ອົບພະຍົບ 27:9 - ພຣະຄຳພີສັກສິ

⁹ ສຳລັບ​ຫໍເຕັນ​ບ່ອນ​ທີ່​ເຮົາ​ຢູ່​ນັ້ນ ຈົ່ງ​ອ້ອມ​ດ້ວຍ​ຜ້າກັ້ງ​ທີ່​ເຮັດ​ຈາກ​ຜ້າປ່ານ​ເນື້ອລະອຽດ​ດີ. ຜ້າກັ້ງ​ທາງດ້ານ​ໃຕ້​ໃຫ້​ຍາວ 44 ແມັດ

ອົບພະຍົບ 27:9 Jak'a apnaqawi uñst'ayäwi

1 ກະສັດ 6:36

ຢູ່​ຕໍ່ໜ້າ​ພຣະວິຫານ ເພິ່ນ​ໄດ້​ສ້າງ​ເດີ່ນ​ອ້ອມ​ດ້ວຍ​ກຳແພງ ລຽນ​ຫີນ​ສາມ​ກ້ອນ​ເປັນ​ຊັ້ນ​ໜຶ່ງ ແລະ​ທຸກ​ຊັ້ນ​ໃດ ກໍໄດ້​ສອດ​ໄມ້ຂາງ​ທີ່​ເປັນ​ໄມ້ແປກ​ໃສ່.

1 ກະສັດ 8:64

ໃນ​ວັນ​ດຽວກັນ​ນັ້ນ ເພິ່ນ​ຍັງ​ໄດ້​ຖວາຍ​ສ່ວນ​ທາງ​ກາງ​ເດີ່ນ​ຫຍ້າ ຄື​ເຂດ​ທາງ​ໜ້າ​ພຣະວິຫານ​ຂອງ​ພຣະເຈົ້າຢາເວ ແລ້ວ​ໃນ​ທີ່ນັ້ນ​ເພິ່ນ​ໄດ້​ເຜົາ​ສັດ​ທັງ​ໂຕ​ຖວາຍບູຊາ, ຖວາຍ​ພືດຜົນ​ເປັນເມັດ ແລະ​ຖວາຍ​ໄຂມັນ​ຂອງ​ສັດ ໃຫ້​ເປັນ​ເຄື່ອງ​ບູຊາ​ເພື່ອ​ຄວາມ​ສາມັກຄີທຳ. ເພິ່ນ​ໄດ້​ເຮັດ​ດັ່ງນີ້​ກໍ​ເພາະ​ແທ່ນບູຊາ​ທອງສຳຣິດ​ນ້ອຍ​ໂພດ​ສຳລັບ​ເຄື່ອງ​ຖວາຍ​ເຫຼົ່ານີ້​ທັງໝົດ​ຕໍ່ໜ້າ​ພຣະເຈົ້າຢາເວ.

2 ຂ່າວຄາວ 33:5

ຢູ່​ໃນ​ເດີ່ນ​ສອງ​ບ່ອນ​ຂອງ​ວິຫານ​ຂອງ​ພຣະເຈົ້າຢາເວ ເພິ່ນ​ໄດ້​ສ້າງ​ແທ່ນບູຊາ​ສຳລັບ​ຂາບໄຫວ້​ຕາເວັນ, ເດືອນ, ດາວ.

2 ຂ່າວຄາວ 4:9

ພວກເຂົາ​ໄດ້​ເຮັດ​ເດີ່ນ​ຂ້າງ​ໃນ​ສຳລັບ​ປະໂຣຫິດ ແລະ​ເດີ່ນ​ຂ້າງ​ນອກ​ໃຫ້​ອີກ​ດ້ວຍ. ປະຕູ​ຂັ້ນ​ລະຫວ່າງ​ເດີ່ນ​ທັງສອງ​ນັ້ນ​ເຮັດ​ດ້ວຍ​ທອງສຳຣິດ.

