ອົບພະຍົບ 23:19 - ພຣະຄຳພີສັກສິ

¹⁹ ຈົ່ງ​ນຳ​ພືດຜົນ​ທີ່​ດີ​ເລີດ ຊຶ່ງ​ໄດ້​ເກັບກ່ຽວ​ຄັ້ງແຮກ ມາ​ທີ່​ວິຫານ​ຂອງ​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ. ຢ່າ​ຕົ້ມ​ຊີ້ນ​ລູກແກະ ຫລື​ລູກ​ແບ້​ດ້ວຍ​ນໍ້ານົມ​ແມ່​ຂອງ​ມັນ.

ອົບພະຍົບ 23:19 Jak'a apnaqawi uñst'ayäwi

ເນເຫມີຢາ 10:35

ແຕ່ລະປີ​ໃດ ພວກ​ຂ້ານ້ອຍ​ຈະ​ນຳ​ພືດຜົນ​ເປັນເມັດ​ທີ່​ໄດ້​ເກັບກ່ຽວ​ເທື່ອ​ທຳອິດ ແລະ​ໝາກໄມ້​ທີ່​ສຸກ​ເທື່ອ​ທຳອິດ​ຈາກ​ຕົ້ນ​ມາ​ທີ່​ວິຫານ​ຂອງ​ພຣະເຈົ້າຢາເວ.

ເນເຫມີຢາ 10:36

ລູກຊາຍກົກ​ແຕ່ລະຄົນ​ຂອງ​ພວກ​ຂ້ານ້ອຍ ຈະ​ຕ້ອງ​ຖືກ​ນຳ​ໄປ​ຫາ​ປະໂຣຫິດ​ທີ່​ວິຫານ​ຂອງ​ພຣະເຈົ້າ​ຂອງ​ພວກ​ຂ້ານ້ອຍ ແລະ​ຖວາຍ​ລາວ​ແກ່​ພຣະເຈົ້າ​ຢູ່​ໃນ​ທີ່ນັ້ນ ຕາມ​ທີ່​ກົດບັນຍັດ​ໄດ້​ຂຽນ​ໄວ້. ພວກ​ຂ້ານ້ອຍ​ຍັງ​ຈະ​ຖວາຍ​ລູກກົກ​ຂອງ​ງົວເຖິກ, ຂອງ​ງົວແມ່​ແຕ່ລະໂຕ ແລະ​ລູກກົກ​ຂອງ​ແກະເຖິກ ຫລື​ລູກແກະ ຫລື​ລູກ​ແບ້​ແຕ່ລະໂຕ​ດ້ວຍ.

ອົບພະຍົບ 22:28

ຢ່າ​ດ່າ​ວ່າ​ພຣະເຈົ້າ ແລະ​ຢ່າ​ສາບແຊ່ງ​ຜູ້ນຳ​ຊົນຊາດ​ຂອງ​ພວກເຈົ້າ.

ອົບພະຍົບ 22:29

ຈົ່ງ​ນຳ​ພືດຜົນ​ເປັນເມັດ, ເຫຼົ້າ​ອະງຸ່ນ ແລະ​ນໍ້າມັນ​ໝາກກອກເທດ​ທີ່​ຕ້ອງ​ຖວາຍ​ຕາມ​ກຳນົດ​ນັ້ນ​ມາ​ຖວາຍ​ແກ່​ເຮົາ. ຈົ່ງ​ຖວາຍ​ລູກຊາຍກົກ​ຂອງ​ພວກເຈົ້າ​ແກ່​ເຮົາ.

ອົບພະຍົບ 34:26

ຈົ່ງ​ນຳ​ພືດຜົນ​ທີ່​ດີເລີດ​ຊຶ່ງ​ເກັບກ່ຽວ​ແຕ່ລະ​ຫົວປີ ມາ​ທີ່​ວິຫານ​ຂອງ​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ. ຢ່າ​ຕົ້ມ​ຊີ້ນ​ລູກແກະ​ຫລື​ລູກ​ແບ້​ດ້ວຍ​ນໍ້ານົມ​ແມ່​ຂອງ​ມັນ.”

