ອົບພະຍົບ 23:26 - ພຣະຄຳພີສັກສິ

²⁶ ໃນ​ດິນແດນ​ຂອງ​ພວກເຈົ້າ​ຈະ​ບໍ່ມີ​ແມ່ຍິງ​ຫລຸລູກ​ຫລື​ເປັນໝັນ. ເຮົາ​ຈະ​ໃຫ້​ພວກເຈົ້າ​ມີ​ຊີວິດ​ຍືນຍາວ.

ອົບພະຍົບ 23:26 Jak'a apnaqawi uñst'ayäwi

ປະຖົມມະການ 25:8

ຈາກ​ນັ້ນ ອັບຣາຮາມ​ກໍ​ໄດ້​ສິ້ນ​ລົມ​ຫາຍໃຈ ແລະ​ໄດ້​ຕາຍ​ໄປ​ໃນ​ຂະນະ​ທີ່​ມີ​ອາຍຸ​ສູງ ເປັນ​ຜູ້​ເຖົ້າ​ທີ່​ມີ​ອາຍຸ​ໝັ້ນຍືນ ແລະ​ໄດ້​ຖືກ​ຮວບຮວມ​ໄວ້​ກັບ​ຄົນ​ທັງຫລາຍ​ຂອງ​ຕົນ.

ປະຖົມມະການ 35:29

ເພິ່ນ​ໄດ້​ຕາຍໄປ​ເມື່ອ​ອາຍຸ​ສູງ​ຫລາຍ; ຢາໂຄບ ແລະ​ເອຊາວ​ລູກຊາຍ​ຂອງ​ເພິ່ນ​ເອງ ເປັນ​ຜູ້​ຝັງສົບ​ເພິ່ນ​ໄວ້.

1 ຂ່າວຄາວ 23:1

ເມື່ອ​ກະສັດ​ດາວິດ​ໄດ້​ແກ່ຊະຣາ​ຫລາຍ​ແລ້ວ ເພິ່ນ​ໄດ້​ແຕ່ງຕັ້ງ​ໂຊໂລໂມນ​ລູກຊາຍ​ຂອງ​ເພິ່ນ​ໃຫ້​ຂຶ້ນ​ເປັນ​ກະສັດ​ຂອງ​ຊາດ​ອິດສະຣາເອນ​ແທນ​ເພິ່ນ.

ພຣະທຳ​ໂຢບ 21:10

ທຸກ​ເທື່ອ​ທີ່​ງົວເຖິກ​ຖືເຊີງ​ນັ້ນ ກໍ​ຕັ້ງທ້ອງ​ທຸກ​ໂຕ ແລະ​ເກີດລູກ​ອອກ​ມາ​ຢ່າງ​ບໍ່​ຫລຸຫລອດ​ຈັກ​ໂຕ​ດ້ວຍ.

ພຣະທຳ​ໂຢບ 42:17

ແລ້ວ​ເພິ່ນ​ກໍໄດ້​ຕາຍໄປ ເມື່ອ​ເຖົ້າແກ່​ຫລາຍ​ທີ່ສຸດ.

ພຣະທຳ​ໂຢບ 5:26

ເໝືອນ​ດັ່ງ​ເຂົ້າ​ສຸກ​ແລ້ວ ລໍ​ເຖິງ​ລະດູ​ກ່ຽວ ເຈົ້າ​ຈະ​ມີ​ອາຍຸ​ຍືນໝັ້ນ​ຈົນ​ແກ່ຊະຣາ.

ເພງ^ສັນລະເສີນ 107:38

ພຣະອົງ​ອວຍພອນ​ຄົນ​ຂອງ​ພຣະອົງ​ໃຫ້​ມີ​ຫລາຍ ແລະ​ຮັກສາ​ຝູງສັດ​ຂອງ​ພວກເຂົາ​ບໍ່​ໃຫ້​ຫລຸດໜ້ອຍ.

ເພງ^ສັນລະເສີນ 144:13

ຂໍ​ໃຫ້​ເລົ້າ​ເຕັມ​ໄປ​ດ້ວຍ​ພືດຜົນ​ນາໆ​ຊະນິດ ຂໍ​ໃຫ້​ຝູງແກະ​ອອກລູກ​ໄດ້​ເປັນ​ພັນໆ​ຕາມ​ທົ່ງ​ເຖີດ.

ເພງ^ສັນລະເສີນ 55:23

ຂ້າແດ່​ພຣະເຈົ້າ ພຣະອົງ​ຈະ​ນຳ​ຜູ້​ທີ່​ຂ້າ​ຄົນ​ແລະ​ຄົນ​ຂີ້ຕົວະ ໃຫ້​ເຂົ້າ​ໄປ​ສູ່​ຂຸມຝັງສົບ​ພຸ້ນ ກ່ອນ​ທີ່​ອາຍຸ​ເຄິ່ງ​ໜຶ່ງ​ຂອງ​ພວກເຂົາ​ໝົດ​ໄປ ສ່ວນ​ຂ້ານ້ອຍ​ໄວ້ວາງໃຈ​ໃນ​ພຣະອົງ.

