ອົບພະຍົບ 19:21 - ພຣະຄຳພີສັກສິ

²¹ ແລ້ວ​ພຣະເຈົ້າຢາເວ​ກໍ​ບອກ​ໂມເຊ​ວ່າ, “ຈົ່ງ​ລົງ​ໄປ​ເຕືອນ​ປະຊາຊົນ ບໍ່​ໃຫ້​ຂ້າມ​ເຂດ​ເຂົ້າ​ມາ​ເບິ່ງ​ພຣະເຈົ້າຢາເວ, ຖ້າ​ພວກເຂົາ​ຂືນ​ຂຶ້ນ​ມາ​ທີ່​ນີ້​ຈະ​ມີ​ຫລາຍ​ຄົນ​ຕາຍ.

ອົບພະຍົບ 19:21 Jak'a apnaqawi uñst'ayäwi

ອົບພະຍົບ 3:3

ໂມເຊ​ຄິດ​ໃນ​ໃຈ​ວ່າ, “ບະ! ປະຫລາດ​ແທ້ໆ ເປັນຫຍັງ​ພຸ່ມໄມ້​ຈຶ່ງ​ບໍ່​ໄໝ້. ເຮົາ​ຈະ​ລອງ​ເຂົ້າ​ໄປ​ໃກ້ໆ​ເບິ່ງດູ.”

ອົບພະຍົບ 3:5

ພຣະເຈົ້າ​ບອກ​ວ່າ, “ຢ່າ​ຫຍັບ​ເຂົ້າ​ມາ​ໃກ້​ອີກ​ເປັນ​ເດັດຂາດ. ຈົ່ງ​ຖອດ​ເກີບ​ອອກ​ສາ ເພາະວ່າ​ເຈົ້າ​ກຳລັງ​ຢືນ​ຢູ່​ທີ່​ບ່ອນ​ສັກສິດ.

ອົບພະຍົບ 33:20

ເຈົ້າ​ຈະ​ບໍ່​ເຫັນ​ໜ້າ​ເຮົາ ເພາະວ່າ​ບໍ່ມີ​ຜູ້ໃດ​ທີ່​ໄດ້​ເຫັນ​ໜ້າ​ເຮົາ​ແລ້ວ​ມີ​ຊີວິດ​ຢູ່.”

ປັນຍາຈານ 5:1

ຈົ່ງ​ລະມັດ​ລະວັງ ເມື່ອ​ເຂົ້າ​ໄປ​ໃນ​ພຣະວິຫານ ເຂົ້າ​ໄປ​ໃນ​ທີ່ນັ້ນ​ເພື່ອ​ສຶກສາ​ຮຽນຮູ້ ກໍດີກວ່າ​ເຂົ້າ​ໄປ​ຖວາຍ​ເຄື່ອງ​ບູຊາ ດັ່ງ​ຄົນໂງ່ຈ້າ​ທີ່​ບໍ່​ຮູ້ຈັກ​ຜິດ​ຈັກ​ຖືກ.

ຈົດບັນຊີ 4:15

ເມື່ອ​ເຖິງ​ເວລາ​ຍົກຍ້າຍ​ຄ້າຍພັກ ໃຫ້​ຄົນ​ໃນ​ຕະກຸນ​ໂກຮາດ​ຫາມ​ເຄື່ອງ​ອັນ​ບໍຣິສຸດ​ເຫຼົ່ານີ້​ໄປ ຫລັງຈາກ​ອາໂຣນ​ແລະ​ພວກ​ລູກຊາຍ​ຂອງ​ລາວ​ໄດ້​ປົກຄຸມ​ຫຸ້ມຫໍ່​ແລ້ວ. ຄົນ​ໃນ​ຕະກຸນ​ໂກຮາດ​ບໍ່​ຕ້ອງ​ແຕະຕ້ອງ​ເຄື່ອງໃຊ້​ອັນ​ບໍຣິສຸດ​ນີ້​ເດັດຂາດ ຖ້າ​ແຕະຕ້ອງ ພວກເຂົາ​ຈະ​ຕ້ອງ​ຕາຍ. ເມື່ອ​ຍົກຍ້າຍ​ຫໍເຕັນ​ບ່ອນ​ຊຸມນຸມ​ເທື່ອໃດ ຄົນ​ໃນ​ຕະກຸນ​ໂກຮາດ​ຈະ​ຕ້ອງ​ຮັບ​ໜ້າທີ່​ດັ່ງ​ກ່າວ​ນີ້​ທຸກ​ຄັ້ງ.

