ອົບພະຍົບ 33:11 - ພຣະຄຳພີສັກສິ

¹¹ ພຣະເຈົ້າຢາເວ​ກ່າວ​ແກ່​ໂມເຊ​ໜ້າ​ຕໍ່ໜ້າ ດັ່ງ​ຄົນ​ໜຶ່ງ​ທີ່​ກ່າວ​ຕໍ່​ເພື່ອນ​ຂອງຕົນ. ແລ້ວ​ໂມເຊ​ກໍ​ກັບຄືນ​ເມືອ​ຄ້າຍພັກ, ສ່ວນ​ໂຢຊວຍ​ລູກຊາຍ​ຂອງ​ນູນ ຜູ້ຮັບໃຊ້​ທີ່​ໜຸ່ມແໜ້ນ​ຂອງເພິ່ນ​ໄດ້​ປະຈຳ​ຢູ່​ໃນ​ຫໍເຕັນ.

ອົບພະຍົບ 33:11 Jak'a apnaqawi uñst'ayäwi

ປະຖົມມະການ 32:30

ຢາໂຄບ​ເວົ້າ​ວ່າ, “ຂ້ອຍ​ໄດ້​ເຫັນ​ພຣະເຈົ້າ​ຕໍ່ໜ້າຕໍ່ຕາ ແລະ​ຂ້ອຍ​ຍັງ​ບໍ່​ຕາຍ.” ສະນັ້ນ ເພິ່ນ​ຈຶ່ງ​ໃສ່​ຊື່​ບ່ອນ​ນັ້ນ​ວ່າ “ເປນີເອນ.”

2 ຂ່າວຄາວ 20:7

ພຣະອົງ​ເປັນ​ພຣະເຈົ້າ​ຂອງ​ພວກ​ຂ້ານ້ອຍ. ເມື່ອ​ປະຊາຊົນ​ອິດສະຣາເອນ​ຂອງ​ພຣະອົງ​ໄດ້​ຍ້າຍ​ເຂົ້າ​ມາ​ໃນ​ດິນແດນ​ນີ້ ພຣະອົງ​ໄດ້​ຂັບໄລ່​ປະຊາຊົນ​ທີ່​ອາໄສ​ຢູ່​ທີ່​ນີ້​ອອກ​ໄປ ແລະ​ໄດ້​ມອບ​ດິນແດນ​ໃຫ້​ແກ່​ເຊື້ອສາຍ​ຂອງ​ອັບຣາຮາມ ມິດ​ສະຫາຍ​ຂອງ​ພຣະອົງ ໃຫ້​ເປັນ​ມໍຣະດົກ​ຂອງ​ພວກເພິ່ນ​ຕະຫລອດໄປ.

ພຣະທຳ​ໂຢບ 16:21

ຂ້ອຍ​ຢາກ​ໃຫ້​ມີ​ຄົນກາງ​ຜູ້ໜຶ່ງ ຮ້ອງຂໍ​ຕໍ່​ພຣະເຈົ້າ​ເດ ແມ່ນ​ຜູ້ໜຶ່ງ​ທີ່​ຈະ​ສູ້​ຄະດີ​ໃຫ້​ເພື່ອນ​ຂອງຕົນ​ໄດ້.

ອົບພະຍົບ 17:9

ໂມເຊ​ຈຶ່ງ​ສັ່ງ​ໂຢຊວຍ​ວ່າ, “ມື້ອື່ນ ເຈົ້າ​ຈົ່ງ​ເລືອກເຟັ້ນ​ເອົາ​ບາງຄົນ ອອກ​ໄປ​ສູ້ຮົບ​ກັບ​ຊາວ​ອາມາເຫຼັກ. ສ່ວນ​ເຮົາ​ເອງ​ຈະ​ຖື​ໄມ້ຄ້ອນເທົ້າ​ທີ່​ພຣະເຈົ້າ​ໄດ້​ມອບ​ໃຫ້​ນັ້ນ ຢືນ​ເບິ່ງ​ຢູ່​ເທິງ​ເນີນພູ.”

ອົບພະຍົບ 24:13

ໂມເຊ​ແລະ​ໂຢຊວຍ ຜູ້​ຊ່ວຍ​ຂອງຕົນ ຈຶ່ງ​ໄດ້​ຕຽມຕົວ ແລະ​ໂມເຊ​ກໍ​ເລີ່ມ ຂຶ້ນ​ໄປ​ທີ່​ເທິງ​ພູເຂົາ​ຂອງ​ພຣະເຈົ້າ.

