ອົບພະຍົບ 18:13 - ພຣະຄຳພີສັກສິ

¹³ ໃນ​ມື້​ຕໍ່ມາ ໂມເຊ​ໄດ້​ອອກ​ມາ​ນັ່ງ​ພິຈາລະນາ​ເພື່ອ​ຕັດສິນຄວາມ​ໃຫ້​ປະຊາຊົນ ເພິ່ນ​ໄດ້​ຫຍຸ້ງ​ຢູ່​ກັບ​ວຽກ​ແຕ່​ເຊົ້າ​ຈົນ​ຮອດ​ຄໍ່າ.

ອົບພະຍົບ 18:13 Jak'a apnaqawi uñst'ayäwi

ພຣະທຳ​ໂຢບ 29:7

ເທື່ອໃດ​ທີ່​ເຖົ້າແກ່​ໃນ​ເມືອງ​ນັດພົບ​ປະຊຸມກັນ ເທື່ອນັ້ນ​ຂ້ອຍ​ກໍ​ມີໜ້າ​ຢູ່ນຳ​ໃນ​ທີ່​ປະຊຸມ​ຜູ້ໜຶ່ງ.

ອົບພະຍົບ 18:12

ແລ້ວ​ເຢທະໂຣ​ກໍ​ຂ້າ​ສັດ​ເຜົາ​ທັງ​ໂຕ ແລະ​ເອົາ​ເຄື່ອງ​ບູຊາ​ອື່ນໆ​ຖວາຍ​ແກ່​ພຣະເຈົ້າ; ຝ່າຍ​ອາໂຣນ ແລະ​ພວກ​ຜູ້ນຳ​ກໍໄດ້​ໄປ​ຮ່ວມ​ກິນ​ເຂົ້າຈີ່​ຮ່ວມ​ກັບ​ພໍ່ເຖົ້າ​ຂອງ​ໂມເຊ ເພື່ອ​ເປັນ​ການ​ນະມັດສະການ​ພຣະເຈົ້າ.

ອົບພະຍົບ 18:14

ເມື່ອ​ເຢທະໂຣ​ໄດ້​ເຫັນ​ທຸກໆ​ສິ່ງ​ທີ່​ໂມເຊ​ເຮັດ ເພິ່ນ​ຈຶ່ງ​ຖາມ​ວ່າ, “ວຽກ​ທັງໝົດ​ທີ່​ເຈົ້າ​ກຳລັງ​ເຮັດ​ຢູ່​ນີ້​ເພື່ອ​ປະຊາຊົນ​ບໍ່ແມ່ນ​ບໍ? ດ້ວຍເຫດໃດ​ເຈົ້າ​ຈຶ່ງ​ເຮັດ​ຜູ້​ດຽວ ໂດຍ​ປ່ອຍ​ປະຊາຊົນ​ໃຫ້​ຢືນ​ຢູ່​ທີ່​ນີ້​ແຕ່​ເຊົ້າ​ຮອດ​ຄໍ່າ ເພື່ອ​ຂໍ​ຄວາມເຫັນ​ຈາກ​ເຈົ້າ?”

ເອຊາຢາ 16:5

ແລ້ວ​ເຊື້ອສາຍ​ຜູ້ໜຶ່ງ​ຂອງ​ດາວິດ​ກໍ​ຈະ​ຂຶ້ນ​ເປັນ​ກະສັດ ແລະ​ເພິ່ນ​ຈະ​ປົກຄອງ​ປະຊາຊົນ​ດ້ວຍ​ຄວາມຮັກ​ແລະ​ຄວາມສັດຊື່. ເພິ່ນ​ຈະ​ຟ້າວ​ລົງມື​ເຮັດ​ໃນ​ສິ່ງ​ທີ່​ຖືກຕ້ອງ ແລະ​ເພິ່ນ​ຈະ​ຄອຍເບິ່ງ​ວ່າ​ມີ​ຄວາມ​ຍຸດຕິທຳ​ຫລືບໍ?)

ໂຢເອນ 3:12

“ບັນດາ​ຊົນຊາດ​ຕ້ອງ​ຕຽມ​ມາ​ສູ່​ຮ່ອມພູ​ຕັດສິນ ບ່ອນ​ທີ່​ເຮົາ​ຈະ​ນັ່ງ​ຕັດສິນ​ທຸກ​ຊົນຊາດ​ອ້ອມແອ້ມ.

ມັດທາຍ 23:2

“ພວກ​ທຳມະຈານ​ແລະ​ພວກ​ຟາຣີຊາຍ ມີ​ຄວາມ​ຊຳນິ​ຊຳນານ​ທາງ​ດ້ານ​ກົດບັນຍັດ​ຂອງ​ໂມເຊ.

ໂຣມ 12:8

ຖ້າ​ເປັນ​ການ​ໜູນໃຈ ກໍ​ຈົ່ງ​ໜູນໃຈ ຖ້າ​ເປັນ​ການ​ບໍລິຈາກ ກໍ​ຈົ່ງ​ເຮັດ​ດ້ວຍ​ໃຈ​ສັດທາ​ເພື່ອ​ແຜ່ ຜູ້​ມີ​ສິດ​ອຳນາດ ກໍ​ຈົ່ງ​ເຮັດ​ດ້ວຍ​ຄວາມ​ເອົາໃຈໃສ່ ຜູ້​ສະແດງ​ຄວາມ​ເມດຕາ​ຕໍ່​ຄົນອື່ນ ກໍ​ຈົ່ງ​ເຮັດ​ດ້ວຍ​ໃຈ​ຍິນດີ.

ໂຣມ 13:6

ຍ້ອນ​ເຫດຜົນ​ຢ່າງ​ດຽວກັນ​ນີ້​ແຫຼະ ພວກເຈົ້າ​ຈົ່ງ​ເສຍ​ພາສີ ເພາະ​ຜູ້​ມີ​ອຳນາດ​ນັ້ນ ເປັນ​ຜູ້ຮັບໃຊ້​ຂອງ​ພຣະເຈົ້າ ເພິ່ນ​ກຳລັງ​ເຮັດ​ໜ້າທີ່​ນີ້​ຢູ່.

ພວກ^ຜູ້ປົກຄອງ 5:10

ພວກ​ທີ່​ນັ່ງ​ເທິງ​ອານ​ແລະ​ຂີ່​ໂຕ​ລໍ​ຂາວ ຜູ້​ທີ່​ຍ່າງ​ໄປມາ ຈົ່ງ​ກ່າວ​ເຖິງ​ເລື່ອງນີ້.