ຈົດບັນຊີ 4:18

“ຢ່າ​ປ່ອຍ​ໃຫ້​ຕະກຸນ​ໂກຮາດ​ຕ້ອງ​ຖືກ​ຂ້າ

ຈົດບັນຊີ 4:19

ໂດຍ​ເຂົ້າ​ມາ​ໃກ້​ສິ່ງຂອງ​ບໍຣິສຸດ​ທີ່ສຸດ​ເຫຼົ່ານີ້. ເພື່ອ​ປ້ອງກັນ​ບໍ່​ໃຫ້​ເຫດ​ເກີດຂຶ້ນ​ໄດ້ ໃຫ້​ອາໂຣນ​ແລະ​ພວກ​ລູກຊາຍ​ຂອງ​ລາວ​ເຂົ້າ​ໄປ​ກຳກັບ​ບອກ​ພວກເຂົາ​ວ່າ ສິ່ງໃດ​ຄວນ​ເຮັດ​ແລະ​ສິ່ງໃດ​ຄວນ​ຫ້າມ.

ຈົດບັນຊີ 4:20

ແຕ່​ຖ້າ​ຄົນ​ໃນ​ຕະກຸນ​ໂກຮາດ​ຫາກ​ເຂົ້າ​ໄປ​ໃນ​ຫໍເຕັນ ເບິ່ງ​ປະໂຣຫິດ​ປົກຄຸມ​ຫຸ້ມຫໍ່​ສິ່ງ​ຂອງ​ສັກສິດ​ເພື່ອ​ຍົກຍ້າຍ ພວກເຂົາ​ຈະ​ຕ້ອງ​ຕາຍ.”

ພຣະບັນຍັດສອງ 5:5

ຂ້າພະເຈົ້າ​ໄດ້​ຢືນ​ຢູ່​ທາງ​ກາງ​ລະຫວ່າງ​ພວກເຈົ້າ ແລະ​ພຣະເຈົ້າຢາເວ​ໃນ​ຄາວ​ນັ້ນ ເພື່ອ​ບອກ​ສິ່ງ​ທີ່​ພຣະອົງ​ໄດ້​ກ່າວ​ໃຫ້​ພວກເຈົ້າ​ຮູ້ ເພາະ​ພວກເຈົ້າ​ຢ້ານ​ແປວໄຟ​ແລະ​ບໍ່​ກ້າ​ຂຶ້ນ​ມາ​ເທິງ​ພູ. ພຣະເຈົ້າຢາເວ​ກ່າວ​ວ່າ,

1 ຊາມູເອນ 6:19

ພຣະເຈົ້າຢາເວ​ໄດ້​ຂ້າ​ຊາວ​ເມືອງ​ເບັດເຊເມດ​ເຈັດສິບ​ຄົນ ຍ້ອນ​ພວກເຂົາ​ຊ່ອງເບິ່ງ​ຫີບ​ຂອງ​ພຣະເຈົ້າຢາເວ. ປະຊາຊົນ​ໄດ້​ໄວ້ທຸກ​ໃຫ້ ເພາະ​ພຣະເຈົ້າຢາເວ​ໄດ້​ໃຫ້​ເກີດ​ການ​ເຂັ່ນຂ້າ​ເປັນ​ໝູ່​ຢ່າງໜັກ​ໃນ​ທ່າມກາງ​ພວກເຂົາ.