ອົບພະຍົບ 24:13 - ພຣະຄຳພີສັກສິ

¹³ ໂມເຊ​ແລະ​ໂຢຊວຍ ຜູ້​ຊ່ວຍ​ຂອງຕົນ ຈຶ່ງ​ໄດ້​ຕຽມຕົວ ແລະ​ໂມເຊ​ກໍ​ເລີ່ມ ຂຶ້ນ​ໄປ​ທີ່​ເທິງ​ພູເຂົາ​ຂອງ​ພຣະເຈົ້າ.

ອົບພະຍົບ 24:13 Jak'a apnaqawi uñst'ayäwi

1 ຂ່າວຄາວ 7:27

ລູກຊາຍ​ຂອງ​ເອລີຊາມາ​ແມ່ນ​ນູນ, ລູກຊາຍ​ຂອງ​ນູນ​ແມ່ນ​ໂຢຊວຍ.

ອົບພະຍົບ 18:5

ເຢທະໂຣ​ໄດ້​ພາ​ເມຍ​ຂອງ​ໂມເຊ​ພ້ອມ​ດ້ວຍ​ລູກຊາຍ​ທັງສອງ​ຂອງ​ນາງ ມາ​ທີ່​ຖິ່ນ​ແຫ້ງແລ້ງ​ກັນດານ ບ່ອນ​ທີ່​ໂມເຊ​ໄດ້​ຕັ້ງ​ຄ້າຍພັກ​ຢູ່​ທີ່​ພູ​ຂອງ​ພຣະເຈົ້າ.

ອົບພະຍົບ 19:3

ແລະ​ໂມເຊ​ກໍໄດ້​ຂຶ້ນ​ໄປ​ທີ່​ເທິງ​ພູ​ເພື່ອ​ເຂົ້າ​ເຝົ້າ​ພຣະເຈົ້າ. ພຣະເຈົ້າຢາເວ​ໄດ້​ເອີ້ນ​ໂມເຊ​ຈາກ​ເທິງ​ພູ​ໃຫ້​ບອກ​ຊາວ​ອິດສະຣາເອນ ເຊື້ອສາຍ​ຂອງ​ຢາໂຄບ​ດັ່ງນີ້:

ອົບພະຍົບ 3:1

ມື້​ໜຶ່ງ ໃນ​ຂະນະທີ່​ໂມເຊ​ກຳລັງ​ລ້ຽງ​ຝູງແກະ ແລະ​ຝູງແບ້​ຂອງ​ເຢທະໂຣ ພໍ່​ເຖົ້າ​ຂອງຕົນ​ຜູ້​ທີ່​ເປັນ​ປະໂຣຫິດ​ຂອງ​ຊາວ​ມີດີອານ ລາວ​ໄດ້​ຕ້ອນ​ຝູງສັດ​ເລີຍ​ຂ້າມ​ຖິ່ນ​ແຫ້ງແລ້ງ​ກັນດານ​ໄປ​ທີ່​ຊີນາຍ​ພູເຂົາ​ຂອງ​ພຣະເຈົ້າ.

ອົບພະຍົບ 32:17

ເມື່ອ​ໂຢຊວຍ​ໄດ້ຍິນ​ສຽງ​ປະຊາຊົນ​ພວມ​ຮ້ອງ​ເອະອະ​ກັນ​ຢູ່ ລາວ​ຈຶ່ງ​ເວົ້າ​ກັບ​ໂມເຊ​ວ່າ, “ຂ້ອຍ​ຄື​ໄດ້ຍິນ​ສຽງ​ສູ້ຮົບ​ກັນ​ຢູ່​ໃນ​ຄ້າຍພັກ.”

ອົບພະຍົບ 33:11

ພຣະເຈົ້າຢາເວ​ກ່າວ​ແກ່​ໂມເຊ​ໜ້າ​ຕໍ່ໜ້າ ດັ່ງ​ຄົນ​ໜຶ່ງ​ທີ່​ກ່າວ​ຕໍ່​ເພື່ອນ​ຂອງຕົນ. ແລ້ວ​ໂມເຊ​ກໍ​ກັບຄືນ​ເມືອ​ຄ້າຍພັກ, ສ່ວນ​ໂຢຊວຍ​ລູກຊາຍ​ຂອງ​ນູນ ຜູ້ຮັບໃຊ້​ທີ່​ໜຸ່ມແໜ້ນ​ຂອງເພິ່ນ​ໄດ້​ປະຈຳ​ຢູ່​ໃນ​ຫໍເຕັນ.

ອົບພະຍົບ 4:27

ໃນຂະນະ​ດຽວກັນນີ້ ພຣະເຈົ້າຢາເວ​ໄດ້​ບອກ​ອາໂຣນ​ວ່າ, “ຈົ່ງ​ອອກ​ໄປ​ພົບ​ໂມເຊ​ທີ່​ຖິ່ນ​ແຫ້ງແລ້ງ​ກັນດານ.” ສະນັ້ນ ອາໂຣນ​ຈຶ່ງ​ອອກ​ໄປ​ພົບ​ໂມເຊ​ທີ່​ພູເຂົາ​ຂອງ​ພຣະເຈົ້າ ແລະ​ເມື່ອ​ພວກເພິ່ນ​ໄດ້​ພົບ​ກັນ ອາໂຣນ​ກໍ​ກອດ​ຈູບ​ໂມເຊ.

ຈົດບັນຊີ 11:28

ແລ້ວ​ໂຢຊວຍ​ລູກຊາຍ​ຂອງ​ນູນ ຜູ້​ຊ່ວຍ​ຂອງ​ໂມເຊ​ຕັ້ງແຕ່​ສະໄໝ​ຍັງ​ເປັນ​ໜຸ່ມ ກໍໄດ້​ເວົ້າ​ກັບ​ໂມເຊ​ວ່າ, “ທ່ານເອີຍ ຈົ່ງ​ໄປ​ບອກ​ພວກເຂົາ​ໃຫ້​ຢຸດ​ສາ.”

ໂຢຊວຍ 1:1

ຫລັງຈາກ​ໂມເຊ​ຜູ້ຮັບໃຊ້​ຂອງ​ພຣະເຈົ້າຢາເວ​ໄດ້​ຕາຍໄປ​ແລ້ວ ພຣະເຈົ້າຢາເວ​ໄດ້​ສັ່ງ​ໂຢຊວຍ​ລູກຊາຍ​ຂອງ​ນູນ ຜູ້​ຊ່ວຍ​ວຽກ​ຂອງ​ໂມເຊ​ວ່າ,