ອົບພະຍົບ 32:1 - ພຣະຄຳພີສັກສິ

¹ ເມື່ອ​ປະຊາຊົນ​ອິດສະຣາເອນ​ໄດ້​ເຫັນ​ວ່າ ໂມເຊ​ພັກ​ຢູ່​ເທິງ​ພູເຂົາ​ດົນນານ​ໂພດ ພວກເຂົາ​ຈຶ່ງ​ໄດ້​ເຕົ້າໂຮມ​ກັນ​ອ້ອມ​ອາໂຣນ ແລະ​ເວົ້າ​ຂຶ້ນ​ວ່າ, “ພວກເຮົາ​ບໍ່​ຮູ້​ວ່າ ມີ​ຫຍັງ​ເກີດຂຶ້ນ​ກັບ​ໂມເຊ ຜູ້​ທີ່​ນຳ​ພວກເຮົາ​ອອກ​ມາ​ຈາກ​ປະເທດ​ເອຢິບ; ສະນັ້ນ ຈົ່ງ​ເຮັດ​ຮູບ​ພະ ໃຫ້​ນຳພາ​ພວກເຮົາ​ສາ.”

ອົບພະຍົບ 32:1 Jak'a apnaqawi uñst'ayäwi

ປະຖົມມະການ 19:14

ແລ້ວ​ໂລດ​ກໍ​ໄປ​ເວົ້າ​ກັບ​ຄູ່ໝັ້ນ​ຂອງ​ລູກສາວ​ຕົນ​ວ່າ, “ຈົ່ງ​ໜີ​ອອກ​ຈາກ​ເມືອງ​ນີ້​ໄວໆ ເພາະ​ພຣະເຈົ້າຢາເວ​ຈະ​ທຳລາຍ​ເມືອງ​ນີ້.” ແຕ່​ພວກເຂົາ​ຄິດ​ວ່າ​ໂລດ​ເວົ້າຫລິ້ນ.

ປະຖົມມະການ 21:26

ເພິ່ນ​ຕອບ​ວ່າ, “ເຮົາ​ບໍ່​ຮູ້ຈັກ ເຈົ້າ​ບໍ່ເຄີຍ​ບອກ​ເຮົາ​ເຖິງ​ເລື່ອງ​ນີ້​ເລີຍ ແລະ​ແມ່ນ​ເທື່ອ​ທຳອິດ​ທີ່​ເຮົາ​ໄດ້ຍິນ​ກ່ຽວກັບ​ເລື່ອງ​ນີ້.”

ປະຖົມມະການ 39:8

ໂຢເຊັບ​ປະຕິເສດ ແລະ​ຕອບ​ນາງ​ວ່າ, “ເບິ່ງດູ ນາຍ​ຂອງຂ້ອຍ​ບໍ່​ກັງວົນ​ສົນໃຈ​ນຳ​ສິ່ງໃດ​ເລີຍ​ຢູ່​ໃນ​ເຮືອນ​ນີ້ ຍ້ອນ​ເພິ່ນ​ໄວ້ເນື້ອ​ເຊື່ອໃຈ​ຂ້ອຍ. ເພິ່ນ​ໃຫ້​ຂ້ອຍ​ຮັບຜິດຊອບ​ທຸກໆ​ສິ່ງ​ທີ່​ເພິ່ນ​ມີ.

ປະຖົມມະການ 44:15

ແລະ​ໂຢເຊັບ​ໄດ້ກ່າວ​ຕໍ່​ພວກເຂົາ​ວ່າ, “ເປັນຫຍັງ​ພວກເຈົ້າ​ຈຶ່ງ​ເຮັດ​ເຊັ່ນນີ້? ພວກເຈົ້າ​ບໍ່​ຮູ້​ບໍ​ວ່າ​ຄົນ​ຄື​ຂ້ອຍ​ນີ້​ທຳນວາຍ​ໄດ້?”

