ອົບພະຍົບ 3:11 - ພຣະຄຳພີສັກສິ

¹¹ ແຕ່​ໂມເຊ​ໄດ້ກ່າວ​ຕໍ່​ພຣະເຈົ້າ​ວ່າ, “ຂ້ານ້ອຍ​ເປັນ​ມະນຸດ​ສາມັນ​ທຳມະດາ ຈະ​ໄປ​ຫາ​ກະສັດ​ຟາໂຣ​ໄດ້​ບໍ? ຂ້ານ້ອຍ​ຈະ​ນຳພາ​ຊາວ​ອິດສະຣາເອນ ອອກ​ໄປ​ຈາກ​ປະເທດ​ເອຢິບ​ໄດ້​ຢ່າງ​ໃດ?”

ອົບພະຍົບ 3:11 Jak'a apnaqawi uñst'ayäwi

2 ຊາມູເອນ 7:18

ຕໍ່ມາ ກະສັດ​ດາວິດ​ໄດ້​ເຂົ້າ​ໄປ​ໃນ​ຫໍເຕັນ ແລະ​ນັ່ງ​ລົງ​ຕໍ່ໜ້າ​ພຣະເຈົ້າຢາເວ ແລະ​ໄດ້ກ່າວ​ວ່າ, “ຂ້າແດ່​ອົງພຣະ​ຜູ້​ເປັນເຈົ້າ ພຣະເຈົ້າ​ເອີຍ ຂ້ານ້ອຍ​ແລະ​ຄອບຄົວ​ບໍ່​ສົມຄວນ​ກັບ​ສິ່ງ​ທີ່​ພຣະອົງ​ໄດ້​ກະທຳ​ຕໍ່​ຂ້ານ້ອຍ​ເລີຍ.

1 ກະສັດ 3:7

ຂ້າແດ່​ພຣະເຈົ້າຢາເວ ພຣະເຈົ້າ​ຂອງ​ຂ້ານ້ອຍ ພຣະອົງ​ໄດ້​ໃຫ້​ຂ້ານ້ອຍ​ຂຶ້ນ​ເປັນ​ກະສັດ​ສືບແທນ​ພໍ່​ຂອງ​ຂ້ານ້ອຍ​ຄື​ດາວິດ ເຖິງ​ແມ່ນ​ວ່າ​ຂ້ານ້ອຍ​ຍັງ​ໜຸ່ມ ແລະ​ບໍ່​ຮູ້ຈັກ​ວ່າ​ຈະ​ປົກຄອງ​ຢ່າງໃດ.

1 ກະສັດ 3:9

ສະນັ້ນ ຂໍ​ພຣະອົງ​ໂຜດ​ໃຫ້​ສະຕິປັນຍາ​ແກ່​ຂ້ານ້ອຍ ເພື່ອ​ຈະ​ປົກຄອງ​ປະຊາຊົນ​ຂອງ​ພຣະອົງ​ຢ່າງ​ຍຸດຕິທຳ ແລະ​ເພື່ອ​ຈະ​ຮູ້ຈັກ​ຄວາມ​ແຕກຕ່າງ​ລະຫວ່າງ​ຄວາມດີ​ແລະ​ຄວາມຊົ່ວ. ຖ້າບໍ່​ດັ່ງນັ້ນ​ແລ້ວ ຂ້ານ້ອຍ​ຈະ​ປົກຄອງ​ປະຊາຊົນ​ທີ່​ສຳຄັນ​ຫລາຍ​ຂອງ​ພຣະອົງ​ນີ້​ໄດ້​ຢ່າງໃດ?”

1 ຂ່າວຄາວ 29:14

ຕາມ​ທີ່​ຈິງ​ແລ້ວ ປະຊາຊົນ​ຂອງ​ພຣະອົງ​ແລະ​ຂ້ານ້ອຍ​ເອງ​ຈະ​ຖວາຍ​ສິ່ງໃດໆ​ໃຫ້​ແກ່​ພຣະອົງ​ບໍ່ໄດ້​ດອກ ເພາະ​ທຸກສິ່ງ​ເປັນ​ຂອງຂວັນ​ມາ​ຈາກ​ພຣະອົງ​ທັງ​ສິ້ນ ແລະ​ພວກ​ຂ້ານ້ອຍ​ກໍ​ພຽງແຕ່​ຖວາຍ​ສິ່ງ​ທີ່​ເປັນ​ຂອງ​ພຣະອົງ​ຄືນ​ໃຫ້​ພຣະອົງ​ເທົ່ານັ້ນ.

