ອົບພະຍົບ 39:43 - ພຣະຄຳພີສັກສິ

⁴³ ແລ້ວ​ໂມເຊ​ກໍ​ກວດເບິ່ງ​ທຸກໆ​ສິ່ງ ແລະ​ເຫັນ​ວ່າ ພວກເຂົາ​ໄດ້​ເຮັດ​ຕາມ​ທີ່​ພຣະເຈົ້າຢາເວ​ໄດ້​ສັ່ງ​ໄວ້​ທຸກປະການ. ດັ່ງນັ້ນ ໂມເຊ​ຈຶ່ງ​ໄດ້​ອວຍພອນ​ພວກເຂົາ.

ອົບພະຍົບ 39:43 Jak'a apnaqawi uñst'ayäwi

ປະຖົມມະການ 1:31

ພຣະເຈົ້າ​ໄດ້​ເຫັນ​ວ່າ​ທຸກໆ​ສິ່ງ​ທີ່​ໄດ້​ນິຣະມິດ​ສ້າງ​ຂຶ້ນ​ມາ ແລ້ວ​ກໍ​ໄດ້ເຫັນ​ວ່າ​ດີຫລາຍ. ມີ​ເວລາ​ຄໍ່າ ແລະ​ເວລາ​ເຊົ້າ ນັ້ນ​ແມ່ນ​ມື້​ທີ​ຫົກ.

ປະຖົມມະການ 14:19

ໂດຍ​ກ່າວ​ວ່າ, “ຂໍ​ໃຫ້​ພຣະເຈົ້າ​ອົງ​ຍິ່ງໃຫຍ່​ແລະ​ສູງສຸດ ຜູ້​ສ້າງ​ສະຫວັນ ແລະ​ແຜ່ນດິນ​ໂລກ;

2 ຊາມູເອນ 6:18

ເມື່ອ​ເພິ່ນ​ຖວາຍ​ເຄື່ອງ​ບູຊາ​ແລ້ວ ເພິ່ນ​ໄດ້​ອວຍພອນ​ປະຊາຊົນ​ໃນ​ນາມ​ຂອງ​ພຣະເຈົ້າຢາເວ​ອົງ​ຊົງຣິດ​ອຳນາດ​ຍິ່ງໃຫຍ່

1 ກະສັດ 6:38

ການ​ສ້າງ​ພຣະວິຫານ​ໄດ້​ສຳເລັດ​ລົງ​ຢ່າງ​ຮຽບຮ້ອຍ ຕາມ​ແຜນການ​ທີ່​ໄດ້​ກະ​ໄວ້ ໃນ​ເດືອນ​ທີ​ແປດ​ອັນ​ກົງກັບ​ເດືອນ​ບູເລ ໃນ​ຣາຊການ​ປີ​ທີ​ສິບເອັດ​ຂອງ​ກະສັດ​ໂຊໂລໂມນ. ກະສັດ​ໂຊໂລໂມນ​ໄດ້​ໃຊ້​ເວລາ​ເຈັດ​ປີ​ໃນ​ການ​ສ້າງ​ພຣະວິຫານ​ນີ້.

1 ກະສັດ 8:14

ໃນ​ຂະນະທີ່​ປະຊາຊົນ​ຢືນ​ຢູ່​ນັ້ນ ກະສັດ​ໂຊໂລໂມນ​ກໍໄດ້​ຫັນໜ້າ​ມາ​ທາງ​ພວກເຂົາ ແລະ​ຂໍ​ພຣະເຈົ້າ​ອວຍພອນ​ພວກເຂົາ.

1 ກະສັດ 8:55

ເພິ່ນ​ຂໍ​ພອນ​ຈາກ​ພຣະເຈົ້າ​ສຳລັບ​ຊຸມນຸມ​ປະຊາຊົນ​ອິດສະຣາເອນ​ທັງໝົດ​ໃນ​ທີ່ນັ້ນ​ດ້ວຍ​ສຽງດັງ. ເພິ່ນ​ກ່າວ​ວ່າ,

1 ຂ່າວຄາວ 16:2

ຫລັງຈາກ​ກະສັດ​ດາວິດ​ໄດ້​ຖວາຍ​ເຄື່ອງ​ບູຊາ​ແລ້ວ ໃນ​ນາມຊື່​ຂອງ​ພຣະເຈົ້າຢາເວ​ເພິ່ນ​ໄດ້​ອວຍພອນ​ປະຊາຊົນ