ເພງ^ສັນລະເສີນ 90:10

ພວກ​ຂ້ານ້ອຍ​ມີ​ຊີວິດ​ຢູ່​ພຽງແຕ່​ເຈັດສິບ​ປີ ອາດຮອດ​ແປດສິບ​ປີ​ຖ້າ​ມີ​ເຫື່ອແຮງ​ຢູ່ ແຕ່​ຊ່ວງ​ໄລຍະ​ອາຍຸ​ນັ້ນ​ກໍ​ພົບ​ຄວາມ​ລຳບາກ ແລະ​ເຮັດ​ໃຫ້​ລະທົມ​ທຸກໃຈ ໃນບໍ່ຊ້າ​ຊີວິດ​ຈະ​ຈົບ​ລົງ​ແລະ​ຕາຍໄປ​ເທົ່ານັ້ນ.

ເອຊາຢາ 65:20

ພວກ​ແອນ້ອຍ​ຈະ​ບໍ່​ຕາຍ​ຕັ້ງແຕ່​ຕອນ​ເກີດໃໝ່​ອີກ​ຕໍ່ໄປ ແລະ​ປະຊາຊົນ​ທັງໝົດ​ຈະ​ມີ​ອາຍຸ​ໝັ້ນຍືນ​ຫລາຍ. ຄົນ​ທີ່​ມີ​ຊີວິດ​ຮ້ອຍ​ປີ​ກໍ​ນັບ​ວ່າ​ຍັງ​ໜຸ່ມ​ຢູ່. ຄົນ​ຕາຍ​ກ່ອນ​ນັ້ນ ເປັນ​ສັນຍານ​ບອກ​ວ່າ, ຖືກ​ເຮົາ​ລົງໂທດ​ເຂົາ.

ໂຮເສອາ 9:14

ຂ້ານ້ອຍ​ຈະ​ຮ້ອງຂໍ​ໃຫ້​ພຣະອົງ​ເຮັດ​ຢ່າງໃດ​ກັບ​ປະຊາຊົນ​ພວກ​ນີ້? ຂໍ​ພຣະອົງ​ເຮັດ​ໃຫ້​ພວກຜູ້ຍິງ​ເປັນ​ໝັນ​ສາ ຂໍ​ເຮັດ​ໃຫ້​ແອນ້ອຍ​ຂອງ​ພວກເຂົາ ກິນ​ນົມ​ຂອງ​ພວກເຂົາ​ບໍ່ໄດ້.

ພຣະບັນຍັດສອງ 28:4

ພຣະອົງ​ຈະ​ອວຍພອນ​ພວກເຈົ້າ​ໃຫ້​ມີ​ລູກຫລານ​ຫລາຍ, ມີ​ພືດຜົນ​ອຸດົມສົມບູນ ແລະ​ມີ​ຝູງງົວ​ແລະ​ຝູງແກະ​ເຕັມ​ຄອກ.

ພຣະບັນຍັດສອງ 4:40

ຈົ່ງ​ປະຕິບັດ​ຕາມ​ກົດບັນຍັດ​ແລະ​ຂໍ້​ຄຳສັ່ງ​ທຸກ​ຂໍ້​ຂອງ​ພຣະອົງ ທີ່​ຂ້າພະເຈົ້າ​ໄດ້​ໃຫ້​ພວກເຈົ້າ​ໃນວັນນີ້ ແລະ​ພວກເຈົ້າ​ພ້ອມ​ລູກຫລານ​ກໍ​ຈະ​ຢູ່ເຢັນ​ເປັນ​ສຸກ. ພວກເຈົ້າ​ຈະ​ສືບຕໍ່​ອາໄສ​ຢູ່​ໃນ​ດິນແດນ ທີ່​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ ກຳລັງ​ຈະ​ມອບ​ໃຫ້​ພວກເຈົ້າ​ນີ້​ຕະຫລອດໄປ.”

ພຣະບັນຍັດສອງ 7:14

ບໍ່ມີ​ຊົນຊາດ​ໃດ​ໃນ​ໂລກນີ້ ຈະ​ໄດ້​ຮັບ​ພອນ​ຢ່າງ​ຫລວງຫລາຍ​ເໝືອນ​ດັ່ງ​ພວກເຈົ້າ. ບໍ່ມີ​ຄົນ​ໃດ​ແລະ​ສັດ​ໂຕ​ໃດ​ໃນ​ທ່າມກາງ​ພວກເຈົ້າ​ຈະ​ເປັນ​ໝັນ.