ອົບພະຍົບ 14:16 - ພຣະຄຳພີສັກສິ

¹⁶ ຝ່າຍ​ເຈົ້າ ເຈົ້າ​ຈົ່ງ​ຍົກ​ໄມ້ຄ້ອນເທົ້າ​ຂອງ​ເຈົ້າ​ຂຶ້ນ ແລະ​ຊີ້​ໄປ​ເທິງ​ໜ້າ​ນໍ້າ​ທະເລ ແລະ​ມັນ​ຈະ​ແຍກ​ນໍ້າ​ອອກ​ໃຫ້​ເປັນ​ທາງຍ່າງ ເພື່ອ​ຊາວ​ອິດສະຣາເອນ​ຈະ​ສາມາດ​ຍ່າງ​ເທິງ​ພື້ນດິນ​ແຫ້ງ ແລະ​ຜ່ານ​ໄປ​ໄດ້.

ອົບພະຍົບ 14:16 Jak'a apnaqawi uñst'ayäwi

2 ກະສັດ 4:29

ເພິ່ນ​ກ່າວ​ຕໍ່​ເກຮາຊິ​ວ່າ, “ໄວໆ! ຈົ່ງ​ຖື​ເອົາ​ໄມ້ເທົ້າ​ຂອງຂ້ອຍ ແລະ​ອອກ​ເດີນທາງ​ໄປ. ຖ້າ​ເຈົ້າ​ພົບ​ໃຜ​ກໍ​ຢ່າ​ຢຸດ​ຖາມ​ສະບາຍ ແລະ​ຖ້າ​ໃຜ​ຖາມ​ສະບາຍ​ເຈົ້າ​ກໍ​ຢ່າ​ເສຍ​ເວລາ​ຕອບ. ຈົ່ງ​ກົງ​ໄປ​ທີ່​ເຮືອນ​ແລະ​ວາງ​ໄມ້ເທົ້າ​ຂອງຂ້ອຍ​ໃສ່​ເທິງ​ເດັກ​ນັ້ນ.”

ອົບພະຍົບ 14:15

ພຣະເຈົ້າຢາເວ​ໄດ້​ກ່າວ​ຕໍ່​ໂມເຊ​ວ່າ, “ເປັນຫຍັງ​ຈຶ່ງ​ຮ້ອງ​ຫາ​ເຮົາ​ໃຫ້​ຊ່ວຍເຫລືອ? ບອກ​ປະຊາຊົນ​ມຸ້ງໜ້າ​ຕໍ່ໄປ.

ອົບພະຍົບ 14:26

ແລ້ວ​ພຣະເຈົ້າຢາເວ​ກໍໄດ້​ສັ່ງ​ໂມເຊ​ວ່າ, “ເດ່​ມື​ຂອງ​ເຈົ້າ​ອອກ​ສູ່​ທະເລ ແລະ​ນໍ້າ​ຈະ​ໄຫລ​ມາ​ຖ້ວມ​ຊາວ​ເອຢິບ ພ້ອມ​ທັງ​ລົດຮົບ​ແລະ​ຄົນຂັບ​ຂອງ​ພວກເຂົາ.”

ອົບພະຍົບ 17:5

ພຣະເຈົ້າຢາເວ​ໄດ້​ກ່າວ​ຕໍ່​ໂມເຊ​ວ່າ, “ຈົ່ງ​ເອົາ​ຫົວໜ້າ​ຂອງ​ຊາວ​ອິດສະຣາເອນ​ບາງຄົນ​ໄປ​ກັບ​ເຈົ້າ ແລະ​ລ່ວງໜ້າ​ປະຊາຊົນ​ໄປ​ກ່ອນ. ຈົ່ງ​ຖື​ໄມ້ຄ້ອນເທົ້າ​ທີ່​ເຈົ້າ​ໄດ້​ໃຊ້​ຕີ​ນໍ້າ​ນິນ​ນັ້ນ​ໄປ​ນຳ.