ສຸພາສິດ 12:10

ຄົນດີ​ເປັນ​ຫ່ວງ​ນຳ​ຝູງສັດ​ຂອງຕົນ, ແຕ່​ຄົນ​ຊົ່ວຊ້າ​ຊໍ້າ​ໂຫດຮ້າຍ​ຕໍ່​ຝູງສັດ.

ສຸພາສິດ 3:9

ຈົ່ງ​ຍ້ອງຍໍ​ໃຫ້ກຽດ​ພຣະເຈົ້າຢາເວ ດ້ວຍ​ຊັບສິນ​ຂອງຕົນ ດ້ວຍ​ຜົນ​ທໍາອິດ​ອັນ​ດີທີ່ສຸດ​ຈາກ​ຜົນລະປູກ​ທັງໝົດ​ຂອງເຈົ້າ.

ເຢເຣມີຢາ 10:3

ສາສະໜາ​ຂອງ​ຄົນ​ເຫຼົ່ານີ້​ໄຮ້ປະໂຫຍດ​ໝົດ ພວກເຂົາ​ປໍ້າ​ກົກໄມ້​ໃນ​ປ່າ ຊ່າງ​ກໍ​ແກະສະຫລັກ​ທ່ອນ​ໄມ້

ເອເຊກຽນ 44:30

ພວກ​ປະໂຣຫິດ​ຈະ​ໄດ້​ຮັບ​ພືດຜົນ​ດີທີ່ສຸດ​ໃນ​ລະດູ​ເກັບກ່ຽວ​ຄັ້ງ​ທຳອິດ ແລະ​ສິ່ງ​ອື່ນໆ​ທຸກຢ່າງ​ທີ່​ໄດ້​ຖວາຍ​ແກ່​ເຮົາ. ທຸກ​ເທື່ອ​ທີ່​ປະຊາຊົນ​ເຮັດ​ເຂົ້າຈີ່ ພວກເຂົາ​ຕ້ອງ​ເອົາ​ເຂົ້າຈີ່​ກ້ອນ​ທຳອິດ​ໃຫ້​ປະໂຣຫິດ​ເປັນ​ເຄື່ອງ​ຖວາຍ ແລະ​ພຣະພອນ​ຂອງເຮົາ​ກໍ​ຈະ​ດຳລົງ​ຢູ່​ໃນ​ຄອບຄົວ​ຂອງ​ພວກ​ເຂົາເຈົ້າ.

ເອເຊກຽນ 48:13

ພວກ​ເລວີ​ຈະ​ໄດ້​ຮັບ​ບໍລິເວນ​ພິເສດ​ຄືກັນ ຢູ່​ທາງ​ຕອນ​ໃຕ້​ຂອງ​ພວກ​ປະໂຣຫິດ. ດິນແດນ​ນັ້ນ​ໃຫ້​ຍາວ​ສິບສອງ​ກິໂລແມັດ​ເຄິ່ງ ແຕ່​ດ້ານ​ຕາເວັນອອກ​ຫາ​ດ້ານ​ຕາເວັນຕົກ ແລະ​ໃຫ້​ກວ້າງ​ຫ້າ​ກິໂລແມັດ​ຈາກ​ດ້ານ​ເໜືອ​ຫາ​ດ້ານ​ໃຕ້.

ເອເຊກຽນ 48:14

ບໍລິເວນ​ທີ່​ໄດ້​ຖືກ​ອຸທິດ​ຖວາຍ​ແກ່​ພຣະເຈົ້າຢາເວ​ແລ້ວ ແມ່ນ​ສ່ວນ​ທີ່​ສັກສິດ​ໃນ​ດິນແດນ​ທັງໝົດ; ບໍ່​ໃຫ້​ຂາຍ ຫລື​ແລກປ່ຽນ, ຫລື​ປ່ຽນ​ກຳມະສິດ​ໃຫ້​ຜູ້ໜຶ່ງ​ຜູ້ໃດ​ເປັນ​ເດັດຂາດ.

ຈົດບັນຊີ 15:21

ຈົ່ງ​ຖວາຍ​ເຂົ້າຈີ່​ທີ່​ເຮັດ​ນັ້ນ ເປັນ​ຂອງ​ຖວາຍ​ພິເສດ​ຖວາຍ​ແກ່​ພຣະເຈົ້າຢາເວ​ທຸກຍຸກ​ທຸກສະໄໝ​ສືບໄປ.

