ອົບພະຍົບ 39:7 - ພຣະຄຳພີສັກສິ

⁷ ພວກເຂົາ​ປະດັບ​ມັນ​ໄວ້​ທີ່​ເທິງ​ຜ້າ​ຮັດ​ເສື້ອຄຸມສັ້ນ​ເອໂຟດ ເພື່ອ​ໃຫ້​ລະນຶກເຖິງ​ສິບສອງ​ເຜົ່າ​ຂອງ​ຊາດ​ອິດສະຣາເອນ ຕາມ​ທີ່​ພຣະເຈົ້າຢາເວ​ໄດ້​ສັ່ງ​ໄວ້​ກັບ​ໂມເຊ​ທຸກປະການ.

ອົບພະຍົບ 39:7 Jak'a apnaqawi uñst'ayäwi

ເນເຫມີຢາ 2:20

ຂ້າພະເຈົ້າ​ຕອບ​ວ່າ, “ພຣະເຈົ້າ​ແຫ່ງ​ສະຫວັນ ຈະ​ໃຫ້​ພວກເຮົາ​ດຳເນີນ​ວຽກງານ​ນີ້​ສຳເລັດ. ພວກເຮົາ​ເປັນ​ຜູ້ຮັບໃຊ້​ຂອງ​ພຣະອົງ ແລະ​ກຳລັງ​ຈະ​ສ້າງ​ເມືອງ​ຂຶ້ນ​ໃໝ່. ແຕ່​ພວກທ່ານ​ບໍ່ມີ​ສິດ​ໃນ​ສົມບັດ​ສ່ວນ​ໃດໆ​ທີ່​ນະຄອນ​ເຢຣູຊາເລັມ​ນີ້ ແລະ​ທັງ​ບໍ່ມີ​ສ່ວນແບ່ງ​ໃດໆ​ໃນ​ເລື່ອງ​ນີ້​ດ້ວຍ.”

ອົບພະຍົບ 28:12

ຫີນ​ສອງ​ແຜ່ນ​ຊຶ່ງ​ໝາຍເຖິງ​ສິບສອງ​ເຜົ່າ​ຂອງ​ຊາດ​ອິດສະຣາເອນ​ນັ້ນ ຈົ່ງ​ໃຫ້​ຕິດ​ໃສ່​ໄວ້​ກັບ​ເສື້ອຄຸມ​ສັ້ນ​ເອໂຟດ​ເລີຍ​ທີ່​ເທິງ​ບ່າໄຫລ່. ດ້ວຍເຫດນີ້ ອາໂຣນ​ຈຶ່ງ​ຈະ​ຖື​ຊື່​ຂອງ​ພວກເຂົາ​ໄວ້​ເທິງ​ບ່າໄຫລ່​ຂອງຕົນ ເພື່ອ​ເປັນ​ທີ່ລະນຶກ​ຕໍ່ໜ້າ​ພຣະເຈົ້າຢາເວ.

ອົບພະຍົບ 28:29

ເມື່ອ​ອາໂຣນ​ເຂົ້າ​ໄປ​ສະຖານທີ່​ສັກສິດ ລາວ​ຈະ​ໃສ່​ແຜ່ນ​ປົກເອິກ ຊຶ່ງ​ຈາລຶກ​ຊື່​ຂອງ​ເຜົ່າ​ຕ່າງໆ​ຂອງ​ຊາດ​ອິດສະຣາເອນ ກໍ​ເພື່ອ​ວ່າ​ຈະ​ເປັນ​ທີ່ລະນຶກ​ຕໍ່ໜ້າ​ພຣະເຈົ້າຢາເວ​ສືບໆໄປ.

ອົບພະຍົບ 28:7

ຜ້າ​ສອງ​ຕ່ອນ​ທີ່​ບ່າໄຫລ່​ຂອງ​ເສື້ອ​ນັ້ນ ຈົ່ງ​ໃຫ້​ຫຍິບ​ຕິດ​ກັນ​ກັບ​ຂ້າງ​ເສື້ອ​ທັງສອງ.

ມາຣະໂກ 14:9

ບັດນີ້ ເຮົາ​ບອກ​ພວກເຈົ້າ​ຕາມ​ຄວາມຈິງ​ວ່າ ທຸກ​ບ່ອນ​ທົ່ວ​ໂລກ​ທີ່​ມີ​ການ​ປະກາດ​ຂ່າວປະເສີດ ສິ່ງ​ທີ່​ຍິງ​ຜູ້​ນີ້​ໄດ້​ເຮັດ​ຈະ​ເປັນ​ທີ່​ເລື່ອງລື​ກັນ​ໄປ ເພື່ອ​ລະນຶກເຖິງ​ນາງ.”

ໂຢຊວຍ 4:7

ກໍ​ໃຫ້​ພວກເຈົ້າ​ບອກ​ວ່າ, ເມື່ອ​ຫາມ​ຫີບ​ພັນທະສັນຍາ​ຂອງ​ພຣະເຈົ້າຢາເວ​ຂ້າມ​ແມ່ນໍ້າ​ນັ້ນ ແມ່ນໍ້າ​ຈໍແດນ​ໄດ້​ເຊົາ​ໄຫລ. ກ້ອນຫີນ​ເຫຼົ່ານີ້​ຈະ​ເປັນ​ສິ່ງ​ເຕືອນ​ປະຊາຊົນ​ອິດສະຣາເອນ​ຢູ່​ສະເໝີ ເຖິງ​ເຫດການ​ທີ່​ໄດ້​ເກີດຂຶ້ນ​ນັ້ນ.”