ອົບພະຍົບ 24:11 - ພຣະຄຳພີສັກສິ

¹¹ ພຣະອົງ​ບໍ່ໄດ້​ທຳລາຍ​ບັນດາ​ຫົວໜ້າ​ຂອງ​ຊາດ​ອິດສະຣາເອນ; ພວກເຂົາ​ໄດ້​ເຫັນ​ພຣະເຈົ້າ ແລ້ວ​ພວກເຂົາ​ກໍ​ພາກັນ​ກິນ​ແລະ​ດື່ມ.

ອົບພະຍົບ 24:11 Jak'a apnaqawi uñst'ayäwi

ປະຖົມມະການ 16:13

ນາງ​ຮາກາ​ຈຶ່ງ​ຖາມ​ຕົນເອງ​ວ່າ, “ຂ້ອຍ​ໄດ້​ເຫັນ​ພຣະເຈົ້າ ແລະ​ມີ​ຊີວິດ​ຢູ່​ເພື່ອ​ເວົ້າ​ເຖິງ​ເລື່ອງ​ນີ້​ແທ້​ບໍ?” ດັ່ງນັ້ນ ນາງ​ຈຶ່ງ​ເອີ້ນ​ພຣະເຈົ້າຢາເວ​ຜູ້​ທີ່​ໄດ້​ກ່າວ​ແກ່​ນາງ​ວ່າ, “ພຣະເຈົ້າ​ຜູ້​ເຫັນ​ໄດ້.”

ປະຖົມມະການ 18:18

ບັນດາ​ເຊື້ອສາຍ​ຂອງ​ລາວ​ຈະ​ກາຍເປັນ​ຊົນຊາດ​ທີ່​ຍິ່ງໃຫຍ່​ທັງ​ມີ​ອຳນາດ ແລະ​ໂດຍ​ຜ່ານ​ທາງ​ລາວ ເຮົາ​ຈະ​ອວຍພອນ​ຊົນຊາດ​ທັງປວງ.

ປະຖົມມະການ 31:54

ຢາໂຄບ​ໄດ້​ຖວາຍ​ເຄື່ອງ​ບູຊາ​ທີ່​ເນີນພູ ແລະ​ໄດ້ເຊີນ​ພີ່ນ້ອງ​ຂອງຕົນ​ມາ​ຮ່ວມ​ກິນ​ເຂົ້າຈີ່​ນຳກັນ. ຫລັງຈາກ​ກິນ​ເຂົ້າຈີ່​ແລ້ວ ພວກເຂົາ​ກໍໄດ້​ນອນ​ຄ້າງຄືນ​ຢູ່​ທີ່​ນັ້ນ.

1 ກະສັດ 21:8

ດັ່ງນັ້ນ ນາງ​ຈຶ່ງ​ຂຽນ​ຈົດໝາຍ​ບາງສະບັບ​ເຊັນຊື່​ຂອງ​ກະສັດ​ອາຮາບ​ລົງ ຕີ​ຕາປະທັບ​ຂອງ​ເພິ່ນ​ໃສ່ ແລ້ວ​ກໍ​ສົ່ງ​ຈົດໝາຍ​ນີ້​ໄປ​ຫາ​ພວກ​ຂ້າຣາຊການ​ພ້ອມ​ທັງ​ປະຊາຊົນ​ຊັ້ນ​ຜູ້ນຳ​ໃນ​ເມືອງ​ຢິດຊະເຣນ.

2 ຂ່າວຄາວ 23:20

ບັນດາ​ນາຍ​ທະຫານ​ໃນ​ກອງທັບ, ພົນລະເມືອງ​ຂັ້ນ​ຜູ້ນຳ, ເຈົ້າໜ້າທີ່​ຕ່າງໆ​ພ້ອມ​ທັງ​ປະຊາຊົນ​ທັງຫລາຍ ໄດ້​ເຂົ້າ​ຮ່ວມ​ກັບ​ເຢໂຮຍອາດາ​ໃນ​ການນຳພາ​ກະສັດ ຈາກ​ວິຫານ​ຂອງ​ພຣະເຈົ້າຢາເວ​ໄປ​ທີ່​ພະຣາຊວັງ. ພວກເຂົາ​ໄດ້​ເຂົ້າ​ໄປ​ທາງ​ປະຕູ​ໂຂງ ແລະ​ກະສັດ​ກໍໄດ້​ຂຶ້ນ​ໄປ​ນັ່ງ​ທີ່​ບັນລັງ.

