ອົບພະຍົບ 30:12 - ພຣະຄຳພີສັກສິ

¹² “ເມື່ອ​ເຈົ້າ​ຈົດ​ທະບຽນ​ສຳມະໂນຄົວ​ປະຊາຊົນ​ອິດສະຣາເອນ ຈົ່ງ​ໃຫ້​ຊາຍ​ແຕ່ລະຄົນ​ຈ່າຍ​ຄ່າ​ຊີວິດ​ຂອງຕົນ​ແກ່​ພຣະເຈົ້າຢາເວ ເພື່ອ​ວ່າ​ໄພ​ອັນຕະລາຍ​ຈະ​ບໍ່​ມາ​ຖືກ​ພວກເຂົາ ໃນ​ຂະນະທີ່​ມີ​ການ​ຈົດ​ທະບຽນ​ນັ້ນ.

ອົບພະຍົບ 30:12 Jak'a apnaqawi uñst'ayäwi

1 ຂ່າວຄາວ 21:1

ມານຊາຕານ​ຢາກ​ນຳ​ຄວາມ​ເດືອດຮ້ອນ​ມາ​ສູ່​ປະຊາຊົນ​ອິດສະຣາເອນ. ດັ່ງນັ້ນ ມັນ​ຈຶ່ງ​ໄດ້​ເຮັດ​ໃຫ້​ກະສັດ​ດາວິດ​ຕັດສິນໃຈ​ນັບ​ຈຳນວນ​ປະຊາຊົນ.

1 ຂ່າວຄາວ 21:12

ຄື​ເກີດ​ການອຶດຢາກ​ສາມ​ປີ; ແລ່ນ​ປົບໜີ​ຈາກ​ກອງທັບ​ສັດຕູ​ສາມ​ເດືອນ; ໃຫ້​ພຣະເຈົ້າຢາເວ​ໃຊ້​ດາບ​ໂຈມຕີ ແລະ​ນຳ​ໂຣກ​ລະບາດ​ມາ​ສູ່​ດິນແດນ​ຂອງທ່ານ​ສາມ​ວັນ ໂດຍ​ໃຫ້​ເທວະດາ​ຂອງ​ພຣະເຈົ້າຢາເວ​ນຳ​ເອົາ​ຄວາມຕາຍ​ມາ​ສູ່​ທົ່ວ​ທັງ​ຊາດ​ອິດສະຣາເອນ. ທ່ານ​ຈະ​ໃຫ້​ຄຳຕອບ​ຢ່າງໃດ​ແກ່​ພຣະອົງ?”

1 ຂ່າວຄາວ 21:14

ດັ່ງນັ້ນ ພຣະເຈົ້າຢາເວ​ຈຶ່ງ​ສົ່ງ​ພະຍາດ​ລະບາດ​ມາ​ສູ່​ປະເທດ​ອິດສະຣາເອນ ແລະ​ເຈັດສິບພັນ​ຄົນ​ໄດ້​ຕາຍໄປ.

1 ຂ່າວຄາວ 21:3

ໂຢອາບ​ຈຶ່ງ​ຕອບ​ວ່າ, “ຂໍ​ພຣະເຈົ້າຢາເວ ຈົ່ງ​ບັນດານ​ໃຫ້​ມີ​ປະຊາຊົນ​ອິດສະຣາເອນ ເພີ່ມ​ຂຶ້ນ​ຫລາຍກວ່າ​ປັດຈຸບັນ​ນີ້​ຮ້ອຍ​ເທົ່າ​ເຖີດ ຂ້າແດ່​ພະຣາຊາ ພວກເຂົາ​ລ້ວນແຕ່​ເປັນ​ຄົນ​ຮັບໃຊ້​ຂອງທ່ານ. ດ້ວຍເຫດໃດ ທ່ານ​ຈຶ່ງ​ຢາກ​ເຮັດ​ສິ່ງ​ນີ້ ແລະ​ໃຫ້​ປະຊາຊົນ​ທັງ​ຊາດ​ມີ​ຄວາມຜິດ​ດ້ວຍ.”

