ອົບພະຍົບ 23:22 - ພຣະຄຳພີສັກສິ

²² ແຕ່​ຖ້າ​ພວກເຈົ້າ​ເຊື່ອຟັງ​ເທວະດາ​ນັ້ນ ແລະ​ເຮັດ​ຕາມ​ທຸກໆ​ສິ່ງ​ທີ່​ເຮົາ​ໄດ້​ສັ່ງ​ໄວ້ ເຮົາ​ຈະ​ຕໍ່ສູ້​ສັດຕູ​ທັງຫລາຍ​ຂອງ​ພວກເຈົ້າ.

ອົບພະຍົບ 23:22 Jak'a apnaqawi uñst'ayäwi

ປະຖົມມະການ 12:3

ເຮົາ​ຈະ​ອວຍພອນ​ຜູ້​ທີ່​ອວຍພອນ​ເຈົ້າ, ແຕ່​ເຮົາ​ຈະ​ສາບແຊ່ງ​ຜູ້​ທີ່​ສາບແຊ່ງ​ເຈົ້າ ແລະ​ໂດຍ​ຜ່ານ​ທາງ​ເຈົ້າ ເຮົາ​ຈະ​ອວຍພອນ​ຊົນຊາດ​ທັງປວງ.”

ເພງ^ສັນລະເສີນ 35:1

ຂ້າແດ່​ພຣະເຈົ້າຢາເວ ຂໍ​ຊົງ​ໂຜດ​ຕໍ່ຕ້ານ​ຜູ້​ທີ່​ຂັດຂວາງ​ຂ້ານ້ອຍ​ເຖີດ ໂຜດ​ຕໍ່ສູ້​ພວກ​ທີ່​ຕໍ່ສູ້​ຂ້ານ້ອຍ​ນັ້ນ

ອົບພະຍົບ 15:16

ຂ້າແດ່​ພຣະເຈົ້າຢາເວ ພວກເຂົາ​ເສຍຂວັນ​ແລະ​ຢ້ານກົວ​ໃຫຍ່ ເມື່ອ​ພວກເຂົາ​ເຫັນ​ພຣະ​ເດຊານຸພາບ; ພວກເຂົາ​ຢືນ​ຢ່າງ​ສິ້ນ​ທ່າ​ດ້ວຍ​ຄວາມ​ຢ້ານກົວ ຈົນກວ່າ​ປະຊາຊົນ​ຂອງ​ພຣະອົງ​ຜ່ານ​ໄປ​ໄດ້; ຄື​ປະຊາຊົນ​ທີ່​ພຣະອົງ​ປົດປ່ອຍ​ໃຫ້​ມີ​ອິດສະຫລະ​ເສລີ ຈາກ​ການ​ເປັນ​ທາດຮັບໃຊ້.

ເຢເຣມີຢາ 30:20

ເຮົາ​ຈະ​ໃຫ້​ອຳນາດ​ດັ່ງເດີມ​ໃໝ່​ແກ່​ຊົນຊາດ​ນີ້​ເດີ ເຮົາ​ຈະ​ລົງໂທດ​ແກ່​ທຸກຄົນ​ທີ່​ກົດຂີ່​ພວກເຂົາ.

ເຊກາຣີຢາ 2:8

ຜູ້ໃດ​ຜູ້ໜຶ່ງ​ທີ່​ຕົບຕີ​ພວກເຈົ້າ ກໍ​ສໍ່າກັບ​ຕົບຕີ​ແກ້ວ​ຕາ​ຂອງເຮົາ.” ດັ່ງນັ້ນ ພຣະເຈົ້າຢາເວ​ອົງ​ຊົງຣິດ​ອຳນາດ​ຍິ່ງໃຫຍ່ ຈຶ່ງ​ໄດ້​ໃຊ້​ຂ້າພະເຈົ້າ​ພ້ອມ​ນຳ​ຖ້ອຍຄຳ​ນີ້​ໄປ​ບອກ​ຊົນຊາດ​ຕ່າງໆ ທີ່​ໄດ້​ປຸ້ນຈີ້​ປະຊາຊົນ​ຂອງ​ພຣະອົງ​ວ່າ,

