ອົບພະຍົບ 32:3 - ພຣະຄຳພີສັກສິ

³ ດັ່ງນັ້ນ ປະຊາຊົນ​ອິດສະຣາເອນ​ທຸກຄົນ​ຈຶ່ງ​ໄດ້​ປົດ​ຕຸ້ມຫູ​ຄຳ​ຂອງຕົນ ມອບ​ໃຫ້​ອາໂຣນ.

ອົບພະຍົບ 32:3 Jak'a apnaqawi uñst'ayäwi

ປະຖົມມະການ 24:22

ເມື່ອ​ນາງ​ເອົາ​ນໍ້າ​ໃຫ້​ອູດ​ກິນ​ອີ່ມ​ໝົດ​ທຸກ​ໂຕ​ແລ້ວ ຄົນ​ຮັບໃຊ້​ຂອງ​ອັບຣາຮາມ​ກໍ​ເອົາ​ແຫວນ​ຄຳ​ລາຄາ​ແພງ​ປະດັບ​ທີ່​ດັງ​ຂອງ​ນາງ ແລະ​ເອົາ​ປອກ​ແຂນ​ຄຳ​ຄູ່​ໜຶ່ງ​ໃສ່​ໃຫ້​ນາງ.

ປະຖົມມະການ 35:4

ດັ່ງນັ້ນ ພວກເຂົາ​ຈຶ່ງ​ເອົາ​ຮູບ​ພະ​ທັງໝົດ​ຂອງ​ຄົນຕ່າງຊາດ ຊຶ່ງ​ພວກເຂົາ​ມີ​ຢູ່​ກັບ​ຕຸ້ມຫູ​ທີ່​ພວກເຂົາ​ໃສ່​ຢູ່​ມອບ​ໃຫ້​ຢາໂຄບ. ເພິ່ນ​ໄດ້​ເອົາ​ເຄື່ອງ​ເຫຼົ່ານີ້​ໄປ​ຝັງ​ໄວ້​ໃຕ້​ຕົ້ນ​ໝາກກໍ່​ໃກ້​ກັບ​ເມືອງ​ຊີເຄມ.

ອົບພະຍົບ 32:2

ອາໂຣນ​ຈຶ່ງ​ບອກ​ພວກເຂົາ​ວ່າ, “ຈົ່ງ​ປົດ​ຕຸ້ມຫູ​ຂອງ​ເມຍ, ລູກຊາຍ ແລະ​ລູກສາວ​ຂອງ​ພວກເຈົ້າ​ທີ່​ໃສ່​ຢູ່​ນັ້ນ​ເອົາ​ມາ​ໃຫ້​ຂ້ອຍ.”

ອົບພະຍົບ 32:4

ເພິ່ນ​ໄດ້​ຮວບຮວມ​ເອົາ​ຕຸ້ມຫູ​ທັງໝົດ ແລະ​ໃຊ້​ເຄື່ອງ​ມື​ຫລໍ່​ເປັນ​ຮູບ​ງົວ​ຄຳ​ໂຕໜຶ່ງ. ຕໍ່ມາ ປະຊາຊົນ​ກໍ​ເວົ້າ​ວ່າ, “ຊາວ​ອິດສະຣາເອນ​ເອີຍ ອັນນີ້ ແມ່ນ​ພະ​ຂອງ​ພວກເຮົາ​ຜູ້​ທີ່​ໄດ້​ນຳພາ​ພວກເຮົາ​ອອກ​ມາ​ຈາກ​ປະເທດ​ເອຢິບ.”

ອົບພະຍົບ 33:6

ເພາະສະນັ້ນ ປະຊາຊົນ​ອິດສະຣາເອນ​ຈຶ່ງ​ບໍ່ໄດ້​ໃສ່​ເຄື່ອງເອ້​ອີກ​ຕໍ່ໄປ ເມື່ອ​ຈາກ​ພູເຂົາ​ຊີນາຍ​ໄປ​ນັ້ນ.

ເອຊາຢາ 3:19

ແລະ​ຕາມ​ຂໍ້ມື. ພຣະອົງ​ຈະ​ເອົາ​ຜ້າ​ປົກ​ໜ້າ​ຂອງ​ພວກເຂົາ​ໄປ

ເອຊາຢາ 46:6

ປະຊາຊົນ​ໄຂ​ກະເປົາ ແລະ​ຖອກ​ຄຳ​ອອກ​ມາ ຊັ່ງ​ເບິ່ງ​ນໍ້າໜັກ​ເງິນ​ໃສ່​ຊິງ​ທີ່​ພວກເຂົາ​ມີ​ນັ້ນ. ພວກເຂົາ​ຈ້າງ​ຊ່າງ​ຫລອມ​ຄຳ​ໃຫ້​ເຮັດ​ເປັນ​ຮູບພະ ແລ້ວ​ກໍ​ຂາບໄຫວ້​ຮູບພະ​ທີ່​ໄດ້​ສ້າງ​ຂຶ້ນ​ມາ.

ເຢເຣມີຢາ 10:9

ຮູບເຄົາຣົບ​ພວກເຂົາ​ໂອບ​ດ້ວຍ​ເງິນ​ຈາກ​ຕາກຊິດ ໂອບ​ດ້ວຍ​ຄຳ​ທີ່​ຖືກ​ນຳ​ມາ​ຈາກ​ແດນ​ອູຟາດ ຊຶ່ງ​ລ້ວນແຕ່​ແຕ້ມ​ດ້ວຍ​ສີມື​ຂອງ​ນັກ​ສິນລະປິນ ພວກເຂົາ​ນຸ່ງ​ເຄື່ອງ​ງົດງາມ​ໃຫ້​ຮູບເຄົາຣົບ​ເຫຼົ່ານັ້ນ ເປັນ​ສີແດງແຈດ​ແລະ​ສີມ່ວງ​ຢ່າງດີ ຊຶ່ງ​ຊ່າງ​ຜູ້​ຊຳນິ​ຊຳນານ​ຕໍ່າ​ອອກ​ມາ​ໃຫ້.