ອົບພະຍົບ 2:21 - ພຣະຄຳພີສັກສິ

²¹ ໂມເຊ​ໄດ້​ຕັດສິນໃຈ​ຢູ່​ທີ່​ມີດີອານ ແລະ​ເຢທະໂຣ​ຈຶ່ງ​ໄດ້​ຍົກ​ນາງ​ຊິບໂປຣາ ລູກສາວ​ຂອງຕົນ​ໃຫ້​ເປັນ​ເມຍ​ຂອງ​ໂມເຊ.

ອົບພະຍົບ 2:21 Jak'a apnaqawi uñst'ayäwi

ອົບພະຍົບ 2:10

ຕໍ່ມາ ເມື່ອ​ເດັກ​ໃຫຍ່​ຂຶ້ນ​ແດ່​ແລ້ວ ແມ່ລ້ຽງ​ກໍໄດ້​ນຳ​ເດັກນ້ອຍ​ນັ້ນ​ມາ ແລະ​ມອບ​ໃຫ້​ລູກສາວ​ຂອງ​ກະສັດ​ຟາໂຣ. ນາງ​ໄດ້​ຮັບ​ລ້ຽງ​ເດັກຊາຍ​ຜູ້​ນີ້​ໄວ້​ເປັນ​ລູກຊາຍ​ຂອງ​ຕົນເອງ ໂດຍ​ເວົ້າ​ວ່າ, “ຍ້ອນ​ຂ້ອຍ​ໄດ້​ເດັກນ້ອຍ​ຄົນ​ນີ້​ມາ​ຈາກ​ນໍ້າ. ສະນັ້ນ ຂ້ອຍ​ຈຶ່ງ​ຈະ​ຕັ້ງ​ຊື່​ໃຫ້​ລາວ​ວ່າ ໂມເຊ.”

ອົບພະຍົບ 2:20

ຜູ້​ເປັນ​ພໍ່​ຈຶ່ງ​ຖາມ​ລູກສາວ​ອີກ​ວ່າ, “ຊາຍ​ຜູ້ນັ້ນ​ຢູ່​ໃສ? ເຫດ​ໃດ​ຈຶ່ງ​ມາ​ປະ​ລາວ? ຮີບ​ໄປ​ເຊີນ​ລາວ​ມາ​ກິນ​ເຂົ້າ​ນຳ​ພວກເຮົາ​ແມ.”

ອົບພະຍົບ 3:1

ມື້​ໜຶ່ງ ໃນ​ຂະນະທີ່​ໂມເຊ​ກຳລັງ​ລ້ຽງ​ຝູງແກະ ແລະ​ຝູງແບ້​ຂອງ​ເຢທະໂຣ ພໍ່​ເຖົ້າ​ຂອງຕົນ​ຜູ້​ທີ່​ເປັນ​ປະໂຣຫິດ​ຂອງ​ຊາວ​ມີດີອານ ລາວ​ໄດ້​ຕ້ອນ​ຝູງສັດ​ເລີຍ​ຂ້າມ​ຖິ່ນ​ແຫ້ງແລ້ງ​ກັນດານ​ໄປ​ທີ່​ຊີນາຍ​ພູເຂົາ​ຂອງ​ພຣະເຈົ້າ.

ອົບພະຍົບ 4:18

ຫລັງຈາກ​ນັ້ນ ໂມເຊ​ໄດ້​ກັບຄືນ​ເມືອ​ຫາ​ເຢທະໂຣ​ພໍ່ເຖົ້າ​ຂອງຕົນ ແລະ​ໄດ້​ບອກ​ເພິ່ນ​ວ່າ, “ກະລຸນາ​ໃຫ້​ລູກ​ກັບ​ເມືອ​ຢ້ຽມຢາມ​ພີ່ນ້ອງ​ຢູ່​ໃນ​ປະເທດ​ເອຢິບ ເພື່ອ​ເບິ່ງ​ວ່າ​ພວກເຂົາ​ຍັງ​ມີ​ຊີວິດ​ຢູ່​ຫລື​ບໍ່.” ເຢທະໂຣ​ໄດ້​ອະນຸຍາດ​ໃຫ້​ໂມເຊ​ກັບ​ເມືອ ພ້ອມ​ທັງ​ອວຍພອນ​ໃຫ້​ລາວ​ກັບ​ໄປ​ໂດຍ​ດີ.