ປະຖົມມະການ 44:4

ເມື່ອ​ພວກເຂົາ​ໄປ​ບໍ່​ໄກ​ຈາກ​ຕົວເມືອງ​ພໍເທົ່າໃດ ໂຢເຊັບ​ກໍ​ກ່າວ​ແກ່​ຄົນ​ຮັບໃຊ້​ຜູ້​ຮັບຜິດຊອບ​ປະຈຳ​ເຮືອນ​ຂອງຕົນ​ວ່າ, “ຈົ່ງ​ຮີບ​ອອກ​ໄປ​ຕິດຕາມ​ຄົນ​ເຫຼົ່ານັ້ນ. ເມື່ອ​ເຈົ້າ​ທັນ​ພວກເຂົາ​ແລ້ວ ໃຫ້​ເຈົ້າ​ຖາມ​ພວກເຂົາ​ວ່າ, ‘ເປັນຫຍັງ​ພວກເຈົ້າ​ຈຶ່ງ​ປະພຶດ​ການຊົ່ວ​ຕອບ​ແທນ​ການດີ?

ເພງ^ສັນລະເສີນ 106:19

ທີ່​ພູເຂົາ​ຊີນາຍ​ພວກເຂົາ​ໄດ້​ສ້າງ​ຮູບ​ໜຶ່ງ​ເປັນ​ງົວຄຳ​ ແລະ​ພາກັນ​ຂາບໄຫວ້​ຮູບປັ້ນ​ເປັນ​ງົວຄຳ​ນັ້ນ.

ອົບພະຍົບ 13:21

ໃນ​ລະຫວ່າງ​ການ​ເດີນທາງ​ນັ້ນ ພຣະເຈົ້າຢາເວ​ໄດ້​ນຳ​ໜ້າ​ພວກເຂົາ​ໄປ ໂດຍ​ບັນດານ​ໃຫ້​ມີ​ເສົາເມກ​ຊີ້​ທາງ​ໄປ​ໃນ​ເວລາ​ກາງເວັນ ແລະ​ມີ​ເສົາໄຟ​ເຍືອງ​ທາງ​ໄປ​ໃນ​ເວລາ​ກາງຄືນ ເພື່ອ​ພວກເຂົາ​ຈະ​ເດີນທາງ​ທັງ​ກາງເວັນ​ແລະ​ກາງຄືນ​ໄດ້.

ອົບພະຍົບ 14:11

ພວກເຂົາ​ຮ້ອງ​ໃສ່​ໂມເຊ​ວ່າ, “ໃນ​ປະເທດ​ເອຢິບ​ບໍ່ມີ​ບ່ອນ​ຝັງສົບ​ບໍ? ເປັນຫຍັງ​ຈຶ່ງ​ພາ​ພວກເຮົາ​ມາ​ຕາຍ​ທີ່​ຖິ່ນ​ແຫ້ງແລ້ງ​ກັນດານ​ເຊັ່ນນີ້? ເບິ່ງ​ພຸ້ນ​ດູ ຜົນ​ທີ່​ທ່ານ​ນຳ​ພວກເຮົາ​ອອກ​ມາ​ຈາກ​ປະເທດ​ເອຢິບ

ອົບພະຍົບ 16:3

ພວກເຂົາ​ເວົ້າ​ວ່າ, “ພວກເຮົາ​ຢາກ​ໃຫ້​ພຣະເຈົ້າຢາເວ​ຂ້າ​ພວກເຮົາ​ຖິ້ມ​ຢູ່​ປະເທດ​ເອຢິບ ບ່ອນ​ທີ່​ພວກເຮົາ​ໄດ້​ກິນ​ເຂົ້າ​ປາ​ອາຫານ​ເຕັມອີ່ມ​ພຸ້ນ​ສາ! ແຕ່​ທ່ານ​ຊໍ້າພັດ​ນຳ​ພວກເຮົາ​ມາ​ອຶດ​ຕາຍ​ຢູ່​ໃນ​ຖິ່ນ​ແຫ້ງແລ້ງ​ກັນດານ​ນີ້.”

ອົບພະຍົບ 20:23

ຢ່າ​ເຮັດ​ຮູບ​ພະ​ເປັນ​ເງິນ​ເປັນ​ຄຳ ໄວ້​ຂາບໄຫວ້​ຄຽງ​ຄູ່​ເຮົາ​ເດັດຂາດ.