2 ຂ່າວຄາວ 30:27

ພວກ​ປະໂຣຫິດ​ແລະ​ຊາວ​ເລວີ​ໄດ້​ຢືນຂື້ນ​ອວຍພອນ​ປະຊາຊົນ. ພຣະເຈົ້າ​ຜູ້​ສະຖິດ​ຢູ່​ໃນ​ສະຫວັນ​ໄດ້ຍິນ​ສຽງ​ພາວັນນາ​ອະທິຖານ​ຂອງ​ພວກເຂົາ ແລະ​ພຣະອົງ​ຈຶ່ງ​ຮັບ​ເອົາ​ຄຳພາວັນນາ​ອະທິຖານ​ເຫຼົ່ານັ້ນ.

2 ຂ່າວຄາວ 6:3

ປະຊາຊົນ​ອິດສະຣາເອນ​ທັງໝົດ​ກໍ​ຢືນ​ຢູ່​ທີ່​ນັ້ນ. ກະສັດ​ໄດ້​ຫັນໜ້າ​ມາ​ທາງ​ພວກເຂົາ ແລະ​ຂໍ​ພຣະເຈົ້າ​ອວຍພອນ​ພວກເຂົາ.

ເນເຫມີຢາ 11:2

ປະຊາຊົນ​ໄດ້​ຍ້ອງຍໍ​ຜູ້​ທີ່​ອາສາ​ສະໝັກ​ເຂົ້າ​ໄປ​ຢູ່​ໃນ​ນະຄອນ​ເຢຣູຊາເລັມ.

ເພງ^ສັນລະເສີນ 104:31

ຂໍ​ໃຫ້​ສະຫງ່າຣາສີ​ຂອງ​ພຣະເຈົ້າຢາເວ​ດຳລົງຢູ່​ຕະຫລອດໄປ ຂໍ​ໃຫ້​ພຣະເຈົ້າຢາເວ​ພໍໃຈ​ນຳ​ສິ່ງ​ທີ່​ຖືກ​ສ້າງ​ມາ​ນັ້ນ.

ເພງ^ສັນລະເສີນ 19:11

ເຮັດ​ໃຫ້​ຂ້ານ້ອຍ​ຜູ້ຮັບໃຊ້​ມີ​ຄວາມ​ຮອບຮູ້​ດີ ຂ້ານ້ອຍ​ໄດ້​ບຳເໜັດ​ເພາະ​ເຊື່ອຟັງ​ກົດບັນຍັດ​ເຫຼົ່ານີ້.

ອົບພະຍົບ 12:28

ແລ້ວ​ພວກເຂົາ​ກໍ​ພາກັນ​ໄປ​ເຮັດ​ຕາມ​ສິ່ງ​ທີ່​ພຣະເຈົ້າຢາເວ​ໄດ້​ສັ່ງ​ໂມເຊ ແລະ​ອາໂຣນ​ໄວ້​ນັ້ນ​ທຸກປະການ.

ອົບພະຍົບ 25:9

ຈົ່ງ​ເຮັດ​ຫໍເຕັນ​ສັກສິດ​ແລະ​ເຄື່ອງ​ປະກອບ​ນັ້ນ ຕາມ​ແບບແຜນ​ທີ່​ເຮົາ​ຈະ​ສຳແດງ​ໃຫ້​ເຈົ້າ​ເບິ່ງ.

ອົບພະຍົບ 39:42

ຊາວ​ອິດສະຣາເອນ​ໄດ້​ເຮັດ​ວຽກ​ທຸກຢ່າງ ຕາມ​ທີ່​ພຣະເຈົ້າຢາເວ​ໄດ້​ສັ່ງ​ໄວ້​ກັບ​ໂມເຊ​ທຸກປະການ.

ອົບພະຍົບ 40:1

ພຣະເຈົ້າຢາເວ​ໄດ້​ບອກ​ໂມເຊ​ວ່າ,

ອົບພະຍົບ 40:25

ເພິ່ນ​ໄດ້​ໄຕ້​ຕະກຽງ​ໄວ້​ຊ້ອງໜ້າ​ພຣະເຈົ້າຢາເວ ຕາມ​ທີ່​ພຣະເຈົ້າຢາເວ​ໄດ້​ສັ່ງ​ໄວ້.

