ອົບພະຍົບ 23:1 - ພຣະຄຳພີສັກສິ

¹ ຢ່າ​ນຳ​ເອົາ​ເລື່ອງ​ບໍ່​ຈິງ​ໄປ​ເລົ່າ​ຕໍ່ໆ​ກັນ ແລະ​ຢ່າ​ຊ່ວຍ​ຄົນ​ຜິດ​ໂດຍ​ໃຫ້​ຄຳ​ພະຍານ​ບໍ່​ຈິງ.

ອົບພະຍົບ 23:1 Jak'a apnaqawi uñst'ayäwi

ປະຖົມມະການ 39:17

ແລ້ວ​ນາງ​ກໍ​ເລົ່າ​ເລື່ອງ​ແບບ​ດຽວກັນ​ນັ້ນ​ວ່າ, “ຄົນ​ເຮັບເຣີ​ຜູ້​ທີ່​ເຈົ້າ​ເອົາ​ມາ​ຢູ່​ນຳ​ນັ້ນ ລາວ​ໄດ້​ເຂົ້າ​ມາ​ຂົ່ມຂືນ​ຂ້ອຍ​ຢູ່​ໃນ​ຫ້ອງນອນ.

2 ຊາມູເອນ 16:3

ກະສັດ​ຖາມ​ວ່າ, “ເມຟີໂບເຊັດ ຫລານຊາຍ​ກະສັດ​ໂຊນ ນາຍ​ຂອງ​ເຈົ້າ​ຢູ່​ໃສ?” ຊີບາ​ຕອບ​ວ່າ, “ລາວ​ຢູ່​ໃນ​ນະຄອນ​ເຢຣູຊາເລັມ ເພາະ​ລາວ​ໝັ້ນໃຈ​ວ່າ ບັດນີ້​ຊາວ​ອິດສະຣາເອນ​ຈະ​ມອບ​ອານາຈັກ​ຂອງ​ກະສັດ​ໂຊນ ປູ່​ຂອງ​ລາວ​ຄືນ​ໃຫ້​ລາວ.”

2 ຊາມູເອນ 19:27

ລາວ​ຕົວະ​ທ່ານ​ກ່ຽວກັບ​ເລື່ອງ​ຂ້ານ້ອຍ, ແຕ່​ທ່ານ​ເປັນ​ດັ່ງ​ເທວະດາ​ຂອງ​ພຣະເຈົ້າ; ສະນັ້ນ ຈົ່ງ​ເຮັດ​ຕາມ​ທີ່​ທ່ານ​ເຫັນ​ວ່າ​ຖືກຕ້ອງ​ເທີ້ນ.

ເພງ^ສັນລະເສີນ 101:5

ຂ້ານ້ອຍ​ຈະ​ກຳຈັດ​ທຸກຄົນ​ທີ່​ຊຸບຊິບ​ເລື່ອງ​ບໍ່​ດີ ແລະ​ຈະ​ບໍ່​ໂຍະຍານ​ໃຫ້​ແກ່​ຄົນ​ອວດຕົວ​ຈອງຫອງ​ດ້ວຍ.

ເພງ^ສັນລະເສີນ 120:3

ພວກ​ຄົນ​ຂີ້ຕົວະ​ເອີຍ ພວກເຈົ້າ​ສະສົມ​ອັນໃດ​ໄວ້​ແກ່​ຕົນ​ແດ່? ພຣະອົງ​ຈະ​ລົງໂທດ​ພວກເຈົ້າ​ຢ່າງໃດ​ຮູ້ບໍ່?

ເພງ^ສັນລະເສີນ 15:3

ແລະ​ເປັນ​ຜູ້​ທີ່​ບໍ່​ເວົ້າ​ໃຫ້​ຄົນອື່ນ​ເສຍຫາຍ ບໍ່​ເຮັດ​ຜິດ​ຕໍ່​ໝູ່ຄູ່​ແລະ​ບໍ່​ກ່າວຂວັນ​ນິນທາ​ເພື່ອນບ້ານ.

ເພງ^ສັນລະເສີນ 27:12

ຢ່າ​ປະປ່ອຍ​ຂ້ານ້ອຍ​ໃຫ້​ເຫຼົ່າ​ສັດຕູ ຜູ້​ທີ່​ໂຈມຕີ​ດ້ວຍ​ຄຳ​ຕົວະ​ແລະ​ການ​ຂົ່ມຂູ່.

ເພງ^ສັນລະເສີນ 35:11

ຄົນຊົ່ວ​ເປັນ​ພະຍານ​ຕໍ່ສູ້​ແລະ​ຟ້ອງຮ້ອງ​ຂ້ານ້ອຍ ໂດຍ​ທີ່​ຂ້ານ້ອຍ​ບໍ່​ຮູ້​ຫຍັງ​ຈັກດີ້.

