ອົບພະຍົບ 4:19 - ພຣະຄຳພີສັກສິ

¹⁹ ໃນ​ຕອນ​ທີ່​ໂມເຊ​ຍັງ​ຢູ່​ທີ່​ມີດີອານ​ນັ້ນ ພຣະເຈົ້າຢາເວ​ໄດ້​ບອກ​ລາວ​ວ່າ, “ຈົ່ງ​ກັບ​ເມືອ​ເອຢິບ​ສາ ເພາະ​ພວກ​ທີ່​ຢາກ​ຂ້າ​ເຈົ້າ​ນັ້ນ​ໄດ້​ຕາຍໄປ​ໝົດ​ແລ້ວ.”

ອົບພະຍົບ 4:19 Jak'a apnaqawi uñst'ayäwi

ອົບພະຍົບ 2:15

ເມື່ອ​ກະສັດ​ຟາໂຣ​ໄດ້​ຮູ້​ເລື່ອງ​ນີ້ ເພິ່ນ​ຈຶ່ງ​ພະຍາຍາມ​ຫາ​ຊ່ອງທາງ​ຂ້າ​ໂມເຊ, ແຕ່​ໂມເຊ​ໄດ້​ເອົາ​ຕົວ​ຫລົບ​ໜີໄປ​ຢູ່​ດິນແດນ​ມີດີອານ​ເສຍ​ກ່ອນ. ພໍ​ໂມເຊ​ໄປ​ຮອດ​ທີ່​ນັ້ນ ລາວ​ກໍ​ນັ່ງ​ລົງ​ພັກຜ່ອນ​ເອົາ​ແຮງ​ຢູ່​ໃກ້​ບໍ່ນໍ້າສ້າງ​ແຫ່ງ​ໜຶ່ງ.

ອົບພະຍົບ 2:23

ຕໍ່ມາ​ອີກ​ຫລາຍປີ ກະສັດ​ຟາໂຣ​ແຫ່ງ​ປະເທດ​ເອຢິບ​ກໍໄດ້​ຕາຍໄປ, ແຕ່​ເພາະ​ຊາວ​ອິດສະຣາເອນ​ຍັງ​ຕົກ​ເປັນ​ທາດຮັບໃຊ້​ຢູ່ ພວກເຂົາ​ຈຶ່ງ​ຮ້ອງໄຫ້​ຄວນຄາງ​ແລະ​ຮ້ອງ​ຫາ​ຜູ້​ຊ່ວຍເຫລືອ. ສຽງ​ຂໍຮ້ອງ​ຂອງ​ພວກເຂົາ​ໄດ້​ດັງ​ຂຶ້ນ​ໄປ​ເຖິງ​ພຣະເຈົ້າ.

ມັດທາຍ 2:20

ເທວະດາ​ຕົນ​ນີ້​ໄດ້​ກ່າວ​ວ່າ, “ຈົ່ງ​ລຸກ​ຂຶ້ນ ພາ​ກຸມມານ​ແລະ​ແມ່​ຂອງ​ເພິ່ນ​ກັບຄືນ​ໄປ​ດິນແດນ​ອິດສະຣາເອນ ເພາະ​ຜູ້​ທີ່​ຕ້ອງການ​ຂ້າ​ກຸມມານ​ນັ້ນ​ຕາຍ​ແລ້ວ.”