ອົບພະຍົບ 32:16 - ພຣະຄຳພີສັກສິ

¹⁶ ແມ່ນ​ພຣະເຈົ້າ​ເອງ​ທີ່​ໄດ້​ເຮັດ​ແຜ່ນຫີນ ແລະ​ຈາລຶກ​ຂໍ້ຄຳສັ່ງ​ຂອງ​ພຣະເຈົາ​ໃສ່​ໃນ​ນັ້ນ.

ອົບພະຍົບ 32:16 Jak'a apnaqawi uñst'ayäwi

ພຣະທຳ​ໂຢບ 19:24

ຫລື​ໃຊ້​ປາກກາ​ສະຫລັກ​ຄຳເວົ້າ​ຂອງຂ້ອຍ​ໄວ້​ສືບໄປ ແລະ​ຂຽນ​ໄວ້​ທີ່​ໂງ່ນຫີນ​ໃຫ້​ຄົງ​ມີ​ໄປ​ຕະຫລອດ.

ອົບພະຍົບ 31:18

ເມື່ອ​ພຣະເຈົ້າ​ໄດ້​ກ່າວ​ກັບ​ໂມເຊ​ທີ່​ເທິງ​ພູເຂົາ​ຊີນາຍ​ຈົບ​ແລ້ວ ພຣະອົງ​ໄດ້​ເອົາ​ຫີນ​ສອງ​ແຜ່ນ ຊຶ່ງ​ໄດ້​ຈາລຶກ​ຂໍ້ຄຳສັ່ງ​ຂອງ​ພຣະອົງ ຊຶ່ງ​ຂຽນ​ໂດຍ​ພຣະຫັດ(ມື)​ຂອງ​ພຣະເຈົ້າ​ເອງ​ນັ້ນ ຍື່ນໃຫ້​ໂມເຊ.

ອົບພະຍົບ 32:15

ໂມເຊ​ໄດ້​ລົງ​ຈາກ​ພູ​ໄປ​ພ້ອມ​ທັງ​ຖື​ແຜ່ນ​ຫີນ​ສອງ​ແຜ່ນ ຊຶ່ງ​ແຕ່ລະ​ຂ້າງ​ຖືກ​ຈາລຶກ​ດ້ວຍ​ຂໍ້ຄຳສັ່ງ​ຕ່າງໆ.

ອົບພະຍົບ 32:17

ເມື່ອ​ໂຢຊວຍ​ໄດ້ຍິນ​ສຽງ​ປະຊາຊົນ​ພວມ​ຮ້ອງ​ເອະອະ​ກັນ​ຢູ່ ລາວ​ຈຶ່ງ​ເວົ້າ​ກັບ​ໂມເຊ​ວ່າ, “ຂ້ອຍ​ຄື​ໄດ້ຍິນ​ສຽງ​ສູ້ຮົບ​ກັນ​ຢູ່​ໃນ​ຄ້າຍພັກ.”

ອົບພະຍົບ 34:1

ພຣະເຈົ້າຢາເວ​ໄດ້​ກ່າວ​ຕໍ່​ໂມເຊ​ວ່າ, “ຈົ່ງ​ຕັດ​ຫີນ​ສອງ​ແຜ່ນ​ໃຫ້​ຄື​ເທື່ອ​ທຳອິດ ແລະ​ເຮົາ​ຈະ​ຂຽນ​ຖ້ອຍຄຳ​ຂອງ​ຫີນ​ສອງ​ແຜ່ນ​ທຳອິດ​ທີ່​ແຕກ​ນັ້ນ​ໃສ່.

ອົບພະຍົບ 34:4

ດັ່ງນັ້ນ ໂມເຊ​ຈຶ່ງ​ຕັດ​ຫີນ​ເປັນ​ສອງ​ແຜ່ນ​ຄື​ເທື່ອ​ທຳອິດ ແລະ​ມື້​ຕໍ່ມາ​ແຕ່​ເດິກໆ ເພິ່ນ​ກໍ​ຖື​ແຜ່ນ​ຫີນ​ນັ້ນ​ຂຶ້ນ​ໄປ​ເທິງ​ພູເຂົາ​ຊີນາຍ ຕາມ​ທີ່​ພຣະເຈົ້າຢາເວ​ໄດ້​ສັ່ງ​ໄວ້.