ເພງ^ສັນລະເສີນ 100:4

ຈົ່ງ​ເຂົ້າ​ໄປ​ປະຕູ​ພຣະວິຫານ ດ້ວຍ​ຈິດໃຈ​ໂມທະນາ​ຂອບພຣະຄຸນ ຈົ່ງ​ເຂົ້າ​ໄປ​ໃນ​ເດີ່ນ​ພຣະວິຫານ ດ້ວຍ​ການ​ຍ້ອງຍໍ​ສັນລະເສີນ. ຈົ່ງ​ຖວາຍ​ຄຳ​ໂມທະນາ​ຂອບພຣະຄຸນ ແລະ​ຍ້ອງຍໍ​ສັນລະເສີນ​ພຣະນາມ​ຂອງ​ພຣະອົງ​ເຖີດ.

ເພງ^ສັນລະເສີນ 84:10

ຢູ່​ໃນ​ເດີ່ນ​ວິຫານ​ຂອງ​ພຣະອົງ​ພຽງແຕ່​ວັນດຽວ ກໍດີກວ່າ​ພັນວັນ​ຢູ່​ໃນ​ທີ່​ອື່ນໆ. ໄດ້​ຢືນ​ຢູ່​ທີ່​ປະຕູ​ວິຫານ​ຂອງ​ພຣະເຈົ້າ ກໍດີກວ່າ​ໄດ້​ຢູ່​ໃນ​ເຮືອນ​ຂອງ​ຄົນຊົ່ວຮ້າຍ.

ເພງ^ສັນລະເສີນ 92:13

ພວກເຂົາ​ເປັນ​ດັ່ງ​ຕົ້ນໄມ້​ທີ່​ປູກ​ໄວ້​ໃນ​ວິຫານ​ຂອງ​ພຣະເຈົ້າຢາເວ ເກີດດອກ​ອອກຜົນ​ໃນ​ເດີ່ນ​ຂອງ​ພຣະເຈົ້າ​ຂອງ​ພວກ​ຂ້ານ້ອຍ.

ອົບພະຍົບ 27:10

ຈັ້ງ​ດ້ວຍ​ເສົາ​ທອງສຳຣິດ 20 ເສົາ ແລະ​ຕີນຮອງເສົາ​ທອງສຳຣິດ 20 ຕີນ ໂດຍ​ມີ​ຂໍເກາະ​ກັບ​ຄັນ​ສອດ​ຜ້າກັ້ງ​ທີ່​ເຮັດ​ດ້ວຍ​ເງິນ.

ອົບພະຍົບ 35:17

ຜ້າກັ້ງ​ອ້ອມຮອບ​ຫໍເຕັນ; ເສົາ​ແລະ​ຕີນຮອງເສົາ; ຜ້າກັ້ງ​ບັງ​ທາງ​ເຂົ້າ​ຜ້າ​ອ້ອມ​ຫໍເຕັນ.

ອົບພະຍົບ 36:17

ສ່ວນ​ຜ້າ​ຜືນ​ສຸດທ້າຍ​ຂອງ​ຜ້າກັ້ງ​ຊຸດ​ທຳອິດ​ນັ້ນ ພວກເຂົາ​ໄດ້​ເຮັດ​ຫູ​ໃສ່​ຫ້າສິບ​ອັນ ແລະ​ເຮັດ​ຕື່ມ​ຫ້າສິບ​ອັນ​ໃສ່​ເທິງ​ແຂບ​ຂອງ​ຜ້າກັ້ງ​ຊຸດ​ທີ​ສອງ.

ອົບພະຍົບ 39:40

ຜ້າກັ້ງ​ສຳລັບ​ອ້ອມຮອບ​ຫໍເຕັນ​ສັກສິດ, ຫໍເຕັນ​ບ່ອນ​ຊຸມນຸມ ພ້ອມ​ທັງ​ເສົາ ແລະ​ຕີນຮອງເສົາ; ຜ້າກັ້ງ​ສຳລັບ​ປະຕູ​ທາງ​ເຂົ້າ ແລະ​ເຊືອກເນັ່ງ, ຫລັກສຽບ​ຂອງ​ຫໍເຕັນ, ອຸປະກອນ​ທັງໝົດ​ທີ່​ໃຊ້​ປະຈຳ​ຫໍເຕັນ;

ອົບພະຍົບ 40:33

ໂມເຊ​ໄດ້​ກາງ​ຜ້າ​ອ້ອມຮອບ​ຫໍເຕັນ​ສັກສິດ​ແລະ​ແທ່ນບູຊາ ແລ້ວ​ກໍໄດ້​ກາງ​ຜ້າກັ້ງ​ນັ້ນ​ໄວ້​ທີ່​ທາງ​ປະຕູເຂົ້າ​ຫໍເຕັນ. ເພິ່ນ​ໄດ້​ເຮັດ​ທຸກໆ​ສິ່ງ​ສຳເລັດ​ຢ່າງ​ຮຽບຮ້ອຍ​ດີ.

