ອົບພະຍົບ 15:10 - ພຣະຄຳພີສັກສິ

¹⁰ ເມື່ອ​ພຣະອົງ​ຫາຍໃຈ ພຽງ​ຄັ້ງ​ດຽວ​ເທົ່ານັ້ນ ຊາວ​ເອຢິບ​ກໍ​ຈົມ​ລົງ​ສູ່​ທ້ອງ​ທະເລ​ທັງ​ດີ້ນ. ພວກເຂົາ​ຈົມ​ລົງ​ດິ່ງໆ​ເໝືອນ​ດັ່ງ​ກ້ອນ​ຂີ້ກົ່ວ ຕົນຕົວ​ຈົມ​ລົງ​ສູ່​ພື້ນ​ທະເລ​ກວ້າງ​ຄຶກຄະນອງ.

ອົບພະຍົບ 15:10 Jak'a apnaqawi uñst'ayäwi

ປະຖົມມະການ 8:1

ພຣະເຈົ້າ​ບໍ່ໄດ້​ລືມ​ໂນອາ​ພ້ອມ​ທັງ​ສັດ​ຊະນິດ​ຕ່າງໆ​ທີ່​ຢູ່​ໃນ​ເຮືອ; ພຣະອົງ​ໄດ້​ເຮັດ​ໃຫ້​ມີ​ລົມ​ພັດ​ມາ ແລະ​ນໍ້າ​ກໍ​ບົກ​ລົງ.

2 ຊາມູເອນ 18:8

ການ​ສູ້ຮົບ​ໄດ້​ລຸກລາມ​ໄປ​ທົ່ວ​ທັງ​ປະເທດ ແລະ​ມີ​ທະຫານ​ຖືກ​ຂ້າ​ໃນ​ກາງ​ປ່າ ຫລາຍກວ່າ​ຖືກ​ຂ້າ​ຢູ່​ໃນ​ສະໜາມຮົບ.

ເນເຫມີຢາ 9:11

ເພື່ອ​ຜ່ານ​ທະເລ ພຣະອົງ​ໄດ້​ໃຫ້​ທາງ​ແກ່​ພວກເພິ່ນ ແລະ​ນຳພາ​ຍ່າງ​ຜ່ານ​ເທິງ​ພື້ນດິນ​ແຫ້ງ. ພວກ​ທີ່​ໄລ່ຕາມ​ມາ​ນັ້ນ​ກໍ​ພາກັນ​ຈົມລົງ​ໄປ ດັ່ງ​ກ້ອນຫີນ​ຈົມລົງ​ໃນ​ທະເລ​ປ່ວງບ້າ.

ເພງ^ສັນລະເສີນ 135:7

ພຣະອົງ​ນຳ​ເອົາ​ເມກໝອກ​ອັນ​ມືດຄື້ມ​ມາ ຈາກ​ຂອບຟ້າ​ສົ້ນສຸດ​ແຫ່ງ​ແຜ່ນດິນ​ໂລກ ເຮັດ​ໃຫ້​ຟ້າ​ແມບເຫລື້ອມ​ໃນ​ທ່າມກາງ​ພະຍຸຝົນ ແລະ​ປ່ອຍ​ໃຫ້​ລົມ​ພັດ​ມາ​ຈາກ​ບ່ອນ​ຢູ່​ຂອງມັນ​ນັ້ນ.

ເພງ^ສັນລະເສີນ 147:18

ເມື່ອ​ພຣະອົງ​ສັ່ງ​ນໍ້າກ້ອນ​ກໍ​ເປື່ອຍ​ລະລາຍ​ໄປ ເມື່ອ​ພຣະອົງ​ສົ່ງ​ລົມ​ມາ ນໍ້າ​ກໍ​ໄຫລ​ຖ້ວມ.

ອົບພະຍົບ 14:21

ໂມເຊ​ໄດ້​ເດ່​ມື​ຂອງຕົນ​ອອກ​ໄປ​ສູ່​ທະເລ ແລະ​ພຣະເຈົ້າຢາເວ​ໄດ້​ບັນດານ ໃຫ້​ລົມຮ້ອນ​ທາງ​ທິດ​ຕາເວັນອອກ​ພັດ​ທະເລ​ຕະຫລອດ​ຄືນ. ລົມ​ໄດ້​ພັດ​ທະເລ​ຢູ່​ຢ່າງ​ລຽນຕິດ​ຈົນ​ເຫັນ​ພື້ນດິນ​ແຫ້ງ. ນໍ້າ​ໄດ້​ແຍກ​ອອກ​ຈາກ​ກັນ​ເປັນ​ທາງຍ່າງ

ອົບພະຍົບ 15:5

ທ້ອງ​ທະເລ​ອັນ​ເລິກ​ຈຶ່ງ​ຫຸ້ມຫໍ່​ເອົາ​ພວກເຂົາ; ພວກເຂົາ​ຈົມ​ສູ່​ພື້ນ​ທະເລ​ດັ່ງ​ກ້ອນຫີນ​ຈົມ​ລົງ​ດິ່ງໆ.