ອົບພະຍົບ 24:12

ພຣະເຈົ້າຢາເວ​ໄດ້​ກ່າວ​ແກ່​ໂມເຊ​ວ່າ, “ຈົ່ງ​ຂຶ້ນ​ມາ​ຫາ​ເຮົາ​ທີ່​ເທິງ​ພູເຂົາ; ເມື່ອ​ເຈົ້າ​ມາ​ຮອດ​ທີ່​ນີ້​ແລ້ວ ເຮົາ​ຈະ​ໃຫ້​ແຜ່ນ​ຫີນ​ສອງ​ແຜ່ນ ຊຶ່ງ​ບັນຈຸ​ກົດບັນຍັດ​ທັງໝົດ​ທີ່​ເຮົາ​ໄດ້​ຂຽນ​ໄວ້​ສຳລັບ​ແນະນຳ​ປະຊາຊົນ.”

ອົບພະຍົບ 24:18

ໂມເຊ​ໄດ້​ຍ່າງ​ຂຶ້ນ​ໄປ​ເທິງ​ພູເຂົາ ແລະ​ເຂົ້າ​ໄປ​ໃນ​ເມກ​ນັ້ນ. ເພິ່ນ​ໄດ້​ຢູ່​ໃນ​ທີ່ນັ້ນ​ເປັນ​ເວລາ​ສີ່ສິບ​ວັນ ແລະ​ສີ່ສິບ​ຄືນ.

ອົບພະຍົບ 32:11

ແຕ່​ໂມເຊ​ໄດ້​ວິງວອນ​ຂໍ​ຕໍ່​ພຣະເຈົ້າຢາເວ ພຣະເຈົ້າ​ຂອງ​ຕົນ​ວ່າ, “ຂ້າແດ່​ພຣະເຈົ້າຢາເວ ເປັນຫຍັງ​ພຣະອົງ​ຈຶ່ງ​ໂກດຮ້າຍ​ຢ່າງ​ຮຸນແຮງ​ຕໍ່​ປະຊາຊົນ​ຂອງ​ພຣະອົງ ຜູ້​ທີ່​ພຣະອົງ​ໄດ້​ຊ່ວຍ​ກູ້​ເອົາ​ອອກ​ມາ​ຈາກ​ປະເທດ​ເອຢິບ ດ້ວຍ​ຣິດເດດ​ອຳນາດ​ອັນ​ຍິ່ງໃຫຍ່​ແລະ​ມະຫັດສະຈັນ​ຂອງ​ພຣະອົງ?

ອົບພະຍົບ 32:22

ອາໂຣນ​ໄດ້​ຕອບ​ວ່າ, “ຢ່າ​ຮ້າຍ​ໃຫ້​ຂ້ອຍ​ເທາະ ເຈົ້າ​ກໍ​ຮູ້​ຢູ່​ເຕັມໃຈ​ແລ້ວ​ບໍ່ແມ່ນ​ຫລື​ວ່າ​ປະຊາຊົນ​ເຫຼົ່ານີ້​ພ້ອມ​ທີ່​ຈະ​ເຮັດ​ບາບ​ຢູ່​ແລ້ວ.

ອົບພະຍົບ 32:23

ພວກເຂົາ​ມາ​ເວົ້າ​ກັບ​ຂ້ອຍ​ວ່າ, ‘ພວກເຮົາ​ບໍ່​ຮູ້​ວ່າ​ມີ​ຫຍັງ​ເກີດຂຶ້ນ​ກັບ​ໂມເຊ ຜູ້​ນຳພາ​ພວກເຮົາ​ອອກ​ມາ​ຈາກ​ປະເທດ​ເອຢິບ. ສະນັ້ນ ໃຫ້​ພວກເຮົາ​ເຮັດ​ຮູບ​ພະ​ເພື່ອ​ນຳພາ​ພວກເຮົາ​ສາ.’

ອົບພະຍົບ 32:7

ແລ້ວ​ພຣະເຈົ້າຢາເວ​ໄດ້ກ່າວ​ຕໍ່​ໂມເຊ​ວ່າ, “ຟ້າວ​ກັບ​ລົງ​ໄປ​ດຽວ​ນີ້ ເພາະ​ປະຊາຊົນ​ຂອງ​ເຈົ້າ ຄື​ພວກ​ທີ່​ເຈົ້າ​ໄດ້​ນຳ​ອອກ​ມາ​ຈາກ​ປະເທດ​ເອຢິບ​ນັ້ນ​ໄດ້​ເຮັດ​ບາບ ແລະ​ປະຖິ້ມ​ເຮົາ​ສາ​ແລ້ວ.

