ອົບພະຍົບ 15:19 - ພຣະຄຳພີສັກສິ

¹⁹ ເມື່ອ​ທະຫານ​ມ້າ​ກັບ​ລົດຮົບ​ພ້ອມ​ຄົນ​ຂັບ​ຊາວ​ເອຢິບ ໄດ້​ແລ່ນ​ລົງ​ໄປ​ໃນ​ທະເລ​ນັ້ນ ພຣະເຈົ້າຢາເວ​ໄດ້​ບັນດານ​ໃຫ້​ນໍ້າ​ໄຫລ​ຄືນ​ເຂົ້າ​ກັນ ແລະ​ຖ້ວມ​ພວກເຂົາ, ແຕ່​ສຳລັບ​ຊາວ​ອິດສະຣາເອນ ພວກເຂົາ​ໄດ້​ຍ່າງ​ຂ້າມ​ເທິງ​ໜ້າ​ດິນ​ແຫ້ງ​ໃນ​ພື້ນ​ທະເລ​ໄປ​ຢ່າງ​ປອດໄພ.

ອົບພະຍົບ 15:19 Jak'a apnaqawi uñst'ayäwi

ສຸພາສິດ 21:31

ແມ່ນ​ວ່າ​ມີ​ຝູງມ້າ​ຕຽມ​ເຮັດ​ເສິກ​ກໍດີ, ແຕ່​ແມ່ນ​ພຣະເຈົ້າຢາເວ​ທີ່​ເປັນ​ຜູ້​ໃຫ້​ໄຊຊະນະ.

ເອຊາຢາ 43:17

ພຣະອົງ​ນຳ​ກອງທັບ​ມີ​ອຳນາດ​ໃຫ້​ຈິບຫາຍ​ໄປ ຄື​ກອງທັບ​ທີ່​ມີ​ຝູງມ້າ​ຫລາຍ ແລະ​ມີ​ລົດຮົບ​ດ້ວຍ. ພວກເຂົາ​ຈົມລົງ​ໃນ​ນໍ້າ​ແລະ​ບືນ​ຕົວ​ຂຶ້ນ​ບໍ່ໄດ້​ເລີຍ ຈົມ​ລົງ​ເລີຍໆ​ດັ່ງ​ແສງ​ໂຄມໄຟ​ຄ່ອຍໆມອດ.

ເຮັບເຣີ 11:29

ເພາະ​ຊາວ​ອິດສະຣາເອນ​ມີ​ຄວາມເຊື່ອ​ແບບ​ນີ້ ພວກເພິ່ນ​ຈຶ່ງ​ຍ່າງ​ຂ້າມ​ທະເລແດງ​ເໝືອນ​ກັບ​ວ່າ ຍ່າງ​ເທິງ​ດິນ​ແຫ້ງ, ແຕ່​ເມື່ອ​ຊາວ​ເອຢິບ​ລອງ​ຂ້າມ​ເບິ່ງ ນໍ້າ​ກໍ​ຖ້ວມ​ພວກເຂົາ ແລະ​ຈົມ​ນໍ້າ​ຕາຍ​ໝົດ.

ໂຢຊວຍ 4:23

ໃຫ້​ບອກ​ພວກເຂົາ​ວ່າ ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ ໄດ້​ເຮັດ​ໃຫ້​ແມ່ນໍ້າ​ຈໍແດນ​ແຫ້ງ​ສຳລັບ​ພວກເຈົ້າ ຈົນກວ່າ​ພວກເຈົ້າ​ທຸກໆ​ຄົນ​ຂ້າມ​ໄປ​ໄດ້​ໝົດ ເໝືອນດັ່ງ​ທີ່​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ ໄດ້​ເຮັດ​ໃຫ້​ນໍ້າ​ທະເລແດງ​ແຫ້ງ​ລົງ​ສຳລັບ​ພວກເຮົາ.