ຈົດບັນຊີ 10:29

ແລ້ວ​ໂມເຊ​ກໍໄດ້​ເຊີນ​ໂຮບັບ ລູກຊາຍ​ຂອງ​ເຢທະໂຣ​ຊາວ​ມີດີອານ ຜູ້​ເປັນ​ລູງ​ຂອງຕົນ​ວ່າ, “ພວກເຮົາ​ກຳລັງ​ຈະ​ອອກ​ເດີນທາງ​ໄປ​ສູ່​ດິນແດນ​ທີ່​ພຣະເຈົ້າຢາເວ​ໄດ້​ບອກ​ໄວ້​ວ່າ​ຈະ​ມອບ​ໃຫ້. ພຣະເຈົ້າຢາເວ​ໄດ້​ສັນຍາ​ວ່າ ຈະ​ບັນດານ​ໃຫ້​ຊາວ​ອິດສະຣາເອນ​ຈະເລີນ​ຮຸ່ງເຮືອງ​ຂຶ້ນ; ສະນັ້ນ ຈົ່ງ​ໄປ​ກັບ​ພວກເຮົາ​ເທາະ ແລະ​ພວກເຮົາ​ຈະ​ແບ່ງປັນ​ຄວາມ​ຈະເລີນ​ຮຸ່ງເຮືອງ​ນັ້ນ​ໃຫ້​ແກ່​ເຈົ້າ​ດ້ວຍ.”

ຈົດບັນຊີ 12:1

ໂມເຊ​ໄດ້​ແຕ່ງງານ​ກັບ​ຍິງ​ສາວ​ຜູ້ໜຶ່ງ​ທີ່​ເປັນ​ຊາວ​ກູເຊ ແລະ​ມີຣີອາມ​ກັບ​ອາໂຣນ​ໄດ້​ຕໍ່ສູ້​ໂມເຊ​ກ່ຽວກັບ​ເລື່ອງ​ນີ້.

ກິດຈະການ 7:29

ເມື່ອ​ໂມເຊ​ໄດ້ຍິນ​ດັ່ງນີ້​ແລ້ວ ເພິ່ນ​ຈຶ່ງ​ປົບໜີໄປ​ອາໄສ​ຢູ່​ໃນ​ດິນແດນ​ມີດີອານ ໃນ​ທີ່ນັ້ນ​ເພິ່ນ​ມີ​ລູກຊາຍ​ສອງ​ຄົນ.

1 ຕີໂມທຽວ 6:6

ຈິງ​ຢູ່ ການ​ນັບຖື​ພຣະເຈົ້າ​ຢ່າງ​ຖືກຕ້ອງ​ນັ້ນ ໄດ້​ກຳໄລ​ອັນ​ມະຫາສານ​ແກ່​ຜູ້​ທີ່​ມີ​ຄວາມ​ພໍໃຈ​ກັບ​ສິ່ງ​ຂອງ​ທີ່​ຕົນ​ມີ​ຢູ່.

ເຮັບເຣີ 11:25

ເພິ່ນ​ເລືອກ​ເອົາ​ການ​ຢູ່​ຮ່ວມ​ທຸກ​ລຳບາກ ກັບ​ພົນລະເມືອງ​ຂອງ​ພຣະເຈົ້າ ແທນ​ຄວາມ​ເພີດເພີນ​ຊົ່ວຄາວ​ໃນ​ຄວາມ​ບາບ.

ເຮັບເຣີ 13:5

ຈົ່ງ​ໃຫ້​ການ​ດຳເນີນ​ຊີວິດ​ຂອງ​ພວກເຈົ້າ ເວັ້ນ​ຈາກ​ການ​ຮັກເງິນ​ຮັກຄຳ. ຈົ່ງ​ພໍໃຈ​ໃນ​ສິ່ງ​ທີ່​ຕົນ​ມີ​ຢູ່ ເພາະ​ພຣະເຈົ້າ​ເອງ​ຊົງ​ກ່າວ​ວ່າ, “ເຮົາ​ຈະ​ບໍ່​ປະ​ເຈົ້າ ຫລື​ຖິ້ມ​ເຈົ້າ​ເສຍ​ຈັກເທື່ອ.”

ຢາໂກໂບ 1:10

ແຕ່​ໃຫ້​ຄົນ​ຮັ່ງມີ ຈົ່ງ​ອວດອ້າງ​ໃນ​ການ​ທີ່​ພຣະເຈົ້າ​ຊົງ​ໃຫ້​ຕົກຕໍ່າ​ລົງ ເພາະວ່າ​ຕົນ​ຈະ​ຕ້ອງ​ລ່ວງລັບ​ໄປ​ເໝືອນດັ່ງ​ດອກ​ຫຍ້າ.