ອົບພະຍົບ 21:6 - ພຣະຄຳພີສັກສິ

⁶ ເວລາ​ນັ້ນ​ໃຫ້​ນາຍ​ພາ​ທາດຮັບໃຊ້​ຜູ້ນັ້ນ​ໄປ​ຕໍ່ໜ້າ​ຜູ້​ພິພາກສາ. ຢູ່​ທີ່​ນັ້ນ​ນາຍ​ຈະ​ໃຫ້​ທາດຮັບໃຊ້​ຢືນ​ແນບຢູ່​ກັບ​ປະຕູ​ຫລື​ວົງ​ປະຕູ ແລະ​ບ່ອງ​ຫູ​ໃຫ້​ລາວ. ແລ້ວ​ລາວ​ກໍ​ຈະ​ເປັນ​ທາດຮັບໃຊ້​ຂອງ​ນາຍ​ຕະຫລອດ​ຊີວິດ.”

ອົບພະຍົບ 21:6 Jak'a apnaqawi uñst'ayäwi

1 ກະສັດ 12:7

ພວກເຂົາ​ຕອບ​ວ່າ, “ຖ້າ​ທ່ານ​ຢາກ​ຈະ​ຮັບໃຊ້​ປະຊາຊົນ​ເຫຼົ່ານີ້​ໃຫ້​ດີ ຈົ່ງ​ຕອບ​ຕາມ​ຄວາມ​ຂໍຮ້ອງ​ຂອງ​ພວກເຂົາ ແລະ​ພວກເຂົາ​ກໍ​ຈະ​ຮັບໃຊ້​ທ່ານ​ຢ່າງ​ສັດຊື່​ເລື້ອຍໄປ.”

ເພງ^ສັນລະເສີນ 82:1

ພຣະເຈົ້າ​ຊົງ​ປົກຄອງ ໃນ​ສະພາ​ແຫ່ງ​ສະຫວັນ​ນັ້ນ ພຣະອົງ​ພິພາກສາ​ໃນ​ທ່າມກາງ​ບັນດາ​ພະ​ທັງຫຼາຍ​ວ່າ,

ອົບພະຍົບ 12:12

ໃນ​ຄືນ​ນັ້ນ ເຮົາ​ຈະ​ຜ່ານ​ດິນແດນ​ປະເທດ​ເອຢິບ​ໄປ ເພື່ອ​ຂ້າ​ລູກຊາຍກົກ​ຂອງ​ມະນຸດ ແລະ​ລູກ​ສັດ​ໂຕ​ເຖິກ​ຫົວປີ​ທຸກໆ​ໂຕ ແລະ​ເພື່ອ​ລົງໂທດ​ບັນດາ​ພະ​ທັງໝົດ​ຂອງ​ຊາວ​ເອຢິບ. ເຮົາ​ແມ່ນ​ພຣະເຈົ້າຢາເວ.

ອົບພະຍົບ 21:22

ຖ້າ​ມີ​ຜູ້ຊາຍ​ຕີ​ກັນ ແລະ​ໄປ​ຕີ​ຖືກ​ຍິງ​ຖືພາ ຈົນ​ເປັນ​ເຫດ​ໃຫ້​ລູກ​ໃນ​ທ້ອງ​ຕາຍ ແຕ່​ຜູ້​ເປັນ​ແມ່​ບໍ່ໄດ້​ເປັນ​ອັນຕະລາຍ​ແຕ່​ປະການ​ໃດ. ຜູ້​ຕີ​ນັ້ນ​ຈະ​ຕ້ອງ​ຖືກ​ປັບໄໝ​ຕາມ​ແຕ່​ຜົວ​ຂອງ​ນາງ​ຮຽກຮ້ອງ​ເອົາ ໂດຍ​ຄວາມ​ເຫັນຊອບ​ຂອງ​ຜູ້​ຕັດສິນຄວາມ.

ອົບພະຍົບ 21:5

ແຕ່​ຖ້າ​ທາດຮັບໃຊ້​ນັ້ນ​ມາ​ກ່າວ​ຢ່າງ​ເປີດເຜີຍ​ແລະ​ບໍຣິສຸດ​ໃຈ​ວ່າ ລາວ​ຮັກ​ນາຍ​ຂອງຕົນ, ຮັກ​ເມຍ ແລະ​ລູກ​ຂອງ​ລາວ ແລະ​ບໍ່​ຢາກ​ໜີໄປ​ເປັນ​ອິດສະຫລະ

ອົບພະຍົບ 21:7

“ຖ້າ​ຊາຍ​ຄົນ​ໃດ​ຂາຍ​ລູກສາວ​ຂອງຕົນ​ໄປ​ເປັນ​ທາດຮັບໃຊ້, ທາດຮັບໃຊ້​ຍິງ​ຜູ້​ນີ້ ຈະ​ບໍ່ໄດ້​ເປັນ​ອິດສະຫລະ​ເໝືອນ​ດັ່ງ​ທາດຮັບໃຊ້​ຊາຍ.