ອົບພະຍົບ 40:8

ຈົ່ງ​ເຮັດ​ຜ້າ​ອ້ອມຮອບ​ຫໍເຕັນ ແລະ​ກາງ​ຜ້າກັ້ງ​ໄວ້​ທີ່​ທາງ​ປະຕູເຂົ້າ.

ເອເຊກຽນ 40:14

ຄື​ຫ້ອງ​ທີ່​ໄກ​ສຸດ​ນຳ​ອອກ​ໄປ​ສູ່​ເດີ່ນ. ເພິ່ນ​ແທກ​ຫ້ອງ​ນັ້ນ ແລະ​ທາງ​ກວ້າງ​ແທກ​ໄດ້​ສິບ​ແມັດ.

ເອເຊກຽນ 40:17

ຊາຍ​ຄົນ​ນັ້ນ​ໄດ້​ນຳ​ຂ້າພະເຈົ້າ​ຜ່ານ​ປະຕູ​ໄປ​ສູ່​ເດີ່ນ. ໃນ​ທີ່ນັ້ນ ມີ​ສາມສິບ​ຫ້ອງ​ທີ່​ໄດ້​ສ້າງ​ຕິດ​ກັບ​ກຳແພງ​ດ້ານນອກ ແລະ​ເບື້ອງ​ໜ້າ​ຂອງ​ຫ້ອງ​ເຫຼົ່ານີ້​ມີ​ພື້ນ​ທີ່​ປູ​ດ້ວຍ​ຫີນ

ເອເຊກຽນ 40:20

ແລ້ວ​ຊາຍ​ຜູ້ນັ້ນ​ກໍໄດ້​ແທກ​ປະຕູ​ທາງ​ດ້ານ​ເໜືອ ຊຶ່ງ​ນຳ​ເຂົ້າ​ໄປ​ສູ່​ເດີ່ນ​ທາງ​ດ້ານນອກ.

ເອເຊກຽນ 40:23

ຈາກ​ປະຕູ​ທາງ​ດ້ານ​ເໜືອ​ນີ້ ຂ້າມ​ເດີ່ນ​ໄປ​ແມ່ນ​ປະຕູ​ອື່ນໆ​ອີກ​ທີ່​ນຳ​ໄປ​ສູ່​ເດີ່ນ​ຂ້າງ​ໃນ ຄື​ກັບ​ທາງທິດ​ຕາເວັນອອກ​ທຸກຢ່າງ. ຊາຍ​ຄົນ​ນັ້ນ​ໄດ້​ແທກ​ໄລຍະ​ທາງ ລະຫວ່າງ​ສອງ​ປະຕູ​ນັ້ນ​ຈຶ່ງ​ມີ​ຢູ່​ຫ້າສິບ​ແມັດ.

ເອເຊກຽນ 40:28

ຊາຍ​ຄົນ​ນັ້ນ​ໄດ້​ນຳ​ຂ້າພະເຈົ້າ​ຜ່ານ​ໄປ​ທາງ​ປະຕູ​ດ້ານ​ໃຕ້​ສູ່​ເດີ່ນ​ດ້ານໃນ. ເພິ່ນ​ໄດ້​ແທກ​ປະຕູ ແລະ​ມີ​ຂະໜາດ​ດຽວກັນ​ກັບ​ປະຕູ​ຕ່າງໆ ໃນ​ກຳແພງ​ທາງ​ດ້ານນອກ.

ເອເຊກຽນ 40:32

ຊາຍ​ຄົນ​ນັ້ນ​ໄດ້​ນຳ​ຂ້າພະເຈົ້າ​ຜ່ານ​ໄປ​ທີ່​ປະຕູ​ທາງທິດ​ຕາເວັນອອກ ສູ່​ເດີ່ນ​ດ້ານໃນ. ເພິ່ນ​ໄດ້​ແທກ​ປະຕູ ແລະ​ມີ​ຂະໜາດ​ດຽວກັນ​ກັບ​ປະຕູ​ອື່ນໆ.