ອົບພະຍົບ 33:3

ພວກເຈົ້າ​ກຳລັງ​ເດີນທາງ​ໄປ​ສູ່​ດິນແດນ​ທີ່​ອຸດົມສົມບູນ​ແລະ​ຮັ່ງມີ. ແຕ່​ສ່ວນ​ເຮົາ​ເອງ ເຮົາ​ໄປ​ກັບ​ພວກເຈົ້າ​ບໍ່ໄດ້​ຍ້ອນ​ວ່າ​ພວກເຈົ້າ​ໃຈ​ແຂງ​ກະດ້າງ​ດື້ດຶງ​ຫລາຍ ແລະ​ເຮົາ​ອາດ​ທຳລາຍ​ພວກເຈົ້າ​ຕາມ​ທາງ​ກໍໄດ້.”

ເອເຊກຽນ 20:8

ແຕ່​ພວກເຂົາ​ໄດ້​ທ້າທາຍ​ເຮົາ​ແລະ​ບໍ່​ຍອມ​ເຊື່ອຟັງ​ເຮົາ. ພວກເຂົາ​ບໍ່ໄດ້​ໂຍນ​ບັນດາ​ຮູບເຄົາຣົບ​ອັນ​ໜ້າກຽດຊັງ​ຂອງ​ພວກເຂົາ​ຖິ້ມ ຫລື​ບໍ່ໄດ້​ຍອມ​ປະຖິ້ມ​ພະຕ່າງໆ​ຂອງ​ຊາວ​ເອຢິບ. ເຮົາ​ຈຶ່ງ​ພ້ອມ​ແລ້ວ​ທີ່​ຈະ​ໃຫ້​ພວກເຂົາ​ໄດ້​ຊີມ​ຣິດ​ແຫ່ງ​ຄວາມ​ໂກດຮ້າຍ ອັນ​ເຕັມ​ຂະໜາດ​ຂອງເຮົາ​ໃນ​ເອຢິບ.

ໂຮເສອາ 12:13

ພຣະເຈົ້າຢາເວ​ໄດ້​ໃຊ້​ຜູ້ທຳນວາຍ​ຄົນ​ໜຶ່ງ ມາ​ຊ່ວຍກູ້​ເອົາ​ຊາວ​ອິດສະຣາເອນ​ອອກ​ຈາກ​ການ​ເປັນ​ທາດຮັບໃຊ້​ໃນ​ປະເທດ​ເອຢິບ ແລະ​ເພື່ອ​ດູແລ​ພວກເຂົາ.

ມີກາ 6:4

ເຮົາ​ໄດ້​ນຳ​ພວກເຈົ້າ​ອອກ​ມາ​ຈາກ​ປະເທດ​ເອຢິບ; ເຮົາ​ໄດ້​ກອບກູ້​ເອົາ​ພວກເຈົ້າ​ໃຫ້​ອອກ​ມາ​ຈາກ​ການ​ເປັນ​ທາດຮັບໃຊ້ ເຮົາ​ໄດ້​ໃຊ້​ໂມເຊ, ອາໂຣນ ແລະ​ມີຣີອາມ ໃຫ້​ນຳພາ​ພວກເຈົ້າ.

ຈົດບັນຊີ 14:22

ບໍ່ມີ​ໃຜ​ຈັກ​ຄົນ​ໃນ​ຈຳນວນ​ຄົນ​ເຫຼົ່ານີ້ ທີ່​ໄດ້​ເຫັນ​ສະຫງ່າຣາສີ​ຂອງເຮົາ ແລະ​ການ​ອັດສະຈັນ​ແລະ​ໝາຍສຳຄັນ​ຕ່າງໆ​ທີ່​ເຮົາ​ໄດ້​ກະທຳ ຢູ່​ໃນ​ປະເທດ​ເອຢິບ​ແລະ​ໃນ​ຖິ່ນ​ແຫ້ງແລ້ງ​ກັນດານ ແລະ​ໄດ້​ທົດລອງ​ເຮົາ​ເຖິງ​ສິບ​ເທື່ອ​ແລ້ວ ແຕ່​ຍັງ​ໄດ້​ປະຕິເສດ​ທີ່​ຈະ​ເຊື່ອຟັງ​ເຮົາ.

