ອົບພະຍົບ 18:4 - ພຣະຄຳພີສັກສິ

⁴ ເພິ່ນ​ກ່າວ​ອີກ​ວ່າ, “ພຣະເຈົ້າ​ຂອງ​ພໍ່​ຂ້ອຍ​ເປັນ​ຜູ້​ຊ່ວຍເຫຼືອ​ຂ້ອຍ ໃຫ້​ພົ້ນ​ຈາກ​ການ​ນຳລ່າ​ສັງຫານ​ຂອງ​ກະສັດ​ຟາໂຣ​ແຫ່ງ​ເອຢິບ.” ສະນັ້ນ ເພິ່ນ​ຈຶ່ງ​ໄດ້​ໃສ່​ຊື່​ໃຫ້​ລູກຊາຍ​ອີກ​ຜູ້ໜຶ່ງ​ວ່າ ເອລີເອເຊ. )

ອົບພະຍົບ 18:4 Jak'a apnaqawi uñst'ayäwi

ປະຖົມມະການ 49:25

ຍ້ອນ​ຄວາມ​ຊ່ວຍຊູ​ຂອງ​ພຣະເຈົ້າ​ແຫ່ງ​ພຣະ​ບິດາ ອົງ​ຊົງຣິດ​ອຳນາດ​ຍິ່ງໃຫຍ່​ຖອກເທ​ພອນ​ລົງ​ມາ ເໝືອນ​ດັ່ງ​ຫ່າຝົນ​ເທ​ລົງ​ມາ​ສູ່​ພິພົບ ປັດຖະພີ​ບໍ່​ຫລົບຫລີກ​ໄດ້​ເລີຍ​ໄປ​ສູ່​ພື້ນ​ທ້ອງ​ທາລາ. ໂດຍ​ອວຍພອນ​ໃຫ້​ມີ​ລົ້ນ ທັງ​ຝູງງົວ​ແລະ​ລູກຫລານ​ຕື່ມ ໃຫ້​ເປັນ​ກໍ​ເປັນ​ເຫງົ້າ​ຢ່າງ​ຫລວງຫລາຍ.

1 ຂ່າວຄາວ 23:15

ໂມເຊ​ມີ​ລູກຊາຍ​ສອງ​ຄົນ ດັ່ງນີ້: ເກໂຊມ ແລະ​ເອລີເອເຊ.

1 ຂ່າວຄາວ 23:17

ເອລີເອເຊ​ມີ​ລູກຊາຍ​ພຽງ​ຄົນ​ດຽວ​ເທົ່ານັ້ນ​ຊື່​ວ່າ ເຣຮາບີຢາ​ເປັນ​ຫົວໜ້າ ແຕ່​ເຣຮາບີຢາ​ມີ​ເຊື້ອສາຍ​ຫລາຍ​ຄົນ.

ເພງ^ສັນລະເສີນ 18:1

ຂ້າແດ່​ພຣະເຈົ້າຢາເວ ຂ້ານ້ອຍ​ຮັກ​ພຣະອົງ ພຣະອົງ​ເປັນ​ຜູ້​ປ້ອງກັນ​ຂອງ​ຂ້ານ້ອຍ.

ເພງ^ສັນລະເສີນ 18:48

ພຣະອົງ​ຊ່ວຍ​ເອົາ​ຂ້ານ້ອຍ​ໃຫ້​ພົ້ນ ຈາກ​ເຫຼົ່າ​ສັດຕູ​ຂອງ​ຂ້ານ້ອຍ​ແລ້ວ. ຂ້າແດ່​ພຣະເຈົ້າຢາເວ ພຣະອົງ​ໄດ້​ໃຫ້​ຂ້ານ້ອຍ​ມີໄຊ​ເໜືອ​ສັດຕູ ທັງ​ຮັກສາ​ຂ້ານ້ອຍ​ຈາກ​ຄົນ​ທີ່​ໂຫດຮ້າຍ.

ເພງ^ສັນລະເສີນ 34:4

ຂ້ານ້ອຍ​ພາວັນນາ​ອະທິຖານ​ຫາ​ພຣະເຈົ້າຢາເວ ແລະ​ຄຳຕອບ​ກໍ​ມີ​ມາ ຊົງ​ປົດປ່ອຍ​ຂ້ານ້ອຍ​ຈາກ​ຄວາມ​ຢ້ານ​ທັງສິ້ນ.