ອົບພະຍົບ 32:17

ເມື່ອ​ໂຢຊວຍ​ໄດ້ຍິນ​ສຽງ​ປະຊາຊົນ​ພວມ​ຮ້ອງ​ເອະອະ​ກັນ​ຢູ່ ລາວ​ຈຶ່ງ​ເວົ້າ​ກັບ​ໂມເຊ​ວ່າ, “ຂ້ອຍ​ຄື​ໄດ້ຍິນ​ສຽງ​ສູ້ຮົບ​ກັນ​ຢູ່​ໃນ​ຄ້າຍພັກ.”

ອົບພະຍົບ 33:10

ເມື່ອ​ປະຊາຊົນ​ໄດ້​ເຫັນ​ເສົາເມກ​ທີ່​ປະຕູ​ເຂົ້າ​ຫໍເຕັນ​ເທື່ອໃດ ພວກເຂົາ​ກໍ​ຂາບລົງ​ເທື່ອນັ້ນ.

ອົບພະຍົບ 33:9

ຫລັງຈາກ​ທີ່​ໂມເຊ​ໄດ້​ເຂົ້າ​ໄປ​ໃນ​ຫໍເຕັນ​ແລ້ວ ໄດ້​ມີ​ເມກ​ເປັນ​ຮູບ​ເສົາ​ລອຍ​ລົງ​ມາ ແລະ​ຢຸດ​ຢູ່​ທີ່​ປະຕູ​ເຂົ້າ​ຫໍເຕັນ ແລະ​ພຣະເຈົ້າຢາເວ​ກໍ​ກ່າວ​ແກ່​ໂມເຊ​ຈາກ​ເສົາເມກ​ນັ້ນ.

ເອຊາຢາ 42:8

ເຮົາ​ແມ່ນ​ພຣະເຈົ້າຢາເວ ນາມນີ້​ແມ່ນ​ນາມຊື່​ຂອງເຮົາ ເຮົາ​ຈະ​ບໍ່​ຍົກ​ສະຫງ່າຣາສີ​ຂອງເຮົາ​ໃຫ້​ແກ່​ຜູ້ອື່ນ; ເຮົາ​ຈະ​ບໍ່​ຍອມ​ໃຫ້​ຄຳ​ຍົກຍໍ​ສັນລະເສີນ ທີ່​ເປັນ​ຂອງເຮົາ​ແຕ່​ເທົ່ານັ້ນ​ໃຫ້​ແກ່​ຮູບເຄົາຣົບ​ທັງຫລາຍ.

ຈົດບັນຊີ 11:28

ແລ້ວ​ໂຢຊວຍ​ລູກຊາຍ​ຂອງ​ນູນ ຜູ້​ຊ່ວຍ​ຂອງ​ໂມເຊ​ຕັ້ງແຕ່​ສະໄໝ​ຍັງ​ເປັນ​ໜຸ່ມ ກໍໄດ້​ເວົ້າ​ກັບ​ໂມເຊ​ວ່າ, “ທ່ານເອີຍ ຈົ່ງ​ໄປ​ບອກ​ພວກເຂົາ​ໃຫ້​ຢຸດ​ສາ.”

ຈົດບັນຊີ 12:7

ມັນ​ແຕກຕ່າງ​ກັບ​ເມື່ອ​ເຮົາ​ກ່າວ​ແກ່​ໂມເຊ ຄົນ​ຮັບໃຊ້​ທີ່​ສັດຊື່​ຂອງເຮົາ; ເຮົາ​ໄດ້​ໃຫ້​ລາວ​ຮັບຜິດຊອບ​ປະຊາຊົນ​ອິດສະຣາເອນ​ທັງໝົດ​ຂອງເຮົາ.

ຈົດບັນຊີ 12:8

ດັ່ງນັ້ນ ເຮົາ​ຈຶ່ງ​ກ່າວ​ແກ່​ລາວ​ຕໍ່ໜ້າ​ຢ່າງ​ຈະແຈ້ງ​ແລະ​ຢ່າງ​ບໍ່ມີ​ບັນຫາ; ລາວ​ໄດ້​ເຫັນ​ແມ່ນແຕ່​ຮູບຮ່າງ​ຂອງ​ພຣະເຈົ້າຢາເວ ເຫດໃດ​ພວກເຈົ້າ​ຈຶ່ງ​ກ້າ​ເວົ້າ​ຕໍ່ສູ້​ໂມເຊ ຜູ້ຮັບໃຊ້​ຂອງເຮົາ?”