ມັດທາຍ 24:43

ແຕ່​ຈົ່ງ​ເຂົ້າໃຈ​ຢ່າງ​ນີ້​ວ່າ ຖ້າ​ເຈົ້າຂອງ​ເຮືອນ​ໄດ້​ຮູ້​ກ່ອນ​ວ່າ ໂຈນ​ຈະ​ມາ​ຍາມ​ໃດ ເພິ່ນ​ຈະ​ເຝົ້າ​ລະວັງ​ໄວ້​ບໍ່​ໃຫ້​ໂຈນ​ເຈາະ​ເຂົ້າ​ເຮືອນ​ຂອງຕົນ​ໄດ້.

ມັດທາຍ 24:48

ແຕ່​ຖ້າ​ລາວ​ເປັນ​ຄົນ​ຮັບໃຊ້​ບໍ່​ດີ ລາວ​ຈະ​ຄິດ​ວ່າ ຍັງ​ອີກ​ດົນ​ກວ່າ​ນາຍ​ຂອງຕົນ​ຈະ​ກັບ​ມາ

ກິດຈະການ 17:29

ໃນ​ເມື່ອ​ພວກເຮົາ​ເປັນ​ເຊື້ອສາຍ​ຂອງ​ພຣະເຈົ້າ ພວກເຮົາ​ກໍ​ບໍ່ຄວນ​ຖື​ວ່າ​ພຣະເຈົ້າ​ເປັນ​ຄື​ຮູບເຄົາຣົບ​ທີ່​ເປັນ​ຄຳ, ທີ່​ເປັນ​ເງິນ, ຫລື​ເປັນ​ຫີນ ທີ່​ຖືກ​ແກະສະຫລັກ​ດ້ວຍ​ສິນລະປະ ດ້ວຍ​ສີມື​ຂອງ​ນາຍຊ່າງ​ຜູ້​ຊຳນານ.

ກິດຈະການ 19:26

ບັດນີ້ ພວກເຈົ້າ​ກໍ​ຮູ້​ເຫັນ​ໄດ້​ໂດຍ​ຕົນເອງ​ແລ້ວ​ວ່າ ສິ່ງ​ທີ່​ໂປໂລ ຊາຍ​ຄົນ​ນີ້​ກຳລັງ​ເຮັດ​ນັ້ນ​ເປັນ​ແນວ​ໃດ ລາວ​ເວົ້າ​ວ່າ ບັນດາ​ຮູບ​ພະ​ທີ່​ມື​ມະນຸດ​ສ້າງ​ຂຶ້ນ​ນັ້ນ ບໍ່ແມ່ນ​ພຣະເຈົ້າ ແລະ​ລາວ​ກໍ​ຊັກຊວນ​ຫລາຍ​ຄົນ​ໃຫ້​ເຊື່ອ​ເປັນ​ຜົນ​ສຳເລັດ ທັງ​ໃນ​ເມືອງ​ເອເຟໂຊ​ນີ້ ແລະ​ໃກ້​ແຂວງ​ເອເຊຍ​ທັງໝົດ​ດ້ວຍ.

ກິດຈະການ 7:40

ດັ່ງນັ້ນ ພວກເຂົາ​ຈຶ່ງ​ເວົ້າ​ກັບ​ອາໂຣນ​ວ່າ, ‘ຈົ່ງ​ສ້າງ​ພຣະ​ໃຫ້​ພວກເຮົາ ຊຶ່ງ​ຈະ​ນຳພາ​ພວກເຮົາ​ໄປ ສ່ວນ​ໂມເຊ​ຜູ້​ທີ່​ໄດ້​ນຳພາ​ພວກເຮົາ​ອອກ​ມາ​ຈາກ​ປະເທດ​ເອຢິບ​ນັ້ນ ພວກເຮົາ​ບໍ່​ຮູ້​ວ່າ​ມີ​ຫຍັງ​ເກີດຂຶ້ນ​ກັບ​ເພິ່ນ​ແລ້ວ.’

ພຣະບັນຍັດສອງ 31:8

ພຣະເຈົ້າຢາເວ​ເອງ​ເປັນ​ຜູ້​ອອກ​ໜ້າກ່ອນ​ເຈົ້າ​ແລະ​ສະຖິດ​ຢູ່​ກັບ​ເຈົ້າ. ພຣະອົງ​ຈະ​ບໍ່​ເຮັດ​ໃຫ້​ພວກເຈົ້າ​ຜິດຫວັງ ຫລື​ປະຖິ້ມ​ພວກເຈົ້າ. ສະນັ້ນ ຢ່າ​ທໍ້ຖອຍ​ຫລື​ຢ້ານກົວ​ເລີຍ.”