ເພງ^ສັນລະເສີນ 46:1

ພຣະເຈົ້າ​ເປັນ​ທີ່​ກຳບັງ​ແລະ​ກຳລັງ​ຂອງ​ພວກ​ຂ້ານ້ອຍ ພຣະອົງ​ພ້ອມ​ຊ່ວຍເຫຼືອ​ໃນ​ຄາວ​ພວກ​ຂ້ານ້ອຍ​ຍາກ​ລຳບາກ.

ອົບພະຍົບ 10:28

ເພິ່ນ​ກ່າວ​ຕໍ່​ໂມເຊ​ວ່າ, “ອອກ​ໜີໄປ​ຈາກ​ນີ້ ຢ່າ​ສູ່​ມາ​ໃຫ້​ເຮົາ​ເຫັນ​ໜ້າ​ເຈົ້າ​ອີກ​ຈັກເທື່ອ ຖ້າ​ເຈົ້າ​ມາ​ໃຫ້​ເຮົາ​ເຫັນ ເຈົ້າ​ຈະ​ຕ້ອງ​ຕາຍ.”

ອົບພະຍົບ 2:15

ເມື່ອ​ກະສັດ​ຟາໂຣ​ໄດ້​ຮູ້​ເລື່ອງ​ນີ້ ເພິ່ນ​ຈຶ່ງ​ພະຍາຍາມ​ຫາ​ຊ່ອງທາງ​ຂ້າ​ໂມເຊ, ແຕ່​ໂມເຊ​ໄດ້​ເອົາ​ຕົວ​ຫລົບ​ໜີໄປ​ຢູ່​ດິນແດນ​ມີດີອານ​ເສຍ​ກ່ອນ. ພໍ​ໂມເຊ​ໄປ​ຮອດ​ທີ່​ນັ້ນ ລາວ​ກໍ​ນັ່ງ​ລົງ​ພັກຜ່ອນ​ເອົາ​ແຮງ​ຢູ່​ໃກ້​ບໍ່ນໍ້າສ້າງ​ແຫ່ງ​ໜຶ່ງ.

ອົບພະຍົບ 2:22

ນາງ​ໄດ້​ເກີດ​ລູກຊາຍ​ຜູ້ໜຶ່ງ​ໃຫ້​ໂມເຊ ແລະ​ໂມເຊ​ຄິດ​ໃນ​ໃຈ​ວ່າ, “ຂ້ອຍ​ເປັນ​ຄົນ​ຕ່າງດ້າວ​ທີ່​ໄດ້​ມາ​ອາໄສ​ຢູ່​ໃນ​ປະເທດ​ນີ້. ສະນັ້ນ ຂ້ອຍ​ຈຶ່ງ​ຈະ​ໃສ່​ຊື່​ໃຫ້​ລູກຊາຍ​ຜູ້​ນີ້​ວ່າ ເກໂຊມ.”

ອົບພະຍົບ 4:20

ສະນັ້ນ ໂມເຊ​ຈຶ່ງ​ຈັດແຈ່ງ​ໃຫ້​ລູກ​ເມຍ​ຂຶ້ນ​ຂີ່​ລໍ ແລະ​ກັບຄືນ​ສູ່​ປະເທດ​ເອຢິບ. ສ່ວນ​ເພິ່ນ​ເອງ​ໄດ້​ຖື​ໄມ້ຄ້ອນເທົ້າ​ຂອງ​ພຣະເຈົ້າ​ໄປ​ນຳ.

ດານີເອນ 6:22

ພຣະເຈົ້າ​ໄດ້​ໃຊ້​ເທວະດາ​ຂອງ​ພຣະອົງ​ມາ​ອັດ​ປາກ​ສິງ​ໄວ້ ເພື່ອ​ບໍ່​ໃຫ້​ມັນ​ທຳຮ້າຍ​ຂ້ານ້ອຍ. ຂ້າແດ່​ພະຣາຊາ ພຣະເຈົ້າ​ໄດ້​ເຮັດ​ດັ່ງນີ້​ຍ້ອນ​ພຣະອົງ​ຮູ້ວ່າ ຂ້ານ້ອຍ​ບໍ່ມີ​ຄວາມຜິດ​ຫຍັງ​ແລະ​ຂ້ານ້ອຍ​ກໍ​ບໍ່ໄດ້​ເຮັດ​ຜິດ​ຫຍັງ​ຕໍ່​ທ່ານ.”