ໂຢຮັນ 11:11

ເມື່ອ​ພຣະເຢຊູເຈົ້າ​ກ່າວ​ດັ່ງນັ້ນ​ແລ້ວ ພຣະອົງ​ຍັງ​ກ່າວ​ຕື່ມ​ອີກ​ວ່າ, “ລາຊະໂຣ​ເພື່ອນ​ຂອງເຮົາ​ນອນ​ຫລັບ​ໄປ ແຕ່​ເຮົາ​ຈະ​ໄປ​ປຸກ​ລາວ​ໃຫ້​ຕື່ນ.”

ໂຢຮັນ 3:29

ເຈົ້າສາວ​ຍ່ອມ​ເປັນ​ຂອງ​ເຈົ້າບ່າວ, ແຕ່​ພໍ​ໄດ້ຍິນ​ສຽງ​ເຈົ້າບ່າວ ເພື່ອນ​ຂອງ​ເຈົ້າບ່າວ​ທີ່​ຢືນ​ຟັງ​ຢູ່ ກໍ​ດີໃຈ​ຢ່າງ​ເຕັມປ່ຽມ ຢ່າງ​ນັ້ນ​ແຫຼະ ຄວາມ​ຍິນດີ​ຂອງເຮົາ​ກໍ​ຄົບຖ້ວນ​ແລ້ວ.

ພຣະບັນຍັດສອງ 31:14

ແລ້ວ​ພຣະເຈົ້າຢາເວ​ກໍໄດ້​ບອກ​ໂມເຊ​ວ່າ, “ເຈົ້າ​ຈະ​ມີ​ຊີວິດ​ຢູ່​ອີກ​ບໍ່​ດົນ. ຈົ່ງ​ເອີ້ນ​ໂຢຊວຍ​ໄປ​ທີ່​ຫໍເຕັນ​ບ່ອນ​ຊຸມນຸມ​ເພື່ອ​ວ່າ​ເຮົາ​ຈະ​ໄດ້​ແນະນຳ​ລາວ.” ໂມເຊ​ແລະ​ໂຢຊວຍ​ກໍໄດ້​ພາກັນ​ໄປ​ທີ່​ຫໍເຕັນ​ບ່ອນ​ຊຸມນຸມ.

ພຣະບັນຍັດສອງ 34:10

ຢູ່​ໃນ​ຊາດ​ອິດສະຣາເອນ​ບໍ່ເຄີຍ​ມີ​ຜູ້ທຳນວາຍ​ຄົນ​ໃດ​ເໝືອນດັ່ງ​ໂມເຊ; ພຣະເຈົ້າຢາເວ​ໄດ້​ກ່າວ​ແກ່​ເພິ່ນ​ໜ້າ​ຕໍ່ໜ້າ.

ພຣະບັນຍັດສອງ 5:4

ພຣະເຈົ້າຢາເວ​ໄດ້​ກ່າວ​ຈາກ​ແປວໄຟ​ໜ້າ​ຕໍ່ໜ້າ​ກັບ​ພວກເຈົ້າ​ທີ່​ເທິງ​ພູ​ນັ້ນ.

ຢາໂກໂບ 2:23

ແລະ​ກໍ​ສຳເລັດ​ຕາມ​ທີ່​ມີ​ຄຳ​ຂຽນ​ໄວ້​ໃນ​ພຣະຄຳພີ​ວ່າ, “ອັບຣາຮາມ​ເຊື່ອ​ພຣະເຈົ້າ ແລະ​ຍ້ອນ​ຄວາມເຊື່ອ​ນັ້ນ ພຣະອົງ​ຈຶ່ງ​ຊົງ​ຮັບ​ວ່າ​ເພິ່ນ​ເປັນ​ຄົນ​ຊອບທຳ.” ດັ່ງນັ້ນ ພຣະອົງ​ຈຶ່ງ​ເອີ້ນ​ອັບຣາຮາມ​ວ່າ, “ສະຫາຍ​ຂອງ​ພຣະເຈົ້າ.”