພະຍົບ 40:6 - ພຣະຄຳພີສັກສິ

⁶ ຈົ່ງ​ຕັ້ງ​ແທ່ນເຜົາ​ບູຊາ​ດ້ວຍໄຟ​ໄວ້​ຕໍ່ໜ້າ​ທາງເຂົ້າ​ຫໍເຕັນ​ສັກສິດ, ຫໍເຕັນ​ບ່ອນ​ຊຸມນຸມ.

ອົບພະຍົບ 40:6 Jak'a apnaqawi uñst'ayäwi

2 ກະສັດ 16:14

ສ່ວນ​ແທ່ນບູຊາ​ທອງສຳຣິດ​ທີ່​ຖືກ​ອຸທິດ​ຖວາຍ​ແກ່​ພຣະເຈົ້າຢາເວ ແມ່ນ​ຕັ້ງ​ຢູ່​ລະຫວ່າງ​ແທ່ນບູຊາ​ຂອງເພິ່ນ​ແລະ​ວິຫານ​ຂອງ​ພຣະເຈົ້າຢາເວ; ສະນັ້ນ ກະສັດ​ອາຮາດ​ຈຶ່ງ​ໄດ້​ຍ້າຍ​ແທນ​ບູຊາ​ນັ້ນ ໄປ​ຕັ້ງ​ໄວ້​ຢູ່​ທາງ​ຂ້າງເໜືອ​ຂອງ​ແທນ​ບູຊາ​ຂອງເພິ່ນ.

ອົບພະຍົບ 40:29

ແລະ​ວາງ​ແທ່ນ​ເຜົາ​ບູຊາ​ຕໍ່ໜ້າ​ຫໍເຕັນ​ສັກສິດ, ຫໍເຕັນ​ບ່ອນ​ຊຸມນຸມ ຊຶ່ງ​ຊື່​ກັນ​ກັບ​ຜ້າກັ້ງ. ທີ່​ເທິງ​ແທ່ນ​ນັ້ນ ເພິ່ນ​ໄດ້​ເຜົາ​ເຄື່ອງບູຊາ​ກັບ​ຖວາຍ​ພືດຜົນ​ເປັນເມັດ ຕາມ​ທີ່​ພຣະເຈົ້າຢາເວ​ໄດ້​ສັ່ງ​ໄວ້​ນັ້ນ​ທຸກປະການ.

ອົບພະຍົບ 40:5

ຈົ່ງ​ຕັ້ງ​ແທ່ນ​ຄຳ​ສຳລັບ​ເຜົາ​ເຄື່ອງຫອມ​ໄວ້​ຕໍ່ໜ້າ​ຫີບ​ພັນທະສັນຍາ ແລະ​ກາງ​ຜ້າກັ້ງ​ໃສ່​ທາງ​ປະຕູເຂົ້າ​ຫໍເຕັນ​ສັກສິດ.

ອົບພະຍົບ 40:7

ສ່ວນ​ຂັນ​ໃສ່​ນໍ້າ​ຊຳລະ​ນັ້ນ ໃຫ້​ວາງ​ໄວ້​ລະຫວ່າງ​ຫໍເຕັນ​ບ່ອນ​ຊຸມນຸມ​ກັບ​ແທ່ນ​ບູຊາ​ແລະ​ຕັກ​ນໍ້າ​ໃສ່​ໄວ້.

ລະບຽບ^ພວກເລວີ 1:5

ລາວ​ຈະ​ຕ້ອງ​ຂ້າປາດຄໍ​ງົວເຖິກ​ຢູ່​ທີ່​ນັ້ນ ແລະ​ປະໂຣຫິດ​ຜູ້​ທີ່​ສືບ​ເຊື້ອສາຍ​ມາ​ຈາກ​ຄອບຄົວ​ອາໂຣນ​ຈະ​ຖວາຍ​ເລືອດ​ສັດ​ນັ້ນ ແລ້ວ​ຖອກ​ເລືອດ​ໃສ່​ທັງ​ສີ່​ຂ້າງ​ຂອງ​ແທ່ນບູຊາ ທີ່​ຕັ້ງ​ຢູ່​ທາງເຂົ້າ​ຫໍເຕັນ​ບ່ອນ​ຊຸມນຸມ.

ເຮັບເຣີ 13:10

ພວກເຮົາ​ມີ​ແທ່ນບູຊາ​ແທ່ນ​ໜຶ່ງ ຊຶ່ງ​ຄົນ​ຜູ້​ປະຕິບັດ​ໃນ​ຫໍເຕັນ​ສັກສິດ​ນັ້ນ ບໍ່ມີ​ສິດ​ທີ່​ຈະ​ຮັບປະທານ​ຂອງ​ຈາກ​ແທ່ນ​ນັ້ນ​ໄດ້.

1 ໂຢຮັນ 2:2

ແມ່ນ​ດ້ວຍ​ພຣະອົງ​ນີ້​ແຫຼະ ທີ່​ພຣະເຈົ້າ​ຊົງ​ຍົກ​ການບາບ​ຂອງ​ພວກເຮົາ​ເສຍ ແລະ​ບໍ່ແມ່ນແຕ່​ການບາບ​ຂອງ​ພວກເຮົາ​ຜູ້​ດຽວ, ແຕ່​ທັງ​ການບາບ​ຂອງ​ມະນຸດ​ທັງປວງ​ໃນ​ໂລກ​ເໝືອນກັນ.