ກິດຈະການ 12:11

ແລ້ວ​ເປໂຕ​ກໍ​ຮູ້ສຶກ​ຕົວ​ໂດຍ​ຮູ້​ວ່າ​ແມ່ນ​ຫຍັງ​ໄດ້​ເກີດຂຶ້ນ​ກັບ​ຕົນ, ເພິ່ນ​ກ່າວ​ວ່າ, “ບັດນີ້​ເຮົາ​ຮູ້​ແນ່​ແລ້ວ​ວ່າ ອົງພຣະ​ຜູ້​ເປັນເຈົ້າ​ໄດ້​ໃຊ້​ເທວະດາ​ຂອງ​ພຣະອົງ ມາ​ຊ່ວຍ​ກອບກູ້​ເອົາ​ເຮົາ​ໃຫ້​ພົ້ນ​ຈາກ​ມື​ຂອງ​ເຮໂຣດ ແລະ​ຈາກ​ການ​ປອງຮ້າຍ​ຂອງ​ພວກ​ຢິວ.”

ກິດຈະການ 7:29

ເມື່ອ​ໂມເຊ​ໄດ້ຍິນ​ດັ່ງນີ້​ແລ້ວ ເພິ່ນ​ຈຶ່ງ​ປົບໜີໄປ​ອາໄສ​ຢູ່​ໃນ​ດິນແດນ​ມີດີອານ ໃນ​ທີ່ນັ້ນ​ເພິ່ນ​ມີ​ລູກຊາຍ​ສອງ​ຄົນ.

2 ຕີໂມທຽວ 4:17

ແຕ່​ອົງພຣະ​ຜູ້​ເປັນເຈົ້າ​ສະຖິດ​ຢູ່​ກັບ​ເຮົາ ແລະ​ຊູ​ກຳລັງ​ເຮົາ​ຂຶ້ນ ເພື່ອ​ໃຫ້​ເຮົາ​ສາມາດ​ປະກາດ​ຂ່າວປະເສີດ​ອັນ​ຄົບຖ້ວນ ແກ່​ຄົນຕ່າງຊາດ​ທຸກຄົນ ແລະ​ເຮົາ​ກໍໄດ້​ຖືກ​ຊ່ວຍກູ້​ເອົາ​ໃຫ້​ພົ້ນ​ຈາກ​ປາກ​ຂອງ​ສິງໂຕ.

ເຮັບເຣີ 11:34

ໄດ້​ມອດ​ໄຟ​ອັນ​ຮ້ອນກ້າ, ໄດ້​ພົ້ນ​ຈາກ​ຄົມ​ດາບ​ຂອງ​ຄູ່​ຕໍ່ສູ້. ເຖິງ​ແມ່ນ​ວ່າ​ພວກເພິ່ນ​ອ່ອນແອ, ແຕ່​ພວກເພິ່ນ​ກໍ​ກັບ​ກາຍເປັນ​ຄົນ​ເຂັ້ມແຂງ, ມີ​ກຳລັງ​ຄວາມ​ສາມາດ​ອົງອາດ​ກ້າຫານ ແລະ​ໄດ້​ຕີ​ບັນດາ​ກອງທັບ​ຂອງ​ຊາວ​ຕ່າງ​ປະເທດ​ໃຫ້​ແຕກ​ໜີໄປ.

ເຮັບເຣີ 13:6

ດ້ວຍເຫດນັ້ນ ຈົ່ງ​ໃຫ້​ພວກເຮົາ​ມີ​ໃຈ​ກ້າ ແລະ​ກ່າວ​ວ່າ, “ອົງພຣະ​ຜູ້​ເປັນເຈົ້າ ເປັນ​ພຣະ​ຜູ້​ຊ່ວຍ​ຂອງ​ຂ້າພະເຈົ້າ ແລະ ຂ້າພະເຈົ້າ​ຈະ​ບໍ່​ຢ້ານກົວ. ມີ​ຜູ້ໃດ​ແດ່​ຈະ​ເຮັດ​ຫຍັງ ໃຫ້​ຂ້າພະເຈົ້າ​ໄດ້.”