ອົບພະຍົບ 32:21 - ພຣະຄຳພີສັກສິ

²¹ ແລ້ວ​ເພິ່ນ​ກໍ​ຖາມ​ອາໂຣນ​ວ່າ, “ປະຊາຊົນ​ພວກ​ນີ້​ໄດ້​ເຮັດ​ຫຍັງ​ໃຫ້​ເຈົ້າ ເຈົ້າ​ຈຶ່ງ​ພາ​ພວກເຂົາ​ເຮັດ​ບາບ​ຢ່າງ​ຫລວງຫຼາຍ​ເຊັ່ນນີ້?”

ອົບພະຍົບ 32:21 Jak'a apnaqawi uñst'ayäwi

ປະຖົມມະການ 20:9

ແລ້ວ​ເຈົ້າ​ອາບີເມເຫຼັກ​ກໍ​ເອີ້ນ​ອັບຣາຮາມ​ມາ ແລະ​ຖາມ​ວ່າ, “ເປັນຫຍັງ​ເຈົ້າ​ຈຶ່ງ​ເຮັດ​ເຊັ່ນ​ນີ້​ກັບ​ເຮົາ? ເຮົາ​ເຮັດ​ຜິດ​ຫຍັງ​ຕໍ່​ເຈົ້າ ເຈົ້າ​ຈຶ່ງ​ຈະ​ນຳ​ຄວາມ​ຈິບຫາຍ​ແບບ​ນີ້​ມາ​ສູ່​ເຮົາ ແລະ​ອານາຈັກ​ຂອງເຮົາ? ບໍ່ມີ​ຜູ້ໃດ​ເຄີຍ​ເຮັດ​ສິ່ງ​ທີ່​ເຈົ້າ​ໄດ້​ເຮັດ​ນີ້​ກັບ​ເຮົາ​ຈັກເທື່ອ.

ປະຖົມມະການ 26:10

ເຈົ້າ​ອາບີເມເຫຼັກ​ເວົ້າ​ວ່າ, “ເປັນຫຍັງ​ເຈົ້າ​ຈຶ່ງ​ເຮັດ​ກັບ​ເຮົາ​ດັ່ງນີ້? ຄົນ​ຂອງເຮົາ​ບາງຄົນ​ອາດ​ນອນ​ນຳ​ເມຍ​ຂອງ​ເຈົ້າ​ກໍໄດ້ ແລະ​ເຈົ້າ​ຕ້ອງ​ຮັບຜິດຊອບ​ໃນ​ຄວາມຜິດ​ຂອງ​ພວກເຮົາ.”

1 ກະສັດ 14:16

ພຣະອົງ​ຈະ​ປະຖິ້ມ​ຊາດ​ອິດສະຣາເອນ ເພາະ​ກະສັດ​ເຢໂຣໂບອາມ​ໄດ້​ເຮັດ​ບາບ ແລະ​ໄດ້​ນຳ​ປະຊາຊົນ​ອິດສະຣາເອນ​ໃຫ້​ເຮັດ​ບາບ.”

1 ກະສັດ 21:22

ເຮົາ​ຈະ​ເຮັດ​ໃຫ້​ຄອບຄົວ​ຂອງເຈົ້າ​ຈະ​ເປັນ​ດັ່ງ​ຄອບຄົວ​ຂອງ​ເຢໂຣໂບອາມ​ລູກຊາຍ​ຂອງ​ເນບັດ ແລະ​ດັ່ງ​ຄອບຄົວ​ຂອງ​ບາອາຊາ​ລູກຊາຍ​ຂອງ​ອາຮີຢາ, ເພາະ​ເຈົ້າ​ໄດ້​ຍົວະເຍົ້າ​ເຮົາ​ໃຫ້​ໂກດຮ້າຍ ໂດຍ​ນຳພາ​ພວກ​ອິດສະຣາເອນ​ເຮັດ​ບາບ.’

ອົບພະຍົບ 32:20

ເພິ່ນ​ເຂົ້າ​ໄປ​ຢຶດເອົາ​ຮູບ​ງົວ​ນ້ອຍ​ທີ່​ຫລໍ່​ດ້ວຍ​ຄຳ​ຖິ້ມ​ໃສ່​ໄຟ ບົດ​ສິ່ງ​ທີ່​ເສດເຫລືອ​ເປັນ​ຂີ້ເຖົ່າ​ໃຫ້​ໝຸ່ນ​ລະອຽດ ແລະ​ປົນ​ລົງ​ໃນ​ນໍ້າ​ໃຫ້​ຊາວ​ອິດສະຣາເອນ​ດື່ມ.

ອົບພະຍົບ 32:22

ອາໂຣນ​ໄດ້​ຕອບ​ວ່າ, “ຢ່າ​ຮ້າຍ​ໃຫ້​ຂ້ອຍ​ເທາະ ເຈົ້າ​ກໍ​ຮູ້​ຢູ່​ເຕັມໃຈ​ແລ້ວ​ບໍ່ແມ່ນ​ຫລື​ວ່າ​ປະຊາຊົນ​ເຫຼົ່ານີ້​ພ້ອມ​ທີ່​ຈະ​ເຮັດ​ບາບ​ຢູ່​ແລ້ວ.

1 ຊາມູເອນ 15:14

ຊາມູເອນ​ຖາມ​ວ່າ, “ຖ້າດັ່ງນັ້ນ ສຽງ​ງົວ​ແລະ​ສຽງ​ແກະ​ທີ່​ຮ້ອງ​ຢູ່​ນັ້ນ​ໄດ້​ມາ​ແຕ່​ໃສ?”

1 ຊາມູເອນ 26:19

ຂ້າແດ່​ພະຣາຊາ ຂໍ​ທ່ານ​ຟັງ​ຂ້ານ້ອຍ​ເວົ້າ​ສາ​ກ່ອນ ຖ້າ​ແມ່ນ​ພຣະເຈົ້າຢາເວ​ໃຫ້​ທ່ານ​ເປັນ​ຜູ້​ຕໍ່ສູ້​ຂ້ານ້ອຍ​ແລ້ວ ການ​ຖວາຍບູຊາ​ຢ່າງ​ໜຶ່ງ​ກໍ​ຈະ​ກະທຳ​ໃຫ້​ພຣະອົງ​ປ່ຽນໃຈ, ແຕ່​ຖ້າ​ແມ່ນ​ມະນຸດ​ເປັນ​ຜູ້​ກະທຳ​ເອງ ກໍ​ຂໍ​ໃຫ້​ຄຳສາບແຊ່ງ​ຂອງ​ພຣະເຈົ້າຢາເວ​ຕົກ​ຖືກ​ພວກເຂົາ ເພາະ​ພວກເຂົາ​ເອງ​ເປັນ​ຜູ້​ຕາມລ່າ​ຂ້ານ້ອຍ​ໃຫ້​ອອກ​ຈາກ​ດິນແດນ​ຂອງ​ພຣະເຈົ້າຢາເວ ແລະ​ໃຫ້​ຂ້ານ້ອຍ​ໄປ​ອາໄສ​ຢູ່​ໃນ​ປະເທດ​ທີ່​ຂ້ານ້ອຍ​ຈຳເປັນ​ຕ້ອງ​ຂາບໄຫວ້​ພະອື່ນ.