ອົບພະຍົບ 23:18 - ພຣະຄຳພີສັກສິ

¹⁸ ຢ່າ​ຖວາຍ​ເຂົ້າຈີ່​ມີ​ເຊື້ອແປ້ງ ເມື່ອ​ພວກເຈົ້າ​ຂ້າ​ສັດ​ຖວາຍບູຊາ​ແກ່​ເຮົາ. ໄຂມັນ​ສັດ​ທີ່​ຂ້າ​ຖວາຍ​ແກ່​ເຮົາ​ໃນ​ລະຫວ່າງ​ເທດສະການ​ສາມ​ປາງ​ນີ້ ບໍ່​ໃຫ້​ມີ​ເຫຼືອ​ຈົນ​ຮອດ​ຕອນເຊົ້າ​ຂອງ​ມື້​ໃໝ່.

ອົບພະຍົບ 23:18 Jak'a apnaqawi uñst'ayäwi

ອົບພະຍົບ 12:10

ພວກເຈົ້າ​ບໍ່​ຕ້ອງ​ໃຫ້​ສິ່ງໃດໆ​ເຫຼືອ​ຮອດ​ມື້​ເຊົ້າ ຖ້າ​ມີ​ສິ່ງ​ເຫຼືອ​ຢູ່​ກໍ​ໃຫ້​ເຜົາ​ໄຟ​ຖິ້ມ​ເສຍ.

ອົບພະຍົບ 12:15

ຈົ່ງ​ກິນ​ເຂົ້າຈີ່ ບໍ່ມີ​ເຊື້ອແປ້ງ​ໃຫ້​ຄົບ​ເຕັມ​ເຈັດ​ວັນ. ໃນ​ວັນ​ທຳອິດ ໃຫ້​ເອົາ​ເຊື້ອແປ້ງ​ທັງໝົດ​ໃນ​ເຮືອນ​ຖິ້ມ ເພາະວ່າ​ຖ້າ​ຜູ້ໃດ​ຜູ້ໜຶ່ງ​ກິນ​ເຂົ້າຈີ່ ມີ​ເຊື້ອແປ້ງ​ໃນ​ເຈັດ​ວັນ​ນັ້ນ ຈະ​ບໍ່ໄດ້​ເປັນ​ປະຊາຊົນ​ຂອງເຮົາ​ອີກ​ຕໍ່ໄປ.

ອົບພະຍົບ 12:8

ໃນ​ຄືນ​ນັ້ນ ຈົ່ງ​ປີ້ງ​ຊີ້ນ​ກິນ​ກັບ​ເຂົ້າຈີ່​ບໍ່ມີ​ເຊື້ອແປ້ງ​ກັບ​ຜັກຂົມ.

ອົບພະຍົບ 16:19

ໂມເຊ​ບອກ​ພວກເຂົາ​ວ່າ, “ຢ່າ​ໃຫ້​ຜູ້ໃດ​ເກັບ​ເອົາ​ໄວ້​ຈົນ​ຮອດ​ມື້ອື່ນ​ເຊົ້າ.”

ອົບພະຍົບ 29:34

ຖ້າ​ຊີ້ນ​ຫລື​ເຂົ້າຈີ່​ບາງ​ສ່ວນ​ເຫຼືອ​ກິນ ຈົນ​ຮອດ​ຕອນເຊົ້າ​ຂອງ​ວັນ​ໃໝ່ ໃຫ້​ເຜົາ​ໄຟ​ສາ; ຢ່າ​ກິນ​ເພາະ​ເປັນ​ຂອງ​ບໍຣິສຸດ.

