ອົບພະຍົບ 26:34 - ພຣະຄຳພີສັກສິ

³⁴ ຈົ່ງ​ເອົາ​ຝາອັດ​ຫີບ​ພັນທະສັນຍາ​ໄວ້.

ອົບພະຍົບ 26:34 Jak'a apnaqawi uñst'ayäwi

1 ກະສັດ 6:16

ຫ້ອງ​ທາງ​ໃນ​ເອີ້ນ​ວ່າ ຫ້ອງ​ສັກສິດ​ທີ່ສຸດ​ໄດ້​ສ້າງ​ຢູ່​ທາງຫລັງ​ພຣະວິຫານ​ຊຶ່ງ​ຍາວ​ໄດ້​ເກົ້າ​ແມັດ ແລະ​ຂັ້ນ​ດ້ວຍ​ແປ້ນ​ໄມ້ແປກ​ຕັ້ງແຕ່​ພື້ນ​ຈົນ​ຈຸ​ເພດານ.

ອົບພະຍົບ 25:21

ຈົ່ງ​ເອົາ​ຫີນ​ສອງ​ແຜ່ນ​ໃສ່​ລົງ​ໃນ​ຫີບ​ນັ້ນ ແລະ​ເອົາ​ຝາອັດ​ຫີບ​ຢອງ​ໄວ້​ຢູ່​ທາງ​ເທິງ.

ອົບພະຍົບ 40:20

ແລ້ວ​ເພິ່ນ​ກໍ​ເອົາ​ຫີນ​ສອງ​ແຜ່ນ​ໃສ່​ລົງ​ໃນ​ຫີບ​ພັນທະສັນຍາ. ເພິ່ນ​ສອດ​ຄານຫາມ​ຄາ​ໄວ້ ແລະ​ເອົາ​ພຣະທີ່ນັ່ງ​ແຫ່ງ​ພຣະຄຸນ​ຊຶ່ງ​ເປັນ​ຝາ ອັດ​ເທິງ​ຫີບ​ນັ້ນ.

ເອເຊກຽນ 41:4

ເພິ່ນ​ໄດ້​ແທກ​ຫ້ອງ​ນັ້ນ ຊຶ່ງ​ເປັນ​ຮູບ​ສີ່​ຫລ່ຽມ​ມົນທົນ ຍາວ​ຂ້າງລະ​ສິບ​ແມັດ. ຫ້ອງ​ນີ້​ຢູ່​ຟາກ​ໜຶ່ງ​ອີກ​ຂອງ​ຫ້ອງກາງ. ແລ້ວ​ເພິ່ນ​ໄດ້​ກ່າວ​ແກ່​ຂ້າພະເຈົ້າ​ວ່າ, “ຫ້ອງ​ນີ້​ເປັນ​ບ່ອນ​ສັກສິດ​ທີ່ສຸດ.”

ລະບຽບ^ພວກເລວີ 16:2

ພຣະເຈົ້າຢາເວ​ໄດ້​ກ່າວ​ແກ່​ໂມເຊ​ວ່າ, “ຈົ່ງ​ບອກ​ອາໂຣນ​ອ້າຍ​ຂອງ​ເຈົ້າ​ວ່າ ລາວ​ຈະ​ເຂົ້າ​ໄປ​ເບື້ອງ​ຫລັງ​ຜ້າກັ້ງ​ຕໍ່ໜ້າ​ພຣະທີ່ນັ່ງ​ແຫ່ງພຣະຄຸນ​ໃນ​ເວລາ​ກຳນົດ​ໃຫ້​ເທົ່ານັ້ນ​ຄື: ໃນ​ບ່ອນ​ສັກສິດ​ທີ່ສຸດ; ເພາະວ່າ​ທີ່​ນັ້ນ​ແມ່ນ​ບ່ອນ​ທີ່​ເຮົາ​ປາກົດ​ໃນ​ເມກ ເໜືອ​ຝາອັດ​ຫີບ​ພັນທະສັນຍາ. ຖ້າ​ລາວ​ບໍ່​ເຊື່ອຟັງ ລາວ​ຈະ​ຕ້ອງ​ຕາຍ.

ເຮັບເຣີ 9:5

ຢູ່​ເທິງ​ຫີບ​ນັ້ນ ມີ​ຮູບ​ເຄຣູບ​ປະກອບ​ດ້ວຍ​ສະຫງ່າຣາສີ​ອັນ​ຮຸ່ງເຮືອງ​ຂອງ​ພຣະເຈົ້າ ປົກຄຸມ​ພຣະທີ່ນັ່ງ​ອັນ​ຊົງ​ພຣະ​ກະລຸນາ​ນັ້ນ. ສິ່ງ​ເຫຼົ່ານີ້ ເຮົາ​ຈະ​ພັນລະນາ​ໃຫ້​ລະອຽດ​ໃນ​ທີ່​ນີ້​ບໍ່ໄດ້.