ອົບພະຍົບ 23:14 - ພຣະຄຳພີສັກສິ

¹⁴ ຈົ່ງ​ສະຫລອງ​ເທດສະການ​ສາມ​ຄັ້ງ​ຕໍ່​ປີ ເພື່ອ​ຍົກຍໍ​ໃຫ້ກຽດ​ເຮົາ.

ອົບພະຍົບ 23:14 Jak'a apnaqawi uñst'ayäwi

1 ກະສັດ 9:25

ກະສັດ​ໂຊໂລໂມນ​ໄດ້​ຖວາຍ​ເຄື່ອງ​ເຜົາບູຊາ ແລະ​ເຄື່ອງ​ບູຊາ​ເພື່ອ​ຄວາມ​ສາມັກຄີທຳ​ທີ່​ເທິງ​ແທ່ນບູຊາ ຊຶ່ງ​ເພິ່ນ​ໄດ້​ສ້າງ​ຖວາຍ​ແກ່​ພຣະເຈົ້າຢາເວ​ປີລະ​ສາມ​ຄັ້ງ. ເພິ່ນ​ຍັງ​ໄດ້​ເຜົາ​ເຄື່ອງຫອມ​ບູຊາ ຖວາຍ​ຕໍ່ໜ້າ​ພຣະເຈົ້າຢາເວ. ດັ່ງນັ້ນ ເພິ່ນ​ຈຶ່ງ​ສ້າງ​ພຣະວິຫານ​ສຳເລັດ.

2 ຂ່າວຄາວ 8:13

ເພິ່ນ​ໄດ້​ເຜົາ​ເຄື່ອງ​ບູຊາ​ຖວາຍ​ຕາມ​ກົດບັນຍັດ​ຂອງ​ໂມເຊ​ທີ່​ໄດ້​ກຳນົດ​ໄວ້ ດັ່ງນີ້: ວັນ​ຊະບາໂຕ, ວັນ​ເດືອນ​ອອກ​ໃໝ່, ເທດສະການ​ສາມ​ປາງ​ປະຈຳ​ປີ​ຄື: ວັນ​ກິນ​ເຂົ້າຈີ່​ບໍ່ມີ​ເຊື້ອແປ້ງ, ວັນ​ສະຫລອງ​ການ​ເກັບກ່ຽວ ແລະ​ເທດສະການ​ປຸກຕຸບຢູ່.

ອົບພະຍົບ 23:17

ທຸກໆ​ປີ​ໃດ​ໃນ​ເທດສະການ​ສາມ​ປາງ​ນີ້ ໃຫ້​ພວກ​ຜູ້ຊາຍ​ເຂົ້າ​ມາ​ຕໍ່ໜ້າ​ອົງພຣະ​ຜູ້​ເປັນເຈົ້າ ພຣະເຈົ້າ.

ອົບພະຍົບ 34:17

ຢ່າ​ເຮັດ​ຮູບ​ພະ​ໄວ້​ຂາບໄຫວ້.

ອົບພະຍົບ 34:18

ຈົ່ງ​ຖື​ຮັກສາ​ເທດສະການ​ກິນ​ເຂົ້າຈີ່​ບໍ່ມີ​ເຊື້ອແປ້ງ ຕາມ​ທີ່​ເຮົາ​ສັ່ງ​ໄວ້​ໃນ​ເດືອນ​ອາບີບ​ນັ້ນ ຈົ່ງ​ກິນ​ເຂົ້າຈີ່​ບໍ່ມີ​ເຊື້ອແປ້ງ​ໃຫ້​ຄົບ​ເຈັດ​ວັນ ເພາະ​ໃນ​ເດືອນ​ນີ້​ທີ່​ພວກເຈົ້າ​ໄດ້​ອອກ​ມາ​ຈາກ​ປະເທດ​ເອຢິບ.

ເອເຊກຽນ 46:9

ເມື່ອ​ປະຊາຊົນ​ຂອງ​ດິນແດນ​ເຂົ້າ​ມາ​ຕໍ່ໜ້າ​ພຣະເຈົ້າຢາເວ ບໍ່​ວ່າ​ງານສະຫລອງ​ໃດໆ​ກໍດີ ຜູ້​ທີ່​ເຂົ້າ​ມາ​ທາງ​ປະຕູ​ດ້ານ​ເໜືອ​ໃຫ້​ອອກ​ໄປ​ທາງ​ປະຕູ​ດ້ານ​ໃຕ້ ຫລັງຈາກ​ທີ່​ນະມັດສະການ​ແລ້ວ ແລະ​ຜູ້​ທີ່​ເຂົ້າ​ມາ​ທາງ​ປະຕູ​ດ້ານ​ໃຕ້​ໃຫ້​ອອກ​ໄປ​ທາງ​ປະຕູ​ດ້ານ​ເໜືອ. ບໍ່​ໃຫ້​ຜູ້ໃດ​ກັບ​ອອກ​ໄປ​ທາງ​ປະຕູເກົ່າ​ທີ່​ຕົນ​ໄດ້​ເຂົ້າ​ມາ, ແຕ່​ໃຫ້​ອອກ​ໄປ​ທາງ​ປະຕູ​ກົງກັນຂ້າມ.