1 ໂກຣິນໂທ 15:20

ແຕ່​ທີ່​ຈິງ ພຣະຄຣິດ​ໄດ້​ຊົງ​ຖືກ​ບັນດານ​ໃຫ້​ຄືນພຣະຊົນ​ແລ້ວ ແລະ​ຊົງ​ເປັນ​ຜົນແລກ​ໃນ​ພວກ​ຄົນ​ທີ່​ລ່ວງລັບ​ໄປ​ແລ້ວ​ນັ້ນ.

ພຣະບັນຍັດສອງ 14:21

ຢ່າ​ກິນ​ສັດ​ໃດໆ​ທີ່​ຕາຍ​ເອງ. ພວກເຈົ້າ​ອາດ​ຈະ​ເອົາ​ໃຫ້​ຊາວ​ຕ່າງດ້າວ​ທີ່​ອາໄສ​ຢູ່​ທ່າມກາງ​ພວກເຈົ້າ​ກິນ​ໄດ້ ຫລື​ຂາຍ​ໃຫ້​ຄົນ​ຕ່າງດ້າວ​ພວກ​ອື່ນໆ​ໄດ້. ສ່ວນ​ພວກເຈົ້າ​ເປັນ​ພວກ​ບໍຣິສຸດ​ຂອງ​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ. ຢ່າ​ຕົ້ມ​ຊີ້ນ​ລູກແກະ​ຫລື​ລູກ​ແບ້​ດ້ວຍ​ນໍ້ານົມ​ຂອງ​ແມ່​ມັນ.”

ພຣະບັນຍັດສອງ 26:10

ສະນັ້ນ ບັດນີ້ ຂ້ານ້ອຍ​ຈຶ່ງ​ນຳ​ພືດຜົນ​ທຳອິດ​ທີ່​ພຣະເຈົ້າຢາເວ​ໄດ້​ໂຜດ​ໃຫ້​ນັ້ນ​ມາ​ຖວາຍ​ແດ່​ພຣະອົງ.’ ແລ້ວ​ພວກເຈົ້າ​ຈົ່ງ​ປົງ​ກະຕ່າ​ລົງ​ຊ້ອງໜ້າ​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ ແລະ​ກົ້ມຂາບ​ລົງ​ຕໍ່ໜ້າ​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ​ຢູ່​ທີ່​ນັ້ນ.

ພຣະບັນຍັດສອງ 26:2

ຈົ່ງ​ໃຫ້​ແຕ່ລະ​ຄົນ​ໃນ​ພວກເຈົ້າ​ເອົາ​ຜົນລະປູກ​ແຕ່ລະ​ຊະນິດ​ທີ່​ເກັບກ່ຽວ​ມາ​ຈາກ​ດິນແດນ​ທີ່​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ​ກຳລັງ​ຈະ​ມອບ​ໃຫ້​ພວກເຈົ້າ ຈົ່ງ​ເອົາ​ຜົນ​ທຳອິດ​ໃສ່​ກະຕ່າ ແລະ​ໄປ​ໃນ​ບ່ອນ​ທີ່​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ​ຈະ​ເລືອກໄວ້​ໃຫ້​ນາມຊື່​ຂອງ​ພຣະອົງ​ຕັ້ງຢູ່.

ພຣະນິມິດ 14:4

ຄົນ​ເຫຼົ່ານີ້ ເປັນ​ຜູ້​ທີ່​ບໍ່ມີ​ຄວາມຊົ່ວ​ມົວໝອງ​ກັບ​ແມ່ຍິງ ເພາະ​ພວກເຂົາ​ເປັນ​ພວກ​ພົມມະຈາຣີ. ພຣະ​ເມສານ້ອຍ​ສະເດັດ​ໄປ​ທາງ​ໃດ ແມ່ນ​ຄົນ​ເຫຼົ່ານີ້ ທີ່​ຕາມ​ສະເດັດ​ໄປ. ພວກເພິ່ນ​ໄດ້ຖືກ​ຊົງ​ໄຖ່​ໄວ້​ຈາກ​ມວນ​ມະນຸດ ເພື່ອ​ເປັນ​ຜົນ​ທໍາອິດ​ຖວາຍ​ແດ່​ພຣະເຈົ້າ ແລະ​ພຣະ​ເມສານ້ອຍ.