ອົບພະຍົບ 17:12 - ພຣະຄຳພີສັກສິ

¹² ເມື່ອ​ເຫັນ​ແຂນ​ຂອງ​ໂມເຊ​ອ່ອນ​ລົງ​ເພາະ​ຄວາມ​ອິດເມື່ອຍ ອາໂຣນ​ກັບ​ຮູເຣ​ກໍໄດ້​ຫາ​ກ້ອນຫີນ​ມາ​ໃຫ້​ໂມເຊ​ນັ່ງ; ໃນ​ເວລາ​ດຽວກັນ​ນັ້ນ ພວກເຂົາ​ກໍ​ຢືນ​ຈັບ​ແຂນ​ໂມເຊ​ຍົກ​ຂຶ້ນ​ຈົນກວ່າ​ຕາເວັນ​ຕົກ​ດິນ.

ອົບພະຍົບ 17:12 Jak'a apnaqawi uñst'ayäwi

ເພງ^ສັນລະເສີນ 35:3

ຂໍ​ຊົງ​ໂຜດ​ຍົກ​ຫອກ​ຍົກ​ຂວານ​ຂຶ້ນ​ຕໍ່ສູ້​ພວກ​ທີ່​ໄລ່​ຕາມ​ມາ ໂຜດ​ສັນຍາ​ວ່າ​ພຣະອົງ​ຈະ​ຊ່ວຍ​ຂ້ານ້ອຍ​ໃຫ້​ພົ້ນ.

ອົບພະຍົບ 17:11

ການ​ສູ້ຮົບ​ເລີ່ມຂຶ້ນ ເມື່ອໃດ​ທີ່​ໂມເຊ​ຍົກ​ແຂນ​ຂຶ້ນ ຊາວ​ອິດສະຣາເອນ​ກໍ​ເປັນ​ຝ່າຍ​ໄດ້​ໄຊຊະນະ, ແຕ່​ພໍ​ໂມເຊ​ປ່ອຍ​ແຂນ​ລົງ ຝ່າຍ​ອາມາເຫຼັກ​ກໍ​ເລີ່ມ​ເປັນ​ຝ່າຍ​ໄດ້​ໄຊຊະນະ.

ອົບພະຍົບ 17:13

ໂດຍ​ວິທີ​ນີ້ ໂຢຊວຍ​ຈຶ່ງ​ໄດ້​ຊະນະ​ທະຫານ​ອາມາເຫຼັກ​ຢ່າງ​ສິ້ນເຊີງ.

ອົບພະຍົບ 24:14

ໂມເຊ​ໄດ້​ກ່າວ​ແກ່​ພວກ​ຜູ້ນຳ​ຂອງ​ຊາດ​ອິດສະຣາເອນ​ວ່າ, “ຈົ່ງ​ຄອຍ​ຖ້າ​ພວກເຮົາ​ຢູ່​ທີ່​ຄ້າຍພັກ​ນີ້ ຈົນກວ່າ​ພວກເຮົາ​ກັບ​ມາ. ອາໂຣນ​ກັບ​ຮູເຣ​ຈະ​ຢູ່​ທີ່​ນີ້​ກັບ​ພວກເຈົ້າ. ຖ້າ​ມີ​ເລື່ອງ​ຫຍັງ​ເກີດຂຶ້ນ ກໍ​ໃຫ້​ໄປ​ຫາ​ທ່ານ​ທັງສອງ​ນີ້​ໄກ່​ເກ່ຍ​ໃຫ້.”

ເອຊາຢາ 35:3

ຈົ່ງ​ໃຫ້​ກຳລັງ​ຜູ້​ທີ່​ມື​ອິດເມື່ອຍ​ອ່ອນແຮງ ຊູ​ແຮງ​ຫົວເຂົ່າ​ທີ່​ສັ່ນເຊັນ​ເພາະ​ຄວາມ​ອິດເມື່ອຍ.

