ອົບພະຍົບ 2:22 - ພຣະຄຳພີສັກສິ

²² ນາງ​ໄດ້​ເກີດ​ລູກຊາຍ​ຜູ້ໜຶ່ງ​ໃຫ້​ໂມເຊ ແລະ​ໂມເຊ​ຄິດ​ໃນ​ໃຈ​ວ່າ, “ຂ້ອຍ​ເປັນ​ຄົນ​ຕ່າງດ້າວ​ທີ່​ໄດ້​ມາ​ອາໄສ​ຢູ່​ໃນ​ປະເທດ​ນີ້. ສະນັ້ນ ຂ້ອຍ​ຈຶ່ງ​ຈະ​ໃສ່​ຊື່​ໃຫ້​ລູກຊາຍ​ຜູ້​ນີ້​ວ່າ ເກໂຊມ.”

ອົບພະຍົບ 2:22 Jak'a apnaqawi uñst'ayäwi

ປະຖົມມະການ 23:4

“ຂ້ານ້ອຍ​ເປັນ​ຄົນ​ຕ່າງດ້າວ​ທີ່​ອາໄສ​ຢູ່​ທ່າມກາງ​ພວກທ່ານ; ສະນັ້ນ ຂໍ​ຂາຍ​ທີ່ດິນ​ບາງ​ຕອນ​ໃຫ້​ຂ້ານ້ອຍ ເພື່ອ​ຈະ​ໄດ້​ຝັງສົບ​ເມຍ​ຂອງ​ຂ້ານ້ອຍ​ແດ່ທ້ອນ.”

1 ຂ່າວຄາວ 16:20

ພວກເຂົາ​ທ່ອງທ່ຽວ​ຈາກ​ປະເທດ​ນີ້​ສູ່​ທີ່​ອື່ນໄກ ຈາກ​ອານາຈັກ​ນີ້​ໄປ​ສູ່​ອານາຈັກ​ອື່ນ​ອີກ.

1 ຂ່າວຄາວ 29:15

ພວກ​ຂ້ານ້ອຍ​ມີ​ຊີວິດ​ທີ່​ຜ່ານ​ມາ ດັ່ງ​ຄົນ​ທີ່​ຖືກ​ເນລະເທດ​ແລະ​ຄົນຕ່າງດ້າວ ເໝືອນ​ບັນພະບຸລຸດ​ຂອງ​ພວກ​ຂ້ານ້ອຍ​ທີ່​ເຄີຍ​ເປັນ​ມາ. ຊີວິດ​ຂອງ​ພວກ​ຂ້ານ້ອຍ​ປຽບ​ດັ່ງ​ເງົາ​ທີ່​ຜ່ານ​ພົ້ນ​ໄປ ແລະ​ພວກ​ຂ້ານ້ອຍ​ກໍ​ບໍ່​ອາດ​ຫລີກລ້ຽງ​ຈາກ​ຄວາມຕາຍ​ໄດ້.

ເພງ^ສັນລະເສີນ 119:19

ຂ້ານ້ອຍ​ຢູ່​ໃນ​ແຜ່ນດິນ​ໂລກ​ພຽງແຕ່​ຊົ່ວຄາວ ຂໍ​ຢ່າ​ປິດບັງ​ກົດບັນຍັດ​ຂອງ​ພຣະອົງ​ຈາກ​ຂ້ານ້ອຍ​ເລີຍ.

ເພງ^ສັນລະເສີນ 39:12

ຂ້າແດ່​ພຣະເຈົ້າຢາເວ ຂໍ​ຊົງ​ໂຜດ​ຟັງ​ຂ້ານ້ອຍ​ພາວັນນາ​ອະທິຖານ ໂຜດ​ຟັງ​ຄຳ​ທູນຂໍ​ໃຫ້​ຊ່ວຍເຫລືອ​ຂອງ​ຂ້ານ້ອຍ​ແດ່ທ້ອນ ຂ້ານ້ອຍ​ກໍ​ເປັນ​ດັ່ງ​ບັນພະບຸລຸດ​ໝົດ​ທຸກຄົນ ຂ້ານ້ອຍ​ເປັນ​ພຽງແຕ່​ແຂກ​ຂອງ​ພຣະອົງ​ຊົ່ວຄາວ​ເທົ່ານັ້ນ.

ອົບພະຍົບ 2:10

ຕໍ່ມາ ເມື່ອ​ເດັກ​ໃຫຍ່​ຂຶ້ນ​ແດ່​ແລ້ວ ແມ່ລ້ຽງ​ກໍໄດ້​ນຳ​ເດັກນ້ອຍ​ນັ້ນ​ມາ ແລະ​ມອບ​ໃຫ້​ລູກສາວ​ຂອງ​ກະສັດ​ຟາໂຣ. ນາງ​ໄດ້​ຮັບ​ລ້ຽງ​ເດັກຊາຍ​ຜູ້​ນີ້​ໄວ້​ເປັນ​ລູກຊາຍ​ຂອງ​ຕົນເອງ ໂດຍ​ເວົ້າ​ວ່າ, “ຍ້ອນ​ຂ້ອຍ​ໄດ້​ເດັກນ້ອຍ​ຄົນ​ນີ້​ມາ​ຈາກ​ນໍ້າ. ສະນັ້ນ ຂ້ອຍ​ຈຶ່ງ​ຈະ​ຕັ້ງ​ຊື່​ໃຫ້​ລາວ​ວ່າ ໂມເຊ.”