ອົບພະຍົບ 20:16

ຢ່າ​ເປັນ​ພະຍານ​ບໍ່​ຈິງ​ຕໍ່ສູ້​ເພື່ອນບ້ານ.

ອົບພະຍົບ 23:7

ຢ່າ​ໃສ່​ຄຳ​ກ່າວຫາ​ຢ່າງ​ຜິດໆ ແລະ​ຢ່າ​ປະຫານ​ຊີວິດ​ຄົນ​ບໍຣິສຸດ ເພາະ​ເຮົາ​ຈະ​ລົງໂທດ​ຄົນ​ທີ່​ກະທຳ​ຊົ່ວ​ເຊັ່ນນັ້ນ.

ສຸພາສິດ 10:18

ຜູ້​ທີ່​ອຳ​ຄວາມ​ກຽດຊັງ​ໄວ້ ກໍ​ເປັນ​ຄົນ​ຂີ້ຕົວະ ຜູ້​ທີ່​ຫາ​ເວົ້າຂວັນ​ຄົນ ກໍ​ເປັນ​ຄົນໂງ່ຈ້າ.

ສຸພາສິດ 12:17

ຄຳ​ພະຍານ​ຈິງ ກໍ່​ໃຫ້​ເກີດ​ຄວາມ​ຍຸດຕິທຳ, ແຕ່​ຄຳ​ພະຍານ​ເທັດ ກໍ່​ໃຫ້​ເກີດ​ຄວາມ​ບໍ່​ຍຸດຕິທຳ.

ສຸພາສິດ 14:5

ພະຍານ​ທີ່​ເຊື່ອຖື​ໄດ້ ກໍ​ເວົ້າ​ແຕ່​ຄວາມຈິງ, ແຕ່​ພະຍານ​ທີ່​ເຊື່ອຖື​ບໍ່ໄດ້ ກໍ​ຕົວະ​ຢູ່​ຕະຫລອດ.

ສຸພາສິດ 17:4

ຄົນ​ຊົ່ວຊ້າ​ມັກ​ຟັງ​ຄວາມຄິດ​ທີ່​ຊົ່ວໆ ແລະ​ຄົນ​ຂີ້ຕົວະ​ກໍ​ມັກ​ຟັງ​ເລື່ອງ​ທີ່​ຕົວະຕົ້ມ.

ສຸພາສິດ 19:28

ຄວາມ​ຍຸດຕິທຳ​ຫາ​ຍາກ​ຫາກ​ຕັ້ງໃຈ​ທຳຮ້າຍ​ຄົນ ຄົນຊົ່ວ​ຮັກ​ຣົດຊາດ​ຂອງ​ຄວາມ​ຊົ່ວຊ້າ.

ສຸພາສິດ 19:5

ຄົນ​ເວົ້າຕົວະ​ໃນ​ສານ​ກໍ​ຈະ​ຖືກ​ໂທດ ທາງ​ຫລີກລຽງ​ໂທດ​ນັ້ນ​ຈະ​ບໍ່ມີ​ເລີຍ.

ສຸພາສິດ 19:9

ຜູ້​ເວົ້າຕົວະ​ຢູ່​ໃນ​ສານ​ກໍ​ພານ​ຫາ​ໂທດ ລາວ​ຈະ​ໜີ​ໂທດ​ບໍ່ມົ້ມ​ຢ່າງ​ແນ່ນອນ.

ສຸພາສິດ 21:28

ຄຳ​ພະຍານ​ຂອງ​ຄົນ​ຂີ້ຕົວະ​ເປັນ​ທີ່​ເຊື່ອຖື​ບໍ່ໄດ້, ແຕ່​ຄຳເວົ້າ​ຂອງ​ຄົນ​ທີ່​ຄິດ​ຮອບຄອບ​ກໍ​ເປັນ​ທີ່​ຍອມຮັບ​ນັບຖື.

ສຸພາສິດ 24:28

ຢ່າ​ເປັນ​ພະຍານ​ບໍ່ຈິງ​ຕໍ່ສູ້​ຜູ້​ບໍ່ມີ​ຄວາມຜິດ ຫລື​ກ່າວ​ຄຳຕົວະ​ກ່ຽວກັບ​ລາວ.

ສຸພາສິດ 25:18

ການ​ໃສ່​ຮ້າຍ​ຄົນອື່ນ​ເປັນ​ເໝືອນ​ດາບ ໄມ້ຄ້ອນ ຫລື​ລູກທະນູ​ອັນ​ແຫລມຄົມ​ທີ່​ທຳລາຍ​ຄົນ.

ສຸພາສິດ 25:23

ລົມ​ທິດເໜືອ​ນຳ​ເອົາ​ຝົນ​ມາ​ສັນໃດ ຄົນ​ປາກ​ບອນ​ກໍ​ນຳ​ເອົາ​ຄວາມ​ໂກດຮ້າຍ​ມາ​ສັນນັ້ນ.

