ອົບພະຍົບ 2:5 - ພຣະຄຳພີສັກສິ

⁵ ຕໍ່ມາ ລູກສາວ​ຂອງ​ກະສັດ​ຟາໂຣ​ໄດ້​ລົງ​ມາ​ອາບນໍ້າ ສ່ວນ​ພວກ​ສາວ​ຮັບໃຊ້​ກໍ​ພາກັນ​ຍ່າງ​ເລາະ​ຫລີ້ນ​ຢູ່​ຕາມ​ແຄມ​ຝັ່ງ ເມື່ອ​ກຳລັງ​ອາບນໍ້າ​ຢູ່​ນັ້ນ ນາງ​ເລີຍ​ຫລຽວເຫັນ​ອູ່​ຢູ່​ກາງ​ກໍຫຍ້າ ນາງ​ຈຶ່ງ​ບອກ​ສາວ​ຮັບໃຊ້​ໄປ​ເອົາ​ມາ​ເບິ່ງ.

ອົບພະຍົບ 2:5 Jak'a apnaqawi uñst'ayäwi

1 ກະສັດ 17:6

ຝູງ​ກາ​ກໍໄດ້​ນຳ​ເອົາ​ເຂົ້າຈີ່​ກັບ​ຊີ້ນ​ມາ​ໃຫ້​ເພິ່ນ​ໃນ​ຕອນ​ເຊົ້າ ແລະ​ນຳ​ເອົາ​ເຂົ້າຈີ່​ກັບ​ຊີ້ນ​ມາ​ໃນ​ຕອນ​ແລງ ແລະ​ເພິ່ນ​ໄດ້ດື່ມ​ນໍ້າ​ຈາກ​ຫ້ວຍ.

ເພງ^ສັນລະເສີນ 12:5

ພຣະເຈົ້າຢາເວ​ກ່າວ​ໂຕ້ຕອບ​ອອກ​ໄປ​ວ່າ, “ບັດນີ້ ເຮົາ​ຈະ​ລຸກ​ຂຶ້ນ​ຍ້ອນ​ຄົນ​ຂັດສົນ​ຖືກ​ກົດຂີ່ ຄົນ​ຖືກ​ຂົ່ມເຫັງ​ກໍ​ຄວນຄາງ​ຢ່າງ​ເຈັບປວດ​ໜັກ ເຮົາ​ຈະ​ໃຫ້​ພວກເຂົາ​ປອດໄພ​ຢ່າງ​ຖາວອນ​ຕາມ​ທີ່​ພວກເຂົາ​ປາຖະໜາ.”

ເພງ^ສັນລະເສີນ 46:1

ພຣະເຈົ້າ​ເປັນ​ທີ່​ກຳບັງ​ແລະ​ກຳລັງ​ຂອງ​ພວກ​ຂ້ານ້ອຍ ພຣະອົງ​ພ້ອມ​ຊ່ວຍເຫຼືອ​ໃນ​ຄາວ​ພວກ​ຂ້ານ້ອຍ​ຍາກ​ລຳບາກ.

ເພງ^ສັນລະເສີນ 76:10

ຄວາມ​ໂກດຮ້າຍ​ຂອງ​ມະນຸດ​ກໍ​ເປັນ​ພຽງແຕ່ ການ​ຍ້ອງຍໍ​ສັນລະເສີນ​ພຣະອົງ​ເທົ່ານັ້ນ. ຜູ້​ທີ່​ລອດຊີວິດ​ຈາກ​ການ​ເສິກ​ຈະ​ສະຫລອງ ໄຊຊະນະ​ຂອງ​ພຣະເຈົ້າຢາເວ.

ເພງ^ສັນລະເສີນ 9:9

ພຣະເຈົ້າຢາເວ​ເປັນ​ທີ່​ເພິ່ງ​ຂອງ​ຜູ້​ທີ່​ຖືກ​ຂົ່ມເຫັງ ເປັນ​ບ່ອນ​ປອດໄພ​ໃນ​ຄາວ​ເດືອດຮ້ອນ.

