ອົບພະຍົບ 20:18 - ພຣະຄຳພີສັກສິ

¹⁸ ເມື່ອ​ປະຊາຊົນ​ໄດ້ຍິນ​ສຽງ​ຟ້າຮ້ອງ ແລະ​ສຽງ​ແກ​ດັງ​ກ້ອງສະໜັ່ນ ທັງ​ເຫັນ​ຟ້າ​ແມບເຫລື້ອມ ແລະ​ຄວັນໄຟ​ພຸ່ງ​ຂຶ້ນ​ທີ່​ພູເຂົາ​ນັ້ນ ພວກເຂົາ​ກໍ​ຢ້ານກົວ​ຕົວສັ່ນ​ແລະ​ຫຍັບ​ອອກ​ຫ່າງໆ.

ອົບພະຍົບ 20:18 Jak'a apnaqawi uñst'ayäwi

ປະຖົມມະການ 15:17

ເມື່ອ​ຕາເວັນ​ຕົກ​ດິນ​ແລ້ວ ໃນທັນໃດ ກໍ​ມີ​ເຕົາ​ໄຟ​ອັນ​ຮ້ອນ​ທີ່​ມີ​ຄວັນ​ພຸ່ງ​ຂຶ້ນ ແລະ​ມີ​ໂຄມໄຟ​ທີ່​ມີ​ແສງ​ຮຸ່ງ​ເຮືອງ​ປາກົດ​ຂຶ້ນ​ໃຫ້​ເຫັນ ຜ່ານ​ກາງ​ຊາກ​ຂອງ​ສັດ​ເຫຼົ່ານັ້ນ​ໄປ.

ປະຖົມມະການ 3:10

ລາວ​ຕອບ​ວ່າ, “ຂ້ານ້ອຍ​ໄດ້ຍິນ​ສຽງ​ຂອງ​ພຣະອົງ​ຢູ່​ໃນ​ສວນ; ຂ້ານ້ອຍ​ຢ້ານ​ຫລາຍ ຈຶ່ງ​ຫລົບລີ້​ຊ່ອນຕົວ​ຢູ່ ເພາະ​ຂ້ານ້ອຍ​ປະເປືອຍ​ຢູ່.”

ເພງ^ສັນລະເສີນ 81:7

ເມື່ອ​ມີ​ຄວາມ​ເດືອດຮ້ອນ​ພວກເຈົ້າ​ໄດ້​ເອີ້ນ​ຫາ​ເຮົາ ເຮົາ​ກໍໄດ້​ຊ່ວຍກູ້​ເອົາ​ພວກເຈົ້າ​ໃຫ້​ໄດ້​ພົ້ນ. ຈາກ​ທີ່​ລັບລີ້​ມີ​ລົມພະຍຸ ເຮົາ​ໄດ້​ຕອບ​ພວກເຈົ້າ ທີ່​ແມ່ນໍ້າ​ເມຣີບາ ເຮົາ​ໄດ້​ທົດລອງ​ພວກເຈົ້າ.

ເຢເຣມີຢາ 23:23

ພຣະເຈົ້າຢາເວ​ກ່າວ​ວ່າ, “ເຮົາ​ແມ່ນ​ພຣະເຈົ້າ​ຜູ້​ຢູ່​ທຸກ​ທີ່​ທຸກບ່ອນ ແລະ​ບໍ່ໄດ້​ຢູ່​ແຕ່​ໃນ​ບ່ອນດຽວ.”

ພຣະບັນຍັດສອງ 18:16

ໃນ​ມື້​ເຕົ້າໂຮມ​ກັນ​ທີ່​ພູເຂົາ​ຊີນາຍ​ນັ້ນ ພວກເຈົ້າ​ໄດ້​ຂໍຮ້ອງ​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ​ວ່າ, ‘ຢ່າ​ໃຫ້​ໄດ້ຍິນ​ສຽງ​ຂອງ​ພຣະເຈົ້າຢາເວ ພຣະເຈົ້າ​ຂອງ​ພວກເຮົາ​ກ່າວ ຫລື​ເຫັນ​ແປວໄຟ​ທີ່​ພຣະອົງ​ສະຖິດ​ຢູ່​ນັ້ນ​ອີກ​ຕໍ່ໄປ ຍ້ອນ​ພວກເຈົ້າ​ຢ້ານກົວ​ຈົນ​ເກືອບ​ຈະ​ຕາຍ.’