2 ໂກຣິນໂທ 1:11

ຂໍ​ໃຫ້​ພວກເຈົ້າ​ຮ່ວມ​ກັນ​ຊ່ວຍ​ໃນ​ການ​ພາວັນນາ​ອະທິຖານ​ສຳລັບ​ເຮົາ​ດ້ວຍ ເພື່ອ​ວ່າ​ຄົນ​ຈຳນວນ​ຫລາຍ​ຈະ​ໄດ້​ໂມທະນາ​ຂອບພຣະຄຸນ​ພຣະເຈົ້າ​ເພາະ​ເຮົາ. ເນື່ອງ​ຈາກ​ພຣະພອນ​ທີ່​ຊົງ​ໂຜດ​ປະທານ​ແກ່​ພວກເຮົາ ອັນ​ເປັນ​ການ​ຕອບສະໜອງ​ຄົນ​ຈຳນວນ​ຫລາຍ​ທີ່​ໄດ້​ພາວັນນາ​ອະທິຖານ​ເພື່ອ​ພວກເຮົາ.

ເອເຟໂຊ 6:18

ຈົ່ງ​ພາວັນນາ​ອະທິຖານ ແລະ​ໄຫວ້ວອນ​ທຸກຢ່າງ ຈົ່ງ​ພາວັນນາ​ອະທິຖານ​ໂດຍ​ພຣະວິນຍານ​ທຸກ​ເວລາ ແລະ​ຈົ່ງ​ເຝົ້າ​ລະວັງ​ໃນ​ການ​ນັ້ນ ດ້ວຍ​ຄວາມ​ພຽນ​ທຸກຢ່າງ ຈົ່ງ​ພາວັນນາ​ອະທິຖານ​ເພື່ອ​ໄພ່ພົນ​ທັງປວງ​ຂອງ​ພຣະເຈົ້າ.

ຟີລິບປອຍ 1:19

ເພາະ​ເຮົາ​ຮູ້​ວ່າ ຍ້ອນ​ຄຳ​ພາວັນນາ​ອະທິຖານ​ຂອງ​ພວກເຈົ້າ ແລະ​ຄວາມ​ຊ່ວຍຊູ​ທີ່​ໄດ້​ຮັບ​ຈາກ​ພຣະວິນຍານ​ຂອງ​ພຣະເຢຊູ​ຄຣິດເຈົ້າ ສິ່ງ​ເຫຼົ່ານັ້ນ​ຈະ​ປົດປ່ອຍ​ເຮົາ​ໃຫ້​ເປັນ​ອິດສະຫລະ.

ໂກໂລຊາຍ 4:2

ຈົ່ງ​ອຸທິດ​ຕົວ​ໃນ​ການ​ພາວັນນາ​ອະທິຖານ ຈົ່ງ​ເຝົ້າ​ລະວັງ​ຢູ່​ໂດຍ​ການ​ໂມທະນາ​ຂອບພຣະຄຸນ​ພຣະເຈົ້າ.

1 ເທສະໂລນິກ 5:25

ພີ່ນ້ອງ​ທັງຫລາຍ​ເອີຍ, ຈົ່ງ​ພາວັນນາ​ອະທິຖານ​ເພື່ອ​ພວກເຮົາ​ດ້ວຍ.

ເຮັບເຣີ 12:12

ດ້ວຍເຫດນັ້ນ ຈົ່ງ​ຍົກ​ມື​ທີ່​ອ່ອນເພຍ​ເປ້ຍລ່ອຍ ແລະ​ຫົວເຂົ່າ​ທີ່​ອ່ອນ​ກຳລັງ​ຂອງ​ພວກເຈົ້າ ຈົ່ງ​ໃຫ້​ມີ​ກຳລັງ​ຂຶ້ນ

ຢາໂກໂບ 1:6

ແຕ່​ໃຫ້​ຜູ້ນັ້ນ​ທູນຂໍ​ດ້ວຍ​ຄວາມເຊື່ອ ຢ່າ​ໃຫ້​ມີ​ໃຈ​ສົງໄສ ເພາະ​ຜູ້​ທີ່​ສົງໄສ​ນັ້ນ ເປັນ​ເໝືອນ​ຟອງນໍ້າ​ທີ່​ຖືກ​ລົມ​ພັດ​ຊັດ​ໄປມາ.