ອົບພະຍົບ 22:28

ຢ່າ​ດ່າ​ວ່າ​ພຣະເຈົ້າ ແລະ​ຢ່າ​ສາບແຊ່ງ​ຜູ້ນຳ​ຊົນຊາດ​ຂອງ​ພວກເຈົ້າ.

ເອຊາຢາ 1:26

ເຮົາ​ຈະ​ໃຫ້​ພວກເຈົ້າ​ມີ​ຜູ້ນຳ ແລະ​ທີ່ປຶກສາ ດັ່ງ​ພວກເຈົ້າ​ເຄີຍ​ມີ​ມາ​ຕັ້ງແຕ່​ດົນນານ. ແລ້ວ​ຄົນ​ກໍ​ຈະ​ເອີ້ນ​ນະຄອນ​ເຢຣູຊາເລັມ​ວ່າ ນະຄອນ​ທີ່​ຊອບທຳ​ແລະ​ສັດຊື່.”

ລະບຽບ^ພວກເລວີ 25:23

“ທີ່ດິນ​ຂອງ​ພວກເຈົ້າ​ຂາຍ​ໃນ​ລັກສະນະ​ຖາວອນ​ບໍ່ໄດ້ ເພາະວ່າ​ພວກເຈົ້າ​ບໍ່ແມ່ນ​ເຈົ້າຂອງ​ທີ່ດິນ​ນັ້ນ; ທີ່ດິນ​ເປັນ​ຂອງ​ເຮົາ ແລະ​ພວກເຈົ້າ​ກໍ​ເປັນ​ດັ່ງ​ຄົນ​ຕ່າງດ້າວ​ທັງຫລາຍ ທີ່​ໄດ້​ຮັບ​ອະນຸຍາດ​ໃຫ້​ປູກຝັງ​ກິນ​ໃນ​ທີ່ດິນ​ເທົ່ານັ້ນ.

ລະບຽບ^ພວກເລວີ 25:40

ໃຫ້​ລາວ​ເປັນ​ລູກຈ້າງ​ຜູ້ໜຶ່ງ​ຂອງ​ພວກເຈົ້າ ແລະ​ຢູ່​ຮັບໃຊ້​ພວກເຈົ້າ​ຈົນ​ຄົບຮອບ​ຫ້າສິບ​ປີ​ຊຸດໜ້າ.

ເຊຟານີຢາ 3:3

ບັນດາ​ຂ້າຣາຊການ​ໃນ​ເມືອງນີ້​ເປັນ​ດັ່ງ​ຝູງ​ສິງ​ທີ່​ຮ້ອງ​ຄຳຣາມ; ບັນດາ​ຜູ້​ຕັດສິນ​ຄວາມ​ກໍ​ເປັນ​ດັ່ງ​ໝາປ່າ​ທີ່​ອຶດຫິວ​ໃນ​ຕອນ​ກາງຄືນ ໂລພາ​ໂພດ​ຈົນ​ບໍ່​ຍອມ​ປະ​ກະດູກ​ໃຫ້​ເຖິງ​ຕອນເຊົ້າ.

ພຣະບັນຍັດສອງ 1:16

ໃນ​ສະໄໝ​ນັ້ນ ຂ້າພະເຈົ້າ​ໄດ້​ແນະນຳ​ບັນດາ​ພວກ​ຜູ້ປົກຄອງ​ວ່າ, ‘ຈົ່ງ​ເອົາໃຈໃສ່​ຮັບ​ຟັງ​ການ​ຜິດຖຽງກັນ ທີ່​ເກີດຂຶ້ນ​ໃນ​ທ່າມກາງ​ປະຊາຊົນ​ຂອງ​ພວກເຈົ້າ. ຈົ່ງ​ຕັດສິນ​ການ​ຜິດຖຽງກັນ​ທຸກ​ເລື່ອງ​ຢ່າງ​ທ່ຽງທຳ ບໍ່​ວ່າ​ການ​ຕັດສິນ​ນັ້ນ​ຈະ​ກ່ຽວຂ້ອງ​ກັບ​ປະຊາຊົນ​ຂອງ​ພວກເຈົ້າ​ເອງ ຫລື​ກ່ຽວຂ້ອງ​ກັບ​ຄົນຕ່າງດ້າວ​ທີ່​ອາໄສ​ຢູ່​ນຳ​ພວກເຈົ້າ​ກໍຕາມ.