1 ຂ່າວຄາວ 27:24

ໂຢອາບ ລູກຊາຍ​ຂອງ​ນາງ​ເຊຣູອີຢາ​ໄດ້​ລົງມື​ຈົດ​ຊື່​ປະຊາຊົນ ແຕ່​ເພິ່ນ​ເຮັດ​ບໍ່​ສຳເລັດ. ພຣະເຈົ້າ​ໄດ້​ລົງໂທດ​ຊາດ​ອິດສະຣາເອນ ຍ້ອນ​ການ​ຈົດ​ຊື່​ຈຳນວນ​ປະຊາຊົນ​ນີ້; ດັ່ງນັ້ນ ຕົວ​ເລກ​ອັນ​ແທ້ຈິງ​ຈຶ່ງ​ບໍ່ໄດ້​ຖືກ​ບັນທຶກ​ໄວ້​ໃນ​ເອກະສານ​ທາງການ​ຂອງ​ກະສັດ​ດາວິດ.

2 ຂ່າວຄາວ 24:6

ສະນັ້ນ ເພິ່ນ​ຈຶ່ງ​ໄດ້​ເອີ້ນ​ບັນດາ​ຜູ້ນຳ​ຂອງ​ພວກເຂົາ ມາ​ທີ່​ນະຄອນ​ເຢຣູຊາເລັມ ແລະ​ຖາມ​ວ່າ, “ເປັນຫຍັງ​ພວກເຈົ້າ​ຈຶ່ງ​ບໍ່​ເບິ່ງແຍງ ຊາວ​ເລວີ​ໃຫ້​ເກັບ​ເງິນ​ເສຍສ່ວຍ​ໃນ​ຢູດາຍ​ແລະ​ນະຄອນ​ເຢຣູຊາເລັມ​ຕາມ​ທີ່​ໂມເຊ ຄົນ​ຮັບໃຊ້​ຂອງ​ພຣະເຈົ້າຢາເວ​ຮຽກຮ້ອງ​ປະຊາຊົນ​ອິດສະຣາເອນ ໃຫ້​ໃຊ້ຈ່າຍ​ສຳລັບ​ຫໍເຕັນ​ແຫ່ງ​ພັນທະສັນຍາ?”

2 ຂ່າວຄາວ 24:9

ພວກເຂົາ​ໄດ້​ປະກາດ​ໄປ​ທົ່ວ​ນະຄອນ​ເຢຣູຊາເລັມ ແລະ​ຢູດາຍ ເພື່ອ​ໃຫ້​ທຸກຄົນ​ນຳ​ເຄື່ອງ​ມາ​ເປັນ​ການ​ເສຍສ່ວຍ​ແກ່​ພຣະເຈົ້າຢາເວ ຕາມ​ທີ່​ໂມເຊ​ຄົນ​ຮັບໃຊ້​ຂອງ​ພຣະເຈົ້າ​ໄດ້​ເຄີຍ​ແຜ່​ກັນ​ມາ​ແລ້ວ​ຄັ້ງ​ໜຶ່ງ​ໃນ​ຖິ່ນ​ແຫ້ງແລ້ງ​ກັນດານ.

ພຣະທຳ​ໂຢບ 33:24

ໃນ​ຄວາມ​ເມດຕາ ເທວະດາ​ຈຶ່ງ​ກ່າວ​ວ່າ, ‘ຢ່າ​ສູ່​ກັກ​ພວກເຂົາ​ໄວ້ ແຕ່​ຈົ່ງ​ປ່ອຍ​ໄປ​ສາ ຢ່າ​ໃຫ້​ພວກເຂົາ​ຕ້ອງ​ລົງ​ໄປ​ໃນ​ແດນ​ມໍຣະນາ ນີ້​ຄື​ຄ່າ​ໄຖ່​ເພື່ອ​ປົດປ່ອຍ​ພວກເຂົາ​ໃຫ້​ເປັນ​ອິດສະຫລະ.’