ອົບພະຍົບ 17:6

ເຮົາ​ຈະ​ຢືນ​ຢູ່​ຂ້າງ​ໜ້າ​ເຈົ້າ​ເທິງ​ຫີນດານ​ທີ່​ພູເຂົາ​ໂຮເຣັບ. ຈົ່ງ​ໃຊ້​ໄມ້​ເທົ້າ​ຂອງ​ເຈົ້າ​ຕີ​ໂງ່ນຫີນ ແລະ​ນໍ້າ​ກໍ​ຈະ​ໄຫລ​ອອກ​ມາ​ໃຫ້​ປະຊາຊົນ​ດື່ມ.” ໂມເຊ​ຈຶ່ງ​ປະຕິບັດ​ຕາມ​ທີ່​ໄດ້​ບອກ​ນັ້ນ ຢູ່​ທ່າມກາງ​ບັນດາ​ຜູ້ນຳ​ຂອງ​ປະຊາຊົນ​ອິດສະຣາເອນ.

ອົບພະຍົບ 4:17

ຈົ່ງ​ຖື​ໄມ້ຄ້ອນເທົ້າ​ນີ້​ໄປ​ພ້ອມ ເພື່ອ​ເຈົ້າ​ຈະ​ໃຊ້​ເຮັດ​ໝາຍສຳຄັນ​ການ​ອັດສະຈັນ​ຕ່າງໆ.”

ອົບພະຍົບ 4:2

ດັ່ງນັ້ນ ພຣະເຈົ້າຢາເວ​ຈຶ່ງ​ຖາມ​ໂມເຊ​ວ່າ, “ແມ່ນ​ຫຍັງ​ທີ່​ເຈົ້າ​ກຳລັງ​ຖື​ຢູ່​ນັ້ນ?” ໂມເຊ​ຕອບ​ວ່າ, “ແມ່ນ​ໄມ້ຄ້ອນເທົ້າ.”

ອົບພະຍົບ 4:20

ສະນັ້ນ ໂມເຊ​ຈຶ່ງ​ຈັດແຈ່ງ​ໃຫ້​ລູກ​ເມຍ​ຂຶ້ນ​ຂີ່​ລໍ ແລະ​ກັບຄືນ​ສູ່​ປະເທດ​ເອຢິບ. ສ່ວນ​ເພິ່ນ​ເອງ​ໄດ້​ຖື​ໄມ້ຄ້ອນເທົ້າ​ຂອງ​ພຣະເຈົ້າ​ໄປ​ນຳ.

ອົບພະຍົບ 7:19

ພຣະເຈົ້າຢາເວ​ໄດ້​ສັ່ງ​ໂມເຊ​ໄວ້​ວ່າ, “ຈົ່ງ​ບອກ​ອາໂຣນ​ໃຫ້​ເດ່​ໄມ້ຄ້ອນເທົ້າ​ໃສ່​ແມ່ນໍ້າ​ລຳຄອງ ຕະຫລອດ​ທັງ​ໜອງ​ບຶງ ແລະ​ອ່າງ​ນໍ້າ​ໃນ​ປະເທດ​ເອຢິບ. ແລ້ວ​ນໍ້າ​ໃນ​ບ່ອນ​ທັງໝົດ​ນັ້ນ​ຈະ​ກາຍເປັນ​ເລືອດ ແລະ​ທົ່ວ​ປະເທດ​ກໍ​ຈະ​ມີ​ແຕ່​ເລືອດ ແມ່ນແຕ່​ໃນ​ແອ່ງ​ທີ່​ເຮັດ​ດ້ວຍ​ໄມ້ ແລະ​ໃນ​ໄຫ​ທີ່​ເຮັດ​ດ້ວຍ​ຫີນ.”

