16 ຢ່າເປັນພະຍານບໍ່ຈິງຕໍ່ສູ້ເພື່ອນບ້ານ.
ແລະເປັນຜູ້ທີ່ບໍ່ເວົ້າໃຫ້ຄົນອື່ນເສຍຫາຍ ບໍ່ເຮັດຜິດຕໍ່ໝູ່ຄູ່ແລະບໍ່ກ່າວຂວັນນິນທາເພື່ອນບ້ານ.
ຢ່ານຳເອົາເລື່ອງບໍ່ຈິງໄປເລົ່າຕໍ່ໆກັນ ແລະຢ່າຊ່ວຍຄົນຜິດໂດຍໃຫ້ຄຳພະຍານບໍ່ຈິງ.
ຜູ້ທີ່ອຳຄວາມກຽດຊັງໄວ້ ກໍເປັນຄົນຂີ້ຕົວະ ຜູ້ທີ່ຫາເວົ້າຂວັນຄົນ ກໍເປັນຄົນໂງ່ຈ້າ.
ບໍ່ມີໃຜຫ່ອນໄຂຄວາມລັບກັບຄົນປາກບອນ, ແຕ່ຄົນທີ່ໄວ້ໃຈໄດ້ກໍເກັບກຳຄວາມລັບໄວ້ໄດ້.
ຄົນເວົ້າຕົວະໃນສານກໍຈະຖືກໂທດ ທາງຫລີກລຽງໂທດນັ້ນຈະບໍ່ມີເລີຍ.
ການໃສ່ຮ້າຍຄົນອື່ນເປັນເໝືອນດາບ ໄມ້ຄ້ອນ ຫລືລູກທະນູອັນແຫລມຄົມທີ່ທຳລາຍຄົນ.
ຢ່າລັກ, ຢ່າຕົວະ, ຢ່າຫລອກລວງກັນແລະກັນ.
ຢ່າທຽວໄປທຽວມາໃສ່ຮ້າຍປ້າຍສີຄົນອື່ນ ຢ່າປອງຮ້າຍຕໍ່ຊີວິດເພື່ອນບ້ານ. ເຮົາແມ່ນພຣະເຈົ້າຢາເວ.
ຢ່າແກ້ແຄ້ນຫລືຜູກພະຍາບາດກັບຜູ້ໃດຜູ້ໜຶ່ງ ແຕ່ຈົ່ງຮັກເພື່ອນມະນຸດເໝືອນຮັກຕົນເອງ. ເຮົາແມ່ນພຣະເຈົ້າຢາເວ.
ລາວຖາມຄືນວ່າ, “ຂໍ້ຄຳສັ່ງຂໍ້ໃດ?” ພຣະເຢຊູເຈົ້າຕອບວ່າ, “ຢ່າຂ້າຄົນ, ຢ່າຫລິ້ນຊູ້ສູ່ຜົວເມຍ, ຢ່າລັກ, ຢ່າເປັນພະຍານບໍ່ຈິງ
ພວກທະຫານກໍຖາມເພິ່ນເໝືອນກັນວ່າ, “ພວກຂ້ານ້ອຍເດ ຈະເຮັດຢ່າງໃດ?” ເພິ່ນຈຶ່ງຕອບພວກເຂົາວ່າ, “ຢ່າຂົ່ມເຫັງ ຫລືຢ່າຫາຄວາມບໍ່ຈິງໃສ່ໃຜເພື່ອເອົາເງິນ, ແຕ່ຈົ່ງພໍໃຈໃນຄ່າຈ້າງຂອງຕົນ.”
ແລ້ວພວກເຂົາກໍນຳພະຍານບໍ່ຈິງມາກ່າວວ່າ, “ຊາຍຄົນນີ້ເວົ້າຕໍ່ສູ້ພຣະວິຫານອັນສັກສິດ ແລະກົດບັນຍັດຢ່າງບໍ່ຢຸດຢັ້ງ.
ສ່ວນໃຈຂົມຂື່ນ, ໃຈໂມໂຫໂທໂສ, ໃຈຄຽດຮ້າຍນັ້ນ ຢ່າສູ່ໃຫ້ຢູ່ໃກ້ພວກເຈົ້າ ການອຶກກະທຶກຜິດຖຽງກັນ ແລະການກ່າວສຽດສີກັນກໍຢ່າໃຫ້ມີ ຈົ່ງຫລີກເວັ້ນຈາກການປອງຮ້າຍທຸກຮູບແບບ.
ຢ່າໃສ່ຮ້າຍປ້າຍສີເພື່ອນບ້ານຂອງເຈົ້າ.
ຄົນຜິດສິນທຳທາງເພດ, ຄົນຮັກຮ່ວມເພດດຽວກັນ, ຜູ້ຮ້າຍລັກຄົນ, ຄົນທີ່ຂີ້ຕົວະ ແລະກ່າວຄຳສາບານບໍ່ຈິງ ຫລືສິ່ງອື່ນໆກໍຕາມ ຊຶ່ງຂັດກັບຫລັກຄຳສັ່ງສອນອັນສັດຈິງ.
ເປັນຄົນຂາດມະນຸດສະທຳ, ບໍ່ຍອມຜ່ອນຜັນຜູ້ໃດ, ໃສ່ຮ້າຍປ້າຍສີກັນ, ບໍ່ຮູ້ຈັກບັງຄັບຕົນ, ມີໃຈໂຫດຮ້າຍ, ເປັນຄົນບໍ່ຮັກການດີ,
ພີ່ນ້ອງທັງຫລາຍເອີຍ, ຢ່າເວົ້ານິນທາຊຶ່ງກັນແລະກັນ ຜູ້ທີ່ເວົ້ານິນທາພີ່ນ້ອງ ຫລືກ່າວໂທດໃສ່ພີ່ນ້ອງຂອງຕົນ ຜູ້ນັ້ນກໍເວົ້ານິນທາຕໍ່ກົດບັນຍັດ ແລະກ່າວໂທດຕໍ່ກົດບັນຍັດນັ້ນ, ແຕ່ຖ້າເຈົ້າກ່າວໂທດຕໍ່ກົດບັນຍັດ ເຈົ້າກໍບໍ່ເປັນຜູ້ທີ່ຮັກສາກົດບັນຍັດ, ແຕ່ເປັນຜູ້ຕັດສິນກົດບັນຍັດ.