ພຣະບັນຍັດສອງ 15:16

ແຕ່​ທາດຮັບໃຊ້​ຂອງ​ພວກເຈົ້າ​ອາດ​ບໍ່​ຢາກ​ໜີໄປ​ຈາກ​ພວກເຈົ້າ ເພາະ​ລາວ​ຮັກ​ພວກເຈົ້າ​ກັບ​ຄອບຄົວ ແລະ​ຍິນດີ​ຢູ່​ຮັບໃຊ້​ພວກເຈົ້າ​ຕໍ່ໄປ.

ພຣະບັນຍັດສອງ 15:17

ໃນ​ກໍລະນີ​ເຊັ່ນນີ້ ໃຫ້​ພວກເຈົ້າ​ພາ​ລາວ​ໄປ​ທີ່​ປະຕູ​ເຮືອນ​ຂອງ​ພວກເຈົ້າ ແລະ​ບ່ອງ​ຫູ​ໃຫ້​ລາວ​ທີ່​ນັ້ນ ແລ້ວ​ລາວ​ກໍ​ຈະ​ເປັນ​ທາດຮັບໃຊ້​ພວກເຈົ້າ​ຕະຫລອດ​ຊີວິດ. ຈົ່ງ​ປະຕິບັດ​ກັບ​ທາດຮັບໃຊ້​ຍິງ​ຂອງ​ພວກເຈົ້າ​ໃນ​ແບບ​ດຽວກັນ​ນີ້.

ພຣະບັນຍັດສອງ 16:18

“ຈົ່ງ​ແຕ່ງຕັ້ງ​ບັນດາ​ຜູ້​ຕັດສິນຄວາມ ແລະ​ເຈົ້າໜ້າທີ່​ອື່ນໆ​ໃນ​ເມືອງ​ທີ່​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ​ໄດ້​ມອບ​ໃຫ້. ຄົນ​ເຫຼົ່ານັ້ນ​ຕ້ອງ​ຕັດສິນ​ຄະດີ​ຂອງ​ປະຊາຊົນ​ຢ່າງ​ທ່ຽງທຳ.

1 ຊາມູເອນ 1:22

ແຕ່​ໃນ​ຄັ້ງ​ນີ້ ຮັນນາ​ບໍ່ໄດ້​ໄປ​ນຳ ນາງ​ເວົ້າ​ກັບ​ຜົວ​ວ່າ, “ຊາມູເອນ​ເຊົາ​ນົມ​ເມື່ອໃດ ຂ້ອຍ​ຈະ​ເອົາ​ລາວ​ໄປ​ເຝົ້າ​ຕໍ່ໜ້າ​ພຣະເຈົ້າຢາເວ​ເມື່ອນັ້ນ ແລະ​ລາວ​ຈະ​ຢູ່​ທີ່​ນັ້ນ​ຕະຫລອດ​ຊົ່ວຊີວິດ​ຂອງ​ລາວ.”

1 ຊາມູເອນ 27:12

ສ່ວນ​ເຈົ້າ​ອາກີເຊ​ກໍ​ໄວ້ເນື້ອ​ເຊື່ອໃຈ​ດາວິດ ເພິ່ນ​ຄິດ​ຢູ່ໃນ​ໃຈ​ວ່າ, “ຊາວ​ອິດສະຣາເອນ​ຄົນ​ຊາດ​ດຽວກັນ​ກຽດຊັງ​ດາວິດ​ຫລາຍ​ທີ່ສຸດ. ສະນັ້ນ ລາວ​ຈະ​ຕ້ອງ​ຮັບໃຊ້​ເຮົາ​ຕະຫລອດ​ຊີວິດ​ຂອງ​ລາວ.”

1 ຊາມູເອນ 28:2

ດາວິດ​ຕອບ​ວ່າ, “ແນ່ນອນ ຂ້ານ້ອຍ​ເປັນ​ຜູ້ຮັບໃຊ້​ຂອງທ່ານ ແລະ​ທ່ານ​ຈະ​ເຫັນ​ດ້ວຍ​ຕາ​ຂອງທ່ານ​ເອງ​ດອກ​ວ່າ​ຂ້ານ້ອຍ​ຈະ​ເຮັດ​ຢ່າງ​ໃດ?” ເຈົ້າ​ອາກີເຊ​ເວົ້າ​ວ່າ, “ດີ​ແລ້ວ ເຮົາ​ຈະ​ແຕ່ງຕັ້ງ​ເຈົ້າ​ໃຫ້​ເປັນ​ຜູ້​ປ້ອງກັນ​ຕົວ​ເຮົາ.”