2 ໂກຣິນໂທ 3:3

ແລະ​ເປັນ​ທີ່​ຈະແຈ້ງ​ແລ້ວ​ວ່າ ພວກເຈົ້າ​ເປັນ​ຕົວໜັງສື​ທີ່​ມາ​ຈາກ​ພຣະຄຣິດ ທີ່​ພວກເຮົາ​ເປັນ​ຜູ້​ຂຽນ ຊຶ່ງ​ບໍ່ໄດ້​ຂຽນ​ດ້ວຍ​ນໍ້າມຶກ ແຕ່​ຂຽນ​ດ້ວຍ​ພຣະວິນຍານ​ຂອງ​ພຣະເຈົ້າ​ອົງ​ຊົງ​ຊີວິດ​ຢູ່ ແລະ​ບໍ່ໄດ້​ຂຽນ​ໃສ່​ແຜ່ນຫີນ ແຕ່​ຂຽນ​ໃສ່​ຫົວໃຈ​ຂອງ​ມະນຸດ.

2 ໂກຣິນໂທ 3:7

ແຕ່​ຖ້າ​ການ​ປະຕິບັດ​ທີ່​ນຳ​ໄປ​ເຖິງ​ຄວາມ​ຕາຍ ຄື​ການ​ປະຕິບັດ​ຕາມ​ຕົວອັກສອນ ຊຶ່ງ​ຊົງ​ຈາລຶກ​ໄວ້​ທີ່​ແຜ່ນຫີນ​ນັ້ນ​ຍັງ​ມາ​ດ້ວຍ​ຣັດສະໝີ ເຖິງ​ແມ່ນ​ວ່າ​ເປັນ​ຣັດສະໝີ​ທີ່​ຈາງຫາຍ​ໄປ ກໍ​ຍັງ​ເຮັດ​ໃຫ້​ພວກ​ອິດສະຣາເອນ​ເບິ່ງ​ໜ້າ​ຂອງ​ໂມເຊ​ບໍ່ໄດ້.

ພຣະບັນຍັດສອງ 10:1

“ຕໍ່ມາ ພຣະເຈົ້າຢາເວ​ໄດ້​ບອກ​ຂ້າພະເຈົ້າ​ວ່າ, ‘ຈົ່ງ​ຕັດ​ເອົາ​ຫີນ​ສອງ​ແຜ່ນ​ແບບ​ເກົ່າ ແລະ​ເຮັດ​ຫີບ​ໄມ້​ໜ່ວຍ​ໜຶ່ງ​ສຳລັບ​ໃສ່​ແຜ່ນ​ຫີນ. ແລ້ວ​ຈົ່ງ​ຂຶ້ນ​ມາ​ຫາ​ເຮົາ​ທີ່​ເທິງ​ພູ

ພຣະບັນຍັດສອງ 9:15

ດັ່ງນັ້ນ ຂ້າພະເຈົ້າ​ຈຶ່ງ​ກັບ​ຄືນ​ແລະ​ລົງ​ມາ​ຈາກ​ພູ ຂະນະ​ທີ່​ພູ​ນັ້ນ​ຮ້ອນ​ດ້ວຍ​ໄຟ ໂດຍ​ຖື​ແຜ່ນຫີນ​ສອງ​ແຜ່ນ ຊຶ່ງ​ມີ​ພັນທະສັນຍາ​ທີ່​ຈາລຶກ​ໄວ້.

ເຮັບເຣີ 8:10

ອົງພຣະ​ຜູ້​ເປັນເຈົ້າ​ຊົງ​ກ່າວ​ອີກ​ວ່າ, ‘ນີ້​ແມ່ນ​ພັນທະສັນຍາ ທີ່​ເຮົາ​ຈະ​ສັນຍາ​ໄວ້​ກັບ​ ຍາດ​ວົງ​ອິດສະຣາເອນ ພາຍຫລັງ​ສະໄໝ​ນັ້ນ ຄື​ເຮົາ​ຈະ​ບັນຈຸ​ກົດບັນຍັດ​ຂອງເຮົາ ໄວ້​ໃນ​ໃຈ​ຂອງ​ພວກເຂົາ. ເຮົາ​ຈະ​ຈາລຶກ​ກົດບັນຍັດ​ນັ້ນ ໄວ້​ໃນ​ຫົວໃຈ​ຂອງ​ພວກເຂົາ ເຮົາ​ຈະ​ເປັນ​ພຣະເຈົ້າ​ຂອງ​ພວກເຂົາ ແລະ​ຝ່າຍ​ພວກເຂົາ​ຈະ​ເປັນ ພົນລະເມືອງ​ຂອງເຮົາ.