ອົບພະຍົບ 16:34 - ພຣະຄຳພີສັກສິ

³⁴ ເພື່ອ​ກະທຳ​ຕາມ​ທີ່​ພຣະເຈົ້າຢາເວ​ສັ່ງ​ໄວ້​ກັບ​ໂມເຊ ອາໂຣນ​ຈຶ່ງ​ເອົາ​ໄຫ​ມານາ ມາ​ວາງ​ໄວ້​ຕໍ່ໜ້າ​ຫີບ​ພັນທະສັນຍາ ເພື່ອ​ຈະ​ເກັບຮັກສາ​ໄວ້.

ອົບພະຍົບ 16:34 Jak'a apnaqawi uñst'ayäwi

1 ກະສັດ 8:9

ໃນ​ຫີບ​ພັນທະສັນຍາ​ນັ້ນ​ມີ​ແຕ່​ຫີນ​ສອງ​ແຜ່ນ ຊຶ່ງ​ໂມເຊ​ໄດ້​ໃສ່​ໄວ້​ໃນ​ນັ້ນ​ຄາວ​ຢູ່​ທີ່​ພູເຂົາ​ຊີນາຍ ເມື່ອ​ພຣະເຈົ້າຢາເວ​ໄດ້​ເຮັດ​ພັນທະສັນຍາ​ກັບ​ປະຊາຊົນ​ອິດສະຣາເອນ ໃນ​ຂະນະທີ່​ພວກເຂົາ​ກຳລັງ​ອອກ​ມາ​ຈາກ​ປະເທດ​ເອຢິບ.

ອົບພະຍົບ 25:16

ແລ້ວ​ຈົ່ງ​ເອົາ​ຫີນ​ສອງ​ແຜ່ນ​ທີ່​ຈາລຶກ​ຂໍ້ຄຳສັ່ງ​ຂອງເຮົາ ທີ່​ເຮົາ​ຈະ​ໃຫ້​ເຈົ້າ​ນັ້ນ​ໃສ່​ລົງ​ໃນ​ຫີບ.

ອົບພະຍົບ 25:21

ຈົ່ງ​ເອົາ​ຫີນ​ສອງ​ແຜ່ນ​ໃສ່​ລົງ​ໃນ​ຫີບ​ນັ້ນ ແລະ​ເອົາ​ຝາອັດ​ຫີບ​ຢອງ​ໄວ້​ຢູ່​ທາງ​ເທິງ.

ອົບພະຍົບ 27:21

ໃຫ້​ອາໂຣນ ແລະ​ພວກ​ລູກຊາຍ​ຂອງ​ລາວ ເປັນ​ຜູ້​ບົວລະບັດ​ຮັກສາ​ຕະກຽງ ຢູ່​ຊ້ອງໜ້າ​ເຮົາ​ໃນ​ຫໍເຕັນ​ບ່ອນ​ຊຸມນຸມ​ເບື້ອງ​ນອກ ຄື​ຢູ່​ນອກ​ຜ້າກັ້ງ​ທາງ​ໜ້າ​ຂອງ​ຫີບ​ພັນທະສັນຍາ. ຈົ່ງ​ໄຕ້​ຕະກຽງ​ແຕ່​ຕອນ​ຄໍ່າ​ຈົນເຖິງ​ຕອນ​ຮຸ່ງ​ເຊົ້າ​ຢູ່​ຊ້ອງໜ້າ​ພຣະເຈົ້າຢາເວ. ຈົ່ງ​ໃຫ້​ຊາວ​ອິດສະຣາເອນ​ກັບ​ເຊື້ອສາຍ​ຂອງ​ພວກເຂົາ ຕັ້ງໃຈ​ໃສ່​ປະຕິບັດ​ຕາມ​ຄຳສັ່ງ​ນີ້​ຕະຫລອດໄປ.”

