ອົບພະຍົບ 3:1 - ພຣະຄຳພີສັກສິ

¹ ມື້​ໜຶ່ງ ໃນ​ຂະນະທີ່​ໂມເຊ​ກຳລັງ​ລ້ຽງ​ຝູງແກະ ແລະ​ຝູງແບ້​ຂອງ​ເຢທະໂຣ ພໍ່​ເຖົ້າ​ຂອງຕົນ​ຜູ້​ທີ່​ເປັນ​ປະໂຣຫິດ​ຂອງ​ຊາວ​ມີດີອານ ລາວ​ໄດ້​ຕ້ອນ​ຝູງສັດ​ເລີຍ​ຂ້າມ​ຖິ່ນ​ແຫ້ງແລ້ງ​ກັນດານ​ໄປ​ທີ່​ຊີນາຍ​ພູເຂົາ​ຂອງ​ພຣະເຈົ້າ.

ອົບພະຍົບ 3:1 Jak'a apnaqawi uñst'ayäwi

1 ກະສັດ 19:19

ເອລີຢາ​ໄດ້​ຈາກ​ໄປ ແລະ​ພົບ​ເອລີຊາ​ລູກ​ຂອງ​ຊາຟັດ​ກຳລັງ​ໄຖ​ນາ; ໄດ້​ມີ​ງົວ​ສິບເອັດ​ຄູ່​ຍ່າງ​ອອກ​ກ່ອນ​ລາວ, ແຕ່​ລາວ​ເອງ​ໄດ້​ໃຊ້​ງົວ​ຄູ່​ທີ​ສິບສອງ​ໄຖ​ໄປ​ຕາມຫລັງ. ເອລີຢາ​ແກ້​ເສື້ອຄຸມ​ຂອງຕົນ​ອອກ ແລະ​ຫົ່ມ​ໃຫ້​ເອລີຊາ.

1 ກະສັດ 19:8

ເອລີຢາ​ກໍ​ລຸກ​ຂຶ້ນ​ກິນ​ແລະ​ດື່ມ; ດ້ວຍ​ອາຫານ​ນັ້ນ​ໄດ້​ເຮັດ​ໃຫ້​ເພິ່ນ​ມີ​ເຫື່ອແຮງ​ຍ່າງ​ໄດ້​ສີ່ສິບ​ວັນ ໄປ​ສູ່​ພູເຂົາ​ຊີນາຍ ພູ​ຂອງ​ພຣະເຈົ້າ.

ເພງ^ສັນລະເສີນ 106:19

ທີ່​ພູເຂົາ​ຊີນາຍ​ພວກເຂົາ​ໄດ້​ສ້າງ​ຮູບ​ໜຶ່ງ​ເປັນ​ງົວຄຳ​ ແລະ​ພາກັນ​ຂາບໄຫວ້​ຮູບປັ້ນ​ເປັນ​ງົວຄຳ​ນັ້ນ.

ອົບພະຍົບ 17:6

ເຮົາ​ຈະ​ຢືນ​ຢູ່​ຂ້າງ​ໜ້າ​ເຈົ້າ​ເທິງ​ຫີນດານ​ທີ່​ພູເຂົາ​ໂຮເຣັບ. ຈົ່ງ​ໃຊ້​ໄມ້​ເທົ້າ​ຂອງ​ເຈົ້າ​ຕີ​ໂງ່ນຫີນ ແລະ​ນໍ້າ​ກໍ​ຈະ​ໄຫລ​ອອກ​ມາ​ໃຫ້​ປະຊາຊົນ​ດື່ມ.” ໂມເຊ​ຈຶ່ງ​ປະຕິບັດ​ຕາມ​ທີ່​ໄດ້​ບອກ​ນັ້ນ ຢູ່​ທ່າມກາງ​ບັນດາ​ຜູ້ນຳ​ຂອງ​ປະຊາຊົນ​ອິດສະຣາເອນ.

