ອົບພະຍົບ 23:12 - ພຣະຄຳພີສັກສິ

¹² ຈົ່ງ​ເຮັດ​ວຽກ​ຫົກ​ວັນ​ຕໍ່​ອາທິດ ແລະ​ຢ່າ​ເຮັດ​ວຽກ​ໃນ​ວັນ​ທີ​ເຈັດ ເພື່ອ​ວ່າ​ຄົນ​ຮັບໃຊ້ ແລະ​ຄົນ​ຕ່າງດ້າວ​ທີ່​ເຮັດ​ວຽກ​ໃຫ້​ເຈົ້າ ຕະຫລອດ​ທັງ​ສັດ​ຂອງ​ເຈົ້າ​ຈະ​ໄດ້​ພັກຜ່ອນ.

ອົບພະຍົບ 23:12 Jak'a apnaqawi uñst'ayäwi

ເນເຫມີຢາ 13:16

ມີ​ຊາວ​ເມືອງ​ຕີເຣ​ບາງຄົນ​ທີ່​ອາໄສ​ຢູ່​ໃນ​ນະຄອນ​ເຢຣູຊາເລັມ ໄດ້​ນຳ​ປາ ແລະ​ສິນຄ້າ​ນາໆ​ຊະນິດ​ທີ່​ມີ​ໃນ​ເມືອງ ມາ​ຂາຍ​ໃຫ້​ປະຊາຊົນ​ຂອງ​ພວກເຮົາ​ໃນ​ວັນ​ຊະບາໂຕ.

ອົບພະຍົບ 16:23

ແລະ​ໂມເຊ​ກໍໄດ້​ບອກ​ພວກເຂົາ​ວ່າ, “ພຣະເຈົ້າຢາເວ​ສັ່ງ​ວ່າ​ໃນ​ມື້ອື່ນ​ແມ່ນ​ວັນ​ພັກຜ່ອນ, ເປັນ​ວັນ​ຊະບາໂຕ​ບໍຣິສຸດ​ຂອງ​ພຣະເຈົ້າຢາເວ. ສະນັ້ນ ໃນວັນນີ້ ມີ​ສິ່ງໃດ​ທີ່​ຢາກ​ປີ້ງ​ກໍ​ໃຫ້​ປີ້ງ​ສາ ແລະ​ມີ​ສິ່ງໃດ​ທີ່​ຢາກ​ຕົ້ມ​ກໍ​ໃຫ້​ຕົ້ມ​ສາ ສ່ວນ​ທີ່​ເຫຼືອ​ນັ້ນ​ຈົ່ງ​ເກັບ​ໄວ້​ສຳລັບ​ມື້ອື່ນ.”

ອົບພະຍົບ 23:11

ແຕ່​ໃນ​ປີ​ທີ​ເຈັດ ຈົ່ງ​ປະ​ໃຫ້​ນາ​ນັ້ນ​ວ່າງ​ເປົ່າ ແລະ​ຢ່າ​ເກັບກ່ຽວ​ຫຍັງ​ທີ່​ເກີດຂຶ້ນ​ໃນ​ນາ​ນັ້ນ. ຄົນ​ຍາກຈົນ​ອາດ​ເກັບ​ກິນ​ສິ່ງ​ທີ່​ເກີດຂຶ້ນ​ໃນ​ນາ​ນັ້ນ​ໄດ້ ແລະ​ສັດປ່າ​ທັງຫລາຍ​ອາດ​ກິນ​ສິ່ງ​ທີ່​ເຫຼືອ​ນັ້ນ​ໄດ້. ຈົ່ງ​ເຮັດ​ຢ່າງ​ດຽວກັນ​ສຳລັບ​ສວນອະງຸ່ນ ແລະ​ສວນ​ໝາກກອກເທດ​ຂອງເຈົ້າ.

ອົບພະຍົບ 34:21

ຈົ່ງ​ເຮັດ​ວຽກ​ໃນ​ຫົກ​ວັນ ແຕ່​ໃນ​ວັນ​ທີ​ເຈັດ​ໃຫ້​ຖື​ເປັນ​ວັນ​ພັກຜ່ອນ ເຖິງ​ແມ່ນ​ຈະ​ຢູ່​ໃນ​ລະດູ​ເຮັດໄຮ່​ເຮັດນາ​ຫລື​ຫວ່ານກ້າ​ກໍຕາມ.

