ອົບພະຍົບ 2:25 - ພຣະຄຳພີສັກສິ

²⁵ ພຣະເຈົ້າ​ເບິ່ງ​ເຫັນ​ສະພາບ​ການ​ເປັນ​ທາດຮັບໃຊ້​ຂອງ​ຊາວ​ອິດສະຣາເອນ. ສະນັ້ນ ພຣະເຈົ້າ​ຈຶ່ງ​ຫ່ວງໃຍ​ພວກເຂົາ.

ອົບພະຍົບ 2:25 Jak'a apnaqawi uñst'ayäwi

2 ຊາມູເອນ 16:12

ບາງທີ ພຣະເຈົ້າຢາເວ​ຈະ​ສັງເກດ​ເຫັນ​ຄວາມທຸກໃຈ​ຂອງເຮົາ ແລະ​ພຣະເຈົ້າຢາເວ​ຈະ​ໂຜດ​ອວຍພອນ​ເຮົາ​ແທນ​ຄຳ​ປ້ອຍດ່າ​ຂອງ​ລາວ​ກໍໄດ້.”

ພຣະທຳ​ໂຢບ 33:27

ແຕ່ລະຄົນ​ຈະ​ກ່າວ​ອອກ​ມາ​ວ່າ, ‘ຂ້ອຍ​ໄດ້​ເຮັດ​ບາບ ຂ້ອຍ​ບໍ່ໄດ້​ເຮັດ​ສິ່ງ​ຊອບທຳ, ແຕ່​ພຣະເຈົ້າ​ໄດ້​ໄວ້​ຊີວິດ.

ເພງ^ສັນລະເສີນ 1:6

ເພາະວ່າ​ພຣະເຈົ້າຢາເວ ຊົງ​ພິທັກ​ຮັກສາ​ຄົນ​ຊອບທຳ ແຕ່​ທາງ​ຂອງ​ຄົນ​ອະທຳ​ຈະ​ຈິບຫາຍໄປ.

ເພງ^ສັນລະເສີນ 10:14

ແຕ່​ພຣະອົງ​ເຫັນ ທັງ​ສັງເກດ​ເບິ່ງ​ຄວາມ​ເດືອດຮ້ອນ ຄວາມ​ທໍລະມານ ແລະ​ພ້ອມ​ສະເໝີ​ທີ່​ຈະ​ຊ່ວຍເຫລືອ ຄົນ​ຂາດ​ທີ່ເພິ່ງ​ກໍ​ມອບ​ຕົວ​ໄວ້​ກັບ​ພຣະອົງ ອົງ​ຊົງ​ຊ່ວຍເຫລືອ​ຄົນ​ຂັດສົນ​ຢູ່​ສະເໝີ.

ເພງ^ສັນລະເສີນ 31:8

ພຣະອົງ​ບໍ່ໄດ້​ມອບ​ຂ້ານ້ອຍ​ໄວ້​ໃນ​ມື​ຂອງ​ພວກ​ສັດຕູ ແຕ່​ໃຫ້​ຂ້ານ້ອຍ​ມີ​ອິດສະຫລະ​ໄປ​ທີ່​ໃດ​ກໍໄດ້.

ເພງ^ສັນລະເສີນ 55:22

ຈົ່ງ​ມອບ​ຄວາມ​ເດືອດຮ້ອນ​ຂອງ​ເຈົ້າ​ໄວ້​ກັບ​ພຣະເຈົ້າຢາເວ​ສາ ພຣະອົງ​ຈະ​ປົກປ້ອງ​ຄຸ້ມຄອງ​ເຈົ້າ​ໄວ້. ພຣະອົງ​ບໍ່ເຄີຍ​ປະຖິ້ມ​ຄົນ​ສັດຊື່​ຜູ້ໃດ​ຜູ້ໜຶ່ງ​ເລີຍ ໂດຍ​ໃຫ້​ລາວ​ຖືກ​ພ່າຍແພ້.

ອົບພະຍົບ 1:8

ຕໍ່ມາ ໄດ້​ມີ​ກະສັດ​ຟາໂຣ​ຄົນ​ໃໝ່​ຂຶ້ນ​ປົກຄອງ​ປະເທດ​ເອຢິບ. ກະສັດ​ຟາໂຣ​ຜູ້​ນີ້​ບໍ່​ຮູ້​ເລື່ອງ​ຫຍັງ​ກ່ຽວກັບ​ໂຢເຊັບ​ເລີຍ.

ອົບພະຍົບ 18:8

ໂມເຊ​ເລົ່າ​ສູ່​ເຢທະໂຣ​ຟັງ​ທຸກສິ່ງ​ທຸກຢ່າງ ທີ່​ພຣະເຈົ້າຢາເວ​ໄດ້​ເຮັດ​ຕໍ່​ກະສັດ​ຟາໂຣ​ແລະ​ຕໍ່​ຊາວ​ເອຢິບ ເພື່ອ​ຊ່ວຍ​ກອບກູ້​ເອົາ​ຊາວ​ອິດສະຣາເອນ. ເພິ່ນ​ຍັງ​ໄດ້​ເລົ່າ​ເຖິງ​ຄວາມ​ຍາກ​ລຳບາກ​ນາໆ​ປະການ ທີ່​ຊາວ​ອິດສະຣາເອນ​ໄດ້​ປະເຊີນ​ໃນ​ການ​ເດີນທາງ ແລະ​ເຖິງ​ການ​ທີ່​ພຣະເຈົ້າຢາເວ​ໄດ້​ໂຜດ​ຊ່ວຍ​ພວກເຂົາ​ໃຫ້​ພົ້ນ​ຢ່າງ​ໃດ.

