ອົບພະຍົບ 3:22 - ພຣະຄຳພີສັກສິ

²² ໃຫ້​ຜູ້ຍິງ​ຊາວ​ອິດສະຣາເອນ​ແຕ່ລະຄົນ​ໄປ​ຂໍ​ເຄື່ອງເງິນ, ເຄື່ອງຄຳ ແລະ​ຂໍ​ເສື້ອຜ້າ​ຈາກ​ຜູ້ຍິງ​ຊາວ​ເອຢິບ​ທີ່​ຢູ່​ບ້ານ​ດຽວກັນ ແລະ​ຈາກ​ບ້ານໃກ້​ເຮືອນຄຽງ​ຂອງຕົນ. ຊາວ​ອິດສະຣາເອນ​ຈະ​ເອົາ​ສິ່ງຂອງ​ເຫຼົ່ານີ້ ມາ​ຕົບແຕ່ງ​ໃຫ້​ພວກ​ລູກ​ຊາຍ​ຍິງ​ຂອງຕົນ ແລະ​ພວກເຂົາ​ກໍ​ຈະ​ຂົນ​ເອົາ​ຊັບສົມບັດ​ຂອງ​ຊາວ​ເອຢິບ​ໄປ​ນຳ.”

ອົບພະຍົບ 3:22 Jak'a apnaqawi uñst'ayäwi

ປະຖົມມະການ 15:14

ແຕ່​ເຮົາ​ຈະ​ລົງໂທດ​ປະເທດ​ທີ່​ປະພຶດ​ເຊັ່ນນັ້ນ​ຕໍ່​ພວກເຂົາ. ເມື່ອ​ອອກ​ໜີ​ຈາກ​ປະເທດ​ນັ້ນ​ແລ້ວ ພວກເຂົາ​ຈະ​ໄດ້​ຊັບສົມບັດ​ຢ່າງ​ຫລວງຫລາຍ​ໄປ​ນຳ.

ປະຖົມມະການ 24:53

ແລ້ວ​ລາວ​ກໍ​ເອົາ​ເສື້ອຜ້າ​ກັບ​ເຄື່ອງ​ເອ້​ເປັນ​ເງິນ​ເປັນ​ຄຳ​ອອກ​ມາ ແລະ​ມອບ​ໃຫ້​ນາງ​ເຣເບກາ. ລາວ​ຍັງ​ເອົາ​ຂອງຂວັນ​ລາຄາ​ແພງ​ໃຫ້​ແມ່​ແລະ​ອ້າຍ​ຂອງ​ນາງ​ເຣເບກາ​ດ້ວຍ.

ເພງ^ສັນລະເສີນ 105:37

ແລ້ວ​ພຣະອົງ​ກໍໄດ້​ນຳ​ພວກ​ອິດສະຣາເອນ​ອອກ​ໄປ ພວກເຂົາ​ໄດ້​ຖື​ເອົາ​ເງິນ​ແລະ​ຄຳ​ໄປ​ນຳ​ດ້ວຍ, ທຸກຄົນ​ຕ່າງ​ກໍ​ມີ​ສຸຂະພາບ​ແຂງແຮງ​ດີ ພ້ອມ​ທັງ​ມີ​ກຳລັງ​ເຂັ້ມແຂງ​ດີ​ດ້ວຍ.

ອົບພະຍົບ 11:2

ບັດນີ້ ຈົ່ງ​ບອກ​ຊາວ​ອິດສະຣາເອນ​ທຸກຄົນ​ໃຫ້​ຂໍ​ເອົາ​ເຄື່ອງ​ເງິນ, ເຄື່ອງ​ຄຳ​ຈາກ​ເພື່ອນບ້ານ​ຂອງ​ພວກເຂົາ.”

ສຸພາສິດ 13:22

ຄົນດີ​ປະ​ຊັບສົມບັດ​ໄວ້​ໃຫ້​ລູກຫລານ, ແຕ່​ຊັບສົມບັດ​ຂອງ​ຄົນບາບ​ກໍ​ສະສົມ​ໄວ້​ສຳລັບ​ຄົນ​ຊອບທຳ.

ເອຊາຢາ 33:1

ເຄາະກຳ​ເປັນ​ຂອງ​ເຫຼົ່າ​ສັດຕູ​ຂອງ​ພວກເຮົາ​ສາ​ແລ້ວ ພວກເຂົາ​ປຸ້ນ ແລະ​ທໍລະຍົດ ທັງໆ​ທີ່​ບໍ່ມີ​ຜູ້ໃດ​ປຸ້ນ ແລະ​ທໍລະຍົດ​ພວກເຂົາ. ແຕ່​ເວລາ​ຂອງ​ພວກເຂົາ​ທີ່​ປຸ້ນ ແລະ​ທໍລະຍົດ​ນັ້ນ​ຈະ​ສິ້ນສຸດ​ລົງ ແລະ​ພວກເຂົາ​ເອງ​ຈະ​ຕົກ​ເປັນ​ເຫຍື່ອ​ຂອງ​ການ​ປຸ້ນ ແລະ​ການ​ທໍລະຍົດ.

ເອເຊກຽນ 39:10

ພວກເຂົາ​ບໍ່​ຈຳເປັນ​ຕ້ອງ​ໄປ​ຫາຊອກ​ຟືນ​ຕາມ​ທົ່ງນາ ຫລື​ຕັດ​ຕົ້ນໄມ້​ໃນ​ປ່າ ເພາະ​ພວກເຂົາ​ຈະ​ມີ​ອາວຸດ​ທີ່​ບໍ່​ໃຊ້​ແລ້ວ​ນັ້ນ​ໄວ້​ດັງ​ໄຟ. ພວກເຂົາ​ຈະ​ປຸ້ນຈີ້​ພວກ​ທີ່​ໄດ້​ປຸ້ນຈີ້​ພວກເຂົາ.” ອົງພຣະ​ຜູ້​ເປັນເຈົ້າ ພຣະເຈົ້າ​ກ່າວ​ດັ່ງນີ້ແຫຼະ.