ອົບພະຍົບ 18:12

ແລ້ວ​ເຢທະໂຣ​ກໍ​ຂ້າ​ສັດ​ເຜົາ​ທັງ​ໂຕ ແລະ​ເອົາ​ເຄື່ອງ​ບູຊາ​ອື່ນໆ​ຖວາຍ​ແກ່​ພຣະເຈົ້າ; ຝ່າຍ​ອາໂຣນ ແລະ​ພວກ​ຜູ້ນຳ​ກໍໄດ້​ໄປ​ຮ່ວມ​ກິນ​ເຂົ້າຈີ່​ຮ່ວມ​ກັບ​ພໍ່ເຖົ້າ​ຂອງ​ໂມເຊ ເພື່ອ​ເປັນ​ການ​ນະມັດສະການ​ພຣະເຈົ້າ.

ອົບພະຍົບ 19:11

ແລະ​ມື້ຮື ໃຫ້​ພວກເຂົາ​ຕຽມພ້ອມ ໃນ​ມື້​ນັ້ນ ພຣະເຈົ້າຢາເວ​ຈະ​ລົງ​ມາ​ເທິງ​ພູເຂົາ​ຊີນາຍ ບ່ອນ​ທີ່​ປະຊາຊົນ​ອິດສະຣາເອນ​ທັງໝົດ​ຈະ​ເຫັນ​ເຮົາ.

ອົບພະຍົບ 19:3

ແລະ​ໂມເຊ​ກໍໄດ້​ຂຶ້ນ​ໄປ​ທີ່​ເທິງ​ພູ​ເພື່ອ​ເຂົ້າ​ເຝົ້າ​ພຣະເຈົ້າ. ພຣະເຈົ້າຢາເວ​ໄດ້​ເອີ້ນ​ໂມເຊ​ຈາກ​ເທິງ​ພູ​ໃຫ້​ບອກ​ຊາວ​ອິດສະຣາເອນ ເຊື້ອສາຍ​ຂອງ​ຢາໂຄບ​ດັ່ງນີ້:

ອົບພະຍົບ 2:16

ປະໂຣຫິດ​ແຫ່ງ​ມີດີອານ​ຜູ້​ທີ່​ຊື່​ວ່າ ເຢທະໂຣ, ເພິ່ນ​ມີ​ລູກສາວ​ເຈັດ​ຄົນ. ພວກ​ນາງ​ໄດ້​ພາກັນ​ມາ​ຕັກ​ນໍ້າ​ໃຫ້​ຝູງແບ້​ແລະ​ຝູງແກະ​ກິນ.

ອົບພະຍົບ 2:18

ເມື່ອ​ພວກ​ນາງ​ກັບ​ເມືອ​ເຮືອນ​ຫາ​ເຣອູເອນ ຜູ້​ເປັນ​ພໍ່​ຈຶ່ງ​ຖາມ​ວ່າ, “ເປັນຫຍັງ​ວັນນີ້​ຈຶ່ງ​ກັບ​ມາ​ໄວ​ແທ້?”

ອົບພະຍົບ 2:21

ໂມເຊ​ໄດ້​ຕັດສິນໃຈ​ຢູ່​ທີ່​ມີດີອານ ແລະ​ເຢທະໂຣ​ຈຶ່ງ​ໄດ້​ຍົກ​ນາງ​ຊິບໂປຣາ ລູກສາວ​ຂອງຕົນ​ໃຫ້​ເປັນ​ເມຍ​ຂອງ​ໂມເຊ.

ອົບພະຍົບ 24:13

ໂມເຊ​ແລະ​ໂຢຊວຍ ຜູ້​ຊ່ວຍ​ຂອງຕົນ ຈຶ່ງ​ໄດ້​ຕຽມຕົວ ແລະ​ໂມເຊ​ກໍ​ເລີ່ມ ຂຶ້ນ​ໄປ​ທີ່​ເທິງ​ພູເຂົາ​ຂອງ​ພຣະເຈົ້າ.

ອົບພະຍົບ 3:12

ພຣະເຈົ້າ​ໄດ້ກ່າວ​ວ່າ, “ເຮົາ​ຈະ​ຢູ່​ກັບ​ເຈົ້າ. ໝາຍສຳຄັນ​ດັ່ງ​ຕໍ່ໄປນີ້​ຈະ​ສຳແດງ​ໃຫ້​ເຈົ້າ​ຮູ້​ວ່າ ເຮົາ​ເປັນ​ຜູ້​ໃຊ້​ເຈົ້າ​ໄປ​ຄື: ເມື່ອ​ເຈົ້າ​ນຳພາ​ປະຊາຊົນ​ຂອງເຮົາ​ອອກ​ໄປ​ຈາກ​ປະເທດ​ເອຢິບ​ແລ້ວ ພວກເຈົ້າ​ຈະ​ໄດ້​ນະມັດສະການ​ເຮົາ​ຢູ່​ທີ່​ເທິງ​ພູເຂົາ​ນີ້.”