ເອເຊກຽນ 40:44

ແລ້ວ​ເພິ່ນ​ກໍ​ນຳ​ຂ້າພະເຈົ້າ​ເຂົ້າ​ໄປ​ໃນ​ເດີ່ນ​ດ້ານໃນ. ໃນ​ເດີ່ນ​ດ້ານໃນ​ນີ້​ມີ​ສອງ​ຫ້ອງ​ທີ່​ໄຂ​ໄວ້ ຫ້ອງ​ໜຶ່ງ​ຢູ່​ກົງ​ກັບ​ດ້ານ​ໃຕ້​ຢູ່​ໃກ້ໆ​ກັບ​ປະຕູ​ທາງ​ທິດເໜືອ ແລະ​ມີ​ຫ້ອງ​ອື່ນ​ອີກ ຊຶ່ງ​ຢູ່​ກົງ​ກັບ​ດ້ານ​ເໜືອ​ໃກ້ໆ​ກັບ​ປະຕູ​ທາງດ້ານ​ໃຕ້.

ເອເຊກຽນ 42:3

ທາງ​ດ້ານ​ໜຶ່ງ​ນັ້ນ​ຢູ່​ກົງ​ກັບ​ບ່ອນ​ເປົ່າຫວ່າງ​ຂອງ​ພຣະວິຫານ ກວ້າງ​ສິບ​ແມັດ; ແລະ​ອີກ​ດ້ານ​ໜຶ່ງ​ຢູ່​ຊື່​ກັບ​ພື້ນ​ປູ​ດ້ວຍ​ຫີນ​ທີ່​ເດີ່ນ​ຂ້າງ​ນອກ. ອາຄານ​ນີ້​ມີ​ສາມ​ຊັ້ນ ແຕ່ລະຊັ້ນ​ຢອງກັນ​ຂຶ້ນ.

ຈົດບັນຊີ 3:26

ຜ້າກັ້ງ​ອ້ອມ​ເດີ່ນ​ທີ່​ລ້ອມ​ທັງ​ຫໍເຕັນ​ແລະ​ແທ່ນບູຊາ ແລະ​ຜ້າກັ້ງ​ທາງເຂົ້າ​ເດີ່ນ​ຂອງ​ຫໍເຕັນ​ສັກສິດ. ພວກເຂົາ​ຮັບຜິດຊອບ​ວຽກງານ​ທຸກຢ່າງ​ທີ່​ກ່ຽວຂ້ອງ​ກັບ​ສິ່ງ​ເຫຼົ່ານີ້.

ຈົດບັນຊີ 4:26

ຜ້າກັ້ງ​ອື່ນໆ​ກັບ​ເຊືອກ​ສຳລັບ​ອ້ອມ​ເດີ່ນ​ຂອງ​ຫໍເຕັນ​ແລະ​ແທ່ນບູຊາ, ຜ້າກັ້ງ​ທາງ​ປະຕູເຂົ້າ​ເດີ່ນ ແລະ​ເຄື່ອງໃຊ້​ເປັນ​ປະຈຳ​ຢູ່​ໃນ​ຫໍເຕັນ. ພວກເຂົາ​ຈະ​ຕ້ອງ​ເຮັດ​ໜ້າທີ່​ທຸກຢ່າງ​ກ່ຽວກັບ​ສິ່ງ​ທີ່​ໄດ້​ເວົ້າ​ມາ​ນັ້ນ.

ຈົດບັນຊີ 4:32

ແລະ​ຫລັກ​ຂອງເຕັນ, ຕີນ​ຮອງຫລັກ, ຫລັກສຽບ, ຕະຫລອດ​ທັງ​ເຊືອກ​ສຳລັບ​ອ້ອມ​ເດີ່ນ ແລະ​ເຄື່ອງ​ປະກອບ​ໃນ​ການ​ຕິດຕັ້ງ​ທັງໝົດ​ດ້ວຍ. ແຕ່ລະຄົນ​ຈະ​ຮັບຜິດຊອບ ແບກຫາມ​ສິ່ງ​ຂອງ​ແຕ່ລະ​ຢ່າງ​ໂດຍ​ສະເພາະ.