ອົບພະຍົບ 7:6

ໂມເຊ ແລະ​ອາໂຣນ​ກໍ​ປະຕິບັດ​ຕາມ ສິ່ງ​ທີ່​ພຣະເຈົ້າຢາເວ​ໄດ້​ສັ່ງ​ໄວ້​ນັ້ນ​ທຸກປະການ.

ເຢເຣມີຢາ 13:5

ດັ່ງນັ້ນ ຂ້າພະເຈົ້າ​ຈຶ່ງ​ເອົາ​ເສື້ອ​ນັ້ນ​ໄປ​ເຊື່ອງ​ໄວ້​ໃກ້​ແມ່ນໍ້າ ຕາມ​ທີ່​ພຣະເຈົ້າຢາເວ​ໄດ້ສັ່ງ​ຂ້າພະເຈົ້າ.

ລະບຽບ^ພວກເລວີ 16:34

ຈົ່ງ​ຢຶດຖື​ລະບຽບການ​ເຫຼົ່ານີ້​ໄວ້​ທຸກຍຸກ​ທຸກສະໄໝ​ສືບໄປ. ພິທີ​ຊຳລະ​ນີ້​ໃຫ້​ຈັດ​ຂຶ້ນ​ປີ​ລະ​ເທື່ອ ເພື່ອ​ຊຳລະ​ປະຊາຊົນ​ອິດສະຣາເອນ​ຈາກ​ການບາບ​ຂອງ​ພວກເຂົາ. ດັ່ງນັ້ນ ໂມເຊ ຈຶ່ງ​ໄດ້​ເຮັດ​ຕາມ​ທີ່​ພຣະເຈົ້າຢາເວ​ໄດ້​ສັ່ງ​ໄວ້​ນັ້ນ​ທຸກປະການ.

ໂຢຊວຍ 22:6

ແລ້ວ​ໂຢຊວຍ​ກໍໄດ້​ສົ່ງ​ພວກເຂົາ​ຄືນ​ສູ່​ຖິ່ນຖານ ພ້ອມ​ຄຳອວຍພອນ​ຂອງ​ເພິ່ນ ແລະ​ສັ່ງ​ພວກເຂົາ​ວ່າ, “ພວກເຈົ້າ​ຄືນ​ສູ່​ຖິ່ນຖານ​ດ້ວຍ​ຄວາມ​ອຸດົມສົມບູນ ໂດຍ​ມີ​ຝູງສັດ​ຢ່າງ​ມາກມາຍ, ຄຳ, ເງິນ, ທອງ, ເຫຼັກ ແລະ​ເຄື່ອງນຸ່ງ​ຫລາຍ​ຢ່າງ. ສະນັ້ນ ພວກເຈົ້າ​ຈົ່ງ​ແບ່ງປັນ​ສິ່ງ​ທີ່​ຢຶດ​ມາ​ໄດ້​ຈາກ​ເຫຼົ່າ​ສັດຕູ​ນັ້ນ ໃຫ້​ພີ່ນ້ອງ​ໃນ​ຕະກຸນ​ຂອງ​ພວກເຈົ້າ.” ແລ້ວ​ພວກເຂົາ​ກໍໄດ້​ພາກັນ​ກັບ​ເມືອ. ໂມເຊ​ໄດ້​ມອບ​ດິນແດນ​ທາງທິດ​ຕາເວັນອອກ​ຂອງ​ແມ່ນໍ້າ​ຈໍແດນ​ໃຫ້​ເຜົ່າ​ມານາເຊ​ເຄິ່ງ​ເຜົ່າ ແລະ​ອີກ​ເຄິ່ງ​ເຜົ່າ​ນັ້ນ ໂຢຊວຍ​ໄດ້​ມອບ​ດິນແດນ​ທາງ​ທິດ​ຕາເວັນຕົກ​ຂອງ​ແມ່ນໍ້າ​ຈໍແດນ ໃຫ້​ພວກເຂົາ​ຮ່ວມ​ກັບ​ເຜົ່າ​ອື່ນໆ.