ເນເຫມີຢາ 2:16

ບໍ່ມີ​ຂ້າຣາຊການ​ທ້ອງຖິ່ນ​ຄົນໃດ​ຮູ້​ເລີຍ​ວ່າ ຂ້າພະເຈົ້າ​ໄປ​ໃສ ຫລື​ຂ້າພະເຈົ້າ​ກຳລັງ​ເຮັດ​ຫຍັງ. ຈົນເຖິງ​ດຽວນີ້ ຂ້າພະເຈົ້າ​ກໍ​ຍັງ​ບໍ່ໄດ້​ບອກ​ໃຫ້​ພວກ​ພີ່ນ້ອງ​ຊາວຢິວ​ຮູ້​ນຳ​ເລີຍ​ເຊັ່ນ: ບັນດາ​ປະໂຣຫິດ, ບັນດາ​ຜູ້ນຳ, ບັນດາ​ຂ້າຣາຊການ ຫລື​ຄົນໃດ​ຄົນໜຶ່ງ​ທີ່​ໄດ້​ມີ​ສ່ວນ​ໃນ​ວຽກງານ​ນີ້.

ເພງ^ສັນລະເສີນ 139:5

ພຣະອົງ​ສະຖິດ​ຢູ່​ນຳ​ຂ້ານ້ອຍ​ຮອບດ້ານ​ໃນ​ທຸກ​ສະຖານະການ ພຣະອົງ​ຄຸ້ມຄອງ​ຂ້ານ້ອຍ​ໄວ້​ດ້ວຍ​ຣິດອຳນາດ​ຂອງ​ພຣະອົງ.

ອົບພະຍົບ 18:12

ແລ້ວ​ເຢທະໂຣ​ກໍ​ຂ້າ​ສັດ​ເຜົາ​ທັງ​ໂຕ ແລະ​ເອົາ​ເຄື່ອງ​ບູຊາ​ອື່ນໆ​ຖວາຍ​ແກ່​ພຣະເຈົ້າ; ຝ່າຍ​ອາໂຣນ ແລະ​ພວກ​ຜູ້ນຳ​ກໍໄດ້​ໄປ​ຮ່ວມ​ກິນ​ເຂົ້າຈີ່​ຮ່ວມ​ກັບ​ພໍ່ເຖົ້າ​ຂອງ​ໂມເຊ ເພື່ອ​ເປັນ​ການ​ນະມັດສະການ​ພຣະເຈົ້າ.

ອົບພະຍົບ 19:21

ແລ້ວ​ພຣະເຈົ້າຢາເວ​ກໍ​ບອກ​ໂມເຊ​ວ່າ, “ຈົ່ງ​ລົງ​ໄປ​ເຕືອນ​ປະຊາຊົນ ບໍ່​ໃຫ້​ຂ້າມ​ເຂດ​ເຂົ້າ​ມາ​ເບິ່ງ​ພຣະເຈົ້າຢາເວ, ຖ້າ​ພວກເຂົາ​ຂືນ​ຂຶ້ນ​ມາ​ທີ່​ນີ້​ຈະ​ມີ​ຫລາຍ​ຄົນ​ຕາຍ.

ອົບພະຍົບ 24:1

ແລ້ວ​ພຣະເຈົ້າ​ໄດ້​ບອກ​ໂມເຊ​ວ່າ, “ເຈົ້າ​ກັບ​ອາໂຣນ, ນາດາບ, ອາບີຮູ, ພ້ອມ​ທັງ​ບັນດາ​ຫົວໜ້າ 70 ຄົນ​ຂອງ​ຊາດ​ອິດສະຣາເອນ ຈົ່ງ​ຂຶ້ນ​ມາ​ຫາ​ພຣະເຈົ້າຢາເວ​ທີ່​ເທິງ​ພູເຂົາ; ເມື່ອ​ຂຶ້ນ​ມາ​ແລ້ວ​ໃຫ້​ກົ້ມຂາບ​ນະມັດສະການ​ຢູ່​ຫ່າງໆ.

ປັນຍາຈານ 9:7

ສະນັ້ນ ຈົ່ງ​ກິນ​ອາຫານ​ທີ່​ເຈົ້າ​ມີ​ແລະ​ມີ​ຄວາມສຸກ​ສາເຖີດ; ດື່ມ​ເຫຼົ້າ​ອະງຸ່ນ​ແລະ​ເບີກບານ​ໃຈ​ສາເຖີດ. ສຳລັບ​ພຣະເຈົ້າ​ແລ້ວ ສິ່ງ​ເຫຼົ່ານີ້​ລ້ວນແຕ່​ເປັນ​ການ​ຖືກຕ້ອງ​ທັງສິ້ນ.

