ອົບພະຍົບ 15:9 - ພຣະຄຳພີສັກສິ

⁹ ສັດຕູ​ເວົ້າ​ວ່າ, ‘ຂ້ອຍ​ຈະ​ຕາມລ່າ​ຈັບ​ກຸມ​ເອົາ​ພວກເຂົາ ຂ້ອຍ​ຈະ​ແບ່ງປັນ​ຊັບສິນ​ຂອງ​ພວກເຂົາ​ໃຫ້​ໄດ້; ແລະ​ຢຶດເອົາ​ສິ່ງ​ທີ່​ຂ້ອຍ​ຕ້ອງການ​ທັງໝົດ​ໄປ ຂ້ອຍ​ຈະ​ຊັກ​ດາບ​ແລະ​ຢຶດ​ສິ່ງ​ຂອງ​ທີ່​ພວກເຂົາ​ມີ​ນັ້ນ.’

ອົບພະຍົບ 15:9 Jak'a apnaqawi uñst'ayäwi

ປະຖົມມະການ 49:27

ສ່ວນ​ເບັນຢາມິນ ນັ້ນ ຄື​ໝາໄນ​ໂຕ​ຫ້ຽມໂຫດ ຕອນເຊົ້າ​ລ່າເນື້ອ​ໄດ້​ແລະ​ແບ່ງກັນ​ໃນ​ຕອນແລງ.”

2 ຊາມູເອນ 22:38

ຂ້ານ້ອຍ​ໄລ່​ຕາມ ແລະ​ເອົາ​ຊະນະ​ສັດຕູ ບໍ່​ຍອມ​ຢຸດ ຈົນ​ພວກເຂົາ​ຖືກ​ທຳລາຍ​ສິ້ນ.

1 ກະສັດ 19:2

ດັ່ງນັ້ນ ນາງ​ເຢເຊເບນ​ຈຶ່ງ​ໃຊ້​ຄົນ​ອອກ​ໄປ​ບອກ​ເອລີຢາ​ວ່າ, “ມື້ອື່ນ​ເວລາ​ດຽວກັນ​ນີ້ ຖ້າ​ຂ້ອຍ​ບໍ່ໄດ້​ຂ້າ​ເຈົ້າ ດັ່ງ​ທີ່​ເຈົ້າ​ໄດ້​ຂ້າ​ບັນດາ​ຜູ້ທຳນວາຍ​ພະບາອານ​ນັ້ນ ກໍ​ຂໍ​ພະ​ທັງຫລາຍ​ເຮັດ​ໃຫ້​ຂ້ອຍ​ຕາຍ​ສາ​ເຖີດ.”

1 ກະສັດ 20:10

ຈາກ​ນັ້ນ ກະສັດ​ເບັນຮາດາດ​ຈຶ່ງ​ໄດ້​ສົ່ງຂ່າວ​ມາ​ເຖິງ​ກະສັດ​ອາຮາບ​ວ່າ, “ເຮົາ​ຈະ​ນຳ​ທະຫານ​ມາ​ໃຫ້​ຫລາຍ​ພໍ ເພື່ອ​ຈັບ​ເອົາ​ກ້ອນຫີນ​ຄົນລະ​ກ້ອນ ແລະ​ທຳລາຍ​ເມືອງ​ຂອງທ່ານ. ຖ້າ​ເຮົາ​ບໍ່​ເຮັດ​ຕາມ​ທີ່​ໄດ້​ເວົ້າ​ນັ້ນ ກໍ​ຂໍ​ພະ​ທັງຫລາຍ​ລົງໂທດ​ເຮົາ​ໃຫ້​ເຖິງ​ຕາຍ.”

ອົບພະຍົບ 14:5

ເມື່ອ​ກະສັດ​ຟາໂຣ​ແຫ່ງ​ເອຢິບ​ຮູ້​ວ່າ ປະຊາຊົນ​ອິດສະຣາເອນ​ໄດ້​ໜີໄປ​ແລ້ວ, ກະສັດ​ຟາໂຣ ແລະ​ບັນດາ​ຂ້າຣາຊການ​ກໍ​ປ່ຽນໃຈ​ແລະ​ສອບ​ຖາມ​ວ່າ, “ເປັນຫຍັງ​ພວກເຮົາ​ຈຶ່ງ​ເຮັດ​ຢ່າງ​ນີ້? ພວກເຮົາ​ໄດ້​ປ່ອຍ​ໃຫ້​ຊາວ​ອິດສະຣາເອນ​ໜີໄປ ແລະ​ພວກເຮົາ​ກໍ​ເສຍ​ທາດຮັບໃຊ້​ໄປ​ໝົດ.”

ສຸພາສິດ 16:19

ຖ່ອມໃຈ​ຢູ່​ກັບ​ຄົນ​ທຸກໄຮ້ ກໍ​ດີກວ່າ​ເປັນ​ຫຸ້ນສ່ວນ​ໃນ​ສິ່ງຂອງ​ຂອງ​ຄົນ​ອວດດີ​ປຸ້ນ​ມາ.