ພຣະບັນຍັດສອງ 9:1

“ປະຊາຊົນ​ອິດສະຣາເອນ​ເອີຍ ຈົ່ງ​ຟັງເຖີດ ວັນ​ນີ້​ພວກເຈົ້າ​ກຳລັງ​ຈະ​ຂ້າມ​ແມ່ນໍ້າ​ຈໍແດນ ເຂົ້າ​ໄປ​ຢຶດຄອງ​ດິນແດນ​ທີ່​ເປັນ​ຂອງ​ຊົນຊາດ​ທີ່​ຍິ່ງໃຫຍ່​ແລະ​ມີ​ອຳນາດ​ກວ່າ​ພວກເຈົ້າ. ເມືອງ​ກໍ​ໃຫຍ່​ແລະ​ກຳແພງ​ກໍ​ສູງ​ຈຸ​ຟ້າ​ສະຫວັນ,

ພຣະບັນຍັດສອງ 9:9

ຂ້າພະເຈົ້າ​ໄດ້​ຂຶ້ນ​ໄປ​ເທິງ​ພູ ເພື່ອ​ຮັບ​ເອົາ​ແຜ່ນຫີນ ຊຶ່ງ​ເປັນ​ແຜ່ນຫີນ​ແຫ່ງ​ພັນທະສັນຍາ​ທີ່​ພຣະເຈົ້າຢາເວ​ໄດ້​ເຮັດ​ໄວ້​ກັບ​ພວກເຈົ້າ. ຂ້າພະເຈົ້າ​ໄດ້​ຢູ່​ທີ່​ນັ້ນ​ສີ່ສິບ​ວັນ​ສີ່ສິບ​ຄືນ ໂດຍ​ບໍ່ໄດ້​ກິນ​ແລະ​ດື່ມ​ຫຍັງ.

ໂຢຊວຍ 7:13

ຈົ່ງ​ລຸກ​ຂຶ້ນ ໄປ​ເຮັດ​ພິທີ​ຊຳລະ​ປະຊາຊົນ​ໃຫ້​ບໍຣິສຸດ ແລະ​ຕຽມ​ພວກເຂົາ​ໃຫ້​ພ້ອມ​ທີ່​ຈະ​ເຂົ້າ​ມາ​ພົບ​ເຮົາ. ຈົ່ງ​ບອກ​ພວກເຂົາ​ໃຫ້​ຕຽມພ້ອມ​ໃນ​ມື້ອື່ນ ເພາະ​ພຣະເຈົ້າຢາເວ ພຣະເຈົ້າ​ຂອງ​ຊາດ​ອິດສະຣາເອນ ກ່າວ​ດັ່ງນີ້, ‘ຊາດ​ອິດສະຣາເອນ​ເອີຍ ພວກເຈົ້າ​ໄດ້​ລັກ​ເອົາ​ບາງສິ່ງ​ບາງຢ່າງ​ທີ່​ເຮົາ​ໄດ້​ສັ່ງ​ໃຫ້​ທຳລາຍ​ນັ້ນ ມາ​ເປັນ​ຂອງຕົນ ພວກເຈົ້າ​ຈະ​ສູ້ຮົບ​ເຫຼົ່າ​ສັດຕູ​ບໍ່ໄດ້ ຈົນກວ່າ​ພວກເຈົ້າ​ຈະ​ທຳລາຍ​ສິ່ງ​ເຫຼົ່ານັ້ນ​ເສຍ.’

2 ເປໂຕ 3:4

ພວກເຂົາ​ຈະ​ຖາມ​ວ່າ, “ຄຳ​ທີ່​ຊົງ​ສັນຍາ​ໄວ້​ວ່າ ພຣະອົງ​ຈະ​ສະເດັດ​ມາ​ນັ້ນ​ຢູ່​ໃສ? ເພາະວ່າ​ຕັ້ງແຕ່​ບັນພະບຸລຸດ​ລ່ວງລັບ​ໄປ​ແລ້ວ ສິ່ງ​ທັງປວງ​ກໍ​ເປັນ​ຢູ່​ເໝືອນ​ເດີມ ຕັ້ງແຕ່​ເລີ່ມຕົ້ນ​ຊົງ​ສ້າງ​ໂລກ.”