ເຢເຣມີຢາ 20:10

ຂ້ານ້ອຍ​ໄດ້ຍິນ​ຫລາຍໆ​ຄົນ​ຊີ່ມ​ໃສ່​ກັນ​ວ່າ, “ຄວາມ​ຕົກໃຈ​ຢ້ານກົວ​ມີ​ຢູ່​ທົ່ວ​ທຸກແຫ່ງ ຈົ່ງ​ຮີບ​ລາຍງານ​ສະພາບ​ການ​ໃໝ່​ໃຫ້​ເຈົ້າໜ້າທີ່​ຟັງ.” ແມ່ນແຕ່​ໝູ່ເພື່ອນ​ຜູ້​ໃກ້ຊິດ​ກໍ​ລໍເບິ່ງ​ຂ້ານ້ອຍ​ລົ້ມ. ພວກເຂົາ​ເວົ້າ​ວ່າ, “ບາງທີ​ການ​ທີ່​ພວກເຮົາ​ເວົ້າ​ໂຈມຕີ​ລາວ ອາດ​ເຮັດ​ໃຫ້​ພວກເຮົາ​ຈັບ​ລາວ​ມາ​ແກ້ແຄ້ນ​ກໍໄດ້.”

ລະບຽບ^ພວກເລວີ 19:11

ຢ່າ​ລັກ, ຢ່າ​ຕົວະ, ຢ່າ​ຫລອກລວງ​ກັນແລະກັນ.

ລະບຽບ^ພວກເລວີ 19:16

ຢ່າ​ທຽວໄປ​ທຽວມາ​ໃສ່ຮ້າຍ​ປ້າຍສີ​ຄົນອື່ນ ຢ່າ​ປອງຮ້າຍ​ຕໍ່​ຊີວິດ​ເພື່ອນບ້ານ. ເຮົາ​ແມ່ນ​ພຣະເຈົ້າຢາເວ.

ມັດທາຍ 19:18

ລາວ​ຖາມ​ຄືນ​ວ່າ, “ຂໍ້ຄຳສັ່ງ​ຂໍ້​ໃດ?” ພຣະເຢຊູເຈົ້າ​ຕອບ​ວ່າ, “ຢ່າ​ຂ້າ​ຄົນ, ຢ່າ​ຫລິ້ນຊູ້​ສູ່​ຜົວ​ເມຍ, ຢ່າ​ລັກ, ຢ່າ​ເປັນ​ພະຍານ​ບໍ່​ຈິງ

ລູກາ 19:8

ແລ້ວ​ຊັກຂ່າຍ​ກໍ​ລຸກ​ຂຶ້ນ​ເວົ້າ​ກັບ​ອົງພຣະ​ຜູ້​ເປັນເຈົ້າ​ວ່າ, “ພຣະອົງເຈົ້າ ພຣະອົງເຈົ້າ​ເອີຍ, ເບິ່ງແມ! ຂ້ານ້ອຍ​ຂໍ​ມອບ​ເຂົ້າຂອງ​ທີ່​ມີ​ຢູ່ ໃຫ້​ແກ່​ຄົນ​ຍາກຈົນ​ເຄິ່ງ​ໜຶ່ງ ແລະ​ຖ້າ​ຂ້ານ້ອຍ​ໄດ້​ສໍ້ໂກງ​ຜູ້ໃດ ຂ້ານ້ອຍ​ກໍ​ຂໍ​ສົ່ງ​ຄືນ​ໃຫ້​ລາວ​ສີ່​ເທົ່າ.”

ລູກາ 3:14

ພວກ​ທະຫານ​ກໍ​ຖາມ​ເພິ່ນ​ເໝືອນກັນ​ວ່າ, “ພວກ​ຂ້ານ້ອຍ​ເດ ຈະ​ເຮັດ​ຢ່າງ​ໃດ?” ເພິ່ນ​ຈຶ່ງ​ຕອບ​ພວກເຂົາ​ວ່າ, “ຢ່າ​ຂົ່ມເຫັງ ຫລື​ຢ່າ​ຫາ​ຄວາມ​ບໍ່​ຈິງ​ໃສ່​ໃຜ​ເພື່ອ​ເອົາ​ເງິນ, ແຕ່​ຈົ່ງ​ພໍໃຈ​ໃນ​ຄ່າຈ້າງ​ຂອງຕົນ.”

