ອົບພະຍົບ 34:12 - ພຣະຄຳພີສັກສິ

¹² ຢ່າ​ເຮັດ​ຂໍ້​ຕົກລົງ​ໃດໆ​ກັບ​ປະຊາຊົນ​ໃນ​ດິນແດນ ທີ່​ເຈົ້າ​ກຳລັງ​ຈະ​ເຂົ້າ​ໄປ​ຢູ່​ນີ້​ເດັດຂາດ ເພາະ​ສິ່ງ​ນັ້ນ​ຈະ​ເປັນ​ບ້ວງແຮ້ວ​ອັນ​ຮ້າຍກາດ​ດັກຈັບ​ພວກເຈົ້າ.

ອົບພະຍົບ 34:12 Jak'a apnaqawi uñst'ayäwi

1 ກະສັດ 11:2

ເພິ່ນ​ເອົາ​ຍິງ​ເຫຼົ່ານີ້​ມາ​ເປັນ​ເມຍ ແມ່ນ​ວ່າ​ພຣະເຈົ້າຢາເວ​ໄດ້​ສັ່ງ​ຊາວ​ອິດສະຣາເອນ​ບໍ່​ໃຫ້​ແຕ່ງງານ​ກັບ​ຍິງ​ເຫຼົ່ານີ້ ເພາະ​ພວກເຂົາ​ຈະ​ເຮັດ​ໃຫ້​ຊາວ​ອິດສະຣາເອນ​ສັດຊື່​ຕໍ່​ບັນດາ​ພະອື່ນ.

2 ກະສັດ 17:10

ພວກເຂົາ​ໄດ້​ຕັ້ງ​ເສົາ​ສັກສິດ ແລະ​ຮູບ​ເຈົ້າແມ່​ອາເຊຣາ ໄວ້​ຕາມ​ເທິງ​ເນີນພູ​ຕ່າງໆ ແລະ​ຢູ່​ໃຕ້​ຕົ້ນໄມ້​ໃຫຍ່​ທຸກ​ກົກ.

2 ຂ່າວຄາວ 24:18

ສະນັ້ນ ພວກເຂົາ​ໄດ້​ປະຖິ້ມ​ວິຫານ​ຂອງ​ພຣະເຈົ້າຢາເວ ພຣະເຈົ້າ​ຂອງ​ບັນພະບຸລຸດ​ຂອງ​ພວກເຂົາ ແລະ​ພວກເຂົາ​ໄດ້​ເລີ່ມຕົ້ນ​ຂາບໄຫວ້​ຮູບເຄົາຣົບ ແລະ​ຮູບ​ເຈົ້າແມ່​ອາເຊຣາ. ຄວາມ​ສຳນຶກ​ຜິດ​ໃນ​ການບາບ​ຂອງ​ພວກເຂົາ​ໃນ​ຄັ້ງ​ນີ້ ໄດ້​ເຮັດ​ໃຫ້​ພຣະເຈົ້າຢາເວ​ໂກດຮ້າຍ​ຢູດາຍ​ແລະ​ນະຄອນ​ເຢຣູຊາເລັມ.

ເພງ^ສັນລະເສີນ 106:36

ພວກເຂົາ​ໄດ້​ຂາບໄຫວ້​ຮູບເຄົາຣົບ​ທັງຫລາຍ ເປັນເຫດ​ແຫ່ງ​ຄວາມ​ຈິບຫາຍ​ທີ່​ພວກເຂົາ​ໄດ້​ຮັບ.

ຈົດບັນຊີ 33:52

ພວກເຈົ້າ​ຕ້ອງ​ຂັບໄລ່​ປະຊາຊົນ​ໃນ​ດິນແດນ​ນັ້ນ​ອອກ​ໄປ​ໃຫ້​ໝົດ. ໃຫ້​ທຳລາຍ​ເສົາ​ຫີນ​ແລະ​ຮູບເຄົາຣົບ​ທີ່​ເປັນ​ໂລຫະ​ພ້ອມ​ບ່ອນ​ນະມັດສະການ​ຮູບ​ເຫຼົ່ານັ້ນ​ທັງໝົດ​ຖິ້ມ.

ພຣະບັນຍັດສອງ 20:18

ໃຫ້​ຂ້າ​ຄົນ​ເຫຼົ່ານີ້​ຖິ້ມ​ໝົດ​ເພື່ອ​ວ່າ​ພວກເຂົາ​ຈະ​ບໍ່​ນຳພາ​ພວກເຈົ້າ ໃຫ້​ເຮັດ​ບາບ​ຕໍ່ສູ້​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ​ໂດຍ​ສອນ​ພວກເຈົ້າ​ໃຫ້​ເຮັດ​ໃນ​ສິ່ງ​ທີ່​ໜ້າລັງກຽດ ເມື່ອ​ພວກເຂົາ​ຂາບໄຫວ້​ບັນດາ​ຮູບເຄົາຣົບ​ຂອງ​ພວກເຂົາ.

