ອົບພະຍົບ 39:21 - ພຣະຄຳພີສັກສິ

²¹ ເພື່ອ​ບໍ່​ໃຫ້​ມັນ​ຫລວມ​ແລະ​ຫລຸດ​ລົງ​ໄດ້ ພວກເຂົາ​ຍັງ​ໄດ້​ຜູກ​ຫູ​ແຜ່ນ​ປົກເອິກ ໃຫ້​ຮັດ​ຕິດ​ກັບ​ເອິກ​ທີ່​ເທິງ​ສາຍ​ແອວ ຕາມ​ທີ່​ພຣະເຈົ້າຢາເວ​ໄດ້​ສັ່ງ​ໄວ້​ກັບ​ໂມເຊ​ທຸກປະການ.

ອົບພະຍົບ 39:21 Jak'a apnaqawi uñst'ayäwi

ອົບພະຍົບ 25:7

ແກ້ວໂກເມນ​ແລະ​ເພັດພອຍ​ຊະນິດ​ຕ່າງໆ ສຳລັບ​ຕົບແຕ່ງ​ເສື້ອຄຸມ​ສັ້ນ​ເອໂຟດ ແລະ​ແຜ່ນ​ປົກເອິກ​ຂອງ​ປະໂຣຫິດ.

ອົບພະຍົບ 28:8

ສ່ວນ​ສາຍ​ຮັດ​ນັ້ນ ຈົ່ງ​ໃຊ້​ຜ້າປ່ານ​ເນື້ອລະອຽດ​ດີ​ຊະນິດ​ດຽວກັນ​ກັບ​ເສື້ອຄຸມ​ສັ້ນ​ເອໂຟດ ແລະ​ຫຍິບ​ຕິດ​ກັບ​ເສື້ອ​ເລີຍ.

ອົບພະຍົບ 39:20

ພວກເຂົາ​ໄດ້​ເຮັດ​ແຫວນ​ຄຳ​ອີກ​ສອງ​ວົງ ເພື່ອ​ຜູກ​ຕິດ​ກັບ​ທາງ​ລຸ່ມ​ຂອງ​ສາຍ​ດຶງ​ທັງສອງ​ຂ້າງ ທີ່​ເບື້ອງ​ໜ້າ​ບ່າ​ໄຫລ່​ຂອງ​ເສື້ອຄຸມ​ສັ້ນ​ເອໂຟດ ຄື​ໃກ້​ກັບ​ສາຍດຶງ​ແລະ​ເທິງ​ສາຍແອວ​ປ່ານ.

ອົບພະຍົບ 39:22

ເສື້ອຄຸມ​ຍາວ​ທີ່​ຢູ່​ລຸ່ມ​ເສື້ອຄຸມ​ສັ້ນ​ເອໂຟດ​ນັ້ນ ໄດ້​ເຮັດ​ດ້ວຍ​ຜ້າ​ຂົນແກະ​ສີຟ້າ​ທັງໝົດ.

ມັດທາຍ 16:24

ແລ້ວ​ພຣະເຢຊູເຈົ້າ​ກໍ​ກ່າວ​ແກ່​ພວກ​ສາວົກ​ວ່າ, “ຖ້າ​ຜູ້ໃດ​ຢາກ​ຕາມ​ເຮົາ​ມາ ໃຫ້​ຜູ້ນັ້ນ​ຕັດ​ສິດ​ຂອງຕົນ, ຮັບ​ແບກ​ໄມ້ກາງແຂນ​ຂອງຕົນ​ແລ້ວ​ຕິດຕາມ​ເຮົາ​ມາ.

1 ໂກຣິນໂທ 1:25

ເພາະ​ສິ່ງ​ທີ່​ເບິ່ງ​ຄື​ວ່າ ເປັນ​ຄວາມ​ໂງ່​ຂອງ​ພຣະເຈົ້າ ກໍ​ຍັງ​ສະຫລາດ​ກວ່າ​ປັນຍາ​ຂອງ​ມະນຸດ ແລະ​ສິ່ງ​ທີ່​ເບິ່ງ​ຄື​ວ່າ ເປັນ​ຄວາມ​ອ່ອນແຮງ​ຂອງ​ພຣະເຈົ້າ ກໍ​ຍັງ​ແຂງແຮງ​ກວ່າ​ກຳລັງ​ຂອງ​ມະນຸດ.

1 ໂກຣິນໂທ 1:27

ແຕ່​ພຣະເຈົ້າ​ໄດ້​ຊົງ​ເລືອກ​ເອົາ​ສິ່ງ​ທີ່​ມະນຸດ​ຖື​ວ່າ​ໂງ່ ເພື່ອ​ໃຫ້​ຄົນ​ສະຫລາດ​ຖືກ​ອັບອາຍ ແລະ​ພຣະອົງ​ໄດ້​ຊົງ​ເລືອກ​ເອົາ​ສິ່ງ​ທີ່​ມະນຸດ​ຖື​ວ່າ​ອ່ອນ​ກຳລັງ ເພື່ອ​ໃຫ້​ຄົນ​ທີ່​ມີ​ກຳລັງ​ຖືກ​ອັບອາຍ.