ເອຊາຢາ 36:20

ພະ​ທັງຫລາຍ​ຂອງ​ປະເທດ​ເຫຼົ່ານີ້​ຊ່ວຍ​ປະເທດ​ຂອງ​ພວກເຂົາ ຈາກ​ຈັກກະພັດ​ໄດ້​ເມື່ອໃດ? ແລ້ວ​ພວກເຈົ້າ​ຄິດ​ຢ່າງໃດ​ຈຶ່ງ​ວ່າ ພຣະເຈົ້າຢາເວ​ຊ່ວຍ​ນະຄອນ​ເຢຣູຊາເລັມ​ໄດ້.”

ເອຊາຢາ 53:12

ສະນັ້ນ ເຮົາ​ຈຶ່ງ​ຈະ​ໃຫ້​ທ່ານ​ໄດ້​ນັ່ງ​ບ່ອນ​ມີ​ກຽດສັກສີ ຄື​ບ່ອນ​ໜຶ່ງ​ທ່າມກາງ​ຜູ້​ຍິ່ງໃຫຍ່​ທີ່​ມີ​ອຳນາດ. ທ່ານ​ຍິນດີ​ມອບ​ຊີວິດ​ຕົນເອງ​ໃຫ້​ຢ່າງ​ເຕັມໃຈ ແລະ​ເຂົ້າສ່ວນ​ໃນ​ຊາຕາກຳ​ຂອງ​ຄົນຊົ່ວຮ້າຍ. ທ່ານ​ໄດ້​ເຂົ້າ​ແທນ​ບ່ອນ​ຄົນບາບ​ທັງຫລາຍ ແລະ​ພາວັນນາ​ອະທິຖານ​ເພື່ອ​ພວກເຂົາ​ໃຫ້​ໄດ້​ຮັບ​ການ​ຍົກໂທດ.”

ເຢເຣມີຢາ 46:17

ຈົ່ງ​ໃສ່​ຊື່​ໃໝ່​ໃຫ້​ກະສັດ​ແຫ່ງ​ເອຢິບ​ສາ​ວ່າ, ‘ຄົນ​ເວົ້າ​ຂີ້ສະຫາວ ໃຊ້​ການ​ຫຍັງ​ບໍ່ໄດ້.’

ຮາບາກຸກ 3:14

ລູກທະນູ​ພຣະອົງ​ທະລຸ​ຜູ້​ບັນຊາການ​ທັບ​ຂອງ​ພວກເຂົາ ເມື່ອ​ມັນ​ຖືກ​ຍິງ​ມາ​ເໝືອນ​ລົມພະຍຸ​ກ້າ ແລະ​ເຮັດ​ໃຫ້​ແຕກ​ກະຈັດ​ກະຈາຍ​ໄປ ດັ່ງ​ນັກ​ກົດຂີ່​ກືນກິນ​ຄົນ​ຍາກຈົນ​ຢ່າງ​ປິດລັບ.

ລູກາ 11:22

ແຕ່​ເມື່ອ​ມີ​ຄົນ​ແຂງແຮງ​ກວ່າ​ມາ​ໂຈມຕີ ແລະ​ຊະນະ​ລາວ​ໄປ ຄົນ​ນັ້ນ​ກໍ​ຈະ​ຍາດ​ເອົາ​ອາວຸດ​ທັງໝົດ ທີ່​ເຈົ້າ​ຂອງ​ເຮືອນ​ເພິ່ງພາ​ນັ້ນ​ໜີໄປ ແລະ​ແບ່ງປັນ​ສິ່ງ​ຂອງ​ທັງໝົດ​ທີ່​ເຂົາ​ຍາດ​ເອົາ​ໄປ​ນັ້ນ.

ພວກ^ຜູ້ປົກຄອງ 5:30

ວ່າ, ‘ພວກເຂົາ​ພວມ​ຮິບໂຮມ​ເອົາ​ເຄື່ອງ​ມາ​ແບ່ງປັນ​ກັນ ມີ​ຜູ້​ສາວ​ໜຶ່ງ​ຫລື​ສອງ​ຄົນ​ຕໍ່​ທະຫານ​ຜູ້ໜຶ່ງ ມີ​ເສື້ອຜ້າ​ລາຄາ​ແພງໆ​ອີກ​ເພື່ອ​ໃຫ້​ສີເສຣາ ທັງ​ຜ້າ​ຫຍິບແສ່ວ​ງາມໆ​ຄ້ອງຄໍ​ຣາຊີນີ​ດ້ວຍ.”’

1 ຊາມູເອນ 30:8

ດາວິດ​ຖາມ​ພຣະເຈົ້າຢາເວ​ວ່າ, “ຂ້ານ້ອຍ​ຄວນ​ຈະ​ໄລ່​ຕິດຕາມ​ພວກ​ນັກປຸ້ນ​ຫລື​ບໍ່? ຂ້ານ້ອຍ​ຈະ​ຕາມ​ທັນ​ພວກເຂົາ​ຫລື​ບໍ່?” ພຣະອົງ​ຕອບ​ວ່າ, “ຈົ່ງ​ໄລ່​ຕິດຕາມ​ພວກເຂົາ​ໄປ ແລະ​ເຈົ້າ​ຈະ​ຕາມ​ທັນ ພ້ອມ​ທັງ​ຈະ​ຊ່ວຍ​ກອບກູ້​ເອົາ​ທຸກສິ່ງ​ນັ້ນ​ກັບຄືນ​ມາ.”