ພຣະບັນຍັດສອງ 4:36

ພຣະອົງ​ໃຫ້​ພວກເຈົ້າ​ໄດ້ຍິນ​ສຽງ​ຂອງ​ພຣະອົງ​ຈາກ​ສະຫວັນ ເພື່ອ​ພຣະອົງ​ຈະ​ສອນ​ພວກເຈົ້າ ແລະ​ທີ່​ເທິງ​ແຜ່ນດິນ​ໂລກ​ນີ້ ພຣະອົງ​ກໍໄດ້​ໃຫ້​ພວກເຈົ້າ​ເຫັນ​ໄຟ​ອັນ​ສັກສິດ​ຂອງ​ພຣະອົງ ແລະ​ຈາກ​ໄຟ​ນັ້ນ​ພຣະອົງ​ໄດ້​ກ່າວ​ແກ່​ພວກເຈົ້າ.

ພຣະບັນຍັດສອງ 5:23

“ເມື່ອ​ພູ​ທັງ​ໜ່ວຍ​ລຸກ​ເປັນ​ໄຟ ແລະ​ພວກເຈົ້າ​ໄດ້ຍິນ​ສຽງດັງ​ອອກ​ມາ​ຈາກ​ທີ່​ມືດ ບັນດາ​ຜູ້ນຳ​ແລະ​ພວກ​ຫົວໜ້າ​ເຜົ່າ​ຕ່າງໆ​ກໍໄດ້​ມາ​ຫາ​ຂ້າພະເຈົ້າ

ພຣະບັນຍັດສອງ 5:25

ແຕ່​ເປັນຫຍັງ​ພວກເຮົາ​ຕ້ອງ​ສ່ຽງ​ກັບ​ຄວາມຕາຍ​ຢ່າງ​ນີ້​ອີກ? ໄຟ​ອັນ​ໜ້າຢ້ານ​ຈະ​ທຳລາຍ​ພວກເຮົາ. ພວກເຮົາ​ຕ້ອງ​ຕາຍ​ຄາວ​ນີ້​ແທ້ໆ ຖ້າ​ພວກເຮົາ​ໄດ້ຍິນ​ພຣະເຈົ້າຢາເວ ພຣະເຈົ້າ​ຂອງ​ພວກເຮົາ​ກ່າວ​ອີກ.

ພຣະບັນຍັດສອງ 5:27

ໂມເຊ​ເອີຍ ຈົ່ງ​ກັບຄືນ​ໄປ​ຟັງ​ທຸກ​ຖ້ອຍຄຳ​ທີ່​ອົງພຣະ​ຜູ້​ເປັນເຈົ້າ ພຣະເຈົ້າ​ຂອງ​ພວກເຮົາ​ໄດ້​ກ່າວ​ສາ. ແລ້ວ​ໃຫ້​ທ່ານ​ກັບ​ມາ​ບອກ​ພວກເຮົາ ໃນ​ສິ່ງ​ທີ່​ພຣະເຈົ້າຢາເວ ພຣະເຈົ້າ​ຂອງ​ພວກເຮົາ​ໄດ້​ກ່າວ​ແກ່​ທ່ານ. ພວກເຮົາ​ຈະ​ເຊື່ອຟັງ ແລະ​ປະຕິບັດ​ຕາມ.’

ພຣະບັນຍັດສອງ 5:5

ຂ້າພະເຈົ້າ​ໄດ້​ຢືນ​ຢູ່​ທາງ​ກາງ​ລະຫວ່າງ​ພວກເຈົ້າ ແລະ​ພຣະເຈົ້າຢາເວ​ໃນ​ຄາວ​ນັ້ນ ເພື່ອ​ບອກ​ສິ່ງ​ທີ່​ພຣະອົງ​ໄດ້​ກ່າວ​ໃຫ້​ພວກເຈົ້າ​ຮູ້ ເພາະ​ພວກເຈົ້າ​ຢ້ານ​ແປວໄຟ​ແລະ​ບໍ່​ກ້າ​ຂຶ້ນ​ມາ​ເທິງ​ພູ. ພຣະເຈົ້າຢາເວ​ກ່າວ​ວ່າ,