ເຢເຣມີຢາ 14:3

ຄົນຮັ່ງມີ​ສົ່ງ​ຄົນ​ຮັບໃຊ້​ອອກ​ໄປ​ຊອກ​ຕັກ​ນໍ້າ​ມາ​ກິນ ແຕ່​ບໍ່ໄດ້​ພົບ​ນໍ້າ​ເລີຍ ເມື່ອ​ພວກເຂົາ​ໄປ​ຮອດ​ອ່າງນໍ້າ; ພວກເຂົາ​ເລີຍ​ຖື​ໄຫເປົ່າ​ພາກັນ​ກັບຄືນ​ເມືອ ໝົດ​ກຳລັງໃຈ​ທັງ​ສັບສົນ​ຈຶ່ງ​ອັດ​ໜ້າ​ຕົນ​ໄວ້.

ດານີເອນ 10:17

ຂ້ານ້ອຍ​ເປັນ​ດັ່ງ​ຂ້າທາດ​ຄົນ​ໜຶ່ງ ທີ່​ຢືນ​ຢູ່​ຕໍ່ໜ້າ​ນາຍ​ຂອງຕົນ. ຂ້ານ້ອຍ​ຈະ​ເວົ້າ​ກັບ​ທ່ານ​ໄດ້​ຢ່າງໃດ? ຂ້ານ້ອຍ​ບໍ່ມີ​ແຮງ​ຫລື​ມີ​ລົມຫາຍໃຈ​ເຫຼືອ​ຢູ່​ເລີຍ.”

ຈົດບັນຊີ 12:8

ດັ່ງນັ້ນ ເຮົາ​ຈຶ່ງ​ກ່າວ​ແກ່​ລາວ​ຕໍ່ໜ້າ​ຢ່າງ​ຈະແຈ້ງ​ແລະ​ຢ່າງ​ບໍ່ມີ​ບັນຫາ; ລາວ​ໄດ້​ເຫັນ​ແມ່ນແຕ່​ຮູບຮ່າງ​ຂອງ​ພຣະເຈົ້າຢາເວ ເຫດໃດ​ພວກເຈົ້າ​ຈຶ່ງ​ກ້າ​ເວົ້າ​ຕໍ່ສູ້​ໂມເຊ ຜູ້ຮັບໃຊ້​ຂອງເຮົາ?”

ພຣະບັນຍັດສອງ 12:7

ທີ່​ນັ້ນ​ຊ້ອງໜ້າ​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ ຜູ້​ທີ່​ອວຍພອນ​ພວກເຈົ້າ. ພວກເຈົ້າ​ພ້ອມ​ທັງ​ຄອບຄົວ​ຈະ​ກິນ ແລະ​ຊົມຊື່ນ​ຍິນດີ​ກັບ​ສິ່ງ​ດີ​ນາໆ​ປະການ​ທີ່​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ​ໄດ້​ອວຍພອນ​ໃຫ້.

ພຣະບັນຍັດສອງ 4:33

ມີ​ປະຊາຊົນ​ຊາດ​ໃດໆ​ຍັງ​ມີ​ຊີວິດ​ຢູ່​ເໝືອນ​ດັ່ງ​ພວກເຈົ້າ​ແດ່ ຫລັງຈາກ​ທີ່​ໄດ້ຍິນ​ພຣະເຈົ້າ​ກ່າວ​ແກ່​ພວກເຂົາ​ອອກ​ມາ​ຈາກ​ແປວໄຟ.

ພວກ^ຜູ້ປົກຄອງ 13:22

ແລ້ວ​ມາໂນອາ​ກໍໄດ້​ເວົ້າ​ກັບ​ເມຍ​ຂອງຕົນ​ວ່າ, “ພວກເຮົາ​ຕ້ອງ​ຕາຍ​ເປັນ​ແນ່ ເພາະ​ພວກເຮົາ​ໄດ້​ເຫັນ​ພຣະເຈົ້າ.”

ພວກ^ຜູ້ປົກຄອງ 5:13

ແລ້ວ​ພວກ​ທີ່​ສັດຊື່​ກໍ​ລົງ​ມາ​ຫາ​ຜູ້ນຳ​ຂອງຕົນ ຄົນ​ຂອງ​ພຣະເຈົ້າຢາເວ​ມາ​ກັບ​ພຣະອົງ ເພື່ອ​ຕຽມ​ຕໍ່ສູ້.