ອົບພະຍົບ 30:36

ຈົ່ງ​ເອົາ​ສ່ວນ​ໜຶ່ງ​ມາ​ຕຳ​ໃຫ້​ໝຸ່ນ​ລະອຽດ ແລ້ວ​ນຳ​ໄປ​ທີ່​ຫໍເຕັນ​ບ່ອນ​ຊຸມນຸມ ແລະ​ໂຮຍ​ໃສ່​ຕໍ່ໜ້າ​ຫີບ​ພັນທະສັນຍາ. ຈົ່ງ​ຮັກສາ​ເຄື່ອງຫອມ​ນີ້​ໄວ້​ໃຫ້​ສັກສິດ​ທີ່ສຸດ.

ອົບພະຍົບ 30:6

ໃຫ້​ຕັ້ງ​ແທ່ນບູຊາ​ນັ້ນ​ໄວ້​ຂ້າງ​ນອກ​ຜ້າກັ້ງ ຊຶ່ງ​ກາງ​ຢູ່​ຕໍ່ໜ້າ​ຫີບ​ພັນທະສັນຍາ. ຢູ່​ໃນ​ທີ່ນັ້ນ​ແຫຼະ ແມ່ນ​ບ່ອນ​ທີ່​ເຮົາ​ຈະ​ພົບ​ກັບ​ເຈົ້າ.

ອົບພະຍົບ 31:18

ເມື່ອ​ພຣະເຈົ້າ​ໄດ້​ກ່າວ​ກັບ​ໂມເຊ​ທີ່​ເທິງ​ພູເຂົາ​ຊີນາຍ​ຈົບ​ແລ້ວ ພຣະອົງ​ໄດ້​ເອົາ​ຫີນ​ສອງ​ແຜ່ນ ຊຶ່ງ​ໄດ້​ຈາລຶກ​ຂໍ້ຄຳສັ່ງ​ຂອງ​ພຣະອົງ ຊຶ່ງ​ຂຽນ​ໂດຍ​ພຣະຫັດ(ມື)​ຂອງ​ພຣະເຈົ້າ​ເອງ​ນັ້ນ ຍື່ນໃຫ້​ໂມເຊ.

ອົບພະຍົບ 38:21

ຕໍ່ໄປນີ້​ແມ່ນ​ບັນຊີ​ຈຳນວນ​ໂລຫະ​ທີ່​ໄດ້​ໃຊ້​ສ້າງ​ຫໍເຕັນ​ສັກສິດ, ຫໍເຕັນ​ສັກສິດ​ແຫ່ງ​ຄຳພິຍານ ບ່ອນ​ມີ​ຫີນ​ສອງ​ແຜ່ນ​ຈາລຶກ​ຄຳສັ່ງ​ຂອງ​ພຣະເຈົ້າ​ສິບ​ຂໍ້​ຖືກ​ບັນຈຸ​ໄວ້. ບັນຊີ​ນີ້​ໄດ້​ຂຽນ​ຂຶ້ນ​ຕາມ​ຄຳສັ່ງ​ຂອງ​ໂມເຊ ແລະ​ຊາວ​ເລວີ ເປັນ​ຜູ້​ລົງ​ມື​ປະຕິບັດ​ງານ ພາຍໃຕ້​ການ​ຊີ້ນຳ​ຂອງ​ອີທາມາ ລູກຊາຍ​ຂອງ​ປະໂຣຫິດ​ອາໂຣນ.

ອົບພະຍົບ 40:20

ແລ້ວ​ເພິ່ນ​ກໍ​ເອົາ​ຫີນ​ສອງ​ແຜ່ນ​ໃສ່​ລົງ​ໃນ​ຫີບ​ພັນທະສັນຍາ. ເພິ່ນ​ສອດ​ຄານຫາມ​ຄາ​ໄວ້ ແລະ​ເອົາ​ພຣະທີ່ນັ່ງ​ແຫ່ງ​ພຣະຄຸນ​ຊຶ່ງ​ເປັນ​ຝາ ອັດ​ເທິງ​ຫີບ​ນັ້ນ.