ອົບພະຍົບ 35:2

ຈົ່ງ​ເຮັດ​ວຽກ​ໃນ​ຫົກ​ວັນ ແຕ່​ໃນ​ວັນ​ທີ​ເຈັດ​ໃຫ້​ພວກເຈົ້າ​ຢຶດຖື​ເປັນ​ວັນ​ສັກສິດ ເປັນ​ວັນ​ສຳຄັນ​ຂອງ​ການ​ພັກຜ່ອນ​ທີ່​ອຸທິດ​ຖວາຍ​ແກ່​ພຣະເຈົ້າຢາເວ. ຜູ້ໃດ​ທີ່​ເຮັດ​ວຽກ​ໃນວັນນີ້ ຜູ້ນັ້ນ​ຈະ​ຕ້ອງ​ຖືກ​ໂທດ​ເຖິງ​ຕາຍ.

ອົບພະຍົບ 35:3

ແມ່ນແຕ່​ໄຟ​ກໍ​ບໍ່​ໃຫ້​ດັງ​ໃນ​ເຮືອນ​ຂອງ​ພວກເຈົ້າ​ໃນ​ວັນ​ຊະບາໂຕ.”

ເອຊາຢາ 58:3

ປະຊາຊົນ​ຖາມ​ວ່າ, “ເປັນຫຍັງ​ພວກເຮົາ​ຈຶ່ງ​ຕ້ອງ​ຖືສິນ​ອົດອາຫານ ໃນ​ເມື່ອ​ພຣະອົງ​ບໍ່ໄດ້​ສັງເກດ​ເຫັນ? ເປັນຫຍັງ​ພວກເຮົາ​ຈຶ່ງ​ຕ້ອງ​ອົດ​ບໍ່​ກິນ​ເຂົ້າ ໃນ​ເມື່ອ​ພຣະອົງ​ບໍ່ໄດ້​ເອົາໃຈໃສ່?” ອົງພຣະ​ຜູ້​ເປັນເຈົ້າ​ກ່າວ​ແກ່​ພວກເຂົາ​ວ່າ, “ຄວາມຈິງ​ກໍ​ຄື​ວ່າ​ໃນ​ເວລາ​ທີ່​ພວກເຈົ້າ​ຖືສິນ​ອົດອາຫານ​ນັ້ນ ພວກເຈົ້າ​ເຫັນແກ່ໄດ້ ແລະ​ກົດຂີ່​ຄົນງານ​ຂອງ​ພວກເຈົ້າ.

ລະບຽບ^ພວກເລວີ 23:3

ຈົ່ງ​ເຮັດ​ວຽກ​ໃນ​ຫົກ​ມື້ ສ່ວນ​ມື້​ທີ​ເຈັດ​ນັ້ນ​ໃຫ້​ຢຶດຖື​ໄວ້​ເປັນ​ວັນ​ຊະບາໂຕ​ພັກຜ່ອນ. ຢ່າ​ເຮັດ​ວຽກ​ໃນວັນນີ້ ແຕ່​ຈົ່ງ​ເຕົ້າໂຮມ​ກັນ​ເພື່ອ​ນະມັດສະການ. ບໍ່​ວ່າ​ເຈົ້າ​ຈະ​ຢູ່​ທີ່​ໃດ​ກໍຕາມ ໃຫ້​ຖື​ວັນ​ຊະບາໂຕ​ເປັນ​ຂອງ​ພຣະເຈົ້າຢາເວ.

ມາຣະໂກ 2:27

ແລ້ວ​ພຣະເຢຊູເຈົ້າ​ກໍ​ກ່າວ​ແກ່​ພວກເຂົາ​ວ່າ, “ວັນ​ຊະບາໂຕ​ຖືກ​ຕັ້ງ​ໄວ້​ເພື່ອ​ປະໂຫຍດ​ອັນ​ນຳ​ຄວາມສຸກ​ມາ​ສູ່​ມະນຸດ ບໍ່ແມ່ນ​ສ້າງ​ມະນຸດ​ໄວ້​ເພື່ອ​ວັນ​ຊະບາໂຕ.

ລູກາ 13:14

ແຕ່​ຫົວໜ້າ​ທຳມະສາລາ​ຊໍ້າພັດ​ເຄືອງໃຈ ທີ່​ພຣະເຢຊູເຈົ້າ​ຊົງ​ໂຜດ​ຮັກສາ​ໃຫ້​ດີ​ພະຍາດ​ໃນ​ວັນ​ຊະບາໂຕ. ດັ່ງນັ້ນ ເພິ່ນ​ຈຶ່ງ​ກ່າວ​ແກ່​ປະຊາຊົນ​ວ່າ, “ມີ​ຫົກ​ວັນ​ທີ່​ພວກເຮົາ​ຄວນ​ເຮັດ​ວຽກງານ ຈົ່ງ​ມາ​ຮັບ​ການ​ຮັກສາ​ໃນ​ຫົກ​ວັນ​ນັ້ນ ແຕ່​ຢ່າ​ມາ​ໃນ​ວັນ​ຊະບາໂຕ.”