ອົບພະຍົບ 3:5

ພຣະເຈົ້າ​ບອກ​ວ່າ, “ຢ່າ​ຫຍັບ​ເຂົ້າ​ມາ​ໃກ້​ອີກ​ເປັນ​ເດັດຂາດ. ຈົ່ງ​ຖອດ​ເກີບ​ອອກ​ສາ ເພາະວ່າ​ເຈົ້າ​ກຳລັງ​ຢືນ​ຢູ່​ທີ່​ບ່ອນ​ສັກສິດ.

ອົບພະຍົບ 33:6

ເພາະສະນັ້ນ ປະຊາຊົນ​ອິດສະຣາເອນ​ຈຶ່ງ​ບໍ່ໄດ້​ໃສ່​ເຄື່ອງເອ້​ອີກ​ຕໍ່ໄປ ເມື່ອ​ຈາກ​ພູເຂົາ​ຊີນາຍ​ໄປ​ນັ້ນ.

ອົບພະຍົບ 4:18

ຫລັງຈາກ​ນັ້ນ ໂມເຊ​ໄດ້​ກັບຄືນ​ເມືອ​ຫາ​ເຢທະໂຣ​ພໍ່ເຖົ້າ​ຂອງຕົນ ແລະ​ໄດ້​ບອກ​ເພິ່ນ​ວ່າ, “ກະລຸນາ​ໃຫ້​ລູກ​ກັບ​ເມືອ​ຢ້ຽມຢາມ​ພີ່ນ້ອງ​ຢູ່​ໃນ​ປະເທດ​ເອຢິບ ເພື່ອ​ເບິ່ງ​ວ່າ​ພວກເຂົາ​ຍັງ​ມີ​ຊີວິດ​ຢູ່​ຫລື​ບໍ່.” ເຢທະໂຣ​ໄດ້​ອະນຸຍາດ​ໃຫ້​ໂມເຊ​ກັບ​ເມືອ ພ້ອມ​ທັງ​ອວຍພອນ​ໃຫ້​ລາວ​ກັບ​ໄປ​ໂດຍ​ດີ.

ອົບພະຍົບ 4:27

ໃນຂະນະ​ດຽວກັນນີ້ ພຣະເຈົ້າຢາເວ​ໄດ້​ບອກ​ອາໂຣນ​ວ່າ, “ຈົ່ງ​ອອກ​ໄປ​ພົບ​ໂມເຊ​ທີ່​ຖິ່ນ​ແຫ້ງແລ້ງ​ກັນດານ.” ສະນັ້ນ ອາໂຣນ​ຈຶ່ງ​ອອກ​ໄປ​ພົບ​ໂມເຊ​ທີ່​ພູເຂົາ​ຂອງ​ພຣະເຈົ້າ ແລະ​ເມື່ອ​ພວກເພິ່ນ​ໄດ້​ພົບ​ກັນ ອາໂຣນ​ກໍ​ກອດ​ຈູບ​ໂມເຊ.

ອາໂມດ 1:1

ຕໍ່ໄປນີ້​ແມ່ນ​ຄຳເວົ້າ​ຂອງ​ອາໂມດ ຄົນລ້ຽງແກະ​ຜູ້ໜຶ່ງ​ໃນ​ເມືອງ​ເຕກົວ. ກ່ອນ​ແຜ່ນດິນ​ໄຫວ​ສອງ​ປີ ເມື່ອ​ອຸດຊີຢາ​ເປັນ​ກະສັດ​ແຫ່ງ​ຢູດາຍ ແລະ​ເຢໂຣໂບອາມ ລູກຊາຍ​ຂອງ​ເຢໂຮອາດ​ເປັນ​ກະສັດ​ແຫ່ງ​ອິດສະຣາເອນ; ພຣະເຈົ້າ​ໄດ້​ເປີດເຜີຍ​ເລື່ອງລາວ​ເຫຼົ່ານີ້​ທັງໝົດ ກ່ຽວກັບ​ຊາດ​ອິດສະຣາເອນ​ໃຫ້​ແກ່​ອາໂມດ.