ຈົດບັນຊີ 1:50

ແຕ່​ໃຫ້​ພວກເຂົາ​ກຳ​ກັບ​ຫໍເຕັນ​ສັກສິດ​ແຫ່ງ​ພັນທະສັນຍາ, ແລະ​ກຳ​ກັບ​ເຄື່ອງໃຊ້​ປະຈຳ​ແລະ​ສິ່ງຂອງ​ໃນນັ້ນ​ທັງໝົດ; ພວກເຂົາ​ຈະ​ແບກຫາມ​ຫໍເຕັນ​ສັກສິດ ແລະ​ເຄື່ອງໃຊ້​ຕ່າງໆ​ປະຈຳ​ຫໍເຕັນ​ສັກສິດ ຕະຫລອດ​ທັງ​ຮັບໃຊ້​ຢູ່​ໃນ​ທີ່ນັ້ນ ແລະ​ຕັ້ງ​ທີ່ພັກ​ອ້ອມຮອບ​ທີ່​ນັ້ນ​ດ້ວຍ.

ຈົດບັນຊີ 1:53

ສ່ວນ​ພວກ​ເລວີ​ນັ້ນ ພວກເຂົາ​ຈະ​ຕ້ອງ​ຕັ້ງ​ຄ້າຍ​ອ້ອມຮອບ​ຫໍເຕັນ​ສັກສິດ​ແຫ່ງ​ພັນທະສັນຍາ​ໄວ້ ເພື່ອ​ຈະ​ບໍ່ມີ​ໃຜ​ເຂົ້າ​ມາ​ໃກ້ ແລະ​ກໍ່​ເຫດ​ໃຫ້​ມີ​ຄວາມ​ໂກດຮ້າຍ​ຕໍ່​ຊຸມຊົນ​ອິດສະຣາເອນ​ໄດ້. ໃຫ້​ພວກ​ເລວີ​ເຝົ້າຮັກສາ​ຫໍເຕັນ​ສັກສິດ​ແຫ່ງ​ພັນທະສັນຍາ​ໄວ້.”

ຈົດບັນຊີ 17:10

ແລະ​ພຣະເຈົ້າຢາເວ​ໄດ້​ກ່າວ​ຕໍ່​ໂມເຊ​ວ່າ, “ຈົ່ງ​ເອົາ​ໄມ້ຄ້ອນເທົ້າ​ຂອງ​ອາໂຣນ ໄປ​ວາງ​ໄວ້​ຕໍ່ໜ້າ​ຫີບ​ພັນທະສັນຍາ ເພື່ອ​ຮັກສາ​ໄວ້​ເປັນ​ສິ່ງ​ເຕືອນໃຈ​ຊາວ​ອິດສະຣາເອນ​ຜູ້​ກະບົດ​ຕໍ່​ເຮົາ​ວ່າ ພວກເຂົາ​ຈະ​ເຊົາ​ຈົ່ມຮ້າຍ​ຕໍ່​ເຮົາ ເພື່ອ​ພວກເຂົາ​ຈະ​ບໍ່​ຕາຍ.”

ພຣະບັນຍັດສອງ 10:5

ແລະ​ຂ້າພະເຈົ້າ​ໄດ້​ກັບ​ລົງ​ມາ​ຈາກ​ພູ. ໂດຍ​ໄດ້​ເຮັດ​ຕາມ​ຄຳສັ່ງ​ຂອງ​ພຣະເຈົ້າຢາເວ ຂ້າພະເຈົ້າ​ໄດ້​ເອົາ​ແຜ່ນ​ຫີນ​ໃສ່​ໃນ​ຫີບ​ໄວ້ ແລະ​ມັນ​ກໍ​ຢູ່​ໃນ​ທີ່ນັ້ນ​ຕະຫລອດ​ມາ.” (