ໃນໂລກນີ້ບໍ່ມີຊົນຊາດໃດເໝືອນຊາດອິດສະຣາເອນ ຊຶ່ງພຣະອົງໄດ້ຊົງໄຖ່ເອົາມາຈາກການເປັນທາດຮັບໃຊ້ເພື່ອໃຫ້ເປັນຄົນຂອງພຣະອົງ. ຄວາມຍິ່ງໃຫຍ່ແລະການອັດສະຈັນທີ່ພຣະອົງໄດ້ກະທຳໃຫ້ພວກເຂົານັ້ນ ໄດ້ນຳຊື່ສຽງຂອງພຣະອົງແຜ່ໄປທົ່ວໂລກ. ພຣະອົງໄດ້ຂັບໄລ່ຊົນຊາດຕ່າງໆ ແລະບັນດາພະຂອງພວກເຂົາອອກໄປ ໃນຂະນະທີ່ປະຊາຊົນຂອງພຣະອົງບຸກໜ້າເຂົ້າໄປ ຄືປະຊາຊົນທີ່ພຣະອົງໄດ້ປົດປ່ອຍອອກມາຈາກປະເທດເອຢິບ ເພື່ອໃຫ້ເປັນຂອງພຣະອົງ.
ອົບພະຍົບ 33:16 - ພຣະຄຳພີສັກສິ16 ໃຜຈະຮູ້ວ່າພຣະອົງພໍໃຈນຳປະຊາຊົນຂອງພຣະອົງ ແລະພໍໃຈນຳຂ້ານ້ອຍໄດ້ຢ່າງໃດ ຖ້າພຣະອົງບໍ່ນຳພາຂ້ານ້ອຍໄປ? ການທີ່ພຣະອົງນຳພາພວກຂ້ານ້ອຍໄປນັ້ນ ຈະສຳແດງໃຫ້ປະຊາຊົນອື່ນໆໃນໂລກເຫັນວ່າ ພວກຂ້ານ້ອຍທັງຫລາຍເປັນປະຊາຊົນຂອງພຣະອົງແທ້.” Uka jalj uñjjattʼäta |
ອົບພະຍົບ 33:16
15 Jak'a apnaqawi uñst'ayäwi
ພຣະອົງໄດ້ກ່າວແກ່ໂມເຊວ່າ, “ບັດນີ້ ເຮົາຈະເຮັດພັນທະສັນຍາກັບປະຊາຊົນອິດສະຣາເອນ. ເຮົາຈະເຮັດສິ່ງອັນຍິ່ງໃຫ່ຍໃນທ່າມກາງພວກເຂົາ ຊຶ່ງບໍ່ເຄີຍເຮັດກັບຊົນຊາດໃດໆໃນໂລກມາກ່ອນ. ປະຊາຊົນທັງໝົດຈະໄດ້ເຫັນການອັນຍິ່ງໃຫຍ່ ທີ່ພຣະເຈົ້າຢາເວໄດ້ກະທຳ ເພາະເຮົາກຳລັງຈະເຮັດສິ່ງອັນໜ້າຢ້ານກົວສຳລັບເຈົ້າ.
ເພິ່ນກ່າວວ່າ, “ຂ້າແດ່ອົງພຣະຜູ້ເປັນເຈົ້າ ຖ້າພຣະອົງພໍໃຈນຳຂ້ານ້ອຍແທ້ ຂໍອົງພຣະຜູ້ເປັນເຈົ້າຊົງໂຜດນຳໜ້າພວກຂ້ານ້ອຍໄປເຖີດ. ປະຊາຊົນພວກນີ້ໃຈແຂງກະດ້າງດື້ດຶງຫລາຍ, ແຕ່ຂໍຊົງໂຜດຍົກຜິດຍົກບາບຂອງພວກຂ້ານ້ອຍແດ່ທ້ອນ ແລະຂໍຊົງໂຜດຮັບເອົາພວກຂ້ານ້ອຍເປັນໄພ່ພົນຂອງພຣະອົງດ້ວຍເຖີດ.”
ພວກເຂົາກໍຈະບອກເລື່ອງນັ້ນໃຫ້ແກ່ປະຊາຊົນທີ່ອາໄສຢູ່ໃນດິນແດນນີ້. ຄົນພວກນັ້ນໄດ້ຍິນແລ້ວວ່າພຣະອົງຄືພຣະເຈົ້າຢາເວ ສະຖິດຢູ່ທ່າມກາງພວກຂ້ານ້ອຍ ແລະພຣະເຈົ້າຢາເວໄດ້ປາກົດໜ້າຕໍ່ໜ້າໃຫ້ພວກຂ້ານ້ອຍເຫັນ, ແລະເປັນເສົາເມກຊຶ່ງຢຸດຢູ່ເທິງພວກຂ້ານ້ອຍ ແລະພຣະອົງຍັງໄດ້ນຳພາພວກຂ້ານ້ອຍໄປ ເປັນເສົາເມກໃນເວລາກາງເວັນ ແລະເປັນເສົາໄຟໃນເວລາກາງຄືນ.
ມີພຣະເຈົ້າອົງໃດອີກທີ່ກ້າໄປເອົາປະຊາຊົນຈາກຊາດອື່ນ ແລະເອົາມາຫລໍ່ຫລອມໃຫ້ເປັນປະຊາຊົນຂອງຕົນ ເໝືອນດັ່ງພຣະເຈົ້າຢາເວ ພຣະເຈົ້າຂອງພວກເຈົ້າ ໄດ້ເຮັດໃນປະເທດເອຢິບ? ຕໍ່ໜ້າຕໍ່ຕາຂອງພວກເຈົ້າ ພຣະອົງໄດ້ໃຊ້ຣິດອຳນາດກັບພະລັງອັນຍິ່ງໃຫຍ່ແລະຣິດເດດຂອງພຣະອົງ; ພຣະອົງໄດ້ໃຫ້ໂຣກລະບາດກັບສົງຄາມເກີດຂຶ້ນ, ເຮັດສິ່ງອັດສະຈັນກັບໝາຍສຳຄັນຕ່າງໆ ແລະເຮັດໃຫ້ສິ່ງອັນໜ້າຢ້ານກົວຍິ່ງເກີດຂຶ້ນ.
Anuncios ukanaka