ມາລາກີ 4:4

“ຈົ່ງ​ຈົດຈຳ​ກົດບັນຍັດ​ຕ່າງໆ​ຂອງ​ໂມເຊ​ຄົນ​ຮັບໃຊ້​ຂອງເຮົາ ຄື​ກົດບັນຍັດ​ທັງຫລາຍ​ແລະ​ຂໍ້ຄຳສັ່ງ​ຕ່າງໆ ຊຶ່ງ​ເຮົາ​ໄດ້​ມອບ​ໃຫ້​ລາວ​ທີ່​ເທິງ​ພູເຂົາ​ຊີນາຍ ເພື່ອ​ໃຫ້​ປະຊາຊົນ​ອິດສະຣາເອນ​ທຸກຄົນ​ປະຕິບັດ​ຕາມ.

ຈົດບັນຊີ 10:29

ແລ້ວ​ໂມເຊ​ກໍໄດ້​ເຊີນ​ໂຮບັບ ລູກຊາຍ​ຂອງ​ເຢທະໂຣ​ຊາວ​ມີດີອານ ຜູ້​ເປັນ​ລູງ​ຂອງຕົນ​ວ່າ, “ພວກເຮົາ​ກຳລັງ​ຈະ​ອອກ​ເດີນທາງ​ໄປ​ສູ່​ດິນແດນ​ທີ່​ພຣະເຈົ້າຢາເວ​ໄດ້​ບອກ​ໄວ້​ວ່າ​ຈະ​ມອບ​ໃຫ້. ພຣະເຈົ້າຢາເວ​ໄດ້​ສັນຍາ​ວ່າ ຈະ​ບັນດານ​ໃຫ້​ຊາວ​ອິດສະຣາເອນ​ຈະເລີນ​ຮຸ່ງເຮືອງ​ຂຶ້ນ; ສະນັ້ນ ຈົ່ງ​ໄປ​ກັບ​ພວກເຮົາ​ເທາະ ແລະ​ພວກເຮົາ​ຈະ​ແບ່ງປັນ​ຄວາມ​ຈະເລີນ​ຮຸ່ງເຮືອງ​ນັ້ນ​ໃຫ້​ແກ່​ເຈົ້າ​ດ້ວຍ.”

ຈົດບັນຊີ 10:33

ເມື່ອ​ປະຊາຊົນ​ອອກ​ຈາກ​ພູເຂົາ​ຂອງ​ພຣະເຈົ້າຢາເວ​ໄປ​ນັ້ນ ພວກເຂົາ​ໄດ້​ເດີນທາງ​ເປັນ​ເວລາ​ສາມ​ວັນ. ພວກເຂົາ​ຫາມ​ຫີບ​ພັນທະສັນຍາ​ຂອງ​ພຣະເຈົ້າຢາເວ​ອອກ​ໜ້າ​ໄປ​ກ່ອນ ເພື່ອ​ຊອກຫາ​ບ່ອນ​ຕັ້ງ​ຄ້າຍພັກ.

ລູກາ 2:8

ໃນ​ຂົງເຂດ​ນີ້ ໄດ້​ມີ​ຄົນລ້ຽງແກະ​ທີ່​ຢູ່​ຕາມ​ທົ່ງ ນອນ​ເຝົ້າ​ຝູງແກະ​ຂອງ​ພວກເຂົາ​ໃນ​ເວລາ​ກາງຄືນ.

ກິດຈະການ 7:30

ຫລັງຈາກ​ສີ່ສິບ​ປີ​ໄດ້​ຜ່ານ​ໄປ ມີ​ເທວະດາ​ຕົນ​ໜຶ່ງ ໄດ້​ປາກົດ​ແກ່​ໂມເຊ​ໃນ​ແປວໄຟ​ທີ່​ພຸ່ມໜາມ ໃນ​ຖິ່ນ​ແຫ້ງແລ້ງ​ກັນດານ​ຊີນາຍ.