ອົບພະຍົບ 6:12

ແຕ່​ໂມເຊ​ໄດ້​ຕອບ​ພຣະເຈົ້າຢາເວ​ວ່າ, “ແມ່ນແຕ່​ຊາວ​ອິດສະຣາເອນ​ກໍ​ຍັງ​ບໍ່​ຟັງ​ຂ້ານ້ອຍ ແລ້ວ​ຈະ​ໃຫ້​ກະສັດ​ຟາໂຣ​ເຊື່ອຟັງ​ຂ້ານ້ອຍ​ໄດ້​ຢ່າງ​ໃດ? ຂ້ານ້ອຍ​ເປັນ​ຄົນ​ບໍ່​ຊ່າງເວົ້າ.”

ເຢເຣມີຢາ 1:6

ຂ້າພະເຈົ້າ​ຈຶ່ງ​ຕອບ​ວ່າ, “ຂ້າແດ່​ພຣະເຈົ້າຢາເວ ອົງພຣະ​ຜູ້​ເປັນເຈົ້າ​ເອີຍ ຂ້ານ້ອຍ​ບໍ່​ຮູ້ຈັກ​ວ່າ​ຈະ​ກ່າວ​ຢ່າງໃດ; ຂ້ານ້ອຍ​ຍັງ​ໜຸ່ມ​ເກີນໄປ​ທີ່​ຈະ​ກ່າວ​ຕໍ່ໜ້າ​ມະຫາຊົນ.”

2 ໂກຣິນໂທ 2:16

ສຳລັບ​ພວກ​ທີ່​ກຳລັງ​ຈິບຫາຍ​ໄປ​ນັ້ນ ແມ່ນ​ກິ່ນ​ເໝັນ​ແຫ່ງ​ຄວາມ​ຕາຍ​ທີ່​ນຳ​ໄປ​ສູ່​ຄວາມ​ຕາຍ ສຳລັບ​ພວກ​ທີ່​ຖືກ​ໂຜດ​ຊ່ວຍ​ໃຫ້​ພົ້ນ​ນັ້ນ ແມ່ນ​ກິ່ນ​ຫອມ​ຫວານ​ແຫ່ງ​ຊີວິດ​ທີ່​ນຳ​ໄປ​ສູ່​ຊີວິດ. ຜູ້ໃດ​ໜໍ ຈະ​ເປັນ​ຜູ້​ທີ່​ຄູ່​ຄວນ​ກັບ​ພາລະກິດ​ເຊັ່ນນີ້?

2 ໂກຣິນໂທ 3:5

ທີ່​ຈິງ​ແລ້ວ ພວກເຮົາ​ບໍ່ໄດ້​ຖື​ສິ່ງໃດ​ວ່າ​ເກີດ​ມາ​ຈາກ​ຄວາມ​ສາມາດ​ຂອງ​ພວກເຮົາ​ເອງ, ແຕ່​ຄວາມ​ສາມາດ​ທີ່​ພວກເຮົາ​ມີ​ນັ້ນ ແມ່ນ​ມາ​ຈາກ​ພຣະເຈົ້າ.

ພວກ^ຜູ້ປົກຄອງ 6:15

ກີເດໂອນ​ຕອບ​ຄືນ​ວ່າ, “ແຕ່​ອົງພຣະ​ຜູ້​ເປັນເຈົ້າ​ເອີຍ ຂ້ານ້ອຍ​ຈະ​ຊ່ວຍ​ເອົາ​ຊາດ​ອິດສະຣາເອນ​ໃຫ້​ພົ້ນ​ໄດ້​ຢ່າງ​ໃດ ເພາະ​ຕະກຸນ​ຂອງ​ຂ້ານ້ອຍ​ເປັນ​ຕະກຸນ​ອ່ອນແອ​ທີ່ສຸດ​ໃນ​ເຜົ່າ​ມານາເຊ ແລະ​ຂ້ານ້ອຍ​ເອງ​ກໍ​ເປັນ​ຄົນ​ທີ່​ມີ​ຄວາມ​ສຳຄັນ​ໜ້ອຍ​ກວ່າໝູ່​ໃນ​ຄອບຄົວ​ຂອງ​ຂ້ານ້ອຍ.”

1 ຊາມູເອນ 18:18

ດາວິດ​ຕອບ​ວ່າ, “ຂ້ານ້ອຍ​ແມ່ນ​ຜູ້ໃດ​ແລະ​ຄອບຄົວ​ຂອງ​ພໍ່​ຂ້ານ້ອຍ​ກໍ​ບໍ່ມີ​ຄວາມ​ສຳຄັນ​ຫຍັງ ດ້ວຍເຫດໃດ​ຂ້ານ້ອຍ​ຈຶ່ງ​ຈະ​ໄດ້​ກາຍເປັນ​ລູກ​ເຂີຍ​ຂອງ​ກະສັດ?”