ອົບພະຍົບ 22:21

ຢ່າ​ຂົ່ມເຫັງ​ຫລື​ບີບ​ບັງຄັບ​ຄົນ​ຕ່າງດ້າວ; ຈົ່ງ​ຈົດຈຳ​ໄວ້​ວ່າ ພວກເຈົ້າ​ເອງ​ກໍ​ເຄີຍ​ເປັນ​ຄົນ​ຕ່າງດ້າວ​ໃນ​ປະເທດ​ເອຢິບ.

ອົບພະຍົບ 4:20

ສະນັ້ນ ໂມເຊ​ຈຶ່ງ​ຈັດແຈ່ງ​ໃຫ້​ລູກ​ເມຍ​ຂຶ້ນ​ຂີ່​ລໍ ແລະ​ກັບຄືນ​ສູ່​ປະເທດ​ເອຢິບ. ສ່ວນ​ເພິ່ນ​ເອງ​ໄດ້​ຖື​ໄມ້ຄ້ອນເທົ້າ​ຂອງ​ພຣະເຈົ້າ​ໄປ​ນຳ.

ລະບຽບ^ພວກເລວີ 25:23

“ທີ່ດິນ​ຂອງ​ພວກເຈົ້າ​ຂາຍ​ໃນ​ລັກສະນະ​ຖາວອນ​ບໍ່ໄດ້ ເພາະວ່າ​ພວກເຈົ້າ​ບໍ່ແມ່ນ​ເຈົ້າຂອງ​ທີ່ດິນ​ນັ້ນ; ທີ່ດິນ​ເປັນ​ຂອງ​ເຮົາ ແລະ​ພວກເຈົ້າ​ກໍ​ເປັນ​ດັ່ງ​ຄົນ​ຕ່າງດ້າວ​ທັງຫລາຍ ທີ່​ໄດ້​ຮັບ​ອະນຸຍາດ​ໃຫ້​ປູກຝັງ​ກິນ​ໃນ​ທີ່ດິນ​ເທົ່ານັ້ນ.

ກິດຈະການ 7:29

ເມື່ອ​ໂມເຊ​ໄດ້ຍິນ​ດັ່ງນີ້​ແລ້ວ ເພິ່ນ​ຈຶ່ງ​ປົບໜີໄປ​ອາໄສ​ຢູ່​ໃນ​ດິນແດນ​ມີດີອານ ໃນ​ທີ່ນັ້ນ​ເພິ່ນ​ມີ​ລູກຊາຍ​ສອງ​ຄົນ.

ພວກ^ຜູ້ປົກຄອງ 18:30

ຊາວ​ດານ​ໄດ້​ຕັ້ງ​ຮູບເຄົາຣົບ​ຂຶ້ນ​ຂາບໄຫວ້ ແລະ​ໂຢນາທານ​ລູກຊາຍ​ຂອງ​ເກໂຊມ ແລະ​ຫລານຊາຍ​ຂອງ​ໂມເຊ ໄດ້​ເປັນ​ຜູ້​ບົວລະບັດ​ຮັບໃຊ້​ຢູ່​ໃນ​ທີ່ນັ້ນ​ໃນ​ຖານະ​ປະໂຣຫິດ​ຂອງ​ຊາວ​ດານ ແລະ​ເຊື້ອສາຍ​ຂອງ​ໂຢນາທານ​ກໍໄດ້​ບົວລະບັດ​ຮັບໃຊ້​ເປັນ​ປະໂຣຫິດ​ເລື້ອຍ​ມາ ຈົນກວ່າ​ປະຊາຊົນ​ໄດ້​ຖືກ​ຈັບ​ໄປ​ເປັນ​ຊະເລີຍ​ໃນ​ຕ່າງຖິ່ນ.

1 ຊາມູເອນ 1:20

ດັ່ງນັ້ນ ນາງ​ຈຶ່ງ​ຖືພາ​ແລະ​ເກີດ​ລູກຊາຍ​ຜູ້ໜຶ່ງ. ນາງ​ຕັ້ງ​ຊື່​ໃຫ້​ເດັກ​ນັ້ນ​ວ່າ ຊາມູເອນ ແລະ​ອະທິບາຍ​ວ່າ, “ເພາະ​ຂ້ອຍ​ຂໍ​ເດັກ​ຄົນ​ນີ້​ຈາກ​ພຣະເຈົ້າຢາເວ.”