ອົບພະຍົບ 34:25

ຢ່າ​ຖວາຍ​ເຂົ້າຈີ່​ມີ​ເຊື້ອແປ້ງ ເມື່ອ​ເຈົ້າ​ຂ້າ​ສັດ​ຖວາຍບູຊາ​ແກ່​ເຮົາ. ຢ່າ​ຮັກສາ​ຊີ້ນ​ສັດ​ສ່ວນໃດ​ສ່ວນໜຶ່ງ​ທີ່​ຂ້າ​ຖວາຍ​ໃນ​ເທດສະການ​ປັດສະຄາ ໄວ້​ຈົນ​ຮອດ​ຮຸ່ງ​ເຊົ້າ​ຂອງ​ມື້​ໃໝ່.

ລະບຽບ^ພວກເລວີ 2:11

ພືດຜົນ​ເປັນເມັດ​ໃດໆ​ຊຶ່ງ​ນຳ​ມາ​ຖວາຍ​ແກ່​ພຣະເຈົ້າຢາເວ​ນັ້ນ ຕ້ອງ​ບໍ່​ໃຫ້​ມີ​ເຊື້ອ​ແປ້ງ ຢ່າ​ຖວາຍ​ອາຫານ​ໃດໆ​ທີ່​ມີ​ເຊື້ອແປ້ງ ຫລື​ນໍ້າເຜິ້ງ​ແກ່​ພຣະເຈົ້າຢາເວ​ເປັນ​ເດັດຂາດ.

ລະບຽບ^ພວກເລວີ 7:12

ຖ້າ​ຊາຍ​ຄົນ​ໜຶ່ງ​ຖວາຍ​ເພື່ອ​ໂມທະນາ​ຂອບພຣະຄຸນ​ພຣະເຈົ້າ ລາວ​ຈະ​ຕ້ອງ​ນຳ​ເຄື່ອງ​ຖວາຍ​ນັ້ນ​ມາ​ພ້ອມ​ກັບ​ສັດ​ທີ່​ຈະ​ຂ້າ​ບູຊາ​ເຊັ່ນ: ເຂົ້າຈີ່​ບໍ່ມີ​ເຊື້ອແປ້ງ ອາດ​ເປັນ​ກ້ອນ​ເຮັດ​ຈາກ​ແປ້ງ​ເຂົ້າ​ທີ່​ປົນ​ກັບ​ນໍ້າມັນ​ໝາກກອກເທດ ຫລື​ເຂົ້າໜົມ​ແຜ່ນ​ບາງໆ​ທີ່​ທາ​ດ້ວຍ​ນໍ້າມັນ​ໝາກກອກເທດ ຫລື​ເຂົ້າໜົມ​ເປັນ​ແຜ່ນ​ເຮັດ​ດ້ວຍ​ແປ້ງເຂົ້າ​ປົນ​ກັບ​ນໍ້າມັນ​ໝາກກອກເທດ.

ລະບຽບ^ພວກເລວີ 7:15

ຊີ້ນ​ສັດ​ຕ້ອງ​ກິນ​ໃນ​ມື້​ທີ່​ຖວາຍບູຊາ​ເທົ່ານັ້ນ; ຢ່າ​ໃຫ້​ມີ​ຊີ້ນ​ສັດ​ສ່ວນໃດ​ສ່ວນໜຶ່ງ ເຫຼືອ​ໄວ້​ຈົນເຖິງ​ຕອນເຊົ້າ​ຂອງ​ມື້​ໃໝ່.

ພຣະບັນຍັດສອງ 16:4

ເປັນ​ເວລາ​ເຈັດ​ວັນ​ນີ້ ຢ່າ​ໃຫ້​ຜູ້ໃດ​ໃນ​ດິນແດນ​ຂອງ​ພວກເຈົ້າ​ມີ​ເຊື້ອແປ້ງ​ຢູ່​ໃນ​ເຮືອນ ແລະ​ຊີ້ນ​ສັດ​ທີ່​ຂ້າ​ໃນ​ຕອນແລງ​ຂອງ​ມື້​ທີ​ໜຶ່ງ​ນັ້ນ ຕ້ອງ​ກິນ​ໃຫ້​ໝົດ​ໃນ​ຄືນ​ນັ້ນ.