ສຸພາສິດ 30:4

ຜູ້ໃດ​ທີ່​ມີ​ຄວາມ​ຮອບຮູ້ ກ່ຽວກັບ​ສະຫວັນ​ແດ່​ເດ? ຜູ້ໃດ​ແດ່​ທີ່​ເຄີຍ​ໃຊ້​ມື​ຂອງຕົນ​ຈັບ​ລົມ? ຫລື​ເອົາ​ຜ້າ​ມາ​ຫໍ່​ນໍ້າ​ເໝືອນ​ດັ່ງ​ຫໍ່​ສິ່ງຂອງ​ໄດ້? ຫລື​ໝາຍ​ເຂດແດນ​ທີ່​ເທິງ​ແຜ່ນດິນ​ໂລກ​ເຮົາ? ເພິ່ນ​ຄື​ໃຜ? ເຈົ້າ​ຮູ້​ບໍ່​ໃຜ​ເປັນ​ລູກ​ຂອງ​ເພິ່ນ?

ເອຊາຢາ 11:15

ພຣະເຈົ້າຢາເວ​ຈະ​ເຮັດ​ໃຫ້​ນໍ້າ​ໃນ​ອ່າວ​ຊູແອດ​ແຫ້ງ ແລະ​ພຣະອົງ​ຈະ​ບັນດານ​ໃຫ້​ລົມ​ຮ້ອນ​ມາ​ພັດ​ແມ່ນໍ້າ​ເອີຟຣັດ​ໃຫ້​ແຫ້ງ ໂດຍ​ປະ​ເຈັດ​ຫ້ວຍນ້ອຍ​ເທົ່ານັ້ນ​ໃຫ້​ມີ​ນໍ້າ ເພື່ອ​ວ່າ​ຜູ້ໃດໆ​ກໍ​ຈະ​ສາມາດ​ຂ້າມ​ໄປ​ໄດ້.

ເຢເຣມີຢາ 10:13

ໂດຍ​ພຣະ​ຄຳສັ່ງ ນໍ້າ​ທີ່​ເທິງ​ຟ້າ​ສະຫວັນ ດັງ​ຄຶກຄະນອງ ນຳ​ກ້ອນເມກ​ມາ​ຈາກ​ສົ້ນສຸດ​ຂອງ​ແຜ່ນດິນ​ໂລກ. ພຣະອົງ​ໃຫ້​ຟ້າ​ແມບເຫລື້ອມ​ໃນ​ທ່າມກາງ​ສາຍຝົນ ແລະ​ສົ່ງ​ລົມ​ໃຫ້​ພັດ​ມາ​ຈາກ​ຄັງ​ຂອງ​ພຣະອົງ​ນັ້ນ.

ເຢເຣມີຢາ 46:17

ຈົ່ງ​ໃສ່​ຊື່​ໃໝ່​ໃຫ້​ກະສັດ​ແຫ່ງ​ເອຢິບ​ສາ​ວ່າ, ‘ຄົນ​ເວົ້າ​ຂີ້ສະຫາວ ໃຊ້​ການ​ຫຍັງ​ບໍ່ໄດ້.’

ອາໂມດ 4:13

ພຣະອົງ​ໄດ້​ສ້າງ​ໜ່ວຍ​ພູ​ທັງຫລາຍ ແລະ​ໄດ້​ບັນດານ​ໃຫ້​ລົມ​ພັດ​ມາ​ດ້ວຍ. ພຣະອົງ​ໄດ້​ໃຫ້​ມະນຸດ​ຮູ້​ຄວາມຄິດ​ຂອງ​ພຣະອົງ ພຣະອົງ​ປ່ຽນແປງ​ກາງເວັນ​ໃຫ້​ເປັນ​ກາງຄືນ​ໄດ້. ພຣະອົງ​ດຳເນີນການ​ຢູ່​ເໜືອ​ແຜ່ນດິນ​ໂລກ​ເຮົາ ພຣະນາມ​ຂອງ​ພຣະອົງ​ຄື ພຣະເຈົ້າຢາເວ ພຣະເຈົ້າ​ອົງ​ຊົງ​ຣິດອຳນາດ​ຍິ່ງໃຫຍ່.

ມັດທາຍ 8:27

ຄົນ​ເຫຼົ່ານັ້ນ​ຕ່າງ​ກໍ​ງຶດ​ປະຫລາດ​ໃຈ ແລະ​ເວົ້າ​ວ່າ, “ທ່ານ​ຜູ້​ນີ້​ເປັນ​ຜູ້ໃດ? ແມ່ນແຕ່​ລົມ​ແລະ​ຟອງ​ນໍ້າ​ທະເລ​ກໍ​ຍອມ​ຟັງ​ຄວາມ​ເພິ່ນ!”

ພຣະບັນຍັດສອງ 11:4

ພວກເຈົ້າ​ໄດ້​ເຫັນ​ພຣະອົງ​ກວາດລ້າງ​ກອງທັບ​ປະເທດ​ເອຢິບ​ໃຫ້​ດັບສູນ​ໄປ ພ້ອມ​ທັງ​ມ້າ​ແລະ​ລົດຮົບ​ຂອງ​ພວກເຂົາ ໂດຍ​ໂຍນ​ພວກເຂົາ​ຖິ້ມ​ລົງ​ໃນ​ທະເລແດງ ໃນ​ຂະນະທີ່​ພວກເຂົາ​ກຳລັງ​ຕິດຕາມ​ມາ​ນັ້ນ ແລະ​ພຣະເຈົ້າຢາເວ​ໄດ້​ທຳລາຍ​ພວກເຂົາ​ຈົນເຖິງ​ທຸກ​ວັນນີ້.