ອົບພະຍົບ 2:6

ເມື່ອ​ເປີດ​ເບິ່ງ​ໃນ​ອູ່ ນາງ​ກໍ​ເຫັນ​ເດັກນ້ອຍ​ຜູ້ຊາຍ​ນອນ​ຮ້ອງໄຫ້​ຢູ່. ນາງ​ເກີດ​ສົງສານ​ເລີຍ​ເວົ້າ​ວ່າ, “ເດັກ​ນີ້​ແມ່ນ​ລູກ​ຂອງ​ຊາວ​ເຮັບເຣີ.”

ອົບພະຍົບ 7:15

ສະນັ້ນ ໃຫ້​ເຈົ້າ​ໄປ​ພົບ​ກະສັດ​ຟາໂຣ​ໃນ​ຕອນເຊົ້າ ເມື່ອ​ລາວ​ລົງ​ໄປ​ທີ່​ແມ່ນໍ້ານິນ. ໃຫ້​ຖື​ໄມ້ຄ້ອນເທົ້າ​ທີ່​ກາຍເປັນ​ງູ​ນັ້ນ​ໄປ​ນຳ ແລະ​ຄອຍ​ຖ້າ​ລາວ​ຢູ່​ແຄມ​ແມ່ນໍ້າ.

ອົບພະຍົບ 8:20

ພຣະເຈົ້າຢາເວ​ໄດ້​ສັ່ງ​ໂມເຊ​ວ່າ, “ມື້ອື່ນ​ແຕ່​ເຊົ້າ​ມືດ ເຈົ້າ​ຈົ່ງ​ໄປ​ພົບ​ກະສັດ​ຟາໂຣ ໃນ​ຂະນະທີ່​ລາວ​ໄປ​ຍັງ​ແມ່ນໍ້າ​ນິນ. ຈົ່ງ​ບອກ​ລາວ​ວ່າ ພຣະເຈົ້າຢາເວ​ໄດ້​ສັ່ງ​ໄວ້​ດັ່ງນີ້: ‘ຈົ່ງ​ປ່ອຍ​ປະຊາຊົນ​ຂອງເຮົາ​ໄປ ເພື່ອ​ພວກເຂົາ​ຈະ​ໄດ້​ນະມັດສະການ​ເຮົາ.

ສຸພາສິດ 21:1

ພຣະເຈົ້າຢາເວ​ຄວບຄຸມ​ຈິດໃຈ​ຂອງ​ກະສັດ​ໄດ້​ງ່າຍ​ດັ່ງ​ຊີ້ທາງ​ໃຫ້​ສາຍນໍ້າ​ລ່ອງໄຫລ.

ໂຢນາ 1:17

ພຣະເຈົ້າຢາເວ​ໄດ້​ສັ່ງ​ປາໃຫຍ່​ໂຕໜຶ່ງ​ໃຫ້​ມາ​ກືນກິນ​ໂຢນາ ແລະ​ເພິ່ນ​ກໍ​ຢູ່​ໃນ​ທ້ອງ​ປາ​ເປັນ​ເວລາ​ສາມວັນ​ສາມຄືນ.

ໂຢນາ 2:10

ແລ້ວ​ພຣະເຈົ້າຢາເວ​ກໍ​ສັ່ງ​ໃຫ້​ປາໃຫຍ່​ໂຕ​ນັ້ນ ຂຶ້ນ​ມາ​ຄາຍ​ໂຢນາ​ໄວ້​ເທິງ​ດິນ​ແຫ້ງ ແລະ​ມັນ​ກໍໄດ້​ເຮັດ​ຕາມ.

ກິດຈະການ 7:21

ແລະ​ເມື່ອ​ເຂົາ​ເອົາ​ໂມເຊ​ອອກ​ໄປ​ຈາກ​ເຮືອນ ລູກສາວ​ຂອງ​ກະສັດ​ຟາໂຣ ກໍ​ຮັບ​ເອົາ​ໄປ​ລ້ຽງ​ໄວ້​ເປັນ​ລູກຊາຍ​ຂອງຕົນ.