ພຣະທຳ​ໂຢບ 36:18

ຈົ່ງ​ລະວັງ ຢ່າ​ໃຫ້​ສິນຈ້າງ​ລາງວັນ​ຫລອກລວງ ຫລື​ຄວາມຮັ່ງມີ ພາ​ເຈົ້າ​ໄປ​ທາງ​ຜິດ​ຍ້ອນ.

ເພງ^ສັນລະເສີນ 49:7

ຄົນ​ຜູ້ໜຶ່ງ​ໄຖ່​ເອົາ​ຊີວິດ​ຂອງ​ຕົນເອງ​ບໍ່ໄດ້​ເລີຍ ຈ່າຍ​ຄ່າ​ຊີວິດ​ໃຫ້​ພຣະເຈົ້າ​ບໍ່ໄດ້​ຈັກເທື່ອ

ອົບພະຍົບ 30:11

ພຣະເຈົ້າຢາເວ​ໄດ້​ບອກ​ໂມເຊ​ວ່າ,

ຈົດບັນຊີ 31:49

ແລະ​ລາຍງານ​ວ່າ, “ທ່ານເອີຍ ພວກ​ຂ້ານ້ອຍ​ໄດ້​ນັບ​ທະຫານ​ທີ່​ຢູ່​ໃຕ້​ບັນຊາການ​ເບິ່ງ ແລະ​ເຫັນ​ວ່າ​ບໍ່ມີ​ແມ່ນແຕ່​ຄົນ​ດຽວ​ຂາດຫາຍ​ໄປ.

ຈົດບັນຊີ 31:50

ສະນັ້ນ ພວກ​ຂ້ານ້ອຍ​ຈຶ່ງ​ໄດ້​ນຳ​ເຄື່ອງເອ້​ເປັນ​ຄຳ​ທີ່​ຢຶດເອົາ​ມາ​ໄດ້​ມີ​ດັ່ງນີ້: ປອກແຂນ, ປອກຂໍ້ມື, ແຫວນ, ຕ້າງຫູ ແລະ​ສາຍຄໍ. ພວກ​ຂ້ານ້ອຍ​ຂໍ​ຖວາຍ​ສິ່ງ​ເຫຼົ່ານີ້​ຕໍ່ໜ້າ​ພຣະເຈົ້າຢາເວ​ເປັນ​ການ​ໄຖ່​ຊີວິດ ເພື່ອ​ວ່າ​ພຣະອົງ​ຈະ​ປົກປັກ​ຮັກສາ​ພວກ​ຂ້ານ້ອຍ.”

ມັດທາຍ 20:28

ເໝືອນ​ຢ່າງ​ບຸດ​ມະນຸດ​ບໍ່ໄດ້​ມາ​ເພື່ອ​ໃຫ້​ຄົນອື່ນ​ຮັບໃຊ້​ຕົນ ແຕ່​ມາ​ເພື່ອ​ຮັບໃຊ້ ແລະ​ຍອມ​ສະຫລະ​ຊີວິດ​ຂອງຕົນ ເປັນ​ຄ່າ​ໄຖ່​ຄົນ​ຈຳນວນ​ຫລວງຫລາຍ.”

ມາຣະໂກ 10:45

ເພາະ​ບຸດ​ມະນຸດ​ບໍ່ໄດ້​ມາ ເພື່ອ​ໃຫ້​ຄົນອື່ນ​ຮັບໃຊ້​ຕົນ ແຕ່​ມາ​ເພື່ອ​ຮັບໃຊ້​ເຂົາ ແລະ​ປະທານ​ຊີວິດ​ຂອງຕົນ ເປັນ​ຄ່າ​ໄຖ່​ຄົນ​ຈຳນວນ​ຫລວງຫລາຍ.”

1 ຕີໂມທຽວ 2:6

ຜູ້​ທີ່​ໄດ້​ສະຫລະ​ພຣະອົງ​ເອງ ເພື່ອ​ເປັນ​ຄ່າ​ໄຖ່​ມະນຸດ​ສະໂລກ​ທຸກຄົນ ຊຶ່ງ​ການ​ນີ້​ໄດ້​ກ່າວ​ເປັນ​ຄຳ​ພະຍານ​ໃນ​ເວລາ​ອັນ​ເໝາະສົມ.