ອົບພະຍົບ 7:9

“ຖ້າ​ກະສັດ​ຟາໂຣ​ບອກ​ພວກເຈົ້າ​ໃຫ້​ເຮັດ​ການ​ອັດສະຈັນ ຈົ່ງ​ບອກ​ອາໂຣນ​ຈັບ​ເອົາ​ໄມ້ຄ້ອນເທົ້າ​ຂອງຕົນ​ຖິ້ມ​ລົງ​ຕໍ່ໜ້າ​ກະສັດ​ຟາໂຣ ແລ້ວ​ໄມ້ຄ້ອນເທົ້າ​ນັ້ນ​ກໍ​ຈະ​ກາຍເປັນ​ງູ.”

ເອຊາຢາ 10:26

ພຣະເຈົ້າຢາເວ​ອົງ​ຊົງຣິດ​ອຳນາດ​ຍິ່ງໃຫຍ່ ຈະ​ໃຊ້​ໄມ້ແສ້​ຕີ​ພວກເຂົາ​ເໝືອນກັນ​ກັບ​ທີ່​ໄດ້​ຕີ​ຊາວ​ມີດີອານ​ທີ່​ໂງ່ນຫີນ​ໂອເຣັບ. ຈະ​ລົງໂທດ​ອັດຊີເຣຍ​ເໝືອນກັນ​ກັບ​ທີ່​ໄດ້​ລົງໂທດ​ເອຢິບ.

ຮາບາກຸກ 3:8

ຂ້າແດ່​ພຣະເຈົ້າຢາເວ ຄົງ​ແມ່ນ​ແມ່ນໍ້າ​ຕ່າງໆ​ນັ້ນ​ບໍ ທີ່​ໄດ້​ເຮັດ​ໃຫ້​ພຣະອົງ​ຕ້ອງ​ລົງໂທດ​ໂກດຮ້າຍ? ແມ່ນ​ນໍ້າ​ທະເລ​ທີ່​ໄດ້​ເຮັດ​ໃຫ້​ພຣະອົງ​ກີ້ວໂກດ​ບໍ? ພຣະອົງ​ຜ່ານ​ໄປມາ​ເທິງ​ກ້ອນເມກ​ທັງຫລາຍ​ນັ້ນ ກ້ອນເມກ​ໃນ​ພະຍຸຮ້າຍ​ຄື​ລົດມ້າ​ຂອງ​ພຣະອົງ ຂະນະທີ່​ນຳ​ໄຊຊະນະ​ມາ​ສູ່​ປະຊາຊົນ​ຂອງ​ພຣະເຈົ້າ.

ຈົດບັນຊີ 20:11

ແລ້ວ​ໂມເຊ​ກໍ​ຍົກ​ໄມ້ຄ້ອນເທົ້າ​ຂຶ້ນ​ຕີ​ໂງ່ນຫີນ​ສອງ​ເທື່ອ ແລະ​ນໍ້າ​ກໍ​ໄຫລ​ທະລຸ​ອອກ​ມາ​ຢ່າງ​ຫລວງຫລາຍ ແລ້ວ​ທັງ​ຄົນ​ແລະ​ຝູງສັດ​ທັງປວງ​ກໍ​ພາກັນ​ດື່ມ.

ໂຢຊວຍ 8:18

ແລ້ວ​ພຣະເຈົ້າຢາເວ​ກໍໄດ້​ກ່າວ​ແກ່​ໂຢຊວຍ​ວ່າ, “ຈົ່ງ​ເອົາ​ຫອກ​ຂອງ​ເຈົ້າ​ຊີ້​ໄປ​ທາງ​ເມືອງ​ອາອີ ເຮົາ​ກຳລັງ​ມອບ​ເມືອງ​ອາອີ​ໃຫ້​ເຈົ້າ.” ໂຢຊວຍ​ກໍ​ປະຕິບັດ​ຕາມ​ທີ່​ພຣະອົງ​ໄດ້​ບອກ