ອົບພະຍົບ 3:9

ເຮົາ​ໄດ້ຍິນ​ສຽງ​ຮ້ອງໄຫ້​ຄໍ່າຄວນ​ໃຫ້​ຊ່ວຍເຫລືອ​ຂອງ​ປະຊາຊົນ​ເຮົາ​ຄັກແນ່​ແລ້ວ ແລະ​ເຮົາ​ໄດ້​ເຫັນ​ຊາວ​ເອຢິບ​ກົດຂີ່​ພວກເຂົາ​ຢ່າງ​ໃດ.

ອົບພະຍົບ 4:31

ດັ່ງນັ້ນ ພວກເຂົາ​ຈຶ່ງ​ເຊື່ອ ແລະ​ເມື່ອ​ໄດ້ຍິນ​ວ່າ ພຣະເຈົ້າຢາເວ​ໄດ້​ມາ​ຫາ​ພວກເຂົາ ແລະ​ທັງ​ຮູ້​ວ່າ ພຣະອົງ​ໄດ້​ເຫັນ​ພວກເຂົາ​ຖືກ​ກົດຂີ່​ຢ່າງ​ໂຫດຮ້າຍ​ທາລຸນ​ຢ່າງ​ໃດ ພວກເຂົາ​ຈຶ່ງ​ໄດ້​ພາກັນ​ຂາບລົງ​ແລະ​ນ້ອມ​ນະມັດສະການ.

ມັດທາຍ 7:23

ເມື່ອນັ້ນ ເຮົາ​ກໍ​ຈະ​ປະກາດ​ຕໍ່​ພວກເຂົາ​ວ່າ, ‘ເຮົາ​ບໍ່ເຄີຍ​ຮູ້ຈັກ​ພວກເຈົ້າ ຈົ່ງ​ຖອຍ​ໜີໄປ​ຈາກ​ເຮົາ​ເສຍ ພວກເຈົ້າ​ຄົນ​ທີ່​ເຮັດ​ການ​ຊົ່ວຮ້າຍ​ເອີຍ.”’

ລູກາ 1:25

ນາງ​ເວົ້າ​ຂຶ້ນ​ວ່າ, “ອົງພຣະ​ຜູ້​ເປັນເຈົ້າ​ໄດ້​ຊ່ວຍເຫລືອ​ຂ້ານ້ອຍ ບັດນີ້​ພຣະອົງ​ໄດ້​ຍົກ​ຄວາມ​ນິນທາ​ຂອງ​ຂ້ານ້ອຍ ທີ່​ມີ​ຢູ່​ທ່າມກາງ​ຄົນ​ທັງຫລາຍ​ອອກ​ເສຍ.”

ກິດຈະການ 7:34

ເຮົາ​ໄດ້​ເຫັນ​ຄວາມ​ທົນທຸກ​ລຳບາກ​ອັນ​ຮ້າຍແຮງ ທີ່​ປະຊາຊົນ​ຂອງເຮົາ​ໄດ້​ຮັບ​ໃນ​ປະເທດ​ເອຢິບ ເຮົາ​ໄດ້ຍິນ​ສຽງ​ໂອ່ຍຄາງ​ຂອງ​ພວກເຂົາ​ແລ້ວ ເຮົາ​ຈຶ່ງ​ລົງ​ມາ​ເພື່ອ​ຊ່ວຍ​ກອບກູ້​ເອົາ​ພວກເຂົາ. ບັດນີ້​ມາແມ ເຮົາ​ຈະ​ໃຊ້​ເຈົ້າ​ໄປ​ທີ່​ປະເທດ​ເອຢິບ.’

ພຣະບັນຍັດສອງ 26:7

ຕໍ່ມາ ພວກ​ຂ້ານ້ອຍ​ໄດ້​ຮ້ອງ​ຫາ​ພຣະເຈົ້າຢາເວ ພຣະເຈົ້າ​ຂອງ​ປູ່ຍ່າຕາຍາຍ​ຂອງ​ພວກ​ຂ້ານ້ອຍ​ໃຫ້​ຊ່ວຍເຫລືອ. ພຣະເຈົ້າຢາເວ​ໄດ້ຍິນ​ພວກ​ຂ້ານ້ອຍ​ທັງ​ເຫັນ​ຄວາມ​ທົນທຸກ ຄວາມ​ລຳບາກ ແລະ​ການ​ຍາກຈົນ​ຫລາຍຢ່າງ​ຂອງ​ພວກ​ຂ້ານ້ອຍ.

1 ຊາມູເອນ 1:11

ນາງ​ຮັນນາ​ສາບານ​ຢ່າງ​ໜັກແໜ້ນ​ວ່າ, “ຂ້າແດ່​ພຣະເຈົ້າຢາເວ ອົງ​ຊົງຣິດ​ອຳນາດ​ຍິ່ງໃຫຍ່ ຂໍ​ພຣະອົງ​ຫລຽວເບິ່ງ​ຄວາມ​ໂສກເສົ້າ​ຂອງ​ຂ້ານ້ອຍ ແລະ​ລະນຶກເຖິງ​ຂ້ານ້ອຍ​ດ້ວຍ ຂໍ​ຢ່າ​ລືມໄລ​ຂ້ານ້ອຍ​ເລີຍ ຖ້າ​ພຣະອົງ​ໂຜດ​ລູກຊາຍ​ໃຫ້​ຂ້ານ້ອຍ ຂ້ານ້ອຍ​ຂໍ​ສັນຍາ​ວ່າ ຈະ​ອຸທິດ​ຖວາຍ​ເດັກນັ້ນ​ແກ່​ພຣະອົງ​ຕະຫລອດ​ຊົ່ວຊີວິດ​ຂອງ​ລາວ ແລະ​ລາວ​ຈະ​ບໍ່​ຕັດ​ຜົມ​ຂອງ​ລາວ​ຈັກເທື່ອ.”