ລະບຽບ^ພວກເລວີ 23:16

ໃນ​ມື້​ທີ​ຫ້າສິບ ຫລັງ​ວັນ​ຊະບາໂຕ​ເຈັດ​ເທື່ອ ຈົ່ງ​ນຳ​ພືດຜົນ​ເປັນເມັດ ທີ່​ເກັບກ່ຽວ​ໃໝ່​ມາ​ຖວາຍ​ແກ່​ພຣະເຈົ້າຢາເວ.

ລະບຽບ^ພວກເລວີ 23:4

ຈົ່ງ​ປະກາດ​ເທດສະການ​ຂອງ​ພຣະເຈົ້າຢາເວ​ດັ່ງ​ຕໍ່ໄປນີ້​ຕາມ​ເວລາ​ທີ່​ໄດ້​ກຳນົດ​ໄວ້.

ລະບຽບ^ພວກເລວີ 23:5

ປັດສະຄາ ຄື​ວັນ​ສະເຫລີມ​ສະຫລອງ​ຍ້ອງຍໍ​ສັນລະເສີນ​ໃຫ້ກຽດ​ພຣະເຈົ້າຢາເວ ວັນ​ນີ້​ເລີ່ມ​ແຕ່​ຕາເວັນ​ຕົກ​ດິນ​ຂອງ​ວັນ​ທີ​ສິບສີ່​ຂອງ​ເດືອນ​ທີ​ໜຶ່ງ.

ພຣະບັນຍັດສອງ 16:1

“ຈົ່ງ​ຍ້ອງຍໍ​ໃຫ້ກຽດ​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ ໂດຍ​ການ​ສະຫລອງ​ປັດສະຄາ​ໃນ​ເດືອນ​ອາບີບ; ມັນ​ແມ່ນ​ໃນ​ຄືນ​ໜຶ່ງ​ຂອງ​ເດືອນ​ນີ້ ທີ່​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ​ໄດ້​ນຳພາ​ພວກເຈົ້າ​ອອກ​ມາ​ຈາກ​ປະເທດ​ເອຢິບ.

ພຣະບັນຍັດສອງ 16:16

ໃຫ້​ຜູ້ຊາຍ​ທຸກໆ​ຄົນ​ໃນ​ຊົນຊາດ​ຂອງ​ພວກເຈົ້າ ເຂົ້າ​ມາ​ຊ້ອງໜ້າ​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ​ໃນ​ບ່ອນ​ທີ່​ພຣະອົງ​ໄດ້​ເລືອກໄວ້ ສາມ​ເທື່ອ​ຕໍ່​ປີ ດັ່ງນີ້: ເທດສະການ​ກິນ​ເຂົ້າຈີ່​ບໍ່​ມີ​ເຊື້ອ​ແປ້ງ, ເທດສະການ​ລະດູ​ເກັບກ່ຽວ ແລະ​ເທດສະການ​ປຸກຕູບຢູ່. ຢ່າ​ໃຫ້​ພວກເຂົາ​ມາ​ຕໍ່ໜ້າ​ພຣະເຈົ້າຢາເວ​ໂດຍ​ມື​ເປົ່າ;

1 ຊາມູເອນ 1:3

ທຸກໆ​ປີ​ໃດ ເອນການາ​ໄດ້​ອອກ​ຈາກ​ເມືອງ​ຣາມາ ໄປ​ນະມັດສະການ ແລະ​ຖວາຍ​ເຄື່ອງ​ບູຊາ​ແກ່​ພຣະເຈົ້າຢາເວ ອົງ​ຊົງຣິດ​ອຳນາດ​ຍິ່ງໃຫຍ່​ທີ່​ເມືອງ​ຊີໂລ. ພວກ​ທີ່​ເປັນ​ປະໂຣຫິດ​ຂອງ​ພຣະເຈົ້າຢາເວ​ໃນ​ເມືອງ​ນີ້​ແມ່ນ​ໂຮຟະນີ​ແລະ​ຟີເນຮາ ລູກຊາຍ​ສອງ​ຄົນ​ຂອງ​ເອລີ.