ຈົດບັນຊີ 24:8

ພຣະເຈົ້າ​ໄດ້​ນຳ​ພວກເຂົາ​ອອກ ມາ​ຈາກ​ປະເທດ​ເອຢິບ ພຣະອົງ​ສູ້ຮົບ​ຕາງ​ພວກເຂົາ​ລຽນຕິດ ດັ່ງ​ກຳລັງ​ຂອງ​ຄວາຍປ່າ ພວກເຂົາ​ໄດ້​ເຂັ່ນຂ້າ ເຫຼົ່າ​ສັດຕູ​ຂອງ​ພວກເຂົາ ທັງ​ຫັກ​ກະດູກ​ກັບ​ລູກທະນູ ໃຫ້​ໝຸ່ນ​ທະລາຍ​ຈົນກ້ຽງ.

ຈົດບັນຊີ 24:9

ປະຊາຊົນ​ຊາດ​ນີ້​ ເປັນ​ດັ່ງ​ໂຕ​ສິງ​ທີ່​ມີ​ອຳນາດ​ຍິ່ງ; ເມື່ອ​ມັນ​ພວມ​ນອນ​ຢູ່​ນັ້ນ ບໍ່ມີ​ໃຜ​ກ້າ​ປຸກ​ມັນ​ຂຶ້ນ​ມາ. ຜູ້ໃດ​ອວຍພອນ​ຊາດ​ອິດສະຣາເອນ​ນັ້ນ ຜູ້ນັ້ນ​ຈະ​ໄດ້​ຮັບ​ຄຳອວຍພອນ​ຄືນ ແລະ​ຜູ້ໃດ​ສາບແຊ່ງ​ຊາດ​ອິດສະຣາເອນ ຜູ້ນັ້ນ​ຈະ​ໄດ້​ຖືກ​ສາບແຊ່ງ​ຕອບ.”

ພຣະບັນຍັດສອງ 28:1

“ຖ້າ​ພວກເຈົ້າ​ເຊື່ອຟັງ​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ ແລະ​ປະຕິບັດ​ຢ່າງ​ສັດຊື່​ຕາມ​ພຣະ​ຄຳສັ່ງ​ທຸກ​ຂໍ້ ທີ່​ຂ້າພະເຈົ້າ​ກຳລັງ​ໃຫ້​ພວກເຈົ້າ​ວັນນີ້; ພຣະອົງ​ຈະ​ບັນດານ​ໃຫ້​ພວກເຈົ້າ​ເປັນ​ໃຫຍ່​ກວ່າ​ຊົນຊາດ​ອື່ນໆ​ເທິງ​ແຜ່ນດິນ​ໂລກ.

ພຣະບັນຍັດສອງ 30:7

ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ​ຈະ​ຫັນ​ເອົາ​ຄຳສາບແຊ່ງ​ເຫຼົ່ານີ້​ທັງໝົດ​ໄປ​ສູ່​ເຫຼົ່າ​ສັດຕູ​ຂອງ​ພວກເຈົ້າ ຜູ້​ທີ່​ກຽດຊັງ​ແລະ​ກົດຂີ່​ຂົ່ມເຫັງ​ພວກເຈົ້າ,

2 ເທສະໂລນິກ 1:6

ພຣະເຈົ້າ​ຈະ​ເຮັດ​ສິ່ງ​ທີ່​ຍຸດຕິທຳ ຄື​ພຣະອົງ​ຈະ​ນຳ​ເອົາ​ຄວາມ​ທົນທຸກ​ໄປ​ສູ່​ຜູ້​ທີ່​ເຮັດ​ໃຫ້​ພວກເຈົ້າ​ຖືກ​ທົນທຸກ,

ໂຢຊວຍ 9:7

ແຕ່​ຊາວ​ອິດສະຣາເອນ​ໄດ້​ເວົ້າ​ຕໍ່​ຄົນ​ຮີວີ​ວ່າ, “ພວກເຈົ້າ​ອາດ​ຈະ​ຢູ່​ໃກ້​ກັບ​ພວກເຮົາ​ນີ້​ກໍໄດ້ ດ້ວຍເຫດໃດ​ພວກເຮົາ​ຈຶ່ງ​ຈະ​ເຮັດ​ຂໍ້​ຕົກລົງ​ກັບ​ພວກເຈົ້າ?”