ພຣະບັນຍັດສອງ 1:2

ການ​ເດີນທາງ​ຈາກ​ພູເຂົາ​ຊີນາຍ​ເຖິງ​ເມືອງ​ກາເດັດ​ບາກເນອາ ຜ່ານ​ເຂດ​ພູດອຍ​ໃນ​ດິນແດນ​ເອໂດມ​ໄປ​ນັ້ນ ຕ້ອງ​ໃຊ້​ເວລາ​ເຖິງ​ສິບເອັດ​ວັນ.)

ພຣະບັນຍັດສອງ 1:6

“ເມື່ອ​ພວກເຮົາ​ຍັງ​ຢູ່​ທີ່​ພູເຂົາ​ໂຮເຣັບ(ຊີນາຍ)​ນັ້ນ ພຣະເຈົ້າຢາເວ ພຣະເຈົ້າ​ຂອງ​ພວກເຮົາ​ໄດ້​ບອກ​ວ່າ, ‘ພວກເຈົ້າ​ໄດ້​ພັກ​ຢູ່​ທີ່​ນີ້​ເຫິງນານ​ສົມຄວນ​ແລ້ວ.

ພຣະບັນຍັດສອງ 4:10

ມື້​ທີ່​ພວກເຈົ້າ​ໄດ້​ຢືນ​ຢູ່​ຊ້ອງໜ້າ​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ ທີ່​ພູເຂົາ​ຊີນາຍ ເມື່ອ​ພຣະເຈົ້າຢາເວ​ໄດ້​ສັ່ງ​ຂ້າພະເຈົ້າ​ວ່າ ‘ຈົ່ງ​ເຕົ້າໂຮມ​ປະຊາຊົນ ເຮົາ​ຕ້ອງການ​ໃຫ້​ພວກເຂົາ​ໄດ້ຍິນ​ສິ່ງ​ທີ່​ເຮົາ​ຕ້ອງ​ກ່າວ ເພື່ອ​ວ່າ​ພວກເຂົາ​ຈະ​ໄດ້​ຮຽນ​ຮູ້​ເຊື່ອຟັງ​ເຮົາ​ຊົ່ວຊີວິດ​ຂອງ​ພວກເຂົາ ແລະ​ເພື່ອ​ວ່າ​ພວກເຂົາ​ຈະ​ໄດ້​ສັ່ງສອນ​ລູກຫລານ​ຂອງ​ພວກເຂົາ​ໃຫ້​ເຮັດ​ຢ່າງ​ດຽວກັນ.’

ພວກ^ຜູ້ປົກຄອງ 4:11

ໃນ​ຂະນະນັ້ນ ເຮເບ​ຊາວ​ເກນິດ​ໄດ້​ຕັ້ງ​ຜ້າເຕັນ​ພັກ​ຢູ່​ໃຕ້​ຕົ້ນໂອກ​ໃຫຍ່ ທີ່​ຊາອານັນນິມ​ໃກ້​ກັບ​ເມືອງ​ເກເດັດ. ລາວ​ໄດ້​ຍ້າຍ​ໜີ​ຈາກ​ພວກ​ເກນິດ​ຄົນອື່ນໆ ທີ່​ເປັນ​ເຊື້ອສາຍ​ຂອງ​ໂຮບັບ​ພໍ່ເຖົ້າ​ຂອງ​ໂມເຊ.

1 ຊາມູເອນ 16:11

ແລ້ວ ຊາມູເອນ​ກໍ​ຖາມ​ລາວ​ວ່າ, “ເຈົ້າ​ຍັງ​ມີ​ລູກຊາຍ​ຢູ່​ອີກ​ບໍ?” ເຢຊີ​ຕອບ​ວ່າ, “ຍັງ​ມີ​ອີກ​ຜູ້ໜຶ່ງ. ລາວ​ເປັນ​ລູກຫລ້າ​ແຕ່​ດຽວ​ນີ້​ລາວ​ກຳລັງ​ລ້ຽງ​ແກະ​ຢູ່.” ຊາມູເອນ​ກ່າວ​ວ່າ, “ຈົ່ງ​ໄປ​ນຳ​ເອົາ​ລາວ​ມາ​ທີ່​ນີ້ ພວກເຮົາ​ຈະ​ບໍ່​ຖວາຍ​ເຄື່ອງ​ບູຊາ​ຈົນກວ່າ​ລາວ​ມາ.”