ໂຢຮັນ 7:51

“ຕາມ​ກົດບັນຍັດ​ຂອງ​ພວກເຮົາ​ແລ້ວ ພວກເຮົາ​ຈະ​ລົງໂທດ​ຄົນໃດ​ຄົນໜຶ່ງ​ບໍ່ໄດ້ ຈົນກວ່າ​ໄດ້​ຟັງ​ຄຳ​ໃຫ້​ການ​ຂອງ​ລາວ​ກ່ອນ ແລະ​ຮູ້​ວ່າ​ລາວ​ໄດ້​ເຮັດ​ຜິດ​ຢ່າງ​ໃດ​ແດ່.”

ໂຣມ 3:8

ຖ້າດັ່ງນັ້ນ ເປັນຫຍັງ​ເຮົາ​ຈຶ່ງ​ບໍ່​ເຮັດ​ຊົ່ວ ເພື່ອ​ຄວາມດີ​ຈະ​ເກີດຂຶ້ນ​ຈາກ​ຄວາມຊົ່ວ​ນັ້ນ ຕາມ​ທີ່​ມີ​ບາງຄົນ​ໄດ້​ໝິ່ນປະໝາດ ແລະ​ກ່າວຫາ​ວ່າ​ເຮົາ​ໃນ​ທຳນອງນີ້​ແລ້ວ ການ​ລົງໂທດ​ຄົນ​ຢ່າງ​ນັ້ນ​ກໍ​ຍຸດຕິທຳ​ແລ້ວ.

ເອເຟໂຊ 4:25

ດັ່ງນັ້ນ, ເຈົ້າ​ທັງຫລາຍ​ຈົ່ງ​ເຊົາ​ເວົ້າ​ຕົວະ ທຸກຄົນ​ຈົ່ງ​ເວົ້າ​ແຕ່​ຄວາມຈິງ​ຕໍ່​ກັນ ເພາະ​ພວກເຮົາ​ທຸກຄົນ​ເປັນ​ອະໄວຍະວະ​ຂອງ​ກັນແລະກັນ ຢູ່​ໃນ​ພຣະກາຍ​ອັນ​ດຽວກັນ.

ພຣະບັນຍັດສອງ 5:20

ຢ່າ​ໃສ່ຮ້າຍ​ປ້າຍສີ​ເພື່ອນບ້ານ​ຂອງ​ເຈົ້າ.

2 ຕີໂມທຽວ 3:3

ເປັນ​ຄົນ​ຂາດ​ມະນຸດ​ສະທຳ, ບໍ່​ຍອມ​ຜ່ອນຜັນ​ຜູ້ໃດ, ໃສ່ຮ້າຍ​ປ້າຍສີ​ກັນ, ບໍ່​ຮູ້ຈັກ​ບັງຄັບ​ຕົນ, ມີ​ໃຈ​ໂຫດຮ້າຍ, ເປັນ​ຄົນ​ບໍ່​ຮັກ​ການ​ດີ,

1 ເປໂຕ 3:16

ແຕ່​ຈົ່ງ​ຕອບ​ດ້ວຍ​ໃຈ​ສຸພາບ​ແລະ​ຢຳເກງ ແລະ​ໃຫ້​ມີ​ໃຈ​ສຳນຶກ​ຜິດແລະຊອບ​ອັນ​ເສາະໃສ ເພື່ອ​ວ່າ​ເມື່ອ​ພວກເຈົ້າ​ຖືກ​ປະໝາດ​ນິນທາ ຄົນ​ທີ່​ກ່າວ​ຫຍາບຊ້າ ຕໍ່​ທຳນຽມ​ຄຣິສຕຽນ​ອັນ​ດີ​ຂອງ​ພວກເຈົ້າ​ນັ້ນ ກໍ​ຈະ​ໄດ້​ຮັບ​ຄວາມ​ອັບອາຍ.

ພຣະນິມິດ 12:10

ແລ້ວ​ຂ້າພະເຈົ້າ​ໄດ້ຍິນ​ສຽງດັງ​ມາ​ຈາກ​ສະຫວັນ​ວ່າ, “ບັດນີ້​ຄວາມ​ລອດພົ້ນ ຣິດເດດ ແລະ​ຣາຊອານາຈັກ​ແຫ່ງ​ພຣະເຈົ້າ​ຂອງ​ເຮົາ​ທັງຫລາຍ ກັບ​ທັງ​ຣິດອຳນາດ​ພຣະຄຣິດ​ຂອງ​ພຣະອົງ​ໄດ້​ມາ​ເຖິງ​ແລ້ວ ເພາະວ່າ​ຜູ້​ທີ່​ກ່າວໂທດ​ພວກ​ພີ່ນ້ອງ​ຂອງເຮົາ ຕໍ່​ພຣະພັກ​ພຣະເຈົ້າ​ຂອງເຮົາ ທັງ​ກາງເວັນ​ແລະ​ກາງຄືນ​ນັ້ນ ກໍໄດ້​ຖືກ​ຖິ້ມ​ລົງ​ເສຍ​ແລ້ວ.