ອົບພະຍົບ 22:6 - ພຣະຄຳພີສັກສິ

⁶ ຖ້າ​ຜູ້ໜຶ່ງ​ຈູດ​ໄຮ່ນາ​ຂອງຕົນ ແລະ​ໄຟ​ເລີຍ​ລຸກລາມ​ໄປ​ໄໝ້​ຫຍ້າ​ໃນ​ນາ​ຂອງ​ຄົນອື່ນ ທັງ​ໄໝ້​ຕົ້ນ​ເຂົ້າ​ທີ່​ເກີດ ຫລື​ທີ່​ໄດ້​ກ່ຽວ​ແລະ​ກອງ​ໄວ້​ດ້ວຍ ຜູ້​ທີ່​ຈູດ​ນາ​ນັ້ນ​ຕ້ອງ​ໃຊ້​ຄ່າ​ເສຍຫາຍ​ທັງໝົດ.

ອົບພະຍົບ 22:6 Jak'a apnaqawi uñst'ayäwi

ອົບພະຍົບ 22:12

ແຕ່​ຖ້າ​ສັດ​ນັ້ນ​ຖືກ​ລັກ​ໄປ ຜູ້​ຮັບ​ຝາກ​ຕ້ອງ​ໃຊ້​ຄ່າ​ທົດແທນ​ຄືນ​ໃຫ້​ແກ່​ເຈົ້າຂອງ​ສັດ.

ອົບພະຍົບ 22:5

ຖ້າ​ຜູ້ໜຶ່ງ​ປ່ອຍ​ສັດ​ຂອງຕົນ ກິນ​ຫຍ້າ​ຢູ່​ໃນ​ໄຮ່ນາ ຫລື​ຢູ່​ໃນ​ສວນອະງຸ່ນ ແລະ​ມັນ​ຫລົງ​ຝູງ​ໄປ​ກິນ​ຜົນລະປູກ ທີ່​ເກີດ​ໃນ​ໄຮ່ນາ​ຂອງ​ຄົນອື່ນ; ເຈົ້າຂອງ​ສັດ​ນັ້ນ​ຕ້ອງ​ໃຊ້​ຈ່າຍ​ຄ່າ​ເສຍຫາຍ​ຄືນ ເປັນ​ຜົນລະປູກ​ທີ່ດີ​ທີ່ສຸດ​ຈາກ​ໄຮ່ນາ ແລະ​ສວນອະງຸ່ນ​ຂອງຕົນ ໃຫ້​ແກ່​ຜູ້​ທີ່​ໄດ້​ຮັບ​ຄວາມ​ເສຍຫາຍ​ນັ້ນ.

ອົບພະຍົບ 22:7

ຖ້າ​ຜູ້ໃດ​ຜູ້ໜຶ່ງ​ຮັບ​ເງິນ ຫລື​ຂອງ​ມີຄ່າ​ຂອງ​ເພື່ອນບ້ານ​ທີ່​ນຳ​ມາ​ຝາກ​ໄວ້​ກັບ​ຕົນ ແລະ​ຂອງ​ເຫຼົ່ານັ້ນ​ຊໍ້າ​ຖືກ​ລັກ​ໄປ​ຈາກ​ເຮືອນ​ຂອງຕົນ; ຖ້າ​ຈັບ​ໄດ້​ໄລ່​ທັນ ຜູ້​ລັກ​ນັ້ນ​ຕ້ອງ​ຈ່າຍ​ໃຫ້​ຄືນ​ເຖິງ​ສອງ​ເທົ່າ.

ອົບພະຍົບ 22:9

ໃນ​ທຸກໆ​ກໍລະນີ ທີ່​ມີ​ການ​ຜິດຖຽງ​ກັນ​ກ່ຽວກັບ​ເລື່ອງ​ຊັບສົມບັດ, ບໍ່​ວ່າ​ແມ່ນ​ງົວ, ລໍ, ແກະ, ເຄື່ອງນຸ່ງຫົ່ມ ຫລື​ສິ່ງຂອງ​ໃດໆ​ທີ່​ເສຍ​ໄປ, ຕ້ອງ​ນຳ​ທັງສອງ​ຝ່າຍ​ທີ່​ອ້າງ​ວ່າ ຊັບສົມບັດ​ນັ້ນ​ເປັນ​ຂອງຕົນ​ໄປ​ຍັງ​ສະຖານທີ່​ນະມັດສະການ. ຜູ້​ທີ່​ພຣະເຈົ້າ​ໄດ້​ບອກ​ວ່າ​ເປັນ​ຝ່າຍ​ຜິດ ຕ້ອງ​ໃຊ້​ຄືນ​ໃຫ້​ຄູ່ຄວາມ​ເຖິງ​ສອງ​ເທົ່າ.

ມັດທາຍ 7:16

ພວກເຈົ້າ​ຈະ​ຮູ້ຈັກ​ຄົນ​ເຫຼົ່ານີ້​ດ້ວຍ​ການ​ກະທຳ​ຂອງ​ເຂົາ ມີ​ຜູ້ໃດ​ເກັບ​ໝາກອະງຸ່ນ​ຈາກ​ເຄືອ​ມີ​ໜາມ? ມີ​ຜູ້ໃດ​ເກັບ​ໝາກ​ເດື່ອເທດ​ຈາກ​ຕົ້ນ​ມີ​ໜາມ?