ພຣະບັນຍັດສອງ 31:5

ພຣະເຈົ້າຢາເວ​ຈະ​ໃຫ້​ພວກເຈົ້າ​ມີ​ໄຊຊະນະ​ເໜືອ​ພວກເຂົາ ແລະ​ພວກເຈົ້າ​ຕ້ອງ​ເຮັດ​ກັບ​ພວກເຂົາ​ແທ້ໆ ດັ່ງ​ທີ່​ຂ້າພະເຈົ້າ​ໄດ້​ບອກ​ພວກເຈົ້າ.

ພຣະບັນຍັດສອງ 7:16

ຈົ່ງ​ທຳລາຍ​ທຸກໆ​ຊົນຊາດ​ທີ່​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ ມອບ​ໄວ້​ໃຕ້​ອຳນາດ​ຂອງ​ພວກເຈົ້າ ແລະ​ຢ່າ​ສະແດງ​ຄວາມ​ເມດຕາ​ໃດໆ​ແກ່​ພວກເຂົາ. ຢ່າ​ຂາບໄຫວ້​ບັນດາ​ພະ​ຂອງ​ພວກເຂົາ ເພາະ​ສິ່ງ​ນັ້ນ​ເປັນ​ການ​ທຳລາຍ​ພວກເຈົ້າ​ເອງ.

ພຣະບັນຍັດສອງ 7:2

ແລະ​ເມື່ອ​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ​ໃຫ້​ຊົນຊາດ​ເຫຼົ່ານີ້ ຢູ່​ໃຕ້​ອຳນາດ​ຂອງ​ພວກເຈົ້າ ແລະ​ພວກເຈົ້າ​ຊະນະ​ພວກເຂົາ​ແລ້ວ ຢ່າ​ໄວ້​ຊີວິດ​ຂອງ​ພວກເຂົາ​ເປັນ​ເດັດຂາດ. ຢ່າ​ເຮັດ​ສັນຍາ​ໃດໆ​ກັບ​ພວກເຂົາ ຫລື​ສະແດງ​ຄວາມ​ເມດຕາ​ຕໍ່​ພວກເຂົາ​ເລີຍ.

ໂຢຊວຍ 9:7

ແຕ່​ຊາວ​ອິດສະຣາເອນ​ໄດ້​ເວົ້າ​ຕໍ່​ຄົນ​ຮີວີ​ວ່າ, “ພວກເຈົ້າ​ອາດ​ຈະ​ຢູ່​ໃກ້​ກັບ​ພວກເຮົາ​ນີ້​ກໍໄດ້ ດ້ວຍເຫດໃດ​ພວກເຮົາ​ຈຶ່ງ​ຈະ​ເຮັດ​ຂໍ້​ຕົກລົງ​ກັບ​ພວກເຈົ້າ?”

ພວກ^ຜູ້ປົກຄອງ 6:10

ເຮົາ​ໄດ້​ບອກ​ພວກເຈົ້າ​ແລ້ວ​ວ່າ, ເຮົາ​ຄື​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ; ສະນັ້ນ ພວກເຈົ້າ​ຈຶ່ງ​ບໍ່​ຕ້ອງ​ຂາບໄຫວ້​ບັນດາ​ພະ​ຂອງ​ຊາວ​ອາໂມ​ໃນ​ດິນແດນ ທີ່​ພວກເຈົ້າ​ກຳລັງ​ອາໄສ​ຢູ່​ນີ້ ແຕ່​ພວກເຈົ້າ​ບໍ່ໄດ້​ເຊື່ອຟັງ​ເຮົາ.”

ພວກ^ຜູ້ປົກຄອງ 8:27

ກີເດໂອນ​ໄດ້​ເອົາ​ເຄື່ອງ​ເຫຼົ່ານີ້​ມາ​ສ້າງ​ຮູບເຄົາຣົບ ແລະ​ຕັ້ງ​ໄວ້​ໃນ​ໂອຟະຣາ ເມືອງ​ຂອງ​ເພິ່ນ​ເອງ. ຊາວ​ອິດສະຣາເອນ​ທຸກຄົນ​ໄດ້​ປະຖິ້ມ​ພຣະເຈົ້າ ແລະ​ໄປ​ທີ່​ເມືອງ​ໂອຟຣາ​ເພື່ອ​ຂາບໄຫວ້​ຮູບເຄົາຣົບ​ນັ້ນ. ການ​ກະທຳ​ເຊັ່ນນີ້​ເປັນ​ບ້ວງແຮ້ວ​ສຳລັບ​ກີເດໂອນ​ເອງ ແລະ​ຄອບຄົວ​ຂອງ​ລາວ.